Type to search
Advanced channel search

Telegram Analytics

Subscribe to stay informed about TGStat news.
img
ad

TGStat Bot

Bot to get channel statistics without leaving Telegram
img
ad

TGAlertsBot

Monitoring of keywords in channels and chats
img
ad

SearcheeBot

Your guide in the world of telegram channels
img
ad

ancient history of oromoo

@etbisahusen
Channel's geo and language: Ethiopia, English
Category: Politics

https://youtube.com/@ancienthistoryoforomoo6668?si=BLiCBeAVIkfyX3VG

Related channels  |  Similar channels
Channel's geo and language
Ethiopia, English
Category
Politics
Statistics
Is this your channel? Confirm Канал в реестре блогеров РКН? Confirm Channel history
Posts filter

ancient history of oromoo

8 Feb, 22:46

Open in Telegram Share Report
bitu dandayya ture.

Namooni 8 erga duuti itti murtooytee booda qabsoo Haaji Ahmad Nuureetiin bilisa bahan;-

1. Muuttaqii Sheikh Muhammad-Rashiid (Abbaa Afandii Muttaqiiti).
2. Ahmad Al-Hadi Hussein (madda Seenaa qabsoo Oromoo Caracr kan tahe ).
3. Mohammed Bakar
4. Usmail Ahmayyu
5. Najaash Usmail (Abbaa Mahammadi fi Iliyaas Najaashee faa)
6. Wayyaa Ibroo (Abbaa Ahmadoo Wayyaa)
7. Mohammed Abdoo (Luungoo)
8. Amiinoo Abdurahman (Amiinoo Tuutii, Abbaa Iskindar fi Muja'id) faa dha turan.

Yeroo sanitti saddeetan kana malees namooni 3 haala addaatiin, Harar fi Shaggaritti akka hidhaman tahe. Hidhaa ji'a 6 booda gadi lakkifaman. Saddeen kun ;-
1. Mahaammed Zakir (Meyraa)
2. Sa'id Sufiyaan
3. Sa'id Hulloo (Ilma Huulloo Wadaay) turan.

Haaji Ahmad Nuuree Qabsaa'aa dha, Goota, Dippiloomaatii dha, nama ta Taphataa abbaa koflaa fi jaalalaati. Iddoo inni jiru mara sabboonummaa qofaa miti, kolfaa fi taphaatu jira. Nama hawaasni Carcar guutuun jaalala isaatiin booji'ame tokko yoo jiraate Haaji Ahmad Nuureeti. Yeroo tokko Artsit Dr Alii Birraan afaan isaatiin akka naaf himeeti, "Ani galamsoo amma duraa takkaa dhaqee hin beeku ture. garuu nama tokko kaniin bara Haayilasilaaseerraa kaasee sabboonummaa fi amala gaariin isa beekuun qaba. Innis Haaji Ahmad Nuuree ti" naan ja'ee ture. Kunnimoo kan nutti agrsiisu Haaji Ahmad Nuuree dur irraa jalqabee nama iddoo sabboontootni oromoo jiru mara dhaqee isaaniin wal quba qabu tahuu isaati. (Haa tahu garuu booda Dr Artist Alii Birraanis bara 2013 Galamsoo Dhaqee, Magaalatti Seena qabeessa taate tanas argee jira. Dhimma hojiitiif waji dheeyne ture).

Haaji Ahmad Nuuree Galamsoo keessaa nama ilmaan hedduu qabu tahunis ni beekama. Dubartoota 14 akka dhalche himama. Sabboonummaa fi onnee qabsoo ofiif qabus ilmaan isaa akka dhaalchisse jiru sabboonummaan yeroo ammaa ilmaan isaa fi ilmaan ilmaan isarraa mul'atu ragaa dha. Haaji Ahmad Nuuree Soddaa #Artist_Daawwitee_Mokoonan, #Soddaa_Dinquu_Dayyaas fi Kkf ti turan. Ilmaan Haaji Ahmad Nuureetis dhaloota Eenyummaa ofiitii fi saba isaaniitiin qoosa hin beeyne,ijoolee jajjabee bakka nuuf buusee nama gara fuula rabbii deeme dha Haaji Ahmad Nuuree. Seenaa fi gumaachi Haaji Ahmad Nuuree qabsoo Ummata Oromoo keessatti arjoome hangana qofaa miti hedduu dha. Fuul duras kan itti dachaanu taha. Ammaf kanumaan adda galla.
Fuulli Rabbi Itti Haa Tolu!!!

