TGAlertsBot

Каналингиз репостлари ва эсловлари ҳақида хабар беради.

TGStat Bot

Telegram'дан чиқмай туриб каналлар статистикасини олиш

SearcheeBot

Telegram-каналлар оламидаги сизнинг йўлбошчингиз.

Telegram Analytics

TGStat хизмати янгиликларидан бохабар бўлиш учун обуна бўл!

Statistika Saralanganlar

ተግሳጽ

Kanal geosi va tili: Efiopiya, Inglizcha

Toifa: Kitoblar

🕊️ የነፍስ እረፍት በቃለ እግዚአብሔር! 🕊️
የህይወት መንገድን በጥበብ መጓዝ ይሻሉ? ወርቃማ ተግሳጾች የሚለቀቁበት፣ ልብን የሚያርሱ ትምህርቶች የሚቀርቡበት ልዩ ቻናል!
ከእርስዎ የሚጠበቀው መማር ብቻ ነው! ጥር ፪፯ ፪1፫
👇 አሁኑኑ ይቀላቀሉን 👇
🔗 @uraman4u13

Bog‘liq kanallar | O‘xshash kanallar

Kanal geosi va tili

Efiopiya, Inglizcha

Toifa

Kitoblar

Statistika

Postlar filtri

O‘chirilganlarni yashirish

Repostlarni yashirish

ተግሳጽ

4 Oct, 14:41

ተወዳጆች

በእለት ተእለት ህይወታችን ከአንደበታችን የሚወጡትን ቃላት ልንጠነቀቅባቸው ይገባል።

ርዕሰ ሊቃውንት አባ ገብረ ኪዳን እንዳስተማሩን ሰውን «አፈር ብላ» ብሎ መሳደብ ተራ ስድብ ሳይሆን ትልቅ ስህተት ነው፤ ምክንያቱም በኦሪት ዘፍጥረት ላይ «በሆድህ ትሄዳለህ፡ አፈርንም ትበላለህ» ተብሎ የተረገመው እባብ እንጂ የእግዚአብሔር አምሳያ የሆነው የሰው ልጅ አይደለም።

በተመሳሳይ መልኩ ወንድማችንን «ሰይጣን» ማለት ድክመቱን አጋንኖ ክብሩን ማሳነስ ነው፤ ምክንያቱም የሰው ልጅ ምንም እንኳን ቢሳሳትና ቢበድል እንኳ የእግዚአብሔር ክቡር ፍጥረት እንጂ ሰይጣን ሊሆን አይችልም።

አሁን ባለንበት ዘመን ሰይጣን ሳንለው እንኳ የሰው ልጅ የሚያደርገው ጥፋት በዝቶ እያየን፡ በቃላችን ደግሞ «ሰይጣን» እያልን ማንነቱንና ክብሩን ልናሳንስ አይገባም። በመሆኑም «ደደብ»፣ «ሰይጣን» እና «አፈር ብላ» የሚሉትን የቁጣና የእርግማን ቃላት ከአንደበታችን ሙሉ በሙሉ አስወግደን፡ በምትኩ ወንድሞቻችንን በፍቅር፣ በምህረትና በበጎ ንግግር ልንባርካቸው ይገባል፤ ምክንያቱም አንደበታችን የህይወትና የሞት ሀይል አለውና።

✍️ / ዑራኤል

221 2 3

ተግሳጽ

3 Oct, 18:44

ተወዳጆች ሆይ!

ጣዖት ማምለክ ማለት ለተቀረፀ ምስል መስገድ ወይም ፍጥረታትን ማምለክ ብቻ እንዳይመስላችሁ። ጣዖት አምልኮ መልክና ቅርጹ ብዙ ነው።

በእኛ ዘመን ሥልጣንን የሚያመልክ፣ ሀብትና ገንዘብን የሚያመልክ፣ ውበትንና የዓለምን ዝና የሚያመልክ፣ እንዲሁም የሥጋ ፍላጎቱንና ፍትወቱን የሚያመልክ ቁጥሩ ቀላል አይደለም።

እያንዳንዱ ሰው ከእግዚአብሔር በላይ አድርጎ የሚታመነበትና ልቡን የሰጠው የራሱ የሆነ ጣዖት አለው።

የሚገርመው ግን፣ እነዚህ ሁሉ በነፍሳቸው ለምድራዊ ነገር እየሰገዱ «እኛ በአንድ አምላክ እንምናለን» እያሉ በቃላቸው ይጮሃሉ። እያታለሉ ያሉት ሌላውን ወይስ ራሳቸውን ነው?

