Ethiopian Electric Power

ሠራተኛው የተመደበበትን ሥራ በኃላፊነት ስሜት ሊወጣ ይገባል
 .......///......
የኢትዮጵያ ኤሌክትሪክ ኃይል ከመስከረም 7 እስከ 21 ቀን 2019 ዓ.ም ድረስ ለተቋሙ ሠራተኞች በአምስት ዙር  "የሠራተኞች ተሳትፎ ለተቋማዊ ዕድገት" በሚል ርዕስ ሲሰጥ የቆየውን የአቅም ግንባታ ስልጠና አጠናቀቀ።
 
ሥልጠናዉ በተቋሙ ውስጥ የሚታዩ ክፍተቶችን ለመሙላት፣ የሠራተኛውንና የአመራሩን ግንኙነት ለማጠናከርና የአሰራር ስልትን ለመዘርጋት ታልሞ የተዘጋጀ መሆኑን የተቋሙ ዋና ሥራ አስፈጻሚ ጽ/ቤት ተወካይ ኃላፊ አብራርተዋል።
 
ተወካይ ኃላፊው ዶ/ር ግርማ ግዛቸው እንደተናገሩት ሠራተኛው በተመደበበት ሥራ ላይ በኃላፊነት ስሜት መስራት እንዳለበት አሳስበዋል።
 
ተቋሙ የሚቀየረው የሠራተኛው ተሳትፎ በሁሉም አቅጣጫ እኩል ሆኖ ሲንቀሳቀስ በመሆኑ ሠራተኛው ዘመናዊ ቴክኖሎጂን በመጠቀምና የራሱን አሻራ በማሳረፍ ተቋሙን ወደተሻለ ደረጃ ማሸጋገር እንዳለበት ጥሪ አቅርበዋል።
 
በተቋሙ የሰው ሀብት ሥራ አስፈፃሚ አቶ አታላይ አበበ በበኩላቸው በተቋሙ ውስጥ የሚሰሩ ሥራዎች ውጤታማ የሚሆኑት የሠራተኛው ተሳትፎ ሲያድግ መሆኑን አስረድተዋል።

በመሆኑም ሁሉም ሠራተኛ የተቋሙን ተልዕኮና ራዕይ መሰረት በማድረግ የድርሻውን ሊወጣ ይገባል ብለዋል።

በሰልጠናው መድረክ ላይ የተሳተፉ ሠራተኞች በሰጡት አስተያየት ሥልጠናው ወቅታዊና ተቋማዊ ለውጥን የሚያፋጥን መሆኑን ገልፀዋል።

ሥልጠናው ተቋሙ ያለበትን ነባራዊ ሁኔታ እንድናውቅ፣ መብትና ግዴታችንን ለይተን እንድንረዳ እና በሥራ ቦታችን ላይ የሚታዩ ክፍተቶችን በጋራ እንድናስተካክል ዕድል የሚሰጠን ነው ሲሉ ተናግረዋል።

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/ethio_power
📌ሊንክዲን↠ https://www.linkedin.com/company/ethiopianelectricpower
📌ትዊተር↠https://twitter.com/EEPethiopia
📌ዩትዩብ↠https://www.youtube.com/@ethiopowermedia
📌ድረ- ገጽ ይጎብኙ https://www.eep.com.et
መስከረም 21 ቀን 2019 ዓ.ም

የተጎዳውን ትራንስፎርመር ከሥፍራው ለማንሳት ሲባል ኃይል ይቋረጣል
.......///........
በአዲስ ዌስት ማከፋፈያ ጣቢያ የተበላሸውን ትራንስፎርመር ከቦታው ለማንሳት ኃይል የሚቋረጥ መሆኑን በኢትዮጵያ ኤሌክትሪክ ኃይል የማዕከላዊ 3 ሪጅን አስታውቋል።

ሪጅኑ እንዳስታወቀው የተበላሸውን ትራንስፎርመር በክሬን ከቦታው በማንሳት ሎቤድ ላይ ለመጫን ጣቢያው ከ9፡00 ሰዓት ጀምሮ እስከ 11፡00 ድረስ ሙሉ በሙሉ ኃይል መስጠት ያቋርጣል፡፡

