✞ የዓለምን በደል ✞

የዓለምን በደል የሰውን ግፍ አይቶ
ዘጠና ዘጠነኙን መላእክቱን ትቶ
ጽድቅን ለመፈጸም በደልን አጥፍቶ
   የሰላሙ መሪ የሰላሙ ዳኛ
   አምላክ ተወለደ ተጠመቀ ለእኛ❨፪×❩

የሰማዮች ሰማይ የማይችለው ንጉሥ
ተወለዶ ሲጠመቅ እኛ ለመቀደስ
ተራሮች ደንግጠው ዘለሉ እንደፈረስ
 የሰላሙ መሪ የሰላሙ ዳኛ
 አምላክ ተወለደ ተጠመቀ ለእኛ❨፪×❩
     /አዝ = = = = =
ባሕር ተጨነቀች ጠበባት መሬቱ
ዮርዳኖስም ሸሸ አልቆመም ከፊቱ
እንደተናገረው ዳዊት በትንቢቱ
 የሰላሙ መሪ የሰላሙ ዳኛ
 አምላክ ተወለደ ተጠመቀ ለእኛ❨፪×❩
          /አዝ = = = = =
እንደምናነበው በወንጌል ተጽፎ
መንፈስቅዱስ ታየ በራሱ ላይ አርፎ
በርግብ ምሳሌ ክንፋን አሰይፎ
 የሰላሙ መሪ የሰላሙ ዳኛ
 አምላክ ተወለደ ተጠመቀ ለእኛ❨፪×❩
          /አዝ = = = = =
ልጁ በዮርዳኖስ ጽድቅን ሲመሠርት
መጣ በዳመና ሰማያዊው አባት
እየመሰከረ የልጁን ጌትነት
 የሰላሙ መሪ የሰላሙ ዳኛ
 አምላክ ተወለደ ተጠመቀ ለእኛ❨፪×❩
          /አዝ = = = = =
ባሕር ስትጨነቅ ተራራው ሲጨፍር
ሰማዩ ሲከፍት ደመናው ሲናገር
ዓለም በዛሬው ቀን አየች ይህን ምስጢር
 የሰላሙ መሪ የሰላሙ ዳኛ
 አምላክ ተወለደ ተጠመቀ ለእኛ❨፪×❩

#Share and #join ያድርጉ፤ ያስደርጉ።

   ╔​✞═══●◉❖◉●═══✞╗
       ✞ ✞ ✞ ✞ ✞ ✞ ✞ ✞ ✞
   ❖ @mezmuredawit  ❖
   ❖ @mezmuredawit  ❖
   ❖ @mezmuredawit  ❖  
      ✞ ✞ ✞ ✞ ✞ ✞ ✞ ✞ ✞
  ╚✞═══●◉❖◉●═══​✞╝

✍ ዜማ ቅዱስ ያሬድ