ተወዳጆች ሆይ!

በቃላችን ብቻ ሳይሆን በልባችንም እውነተኛውን አምላክ እንድናመልክ፣ ከረቂቅ ጣዖታት ሁሉ ልባችንን እንድንጠብቅ አምላካችን ይርዳን።

✍️ / ዑራኤል

144 0 1 4

ተግሳጽ

2 Oct, 16:51

ተወዳጆች ሆይ! 🌹✨

በክርስቲያናዊ ሕይወታችንና በመንፈሳዊ ተጋድሏችን ውስጥ ትልቁና ገዛፊው የድል መሣሪያችን በጸሎትና በትሕትና ወደ አምላካችን መጠጋት ነው! 🕊️ አብዛኛውን ጊዜ የጠላት ዲያብሎስ ፈተናና ውጊያ ሲበዛብን አቅም ያጣን ይመስለናል፤ ነገር ግን በእግዚአብሔር መንፈሳዊ ዕቃ ጦር የተገጠመ ክርስቲያን በጠላት ፊት እጅግ የገዘፈና የሚያስፈራ ነው!

በአባታችን በብፁዕ አቡነ ሽኖዳ ሣልሳዊ ጽሑፍ በቀረበው አባታዊና ጥልቅ የምክር ቃል እንዲህ ይለናል፦

"የሚዋጋህ ይህ ዲያብሎስ ማን ነው? እርሱ ከአንተ የሚወጣውን አንዲት የመዝሙር/የመዝሙረ ዳዊት ቃል መቋቋም አይችልም፤ አንዲቱን ጸሎትህንም መታገስ አይችልም፤ ከሁሉም በላይ ደግሞ ትሕትናህን በፍጹም ሊቋቋመው አይችልም!"

— ብፁዕ አቡነ ሽኖዳ ሣልሳዊ ☦️✨

አዎ! ዲያብሎስ በትዕቢት የወደቀ ፍጡር ስለሆነ፣ እውነተኛ የልብ ትሕትናንና በጸሎት የሚደረግን መንፈሳዊ ትጋት ሲመለከት ይሸሻል!

እኛ በጽሎትና በመዝሙር ከእግዚአብሔር ጋር ስንገናኝ፣ በልባችንም በትሕትና ስንደፋ ጠላት አቅም ያጣል። ሰይጣን ሊያሸንፈው የማይችለው ትልቁ መሣሪያ የጸሎታችን ድምፅና የልባችን ትሕትና ነው!

ስለሆነም ወዳጄ

በጠላት ፈተናና ውጊያ ሳትደናገጥ፣ ዘወትር በመዝሙር፣ በጸሎትና በትሕትና ራስህን አጠናክር! በቅዱስ ቃሉና በትሕትናህ ፊት ጠላት ተሸንፎ ይወድቃልና በፈጣሪህ ታመናት! 🙏❤

እግዚአብሔር ይመስገን! ✨

✍️ / ዑራኤል

756 2 8 8

ተግሳጽ

1 Oct, 18:38

ተወዳጆች ሆይ!

በማህበራዊ ሚዲያ ላይ ዓለማዊውን ከንቱነት፣ ቅብጥብጥነትንና የስጋ ፈቃድን እየተከተሉ፣ በዓልና እሁድ ሲመጣ ደግሞ ነጠላ አጣፍቶ ወደ ቤተ ክርስቲያን መመላለስ—በውጭ ሲያዩት ድምቅ ያለ፣ በውስጥ ግን ነፍስን የሚገድል ከባድ የድርብ ማንነት ደዌ ነው። እግዚአብሔር አምላክ ውጫዊውን የነጠላ መሸፈኛ ብቻ ሳይሆን የልባችንን ስወር ህይወትና የዓይናችንን እይታ ይመረምራል። አባቶቻችን “ለዓለምም ለፈጣሪም በአንድ ጊዜ መገዛት አይቻለውም” እንዳሉት፣ በሳምንቱ ቀናት በጭፈራና በከንቱ ጌጥ እየደነሱ፣ በእሁድ ደግሞ ቅዱስ መስሎ መታየት ፈጣሪን ማፌዝ እንጂ መንፈሳዊነት አይደለም።

