የኤሌክትሮኒክስ ደረሰኝ የሚጠቀም ታክስ ከፋይ ኃላፊነት

ታሕሳስ 15/2017 ዓ.ም (የገቢዎች ሚኒስቴር)

በታክስ ደረሰኝ አጠቃቀም እና አስተዳደር መመሪያ ቁጥር 149/2011 መሠረት

1/ ታክስ ከፋዩ የኤሌክትሮኒክስ ደረሰኝ ጥቅም ላይ ለማዋል ሶፍትዌር
በሚያለማበት ጊዜ በሶፍትዌሩ ከመጠቀም በፊት የሶፍትዌር
ፕሮግራሙን ያለማውን ሰው ለታክስ ባለስልጣኑ ማሳወቅ እና
የሶፍትዌር ፕሮግራሙን ማቅረብ አለበት፡፡

2/ የታክስ ባለስልጣኑ በተራቁ 1 በተገለጸው መሰረት የቀረበለት የደረሰኝ
ሶፍትዌር ፕሮግራሙ ለታክስ አስተዳደሩ አመች መሆኑን በማረጋገጥ
ሶፍትዌር ጥቅም ላይ እንዲውል ሊፈቅድ ይችላል፡፡

3/ የኤሌክትሮኒክስ ደረሰኝ እንዲጠቀም የተፈቀደለት ታክስ ከፋይ
የተጠቀመበትን የሽያጭ እና ወይም የገንዘብ መቀበያ ደረሰኝ ብዛትና
ቁጥር በመግለጽ በየሩብ ዓመቱ ታክስ ለሚከፍልበት ቅ/ጽ/ቤት
ሪፖርት ማቅረብ አለበት፡፡

4/ ይህ መመሪያ ከመውጣቱ በፊት የደረሰኝ ሶፍትዌር አልምቶ
የሚጠቀም ታክስ ከፋይ ሶፍትዌሩን ለታክስ ባለስልጣኑ ማስመዝገብ
እና እውቅና ማግኘት አለበት፡፡