📢 ይህ ነው መንሃጃችን።

ኢማሙ በርበሃሪይ በ4ኛው ክፍለ ዘመን አካባቢ(በሂጅራ) የነበሩ ታላቅ ዓሊም ናቸው። እኚህ ዓሊም ሸርሁ ሱና በተሰኘው ኪታባቸው፤ የአህሉ ሱና ወልጀመዓ ዓቂዳን በደንብ አብራርተዋል። እኚህ ታላቅ ዓሊም የኢማም አልመርወዚ ተማሪ ናቸው፣ኢማሙ አል–መርወዚ ደግሞ የኢማሙ አህመድ ኢብኑ ሃንበል ተማሪ ናቸው። ኢማሙ አህመድ ደግሞ የኢማሙ ሻፊዕይ ተማሪ ናቸው። ኢማሙ ሻፍዕይ ደግሞ የኢማሙ ማሊክ ተማሪ ናቸው። ኢማሙ ማሊክ ደግሞ የናፊዕ መውላ ዓብዱራህማን ኢብኑ ዑመር ተማሪ ናቸው። ናፊዕ ዓብዱራህማን ኢብኑ ዑመር ደግሞ የዓብደላህ ኢብኑ ዑመር ኢብኑል ኸጣብ ተማሪ ናቸው። ዓብደላህ ኢብኑ ዑመር ኢብኑል ኸጣብ ደግሞ የነብዩﷺ ተማሪ ናቸው። ነብዩﷺ ደግሞ ወህይን ከአላህ የሚቀበሉ የአላህ መፅእክተኛ ናቸው። ይህ ነው ዛሬ ዓቂዳችን እና መንሃጃችን ብለን የምንከተለው እንጂ፤ የዛሬ 200 እና 300 አመት የተፈበረከ አካሄድን አይደለም። በዚህ መንሃጃችን ችግር አለ የሚለን ካለ ቁርአን፣የነብዩﷺ ሀዲስ የቀደምቶቻችን ኪታቦች በመሃከላችን አሉ መነጋገር፣መወያየት እንችላለን።