ቅዱስ ዮሐንስ አፈወርቅ ይህንን የዘመናችንን ዓይነት ድርብ ህይወት አጥብቆ ሲገስጽ፡

“በቤተ ክርስቲያን ውስጥ መላእክትን ትመስላላችሁ፤ ከቤተ ክርስቲያን ስትወጡ ግን ከዓለም ሰዎችና ከከንቱዎች አትለዩም። ይህ አኗኗር እግዚአብሔርን የሚያሳዝን፣ ራሳችሁንም የሚያታልል ነው! እውነተኛ ክርስቲያን በቤተ ክርስቲያንም ሆነ በውጭ፣ በሰው ፊትም ሆነ በስወር አንድ ዓይነት የብርሃን ህይወት ያለው ነው” ይላል።

ስለዚህ ተወዳጆች ሆይ

ይሄ ሞት የሚባል የታመነ እውነት ከፊታችን እንደሚጠብቀን እናስብ፤ የገዛ ነፍሳችንን በማታለል አንኑር። የክርስትና ውበት በከንቱ ጌጥና በማህበራዊ ሚዲያ ውደዱኝ ባይነት ሳይሆን፣ በትህትና፣ በንጽህናና ፍርሃተ እግዚአብሔር ባለው ህይወት ውስጥ የሚገኝ ነው። ነጠላችንን ስናጠልቀው የውጭ አካላችንን ብቻ ሳይሆን የልባችንንም እብሪትና የዓለምን ፍቅር በንስሐ እንሸፍነው፤ በውስጥም በውጭም አንድ የሆንን እውነተኛ የክርስቶስ ደቀ መዛሙርት እንሁን።

✍️ / ዑራኤል

ማንኛውም ሀሳብ
👇👇👇
@Mogesinewokibrene

1.1k 2 8

ተግሳጽ

1 Oct, 15:45

0 0

ተግሳጽ

1 Oct, 15:43

https://vt.tiktok.com/ZSbyhDr4j/

257 0 0

ተግሳጽ

1 Oct, 13:08

«ኢትቅንዐ በልብከ ላዕለ ኃጣአን አላ በፍርሃተ እግዚአብሔር ሀሉ በኩሉ ጊዜ

- ልብህ በኃጢአተኞች አይቅና፤ ነገር ግን ቀኑን ሙሉ እግዚአብሔርን በመፍራት ኑር!» (ምሳሌ ፳፫፥፲፯)

ማንኛውም ሀሳብ
👇👇👇
@Mogesinewokibrene

281 0 0

ተግሳጽ

1 Oct, 13:04

✨ ተወዳጆች ሆይ! ✨

ያመኑ ሁሉ እግዚአብሔርን ይወዱታል! ነገር ግን አንድ ሰው ከፍጹም የፍቅር ደረጃ ላይ ደረሰ የሚባለው በሌሊትና በቀን ያለ ምንም የኅሊና

መለወጥ እግዚአብሔርን ማሰብና ለእርሱ ብቻ መኖር ሲችለው ነው!
የመጽሐፍ ቅዱስ ቃሉም እንዲህ በማለት ይመክረናል፦

«ኢትቅንዐ በልብከ ላዕለ ኃጣአን አላ በፍርሃተ እግዚአብሔር ሀሉ በኩሉ ጊዜ

- ልብህ በኃጢአተኞች አይቅና፤ ነገር ግን ቀኑን ሙሉ እግዚአብሔርን በመፍራት ኑር!» (ምሳሌ ፳፫፥፲፯)

🌟 ከዚህ ታላቅ ሐሳብ የምንማራቸው መንፈሳዊ ምሥጢራት፦

❤️ ፍጹም የእግዚአብሔር ፍቅር፦ እውነተኛ አምላክን ማፍቀር ማለት በደስታም ሆነ በሐዘን፣ በቀንም ሆነ በሌሊት ያለ ምንም የልብና የኅሊና መለዋወጥ ዘወትር አምላክን እያሰቡ ለእርሱ ብቻ መኖር ነው! ☀️🌙

🚫 በኃጢአተኞች አለመቀናት፦ የኃጢአተኞችና የዓለም ሰዎች ጊዜያዊ ደስታና ብልጽግና ልባችንን ሊስበውና ሊያቀናው አይገባም!