#Horaa_Bulaa
#Deebanaa!!

@etbisahusen
124 0 2 1
ancient history of oromoo

8 Feb, 22:44

Open in Telegram Share Report
#Haaji_Ahmad_Nuuree_Hin_Dagatamu

Nama seenaan yaadachuu qabdu, nama kabajamaa fi jaalatamaa dha. Hararghee keessatti namni isa hin beeyne waan jiru nati hin fakkaatu. Hawaasa Oromoo Hararghee keessatti nama maqaa guddaa horachuu dandayye dha. Qoosaa,kooflaa fi tapha isaa qofaanii miti. Qabsoo Bilisummaa ummata Oromoo yeroo jalqabaatiif Ona Ituu,Carcaritti dhootee keessatti fi sana boodattis shooraa guddaa taphateeni fi warreegama cimaa ummata isaatiif kaffaleen maqaa guddaa horachuu nama danda'e dha. #Haaji_Ahmad_Nuuree. Nu wajiin turaa!!!

Inni kun warra eessaati? hin ja'inaa, gabaabumatti warra galamsootti. Ati silaafuu Ganda keessanii hin faggaatus naan hin ja'ina. Galamsoo qofaa miti Gandi keenya Carcari, gandi keenya Hararghee, gandi keenya Oromiyaa guutuu dha. Haaji Ahmad Nuuree nama saba isaatiif warreegama guddaa kaffalee seenaan isaa immoo hanga inni kaffale osoo hin himaminiif hafee dha. #Ituu_Oromoo_Post seenaa awwaalamte baasna. Dhugaa sabni qabu ragaa baana.

Akka lakkoofsa faranjii bara 1970n keessa qabsoo bilisummaa Oromoo yeroo duraatiif bifa hammayyaa'een Elemoo Qilxuu, Hundee Dhaabaa, Mahammadzaakir (Meeyraa) carcariti jalqaban keessattis tahe, san boodas achuma Carcaritti qabsoo Taaddasaa Birruu itti fufe keessatti ilmaan Oromoota Hararghee hedduun warreegama ulfaata kaffalanii, haala ulfaataa keessatti kufuufis dirqamanii ture. Taate Xirrooti uumamte tanatti aanee, sababa qabsoo Oromoo carxaritti dhukkaateen, uleen juntaa mootummaa Darguu Manneen Oromoota Carcar seenuunun, ummata hin cafaqiin hin jirtu. Dhugumatti yeroon sun yeroo Ilmaan Oromoo,Keessumaafuu ilmaan Murawwaa tiif, yeroo rakkistuu turte dha.

