፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

>

ስምህ ገናና ነበር
የኔ የስም መጠሪያዬ
ከስሜ ስምህ ተከትሎ
የሙሉነት መታያዬ
አባትነትህ ልዩ ነው
ከነውጠኞች የሚበልጥ
ለኔ ለልጅህማ
አለምን ሁሉ ሚገለብጥ

.. ዛሬ ግን..........
አባ ፈራሁ ተጨነኩኝ
ስሷ ልቤ ተቀየመች....
ካልጠበኩህ ቦታ ተገኝተህ
ምስኪን ልቤ አለቀሰች...
አዎን አባ ተቀየምኩህ
አምርሬ አነባሁኝ...
እጅህ ቀሚሴን ሲገልብ
ከባትነትህ ጠፍቶ
የአውሬ ፊትህን አየሁኝ.....

.......ግን ያልገባኝ የኔ አባት......
ምን የማታውቀው ውበት
የቱ የተደበቀ ደም ግባት
ከእኔ አልጅህ ዘንድ አየህ...
ልብህ ለሴሰኝነት ተገዝቶ
ከአባትነትህ አስበልጦ
እርካታህን ያስመረጠህ
እስኪ ተናገር ካለ
ያላየኸው የደበኩህ ልጅነቴን
ስታቅፈኝ እኮ ታውቀዋለህ
ስትኮረኩር
ስትደባብስ ሰውነቴን

አባዬ.....
አሁንም አባቴ ነህ
ስምህን የምጠራበት
ያሳደገኝ ነውና
አንገቴን ሳልደፋ በፊት
ምጠራ' የኮራሁበት

* * * * * *
ስምህ ገናና ነበር
የኔ የስም መጠሪያዬ
ከስሜ ስምህ ተከትሎ
የሙሉነት መታያዬ
* * * * * *

አዎን አባዬ...
ትዝ ይልሀል...አፌን ስፈታ ገና
አባዬ ነበር ያልኩኝ
የማነሽ ሲሉኝ እንኳን
ያባቴ ልጅ ነበር ያልኩትኝ

ዛሬ ግን....
ሴሰኝነትህ በለጠ~ ከትውስታችን አለፈና
ከእናቴ ያጣኸውን ከኔ ከልጅህ ፈለክና
እናቴ ስታልፍ እንኳን
አንተ ነበርክ እናቴ
ሰው በራበኝ ግዜ እራሱ
ሆነሀልም ጓደኛዬ....
ከዛ ሚበልጠው ግን
አባቴ ብዬህ ነበር
እኔነቴን የሚገልፅ
ክብር መከታዬ እንደ ነበር

አሁንማ....
አንተው በፈጠርከው ገላ ላይ
ተረማምደህ አረከስከው
የወደፊት እኔነቴን
በአውሬነት ደመሰስከው

አዎን የኔ....... ጀግና አባት
እውትትም ወንድ ወጥቶሀል
ሴት የሆንክ መስሎኝ ነበር
እኔን ለማሳደግ፣
ስመለከት ከሴት መሀል
ብዬ ነበር የኔ አባት
እውነትም እናት ሆኗል

ስሷ ልቤን አስከፋሀት
አዎን አባ ተቀየምኩህ
እንድተኛ
ተረት በነገርከኝ ቦታ ላይ
ዛሬ ግን
ከጭኖቼ መሀል አገኘሁህ.....

📩ይድረስ📩
>

✍ተፃፈ በ @Mak_bale
ሰኔ,2,2012

@getem
@getem
@getem