ሰዎችን በመፍራት ከመልካም ሥራ መቆጠብ ምንም እንኳን እንደ ፉደይል አይነት ያሉ አንዳንድ ሰለፎች ከሺርክ ቢቆጥሩትም ስህተት ነው የሚባለው እንጂ ሺርክ ነው አይባልም!

ግን እነሱ ሺርክ ነው ሲሉ የፈለጉት ወይ ይህን ነገር ላደርግ ነበር ይሉኝታ (ሪያእ) ይሆንብኛል ብዬ ትቻለሁ እያለ ጥቆማ በማድረግ በተወው ጊዜ ሊሆን ይችላል።

ሌላ ጊዜ ሰው ኖረም አልኖረም የሚትሠራው ነገር ከሆነ ሰው ቢኖርም ሰው ስላለና እንዳያደንቁኝ ብለህ መተው የለብህም

ነገርግን አንዳንዴ ወይም ራሱ ላይ በጣም ሪያእ የሚፈራ ሥራው እንዳይበላሽበት በጣም የሚሰጋ ከሆነ ሰዎች እስከሚሄዱ ድረስ ቢጠብቅ የተሻለ ይሆናል ምክንያቱም ለብቻ የሚሠራና አንድ ላይ የሚሠራ አንድ አይደለምና።

መጥፎ ሥራን ደግሞ ሰዎች ስላሉ ብሎ መተው ከእፍረት (ከሐያእ) አንፃር ከሆነ ይህ የሚያስወቅስ ሳይሆን የሚያስወድስ ነው የሚሆነው

ነገርግን (ለተዘዩን) ለሰዎች ጥሩ ሆኖ ለመታየትና ራሱን ለማላቅ አስቦ ከሆነ ይህ ሪያእ ውስጥ ይገባል ትንሹ ሺርክ ተብሎ የተሰየመው ይሆናል።
_____________
🎙ሸይኽ ኢልያስ አሕመድ