ተ ቱ ቲ ታ ቴ ት ትርጉም እንመለከታለን። በግዕዝ ቋንቋ መሰረት የተ ፊደል ዘሮች ጠልሰማዊና ፊደላዊ ፍች አላቸው። ፍቻቸውም ምድራዊ ብቻ ሳይሆን ሰማያዊም ጭምር ነው::
1ኛ) ጠልሰማዊ ፍች፦
ተ ማለት ምዕራብ ምስራቅ ሰሜን ደቡብ፣ ቅርፀ አዳም፣ ማዕከላዊ: መስቀል: በሁሉ ላይ የተሾመ ማለት ነው::
ቱ ማለት "አዳም ብቻውን እንዳይሆን ከግራ ጎኑ ሰው እንፍጠርለት" ማለትን ያመለክታል:: ከአንድ ሁለት መሆንን ያሳያል::
ቲ ማለት ዲያቢሎስ በቀኝ የነበረውን አዳም በግራ ሊያደርገው መንቀሳቀሱን ማለትም የሄዋንን መሳሳት የሚጠቁም ነው::
ታ ማለት የአዳም እና የሄዋን በሰሩት ሃጢያት መፀፀትና ወደ ፈጣሪያቸው መመልከታቸውን: ከግራ ወደ ቀኝ እንዲመልሳቸው መማፀናቸውን ያሳያል::
ቴ ጠልሰም እጅግ ትልቅ ሚስጥርን የያዘ ነው:: ለአምስት ሺህ አምስት መቶ ዘመን በሲኦል በዳቢሎስ ቀንበር ሲማቅቅ የነበረን ነፍስ ሁሉ ለማዳን 'ቴ' ኢየሱስ ክርስቶስ ወደ ሲኦል መውረዱን የሚያመላክት ነው:: ይህ 'ቴ' በተዓምረ ኡራኤል ላይ የሚነበብ ነው:: ይህ ጠልሰም ጌታችን ለአዳም የገባለትን ከ5500 ዘመን በኃላ የሚፈፀመውን ከላይ የተገለፀውን የምህረት ስራ ከርቀት የሚያሳይ ነው::
ት ማለት ትህትና ነው:: ጌታችን አዳምን ሁሉ ሊያድነው በቀራንዮ መሰቀሉን ያመለክታል:: ትዕግስትም ነው:: እንዲሁም በ ታ የተጸጸተው አዳም ከታች ወደ ላይ መነሳቱንና በቴ መዳኑን ያሳያል።
ቶ ማለት ክርስቶስ ተነስቷል በአባቱም ቀኝ ተቀምጧል:: አዳም ዳግም ወደ ክብሩ ተመልሷል:: በስሙ ለሚያምኑት ለተጠሩት ልጅነትን ከኃይል ጋር ሰጣቸው:: የሰማይናንና የምድርንም መክፈቻ ቁልፍ ሰጣቸው:: በማለት አባቶች ያመሰጥሩታል::
2ኛ) ፊደላዊ ፍች፦
ተ ማለት ተሰብአ ወተሠገወ እማርያም እምቅድስት ድንግል ማለት ነው፡፡
ቱ ማለት መዝራዕቱ ለአብ ማለት ነው፡፡
ቲ ማለት ተአኳቲ ለእግዚአብሔር ማለት ነው፡፡
ታ ማለት ታው ትጉህ እግዚአብሔር ማለት ነው፡፡
ቴ ማለት ከሣቴ ብርሃን ማለት ነው፡፡
ት ማለት ትፍሥሕት ወሐሤት ማለት ነው፡፡
ቶ ማለት ነአምን ልደቶ ለክርስቶስ ማለት ነው፡
@yaltenegeru_mistroch
@yaltenegeru_mistroch
@yaltenegeru_mistroch