🕊️ ዘወትር በእግዚአብሔር ፍርሃት መኖር፦ ሕይወታችን፣ አሳባችንና ተግባራችን ሁሉ ሁልጊዜ ቀኑን ሙሉ በፈጣሪ ፍርሃትና ክብር የተሞላ ሊሆን ይገባል! 🌿✨

🕊️ የልባችንን አሳብ ወደ አምላካችን የሚያቀና፣ በፍቅሩና በእውነተኛው ፍርሃቱ የሚያጸናን የእግዚአብሔር ጸጋና ረድኤት ከሁላችን ጋር ይሁን! አሜን።

✍️ / ዑራኤል

264 0 1 4

ተግሳጽ

30 Sep, 19:44

ተወዳጆች ሆይ!

በዚህች አላፊና ከንቱ በሆነች ምድር ላይ ስንኖር፣ ብዙ ጊዜ ትልቁ ውድቀታችን የገዛ ነፍሳችንን አደራ ዘንግተን በስጋዊ ፍላጎትና በምድራዊ ጥቅም መጠመዳችን ነው። ነገር ግን ምድራዊ ቁሳቁስና ስጋዊ ድካም ሁሉ መጨረሻው ባዶነትና ውድቀት እንደሆነ ማስተዋል ታላቅ ጥበብ ነው።

ታላቁ መንፈሳዊ አባትና ሊቅ አባ ጊዮርጊስ ዘጋስጫ ነፍሳቸውን እያሰሰቡና እየገሰጹ እንዲህ ብለዋል፡

"ነፍሴ ሆይ! ረጋ ብለሽ አድምጭኝ/ተመከሪኝ፤ የዚህ ዓለም ወንበዴዎች ገርፈው ገርፈው የሚያረፉበት ግዜ አለ፤ አጋንንት ግን የሚያረፉበት ግዜ የለም።"

— አባ ጊዮርጊስ ዘጋስጫ

አዎ! በምድር ላይ ያሉ ሰዎች ወይም ጨካኝ ወንበዴዎች እንኳን ሰውን ሲገርፉና ሲያሰቃዩ የሚተውበት፣ የሚያርፉበት ጊዜ አላቸው። የነፍስ ጠላቶች የሆኑት አጋንንት ግን ሰውን በኃጢአትና በፈተና መረብ ውስጥ ጥለው ለማጥፋት፣ ከእግዚአብሔር መንገድ ለመንጠቅ ቀንና ሌሊት ያለ እረፍት ይተጋሉ። ነፍሳችንን በንስሐና በጸሎት ካላነቃናት በጠላት እጅ ወድቃ ዘላለም ስትሰቃይ ትኖራለች።

ስለዚህ በተሰጠችን አጭር ጊዜ ውስጥ ከእንቅልፋችን እንንቃ፤ ነፍሳችንን ከኃጢአት እስራትና ከዲያብሎስ ፈተና እናድናት። በጊዜያዊ ስጋዊ ምቾት ሳንሸወድ ለዘላለም ነፍሳችን ድኅነትና እረፍት እንትጋ።

አምላካችን የነፍስ ንቁነትን ሰጥቶ ከጠላት አጋንንት ተንኮልና አበሳ ሁሉ ሰውሮ ይጠብቀን! ✨

✍️ / ዑራኤል

1.2k 2 9 4

ተግሳጽ

29 Sep, 11:34

🌿 ወዳጄ ሆይ!

🔥 የመከራው እሳትና የጽናት በረከት 🔥

በህይወትህ ፈተናና መከራ በሚበዛበት ጊዜ ከእሳቱ ለመሸሽ አትሞክር፤ ይልቁንም ወደ እሳቱ ግባ! ከእሳቱ ውጭ ሆነህ በሩቁ አትቁም። ምክንያቱም በዚያ በፈተናና በድሃነት እሳት ውስጥ ሆነህ ከጸናህ፣ እሳቱ ያጠራሃል እንጂ አያቃጥልህም፤ ድሃነትና መከራም ካንተ ዘንድ ይርቃል። ከፈተናውና ከእሳቱ ርቀህ ልቀመጥ ብትል ግን፣ ፈተናው ድንገት ይደርስብሃል፣ ፈጥኖም ይይዝሃል። ከፈተና እሳትና ከድሃነት ከሚታገሉ ቅዱሳን ሰዎች ርቀህ አትቁም!