Haa tahuuti, akkumma gootowwaan Oromoo hedduu bilisummaa saba isaanitiif hojjatanii darbanitti, Haaji Ahmad Nuureetis nama osoo guyyaa tokkolee qabsoo Saba isaa jalaa hin hafin lubuun darbee dha. Fuulbana 5/2074ti Xirrooti warreegamuu hoggoontoota cicimoo akka Elemoo, Ahmad Taqii, Kol.Mahdii, Sheikh Jamaal fi Suleeyman booda, mootummaan Juntaa Darguu Oromoota carcar,keessaafuu soorreeyii gurguddoo warra ja'uu 70 kan caalan Baddeessaa, Galamsoo, Machaaraa, Waaccuu fi magaaloota carcar hedduu keessaa walitti guuree hidhe. Sababni hidheef qabsoo bilisummaa oromoo tan xirroo san duubaan jirtan sababa jadhuni ture.Namoota hidhaman kan 70 caalan kana keessaa namoota 8 mana murtii waraanaa magaalaa Hararitti argamu geefaman. Himanni adda addaa irratti baname. Biyya diiguu kan jadhu himata hedduu keessaa adda duree dha. Saddeetanuu murtiin du'aa itti laatamte. Garuu tokkoon isaanii osoo hin du'in hafan. Ji'a saddaasa bara 1975 hundi gad lakkifaman. Yeroon tun yeroo mootummaan darguu ummata Oromoo bakka hundatti rashanaa jiru. Oromoo qofaa miti qaamoolee shakke kamuu #qayshibbir jechuun yeroo kumaantamaan nama hirriirsee itti gattu ture. Kanaafu yeroo kana keessatti Darguun dhiifamaan isaan gad ni dhiisa wanni jadhu hin yaadamu Duuba Saddeettan duuti itti murtooyte kun akkamitti bahan?. Gabaabumatti rabbiiti aansee, Qabsoo Haaji Ahmad Nuureetu du'arraa isaan oolche jechuun ni danda'ama. Oddeefannoo qalloo ajjeefamuuf deemuu hiriyootaa fi waahillan qabsoo isaa kaneeni akkumma dhagaheeti, Haaji Abdoosh Ahmayyuu wajiin tahun fala qabsaa'oota kana du'a jalaa lubuu ittiin baraaru barbaaduuti seene. Lubuu ofii qabsiisee Angawoota Mootummaa Darguu gurguddaa akka #Dammisee_Dheereessaa, #Dabalaa_Dhiinsaa, #Fisahaa_Gadaa fi #Takkaa_Tulluu biratti daddeebi'uun akka jaallan kana hidharraa hiikan amansiisuuf hedduu carraaqe. Carraaqii taasiseen, fitinaa meeqa booda angawoota kana amansiisuu dandayye. Garuu tokkoon tokkoo hidhamtoota saddeettan duuti itti murtooyterraa qarshii 5000 kennuu akka qabu isa gaafatan. Haaluma kanaan maatii hidhamtootaa fi warra biyyaa irraa qarshii 40 000 sassaabee angawoota saniif kennuun, goota lubuu ilmaan Oromoo bitee, saba biratti guyyaa akka qabu galmeessuu danda'ee dha Haaji Ahmad Nuuree. Wanni nama ajaa'ibu yeroo sanitti qarshii 5000 (Kuma Shan) jechuun waan salphaa hin ture. Gatiin koonkoolaataa #Peajeo_404 jadhamtuu yeroo sanitti qarshii 4000 ture. ittii fufaa
@etbisahusen
115 0 1 1
ancient history of oromoo

6 Feb, 19:08

Open in Telegram Share Report
Doktor Hayilee Fidaa (1939?-1979)
Kutaa 3
EPRP baqatuyyuu, haalli jiru Hayilee Fidaafis ta'ee MEISONf hin fooyyofne. Adoolessa 10 1976, fonqolchi Mangistuu aangorraa buusuf godhame fashale, Sisaay Haptee guyyaa sadi'i booda gargaartotasaa 17 wajjin ajjeefame. Kana booda dhuma bara 1976 keessa, mormiin Mangistuu fi MEISON gidduutti uummame. Kana booda Mangistuun miseensota MEISON kan mootummaa keessa jiran aangoorraa kaasuu jalqabe. Filannoo ministerotaa Bitootessa 11 1977 godhamerratti MEISON aangoo tokkoyyuu odoo hin argatin waan hafeef haalli jiru ittuu hammaate. Waxabajjii 14 hoggansi POMOA MEISONirraa fudhatame. Hayilee Fidaa fi miseensonni MEISON tarkaanfin itti aanu hamaa akka ta'u waan baraniif dafanii tarkaanfii fudhatan: Hagayya 19 hoggantoonni MEISON 19 fi kaadiroonni 500 ta'an ifatti socho'uu dhiisanii lafa jala socho'uutti geeddaran; Finfinneedhaa baqatanii gara baadiyyaatti baqatan. Mangistuun haasaa guyyaa shan booda godherratti MEISON balaleffate. Hagayya 26 Hayilee Fidaa fi hoggantoonni MEISON kaan naannoo Finfinneetti qabamanii Gibbii durii kan biiroon Dargii keessa jiru keessatti hidhaman. Hoggantoonni MEISON baayyen dhukaasa humnoota Dargii fi isaan gidduutti godhameen du'an. Nagadee Goobazee qofatu gara Yamanitti baqatee lubbuun hafe.

Hayilee Fidaa mana hidhaa keessatti yeroo dheeraaf hanga dhumarratti ajjeefamutti haala hamaa keessa jiraachaa ture. Haalii ajjeechaasaa ifa miti, garuu Andaargachoo Xurunash Hayileen erga hidhamee waggaa lama booda, bara 1979tti ajjeefame jedhe.

