ILAAMEE YAA GAMNA KOO
■■■■■■■■■■■■■

Erga Muslima taatee
Amantee Rabbii guddaa
Shari'aa isaa qabattee
Ittiin jiraachuu qabdaa!

Rakkoon yoo jiraatellee
Gidduu obboleessa kee
Waliif galuu yoo dides
Kan isaatii fi ilaalchi kee!

Keessa kee moo'atullee
Yaanni "Kan kootu caalaa"
Gurmuu cimaa qabaattus
Si deeggaree wallaalaan!!

Nama koo dagamteetta
Dubbiin akkasii miti
Haqa barbaadda taanaan
Deebi'i Qur’aanatti
Deebiin "Mas'alaa" hundaa
Qur’aana keessa jirti!!

Qur'aana harkaatti baattee
Hin dhaqin mana ormaa
Injifannoo maqaatiif
Hin kutin Obbolummaa

Dhugaa hordofi maaloo
Dhiisi haasaa namootaa
Hinaaffaa fi xiiqiin taanaan
Boolla salphinaa seentaa
Garuu haqa qabannaan
Yoomuu situ injifataa!!!!!!
♤♤♤♡♡♤♡♤♤♤♤♤
✍Ilma keessan wallaalaa!!

@AbdiiBiyyaa


@Kennaapost @Kennaapost