ዜለንስኪ የተጠየቀውን ሊሰጥ ዋሽግንተን ደርሷል

ድራማው ቀጥሏል። ከቀናት ቀፊት ትራምኘ " አምባገነን ...ብዙም ያልተሳካለት ኮሜድያን " ብለው በአደባባይ የሸነቆጡት ቭላድሚር ዘለንስኪ አሜሪካ አምጣ ያለችውን ለመስጠት ኋይት ሃውስ ደርሷል።

ከ300 ቢሊየን ዶላር በላይ የአሜሪካንን ገንዘብ በጦርነት ስም ወስዶ መና አስቀርቷል ሲሉ ትራምኘ ዘለንስኪን ሲወቅሱ ሰንብተዋል።

ገንዘባችን ተብልቶ አይቀርም በሚል ዩክሬን ያላትን የማዕድን ሃብት ትስጠን የሚል ቀልድ መሳይ ሃሳብ ጣል አድርገው ፥ ይኸው ቃላቸው ሊፈፀም እሺ እንነጋገር ብሎ ደጃቸው ላይ ተገኝቷል።

ከትራምኘ ወደ ስልጣን መምጣት ወዲህ ይሆናል ተብሎ የማይገመቱ ታሪኮች በዩክሬን ሩሲያ ጉዳይ ላይ እየተፃፉ ነው።

ዓለም ከትናንት በስቲያ ሰኞ በርካታ አስደማሚ ክንውኖችን አስተናግዳለች፡፡

የተባበሩት መንግሥታት ድርጅት (ተመድ) የፀጥታው ምክር ቤት በዩክሬን ጉዳይ ሩሲያን እንደ ፀብ አጫሪ ቆጥሮ ለማውገዝ የቀረበውን የውሳኔ ሐሳብ ከሩሲያ ጎን በመሆን የተቃውሞ ድምፅ በመስጠት አሜሪካ አስደማሚና ሆኖ የማያውቅ አዲስ የኃይል አሠላለፍ ታሪክ ሠርታለች፡፡

በዕለቱ የአሜሪካ ፕሬዚዳንት ዶናልድ ትራምፕ የፈረንሣዩን አቻቸው ኢማኑኤል ማክሮንን በነጩ ቤተ መንግሥት ተቀብለው አነጋግረዋል።

ዩክሬን የኪሳራ ናዳ እየወረደባት ነው።