🛡️ የእውነተኛ እምነትና የጽናት ፍሬ

ዲያብሎስ ለገንዘብና ለንብረት ባለመስገዳቸው ምክንያት ሰዎችን ወደ ድሃነትና ወደ ፈተና እሳት ሲጥላቸው ስታይ፣ እሳቱን ፈርተህ አትሸሽ! ይልቁንም ወደ እሳቱ ገብተው እንደ ወርቅ ከሚጠሩት ወገኖች አንዱ ሁን እንጂ፣ እሳቱን አብዝተው ወደሚጥሉትና ሰዎችን ወደሚፈትኑት ወገን አትሁንም።

ይህንን ያደረግህ እንደሆነ፡

👉ከሚቃጠሉትና ከሚጠፉት ወገን ሳይሆን፣
👉ከእሳቱ ቃጠሎ አምልጠው ከሚድኑትና ከሚከብሩት ወገን ትሆናለህ!

💎 የገንዘብ ፍቅርን ማሸነፍና ሰላም

ወዳጄ ሆይ! ለገንዘብ አለመገዛትና የገንዘብ ፍቅርን ከአእምሮ ማራቅ፣ እንዲሁም በድሃነትና በፈተና ውስጥ ካሉት ቅዱሳን ጋር አንድነትን መፍጠር— በውነት ያለ ሐሰት ታላቅ ጤና፣ ሰላም እና እውነተኛ ዕረፍት ነው!
በዓለም ያሉ ባለጠጎች ሳይሆኑ፣ እውነተኛ ባለጠጎች የሚባሉት የገንዘብ ፍቅርን በእግራቸው ሥር የረገጡት ናቸው!

🔥 የሦስቱ ደቂቅ ድንቅ አርአያነት፡

በባቢሎን የነበሩት ሦስቱ ደቂቅ (ሲድራቅ፣ ሚሳቅ፣ አብደናጎ) የንጉሱን ትእዛዝ አንቀበልም፣ ለጣኦትም አንሰግድም ብለው በእምነታቸው በመጽናታቸው— ከንጉሡ ይልቅ እጅግ የተከበሩና የታወቁ ሆኑ!

✨ አንተም ወዳጄ ሆይ!

የነዚህን አበው አርአያነት ተከተል! በፈተናና በመከራ ውስጥ ብታልፍ እንኳ በእምነትህ ፅና፤ የዓለምን ከንቱ ሀብትና ንብረት ረግጠህ እውነተኛውን ሰማያዊ ክብር አትርፍ! 🕊️✨

ቅዱስ ዮሐንስ አፈወርቅ❣️

✍️ / ዑራኤል

1.3k 2 9 2

ተግሳጽ

28 Sep, 19:26

ተወዳጆች ሆይ

ቅዱስ ኤፍሬም ሶርያዊ ለሰላማዊ ሌሊት የሰጠው ምክር፡

“ህሊናችሁን ሳትመረምሩ፣ እግዚአብሔርንና የበደላችኋቸውን ሰዎች ይቅርታ ሳትጠይቁ አትተኙ።

ወደ አልጋችሁ ከመግበታችሁ በፊት ልብሳችሁን እንደምታወልቁ ሁሉ፣ እንቅልፋችሁ ዕረፍት ያለውና የተባረከ ይሆን ዘንድ ነፍሳችሁን ከክፋት፣ ከምሬትና ከቂም ሁሉ አውልቃችሁ ጣሉ።”

እርስ በእርሳችን እንጸልይ፣ ከልብ ይቅር እንባባል፣ የጌታንም ስም በሕሊናችን ይዘን እንተኛ!

ሰላም፣ ጤና፣ እና የጠባቂ መልአካችሁ ጥበቃ በሌሊቱ ሁሉ ከእናንተ ጋር ይሁን!

አምላክ ሆይ፣ እርዳን! ✝️

✍️ / ዑራኤል

ማንኛውም ሀሳብ
👇👇👇
@Mogesinewokibrene

401 0 5 3

ተግሳጽ

28 Sep, 17:59

እውነተኛ ክብርን ማግኘት ትፈልጋለህን? እንግዲያውስ ክብርን አትሻ፤ ያኔ በእውነት ትከብራለህ!

345 0 0

ተግሳጽ

28 Sep, 17:55

🌿 ወዳጄ ሆይ!

ሰው እንዲያወድስህና ከፍ ከፍ እንዲያደርግህ ስትመኝ፣ ያ የምትፈልገው ውዳሴ እራሱ እየተሳለቀብህና እየተበቀለህ እንደሆነ አስተውለሃል?

የሰዎች ሙገሳ አንተን ከፍ የሚያደርግ መስሎህ ሲታይህ፣ በእውነቱ ግን ይበልጥ ውርደትንና ዘለፋን እንደሚያመጣብህ አትገነዘብምን?