Hayileen dura ta'aa Tokkummaa Barattoota Itoophiyaa kan Yuurooppi ture.

Qorannoo Afaan Oromoo

Dr Hayileen qubee Afaan Oroomoo uumuu keessatti ga'ee guddaa qaba. Yeroo Yuurooppi jiru, Hayileen miseensa garee barattoota Oromoo kan qorannoorratti xiyyeeffatu fi kan Garee Qorannoo Barattoota Oromoo jedhamuu ture. Gareen qorannoo kun barattoota Oromoo biyyoota akka Firaansi, Jarmanii, Iswiidin, Tokkummaa Sooviyet, Hanga

arii fi Yugoslaaviyaa keessa jiraatan hammata. Gareen kun Afaan Oromoo afaan barreeffamaa akka ta'uf qorannoo bal'aa godhe. Haaluma kanaan, gareen kun bara 1972 barruu qorannoosaa kana kan Languages in Ethiopia: Latin or Geez for Writing Afan Oromo, Tatek, 1972 maxxanse. Barruun kunis Afaan Oromoo qubee Laatiniitin barreessun filatamaa akka ta'ee seera ittiin Afaan Oromoo Laatiniidhan barreeffamu bu'uura kan kaa'e ture. Qorannoo kanarratti Dr Hayileen gumaacha guddaa qaba.

Dr Hayileen, itti fuufdhan qubee Afaan Oromoo haara kanatti fayyadamuun kitaabota lama walitti aansuun maxxanse. Kitaabni inni jalqabaa Hirmaata Dubbi Afaan Oromoo kan jedhamu yoo ta'u qorannoo caasluga Afaan Oromooti. Kitaabni kun kan maxxanfame bara 1973, magaalaa Paarisitti. Kitaabni inni lammataa ammoo Barra Birraan Barihe jedhama.

Barruulee Maxxanse

Languages in Ethiopia: Latin or Geez for Writing Afan Oromo, Tatek, 1972Hirmaata Dubbi Afaan Oromoo. Paris, 1973 Bara Birraan Barihe. Paris

seenaa oromoo fi seenaa goototaa oromoo
#ancient_history_of_oromoo
#seenaa
@etbisahusen
247 0 4 1
ancient history of oromoo

4 Feb, 22:13

Open in Telegram Share Report
Oduma baayyee hin turin Hayileen Dargiin biratti qofa odoo hin taane hogganaa Dargii Mangistuu Hayilamaariyam biratti beekkame, Dargiin yeroo sana deeggartoota siivilii fi gorsaa Maarkisizim-Leeninizimii barbaada ture. Muddee 1975, barreessan Dargii kutaa Biiroo Dhimma Ijaarsa Uummataa kan Yeroo (kan Ingiliffaan POMOA jedhamu) dhaabe, Hayilee Fidaas hogganaa godhe. Kaayyon POMOA Dargiin deeggarsa ummata biratti akka argatu gochuu qofa odoo hin taane siviloota bitaa warra kaan dhqqabuu ture. Hogganaa kutaa kanaa ta'ee odoo jiruuti kan Dr Hayileen Sagantaa Warraaqsa Dimokiraatawaa Biyyoolessaa kan qopheesse, dookimentin kunis dhaadhannoo Itiopiya Tikdem (Itoophiyaan haa dursitu) jedhu kan Dargiin akka kallattiitti itti fayyadamaa ture garuu kan ifa hin turin bakka bu'e. Tokkummaa warraaqsa hojjattootaa, qonnaan-bulaa fi burjaa xixiqqaa tarkaanfataatin, fiiwudaalizimii, impeeriyaalizimii fi kaappitaalizimiin barbadaa'anii dhumarratti Rippabiliika Dimokiraatawaa Ummataa Itoophiyaa uummame. Mangistuun Warraaqsa Dimokiraatawaa Biyyoolessaa fudhatamee hojiirra hooluusaa hiriira Ebla 20, 1976 irratti beeksise.