ስለሆነም ጣቢያው እስከተጠቀሰው ሰዓት ድረስ በጊዜያዊነት አገልግሎት መስጠት የሚያቆም መሆኑን ተረድታችሁ በትዕግስት እንድትጠብቁን ሲል ሪጅኑ ጥሪ አቅርቧል፡፡

የተበላሸውን ትራንስፎርመር ጠግኖ ወደ ቀድሞ አገልግሎት ለመመለስ አልያም በሌላ ትራንስፎርመር ለመተካት ሁለት አማራጮች በተመሳሳይ ተግባራዊ መደረግ መጀመራቸውን ማስታወቃችን ይታወሳል፡፡

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/ethio_power
📌ሊንክዲን↠ https://www.linkedin.com/company/ethiopian-electric-power
📌ትዊተር↠https://twitter.com/EEPethiopia
📌ዩትዩብ↠https://www.youtube.com/@ethiopowermedia
📌ድረ- ገጽ ይጎብኙ https://www.eep.com.et
መስከረም 20 ቀን 2019 ዓ.ም

የተቋሙ ሠራተኞች ማህበራዊ ሚዲያን በኃላፊነት ሊጠቀሙ ይገባል
....///....
የኢትዮጵያ ኤሌክትሪክ ኃይል ሠራተኞች የማኅበራዊ ሚዲያ አጠቃቀማቸውን በኃላፊነት እና የሙያ ሥነ-ምግባርን በተከተለ መንገድ መምራት እንዳለባቸው የተቋሙ የሥነ-ምግባርና ፀረ-ሙስና መምሪያ ዳይሬክተር አቶ ደረጀ አጥናፌ አሳሰቡ።

ዳይሬክተሩ "የሠራተኞች ተሳትፎ ለተቋማዊ ዕድገት" በሚል መሪ ቃል እየተሰጠ በሚገኘው አራተኛው ዙር ስልጠና ላይ እንደገለጹት ሠራተኞች የተቋሙን መልካም ስም የመጠበቅ እና ቁልፍ የመሠረተ-ልማት መረጃዎችን ደኅንነት የመጠበቅ ኃላፊነት አለባቸው።

በማህበራዊ ሚዲያ ላይ የሚለቀቅ ሁሉም መረጃ የግል ተብሎ ሊወሰድ ስለማይችል ሠራተኞች የሚያጋሯቸው መረጃዎች የተቋሙን መልካም ሥምና ገጽታ በጠበቀ መልኩ መሆን እንዳለባቸው አስገንዝበዋል።

ተቋሙን የተመለከቱ መረጃዎች ሲኖሩ ተጣርተው በሚመለከተው አካል ይፋ እስከሚሆኑ ድረስ በግል ማኅበራዊ ገጽ ላይ መለጠፍ ከሙያ ስነ-ምግባር ጋር የሚጣረስ በመሆኑ ከእነዚህ ድርጊቶች መቆጠብ እንደሚገባ አስረድተዋል።

ሠራተኞች መረጃዎችን በማህበራዊ ሚዲያ ከማሰራጨታቸው በፊት ትክክለኛነታቸውን እና ተፅዕኗቸውን መገምገም እንደሚገባቸው ነው የገለጹት።

የተቋሙ ሠራተኞች የሀገሪቱ የብርሃን ጠባቂዎች በመሆናቸው በዲጂታል ግንኙነቶቻቸውና በማኅበራዊ ሚዲያ እንቅስቃሴዎቻቸው ከፍተኛ የኃላፊነትና የሙያ ሥነ-ምግባር ማሳየት እንደሚጠበቅባቸው አቶ ደረጀ አጥናፌ አሳስበዋል።

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/ethio_power
📌ሊንክዲን↠ https://www.linkedin.com/company/ethiopian-electric-power
📌ትዊተር↠https://twitter.com/EEPethiopia
📌ዩትዩብ↠https://www.youtube.com/@ethiopowermedia
📌ድረ- ገጽ ይጎብኙ https://www.eep.com.et
መስከረም 19 ቀን 2019 ዓ.ም