የመጅሊስ ምክትል ፕሬዝዳንት ሆኖ በተመረጠበት፣ ሱናን የሚሞግቱ ሰዎች ሳይቀር ደስታቸውን በገለፁበት ምርጫ የተመረጠው ከላይ እንደሚትመለከቱት በሶለዋት ስም የሚደረጋውን ጭፈራ የሚመራ #አብዱልከሪም በድረዲን የሚባል ግለሰብ ነው። ትላንት በኢኽዋኖች እርስ በርስ ጥቆማ የተመረጠውን ኮሚቴ የተሰኛውን ምርጫ ያልተቀበሉ ሰለፊዮች ዛሬ ላይ #የአጥፊው የሱፊያ አመለካከት አራማጅ ፣ #የገሪባ ሀድራን የሚመራ፣ #ቢድዐ የሆነውን መውሊድን የሚያከብር፣ #ድቤ የሚደበድብ ሰው የተመረጠበት ምርጫ እንዴት ሆነው ነው እንደመልካም የሚቆጥሩት?! ይህ ኽያና(ማጭበርበር)፣ ከአቋም መውረድ ፣ የሰለፊያን መንገድ ማቅለጥ ካልሆነ የትኛው ጥፋት ነው በነዚህ የሚገለፀው?! ድሪብርብ የሆነ ጥፋቶች ተከስተው ይቅርና ሰለፎች አንድ እንኳ መሰረታዊ የሆነ ዲንን የሚሸረሽር ጥፋትን ከማዎቅ ጋር ባጠፋ ሰው ላይ ጥንካሬያቸው እንዴት እንደነበር ረሳነው እንዴ?!
ከዚያ ከሰፊው በተለያዩ ኪታብ ጥራዞች ተጽፎ ከሚገኛው የብድዐ ሰዎችን አስመልክቶ ከሰለፎች ከመነጨው ንግግር ከባህር በመርፌ እንደመጭለፍ ቢሆንም የሶስት የደጋግ ቀደምት ንግግሮችን ላስፍር: -
¢አብዱሏህ ብን መስዑድ(ረድየሏህ ዐንሁ) " የብድዐ ሰዎችን አትቀማመጥ! እነሱን መቀማመጥ ለቀልብ በሽታ ነው"
¢ፉዷይል ኢብኑ ዒያድ(ረህመሁሏህ) " ከየሁዳ እና ከነሷራ ጋር እበላለሁ፣ ከሙብተድዕ ጋር ግን አልበላም"
¢ኢማሙ አህመድ(ረህመሁሏህ) ለኻሊፋው ሙተዎክል እንዲህ አሉ "የሁዳን እና ነሷራን ሹም፣የብድዐ ሰዎችን አትሹም"
ማንቅያ:- የፉዳይሊን እና የኢማሙ አህመድን ንግግር የተመለከተ ሰው ምንድነው ይህን ያህል የብድዐ ሰዎች ከኩፍር የሚበልጥ ጥፋት አለባቸው እንዴ? ልል ይችላል። የዚህ ምላሽ :- ሰለፎች በብድዐ ሰዎች ላይ ይህን ያህል ከካፊሮች በላይ ያጠበቁት ስራቸው ከካፊሮች ጋር ተመሳሳይ ሆኖ ወይም ከካፊሮች ኩፍር ይበልጣል ማለታቸው አይደለም። እነሱ የፈለጉበት የካፊሮች ኩፍር ግልፅ ስለሆነ ሙስልሞችን መሸወድ አይችሉም ወይም የመሸወዳቸው መጣን ዝቅተኛ ነው። የብድዐ ሰዎች ብድዐቸውን በሙስልሞች መካከል ቁርኣን ሀዲስን እየጠቀሱ የሚያሰራጩ ስለሆነ ከካፊሮች ይልቅ በቀላሉ ሙስልሞች በብድዐቸው መበከል ይችላሉ።ስለዚህ ጥፋታቸውን ከማሰራጫት አንፃር ከካፊሮች የከፉ ስለሆነ ሰለፎች በነሱ ላይ አጠበቁባቸው። ይህ በእንዲህ እንዳለ ወደ ኩፍር የሚያደርስ ብድዐ መኖሩን መዘንጋት የለብንም።
የሰለፎች(የቀደምቶች) አቋም በብድዐ ሰዎች ላይ እንዲህ ከነበረ እኛም የሰለፎችን አቋም መከተላችን ለአማራጭ የሚቀርብ ጉዳይ ሳይሆን ግዴታችን ነው። ለዚያም ነው ዑለሞች እንዲህ የሚሉት:-"وكل خيل في اتباع من سلف وكل شر في ابتداع من خلف"
" መልካም ነገር ሁሉ (በዲን) ቀደምቶችን በመከተል ነው፣መጥፎ ነገር ሁሉ ደግሞ(በዲን) ዘግይቶ በመጡት ሰዎች ፈጠራ ነው"
ዑለሞች ይህንን ንግግር የበለጠ ግልፅ አርጎ የሚያስቀምጠው የሚሉት "الخير كل الخير في الاتباع والشر كل الشر في الإبتداع"
" መልካም ነገር ሁሉ (ሸሪዐ ያስቀመጠውን)በመከተል ነው፣ መጥፎ ነገር ሁሉ (ሸሪዐ ካስቀመጠው ውጪ) አድስ ፈጠራን በማምጣት ነው"
ሰለፎች(ቀደምቶች) ስብባል የሚፈለገው በመጥፎም በጥሩም ያለፉትን ሳይሆን በመልካም ያለፊትን ብቻ ነው የሚፈለግበት። እነሱም "ሰለፍ አስሷሊህ" በመልካም ቀዳሚዎች በመባል ይታወቃሉ።
#አሏህ ሆይ እነሱን ከንግግር እና ሙግት ባለፈ በተግባር ከተከተሉት አርገን፣የውመልቅያማም ከነሱ ጋር ሰብስበን ያ አሏህ!