ለአብነት ያህል፡ አንድ ሰው በኃጢአትና በዝሙት ውስጥ ለመውደቅ በሚመኝበት ጊዜ፣ ሌሎች ሰዎች እሱን ቢያመሰግኑትና ቢወድሱት፣ ያ ምስጋናቸው አክብሮት ሳይሆን ዝሙተኛውን ሰው በቅንጣት እንኳን ሳይረዱት እያዘቀጡትና እያዘለፉት እንደሆነ ሁሉ— አንተም ከንቱ ውዳሴን ስትፈልግ፣ ሰዎች የሚያቀርቡልህ ሙገሳ ሁሉ ክብሩን ሳይሆን ውርደቱን እየጨመረልህ ነው። እያከበሩህ ሳይሆን ይበልጥ እያዋረዱህ ነው!

💡 እውነተኛ ክብርን ትፈልጋለህን?

ከንቱ ውዳሴን ስትሻ ከምስጋና ይልቅ ዘለፋንና ውርደትን እንደምታተርፍ እያወቅህ፣ ታዲያ ለምን ሰዎች እንዲያወድሱህ ትመኛለህ? እውነተኛ ክብርን ማግኘት ትፈልጋለህን? እንግዲያውስ ክብርን አትሻ፤ ያኔ በእውነት ትከብራለህ!

🏛️ የናቡከደነፆርን ታሪክ አስብ፡

እርሱ ክብርን በራሱ መንገድ ለመጨመር በፈለገ ጊዜ፣ ከእንጨትና ከድንጋይ የተሰራ የራሱን ምስል ድንቅ አድርጎ አቆመ። ህይወት በሌለው በዚያ ግዑዝ ነገር ክብር እንደሚያገኝ አሰበ፤ ነገር ግን ያደረገው ነገር ክብርን ሳይሆን ታላቅ ውርደትን አመጣበት።

⚠️ ወዳጄ!

ስለዚህ የሰዎችን ከንቱ ምስጋና ከመፈለግ ይልቅ፣ እውነተኛውን ክብር ከሰማያዊው አምላክ ብቻ እንፈልግ! የከንቱ ውዳሴን ስንፍናና አታላይነት አስተውለን ልባችንን ወደ እውነት እንመልስ። 🕊️✨

ቅዱስ ዮሐንስ አፈወርቅ ❣️

✍️ / ዑራኤል

ማንኛውም ሀሳብ
👇👇👇
@Mogesinewokibrene

1k 2 4 5

ተግሳጽ

28 Sep, 16:50

ነገር ግን እኛ ልንጠቀምበት የሚገባ ታላቅ "መንፈሳዊ መስታወት" አለ፤ እርሱም የእግዚአብሔር ሕግና ቅዱሳት መጻሕፍትን ማሰላሰል ነው።

ማንኛውም ሀሳብ
👇👇👇
@Mogesinewokibrene

347 0 0 1

ተግሳጽ

28 Sep, 12:23

ተወዳጆቼ! 👋✨

ታዲያ እስኪ ንገሩኝ! ክርስቲያንን ከክርስቲያን ከሚያስብሉት ነገሮች እጅግ የራቅህ ሆነህ ሳለህ፣ ክርስቲያን መሆንህን መለየት የምትችለው በምንድን ነው? ክርስቲያን መባልህ ይቅርና፣ እንደ አህያ ትራገጣለህ፤ እንደ ኮርማ ትሴስናለህ፤ እንደ ፈረስ ከሴቶች ኋላ ሆነህ ታሽካካለህ፤ እንደ ድብ ሆዳም ነህ፤ ሥጋህን እንደ በቅሎ ሥጋ ትሰገስጋለህ፤ እንደ ግመል ቂም ትይዛለህ፤ እንደ ተኩላ ትነጥቃለህ፤ እንደ እባብ ትቆጣለህ፤ እንደ ጊንጥ ትናደፋለህ፤ እንደ ቀበሮ ተንኮለኛ ነህ፤ እንደ እባብ ወይም እንደ እፉኝት በጉሮሮህ መርዝ አለ፤ እንደ ክፉ ጋኔን ከወንድምህ ጋር ትጣላለህ። ታዲያ ክርስቲያን የሚለውስ ይቅርና፣ በምንህ ሰው ብዬ ልጥራህ? ሰው የሚያስብል ምልክት ሳይኖርህ እንዴት ብዬ ከሰው ዘንድ ልቁጠርህ?

