አንተን ማገልገል

አንተን ማገልገል/2/ መባረክ ነው/2/
ምርጫ ነው ዕጣ ነው
ክብር ነው እድል ነው
አንተን ማገልገል መባረክ ነው

አዝ

ገና በማለዳ ብላቴና ሳለሁ
የሰማሁት ዜማ ዛሬም በልቤ ነው
የጽናጽሉ ድምጽ የሸተተኝ ዕጣን
ካንተ ጋር አስሮኛል በዝማሬ ኪዳን

አዝ

አፈር ትቢያ ስሆን ከሁሉ ያነስኩኝ
እንዳገለግልህ በአንተ ተመረጥኩኝ
የአንተ ስምና ክብር በአፌ ላይ አለፈ
በባሪያህ ተጠቅመህ ስንት ሰው አረፈ

አዝ

ዓለም ሳትወስድብኝ ያንተን ውድ ጸጋ
ለክብርህ እንደዘመርኩ እየመሸ ነጋ
የዜማ ጠጠሬ ያለህ በወንጭፌ
ሺ ጠላት ቢከበኝ ምስጋና ነው ሰልፌ

አዝ

ተከፍቼ አላውቅም እኔ በአንዳች ነገር
ስምህን አንግቤ ስሄድ አገር ለአገር
ስላደረክልኝ ባዕዳኑን ዘመድ
ሞገስ ክብር ሆንከኝ ባለፍኩበት መንገድ

አዝ

ዘመኔ የደስታ የሐሴት ሆነልኝ
ስትረዳኝ ስላየሁ አቤኔዘር አልኩኝ
ስለ እጅህ ስጦታ አሜን ብዬሃለሁ
የስምህ አወዳሽ የልጅ ልጅ አያለሁ

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️