(አበበች ጎበና )
አበበች ጎበና፣ የእኔ ባለዝና
የእናቴ ምትክ ፣ የኑሮዬ ፋና

የሚስጥር አውድማ ፣ ገመና ከታቼ
አቅፈሽ ያሳደግሽኝ ፣ ብቸኛ አጫዋቼ

በእሳት ዙሪያ ሆነሽ፣ ተረት ያወራሽኝ
ከብራና ዓለም ፣ ፊደል ያስቆጠርሽኝ

መንፈሰ ብርቱ ፣ ትሁት አገልጋይ
በመከራ ግዜ ፣ እንጀራ አቀባይ

በሄድሽበት ሁሉ ፣ ለእኔ እንደለፋሽ
አንድ ቀን ሳያምርብሽ፣ ይኸው ተደፋሽ

አንቺ ነበርሽ፣ የእኔ መገለጫ
የኑሮዬ ቅመም ፣ የሕይወቴ ማጣፈጫ

ሆዴም ተከፋ፣ መረረ ሀዘኔ
አወየው ዘንድሮ ፣ ተበላሸ ቀኔ

እንባዬም ሳይቀር፣ ከፊቴ ፈሰሰ
የሚያብሰው አጥቶ፣ እራሱን ወቀሰ

እንግዲህ ፈጣሪ፣ ነፍስሽን ይማረው
ከጀግኖቹ ጋራ ፣ በገነት ያኑረው። 😭😭😭
✍️ ቤዚቾ

የጥበብ ልሳን!

@ArtGosa
@ArtGosa