«እህቴ ሆይ! አንቺ ምናልባትም አሁን በሕይወት እያለሽ የተሟላውን ሒጃብ ለመልበስና በአግባቡ ለመሸፋፈን ላትፈልጊ ትችያለሽ፡፡ ያው በግልጽ እንደምናየው ፀጉርሽን ከፍተሽ፣ ሽቶ ተቀባብተሸ ከናፍርሽን ሊፒስቲክ አጥግበሽ፣ ጡትሽን እሹለሽ፣ ደረትሽ ከፍተሽ፣ ዓይኖችሽን ተኳኩለሽ፣ እጆችሽንና እግሮችሽን ገላልጠሸ፣ የውስጥ ሱሪሽን እያሳየሽ ወሲብ ቀስቃሽ ጨርቆችን ለብሰሽ የትም እየታየሽ ነው፡፡ ከሩቁ ድብን ብላሽ የሰው ዓይን ውስጥም እየገባሽ ነው፡፡ በእውነቱ ቀበጦቹ ሒጃቢስቶች ዓይነ-ግቡ ለመባል ከፍተኛ ጥረትን እያደረጉ ነው፡፡ ነገር ግን አስታውሺ!  አንድ ቀን ከራስ ፀጉርሽ እስከ እግር ጥፍርሽ ድረስ በተገቢው ሁኔታ ትለብሻለሁ፡፡
ግና የዛኔ ወደመቃብር ነው የምትወርጂው፡፡ ስለዚህ ያንን ቀን ለመጀመሪያ ጊዜ የተሟላ ሒጃብን የምትለብሽበት ዕለት አታድርጊው፡፡ እባክሽን አሁኑኑ ልበሺው "ዞሮ ዞሮ ከቤት ኖሮ ኖሮ ከመሬት" ሲባል አልሰማሽም? ገላ ፈራሽ ነው፤ ውበትም ጠፊ ነው፡፡ አዎ! ምንም ያህል ብታምሪ፣ የቱንም ያህል ድብን ብለሽ የወንዶች ዓይን ውስጥ ብትገቢ አንድ ቀን ሟች ነሽ፡፡ እናም ከወዲሁ የኣኼራ ሕይወትሽን ገንቢ። በዱንያ ሳለሽ ለቀበርሽ ስንቅ ያዥ፡፡

ሙስሊሟ እህቴ ሆይ! ልክ እንደ ሉል ሁኚ፡፡ እንደሚታወቀው ሉል ውድ እና ብርቅ ነው፡፡ ለዚህም የበቃው የተቀመጠበት ቦታ ነው፡፡ ሉል ለፈላጊዎች እሩቅ ነው፡፡ ከዚህም የተነሳ ውድ ሆኗል። አንቺም እንደዚያ መሆን አለብሽ፡፡ በሌላ በኩል እንደዘመኑ ቀበጥ ሒጃቢስቶች እዚያም እዚህ አትታይ፡፡ የትም የሚገኘው እኮ ድንጋይ ነው፡፡ እንደ አበባም እትሁኚ፤ ተጠቅመውብሽ ይወረውሩሻልና፡፡ እናም እንቺ ትክከለኛ ሒጃቢስት ሴት ሁኚ፡ በዚያን ጊዜ ሒጃብሽ መከበሪያሸ ይሆናል፡፡ ምንዳሽም ጀንት ይሆናል።

አረዓያዎችሽ ሰሃብያት እንጂ
የፊልም አክተሮች በፍፁም አይሁኑ!

--------------------
mohammed ebnu seid
-----------------------------
🍀🍀🍀
በቴሌግራም ይ🀄️ላ🀄️ሉን!
➢👇👇👇

@Lewetatoch_mekir
@Lewetatoch_mekir