እጅግ የሚያሳዝነው ደግሞ የገዛ ነፍሳችን ታማ እያለች ያንን የነፍሳችንን ሕመም እንኳን ለይተን ማወቅ አለመቻላችን ነው። ለውጫዊ ውበታችን፣ ለጸጉራችንና ለትያትራችን የምንሰጠውን ትኩረት ያህል ለነፍሳችን አንሰጥም። ነገር ግን እኛ ልንጠቀምበት የሚገባ ታላቅ "መንፈሳዊ መስታወት" አለ፤ እርሱም የእግዚአብሔር ሕግና ቅዱሳት መጻሕፍትን ማሰላሰል ነው። በዚህ መስታወት ውስጥ ሕይወታችንን ስንመለከት ጉድለታችንና እደፋችን ይታየናል። ያኔ ከበሽታችንና ከእስራታችን ነጻ ለመውጣትና ልባችንን ለማንጻት መንገዱ እጅግ ቀላል ይሆንልናል! ✨📖🕊️

(ቅዱስ ዮሐንስ አፈወርቅ)❣️

✍️ / ዑራኤል

1.1k 2 6 3

ተግሳጽ

27 Sep, 19:33

ተወዳጆች ሆይ!

አንድ ሰው የራሱን ኃጢአትና ጉድለት ለማየት ከተጋረደ፣ የሌሎችን በደልናውድቀት ለመመልከት ፈጽሞ ዓይንም ሆነ ጊዜ አይኖረውም። የራሱን ሙት በቤቱ ይዞ እያለቀሰ ያለ ሰው፣ እንዴት ብሎ የጎረቤቱን ሙት ሊያለቅስ ይሄዳል?

ታላቁ አባታችን አባ ሙሴ ጸሊም ይህንን ታላቅ ምስጢር በተግባር ሲያሳየን፦

«

ኃጢአቴ እንደ ተራራ ከፊቴ ተደምሮ እያለ፣ የሌሎችን ኃጢአት ልፈርድ እንዴት እሄዳለሁ?»

በማለት የራሱን በደል ማየት የሌሎችን ጥፋት ከመቁጠር እንደሚያድነን አስተምሮናል።

እንደዚሁም ቅዱሳን አበው እንደሚሉ፦

«የራሱን ኃጢአት የሚያይና የሚያለቅስ ሰው፣ መላእክትን ከሚያዩ ይበልጣል»።

ሰው የራሱን ልብ ለማጽዳት ሲደክም፣ የሌላውን እድፍ ለማየት ትኩረት አይኖረውም። ዓይናችን ወደ ውስጥ ወደራሳችን ሕሊና ሲመለስ፣ ለሌላው የሚኖረን ፍቅርና ይቅርታ ይበልጥ ያበራል።

እግዚአብሔር የራሳችንን ማንነት የምናይበትንና በንስሐ የምንመለስበትን የልቦና ዓይን ይክፈትልን!

✍️ / ዑራኤል

1.5k 2 1 5

ተግሳጽ

27 Sep, 14:30

ተወዳጆች

አንዳንዴ እግዚአብሔር በጣም የምንመካበትንና የምንወደውን ነገር ከእጃችን ሲነጥቀን ልባችን ይደነግጣል፤ «ለምን?» ብለንም እንጠይቃለን።

ነገር ግን አምላክ እጃችን ላይ ያለውን ነገር የሚወስደው ባዶ እጃችንን ቀርተን እንድንቀር ሳይሆን፣ ባዶ የሆኑትን እጆቻችንን በበለጠና በትልቅ ስጦታ ሊሞላ ሲፈልግ ነው።

ቅዱስ ዮሐንስ አፈወርቅ እንዲህ ይላል፦

«ፈጣሪ የሚወደውን ነገር ከአንተ ሲወስድ አትዘን፤ ምክንያቱም እርሱ ያንተን ትንሽ ነገር ወስዶ እጅግ ታላቅ የሆነውን ሊሰጥህ አቅዷልና።»

አብርሃም በጣም የሚወደውን አንድያ ልጁን ይስሐቅን ለመሰዋት በተዘጋጀ ጊዜ፣ ፈጣሪ የበለጠ በረከትንና የብዙ ህዝቦች አባትነትን ሰጠው። ፈጣሪ የሚወስደው አዲስና የተሻለ ነገር ሊሰጥህ ሲዘጋጅ ነው!

