በትግራይ ክልል የእርስ በርስ ጦርነት እንዳይቀሰቀስ ስጋት መኖሩን ነዋሪዎቹ ተናገሩ

ቅዳሜ ጥር 17 ቀን 2017 (አዲስ ማለዳ) የትግራይ ወታደራዊ አመራር ሰሞኑን መፈንቅለ መንግስት የማድረግ ዕቅድ መኖሩን በመግለጫቸው ካሳወቁ በኋላ በትግራይ ህዝብ ላይ ከፍተኛ ስጋት መፈጠሩን ነዋሪዎች ገልጸዋል።

በተለይም ውጥረቱን ተከትሎ በአካባቢው ግጭት ሊከሰት ይችላል በሚል ከወትሮው በተለየ መልኩ ገንዘብ ለማውጣት ባንኮች በሰልፍ ተጨናንቀዋል ሲሉ የአይን እማኞች ገልፀዋል።

በገበያ ማእከላት በተለይ የፍጅታ ሸቀጦች ላይ የፍላጎት መጠን በጣም ጨምሯል የሚሉት ነዋሪዎቹ ህዝቡ ጦርነት ይቀሰቀስ ይሆናል ብሎ የሰጋው ህዝብ ስጋት ላይ መውደቁን ይገልፃሉ።

ህዝቡ ስጋቱን ለመግለጽም የተቃውሞ ሰልፍ ማካሄድ ጀምሯል።

በተለይም የመኾኒና የአካባቢው ህዝብ «መንግስትን የሚያፈርስ የትኛውንም አካል አንታገስም» የሚል መፈክር በማንገብ በትላንትናው አለት መግለጫ የሰጠውን እና የትግራይ ሀይል የበላይ ሀላፊ ነኝ ያለውን ቡድን ተቃውመዋል።