አንድ የሃይማኖት አባት በጫካ እየሄዱ ሳለ የጅብ ድምፅ ሰሙና እንዳይበላቸው በመስጋት ዛፍ ላይ ወጥተው ተደበቁ። በዚህን ግዜ አንድ ወንበዴ እያለፈ እያለ እኚህን አባት ዛፍ ላይ ተንጠላጥለው ያያቸዋል። ወደእሳቸውም ቀርቦ፦"ምነው በዚህ ለሊት እዚህ ላይ?" ሲል ጠየቃቸው።

እሳቸውም፦ “የምድርን ጨርሼ ዛፍ ላይ ወጥቼ እጸለየኩ ነው” በማለት መለሱለት።

ከረጅም ዝምታ በኋላ ወንበዴው እንዲህ ሲል ጠየቃቸው፦"እኔ በህይወት ዘመኔ በሙሉ ሰዎችን ስገድልና ስዘርፍ ነው ያሳለፍኩት የዚህን ያህል ሀጥያት ተሸክሜ ፈጣሪ እኔን ይቅር ሊለኝ ይቻለዋል?"

እያዳመጡት የነበረው የሃይማኖት መምህርም፦“እንዴታ! ፈጣሪ ደግነቱና ምህረቱ የማያልቅ ነው እንደ ሃጥያትህ ብዛት ሳይሆን እንደቸርነቱ መጠን በንጹህ ልብ ለምነው”

"የምር ግን አሁን በንጹህ ልብ ብጸልይህ ኀጥያቴን በሙላ ይቅር ይለኛል?" ወንበዴው አቋርጦ ጠየቃቸው።

እሳቸውም፦“በርግጥም አዎ ዋናው ከልብ የሆነ ንጹህ ንስሃ ነው” አሉት።

በዚህ ጊዜ ይህ ወንበዴ ለአንድ ሰዓት ያህል ጸለየና ተነስቶ መራመድ ሲጀምር እራሱን ስቶ ወደቀ። ከጥቂት ደቂቃዎች በኋላ ሁለት መላዕክታን ወደምድር ወርደው የወንበዴውን ነፍስ በመሸከም ወደሰማይ አረጉ። ይህን ሁሉ እየተመለከቱ የነበሩት አባት በመገረምና በመደነቅ ፈዘው ቀሩ፦“እድሜ ዘመኔን ለፈጣሪ ሥጾም ስሰግድና ስጸልይ ኖሪያለሁ፤ ከእንግዲማ ያሻኝን አደርጋለሁ። እንደፈለኩም ምድር ላይ ዘልዬ ሲበቃኝ አንዴ ይቅር በለኝ ብሎ መጸለይ ነው” በማለት ከዛፍ ሲወርዱ ጅብ በልቷቸው ሞቱ:: 👐🏼☺