ፀሐይ ዘልዳ ጊዮርጊስ

እምነ ሠናይት ኩሉ እለ ውስተ ባሕር ወየብስ/2/
ሶበ ነጸርኩ በኃሢሥ ዘከማከ አልቦ ጊዮርጊስ/2/

አዝ

የመከራን ገፈት ቀምሳ ለሰጠችህ
ልጅ ሆነሀልና ለማርያም እናትህ
ስምዐ ክርስቶስ አርዓያ ሰማዕታት
ሆነህ የተሰየምህ የሰማዕታት አባት

አዝ

የገድልህን ነገር ጆሮአችን ሲሰማ
ልባችን ይቀልጣል በጽናትህ ዜና
የጌታህን ትእግስት ቀራንዮን እያሰብክ
በወጣትነትህ ተጋድሎህን ፈጸምክ

አዝ

በጭንቅ መከራ ጽናትህ ሲፈተን
ከአምላክ ተምረህ ቁጣ ሳትናገር
ሁሉን ስለጌታ ችለህ ታግሰሀል
የብርሃን አክሊልን በሰማይ ደፍተሃል

አዝ

ሥዕለ ገጽህን ዘወትር እያየን
ነገረ ገድልህን ሁልጊዜ እያደነቅን
ፍቅርህ በልባችን ስለተሣለብን
ይኸው እንዘምራለን ጊዮርጊስ እያልን

💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️