" ሜሲ የምንጊዜም ምርጡ ተጨዋች ነው " ሮድሪ

ስፔናዊው የማንችስተር ሲቲ የመሐል ሜዳ ተጨዋች ሮድሪ አርጀንቲናዊውን ተጨዋች ሊዮኔል ሜሲ " የምንጊዜም ምርጡ ተጨዋች " ሲል ገልፆታል።

" ጥርጥር የለውም ሜሲ የምንጊዜም የአለማችን ምርጡ ተጨዋች ነው " ያለው ሮድሪ " አለማችን በእሱ ደረጃ ያለ ተጨዋች ተመልክታ አታውቅም።"ብሏል።

የባሎን ዶር አሸናፊው ሮድሪ ሜሲን በተቃራኒ መግጠም አስቸጋሪ መሆኑን በመግለፅ " ከእሱ እግሮች ኳስን መንጠቅ እጅግ ከባድ ነው።" በማለት ተናግሯል።

በሮናልዶ እና በሜሲ ያለውን ልዩነት ለመረዳት ከሁለቱም ጋር መጫወት በቂ ነው ያለው ሮድሪ " ሁለቱም ትልቅ ተጨዋቾች ናቸው ነገር ግን ሰፊ ልዩነት አላቸው።" ብሏል።

" ከሮናልዶ ጋር ስትጫወት ሳጥን ውስጥ ኳሶችን እንዳያገኝ ለማድረግ ትጥራለህ ከሜሲ ጋር ግን የትም ቢሆን ኳሱ በጭራሽ እሱ እግር ላይ እንዳይደርስ ለማድረግ ትሞክራለህ።" ሮድሪ

@Tikvahethsport    @kidusyoftahe