ስለዚህ ዛሬ የሆነ ነገር ቢጎድልብህ ወይም ቢወሰድብህ አትደንግጥ፤ ከጀርባው ትልቅ የእግዚአብሔር መልካም ፈቃድና የተሻለ ስጦታ አለና በተስፋ ጠብቅ።

እግዚአብሔር ማጣታችንን ወደ ታላቅ በረከት የሚቀይር አምላክ ነው!

✍️ / ዑራኤል

ማንኛውም ሀሳብ
👇👇👇
@Mogesinewokibrene

644 1 9 3

ተግሳጽ

26 Sep, 21:41

ተወዳጆቼ

በእንጨት ላይ በተፃፈው ፍቅር የሞት ጨለማ ተገፎ የህይወት ብርሃን በራ፤ የዕዳችንም ጽሕፈት ተደመሰሰ።

ይህ ታላቅ መስቀል ለቤታችሁ የሰላም መልክዓ-ምድር፣ ለሰውነታችሁ ደግሞ የፍቅርና የጤና ፍሬ ይሁንላችሁ!

ለብርሃነ መስቀሉ በዓል በሰላም አደረሳችሁ፣ ውድ የቻናሌ ቤተሰቦች! 🌼✨

✍️ / ዑራኤል

493 0 3 2 9

ተግሳጽ

26 Sep, 21:06

ተወዳጆች

በዚች ምድር ላይ ከጤና የበለጠ ምንም ነገር የለም!

ሰው ቢማር፣ ቢከብር፣ ሀብት ቢሰበስብ... ጤና ከሌለው ሁሉ ነገር ባዶ ነው። አልጋ ላይ ወድቆ ሰማይና ምድር ለሚዞርበት ሰው፣ የአለም ሀብት ሁሉ አያስታግሰውም።

ቅዱስ ዮሐንስ አፈወርቅ ሲናገር፦

«ጤናማ ሆኖ የሚኖር ደሃ፣ ሁልጊዜ በህመም ከሚሰቃይ ባለሀብት እጅግ ይበልጣል» ይላል።

ስለዚህ ዛሬ አየር ወደ ሳንባችን የሚገባው፣ በእግራችን ተንቀሳቅሰን ውለን የምንገባው፣ እንዲሁም ፍፁም የሰው እጅ ሳንጠብቅ የምንኖርበት እያንዳንዱ ቅጽበት ትልቅ ተአምር ነው።

ዛሬ ሙሉ ጤነኛ ሆነን መዋላችንን እንደ ቀላል ነገር አንየው፤ ፈጣሪን በፍጹም ምስጋና እናስበው። ጤና ያለው ሰው ነገውን ለመቀየር ሙሉ ዕድል አለውና!

አምላክ ለሁላችንም ሙሉ ጤናንና የሰላም ውሎን ይስጠን!

✍️ / ዑራኤል

1.2k 1 5 6

ተግሳጽ

26 Sep, 17:51

https://vt.tiktok.com/ZSbYxrxnB/

345 0 0

20 ta oxirgi post ko‘rsatilgan.

17 044

obunachilar

Kanal statistikasi

Kanalda mashhur

ተወዳጆች ሆይ! እግዚአብሔር ሰዎችን የሚመርጠውና የሚጠቀምባቸው ፍጹም ስለሆኑ ወይም እንከን ስለሌላቸው አይደለም፤ ይልቁንም በጸጋውና በምህረቱ ደካማውን...

ተወዳጆች ሆይ! በሕይወታችን ውስጥ አንዳንዴ የመጣብን ፈተናና መከራ ከበድ ብሎን፣ መውጫው ጠፍቶንና ተስፋ ቆርጠን "አበቃሁ" የምንልበት ጊዜ ሊኖር ይች...

ተወዳጆች ሆይ! እግዚአብሔር በሕይወታችሁ የሰጣችሁ የማንኛውም ስጦታና በረከት ባለአደራዎች መሆናችሁን አትርሱ። የተሰጣችሁ ስጦታ ሁሉ የፈጣሪን ...

ተወዳጆች ሆይ! በሕይወታችን ውስጥ የሚያጋጥሙን ፈተናዎችና መከራዎች ሁሉ የገዛ መልካምነታችንን የሚፈትኑ ወይም የእምነታችንን ጥንካሬ የሚያሳዩ መንፈሳዊ...

ተወዳጆች ሆይ! በመንፈሳዊ ሕይወታችን ውስጥ የእግዚአብሔርን ቃል ዘወትር መስማት፣ ማንበብና ማስተንተን ልባችንን የሚለውጥና ነፍሳችንን የሚያንጽ ታላቅ ...