Haa ta'u malee, POMOAn mormitoota siivilii wajjin walqunnamtii uumuu dadhabe. Namoota Duula irratti hirmaatan kan hojii baadiyyaatti i

rratti ramadaman dhiisanii gara magaalaatti deebi'anii wajjin mormitoonni Dhaabaa Warraaqsaa Ummattoota Itophiyaa (kan Ingiliffaan EPRP jedhamu) deeggaran; kunis lakkoofsa miseensotasa fi dhiibbaa inni uumu dabale. MEISON Dargii yoo deeggaru, EPRPn Dargiin sochii uummataa humna waraanatin akka ukkaamse dubbachuun balaaleffate. Karaan sooshaalistii inni qajeelton mootummaa uummataa kan dhugaa hundeessuf qabsaawuu itti fufuu malee Dargii isa nama hacuucu akka hin fudhanne ifoomsan.

Shoora Dargiin Warraaqsa Itoophiyaa too'achuu keessatti tabachuu qabu irratti garaagarummaa hadhaawaa qabaataniyyuu, MEISON fi EPRP "sagantaa walfakkaatu baasan". Akka Ottaways, kan mormii kana ijaan arge jedhutti, "Itoophiyaanonni hedduun, warrumti baratanillee hubachuu hin dandeenye".

Ottaways akka jedhanitti:

Beektonni Itoophiyaa hunduu Maarkisizim-Leeninizimii keessa of galchuuf dirqaman. Barreessitoonni kun pirofeesaroota yuunivarsiitii kan mormii siyaasaa kanaan baayyee jaanja'anii fi hubachuuf jecha kitaabota duriii hedduu dubbisani arganiiru. Barattoonni yuunivarsiitii waggaa sadaffaa fi afraffaa barruu Addis Zamanirra jiranii fi paamfiletii dhoksaan maxxanfaman hiikanii nuu kennan garuu mormiin dhaabota siyaasaa adda addaa gidduu jiru maal akka ta'e hubachuu akka hin dandeenye dubbatu. Hoggantoonni hojii hiikaa Ejensii Oduu Itoophiyaa keessatti hojjatan hiikaa dhaamsota mootummaa kan tiyoorin guuttaman kan Biiroo Siyaasaarraa dhufan akka hin hubanne dubbatu.

Haala kana keessatti, Hayilee Fidaa walitti hidhata Dargii wajjin qabu cimse. Hagayya 1975, Hayileen Sisaay Haptee kan Koree Dhimma Siyaasaa Dargii ture wajjiin rakkoo Eertiraa keessa jirurratti biyyoota Arabaa ja'a wajjin mari'achuuf bobba'e.

Jechaan kan wal moo'uu dadhaban mormitoonni kun gara tarkaanfii humnaatti ce'an. Namni jalqaba tarkaanfin irratti fudhatame Tiyoodor Baqqalaa yoo ta'u gaafa Gurraandhala 25 1977 ajjeefame. Tiyoodor Baqqalaa miseensa MEISON fi hogganaa Tokkummaa Hojjattoota Guutuu-Itoophiyaa ture. Kun jalqaba Goolii Diimaa ture, yeroo kanas namoonni dhibbatamatti lakkaawwaman yoo du'an moo'amuu EPRPtin xumurame. Namoonni goolii kana jalaa ba'an Finfinneedhaa gara Tulluu Asiimbatti baqatan. itti fufa ....
#ancient_history_of_oromoo
#seenaa
t.me/etbisahusen
323 0 1 3
ancient history of oromoo

3 Feb, 21:53

Open in Telegram Share Report
Doktor Hayilee Fidaa (1939?-1979) nama siyaasaa yoo ta'u hogganaa Warraaqsa Sooshaalistii Guutuu-Itoophiyaa (irra caala maqaa Amaariffaa "ME'ISOON" jedhamuun beekkama) ture. Gumaachasaa keessa inni guddaan Dargii bakka bu'uun Sagantaa Warraaqsa Dimokiraatawaa Biyyooleessa baasuu isaatini. Kana malees, Dr Hayileen qorannoo adda addaa qubee Afaan Oromoorratii fi caasluga Afaan Oromoorratti godheen beekkama.

Seenaa Duubaa

Hayilee Fidaa Wallagga keessa magaalaa Arjootti dhalatee Naqamtetti guddate. Hayileen barnoota sadarkaa tokkoffaa Mana Barumsaa Arjootti yoo baratu sadarkaa giddu galeessa (kutaa 5-8) ammoo Naqamtetti mana barumsaa yeroo sana Mana Barumsaa Sadarkaa Lammaffaa Hayila Sillaasee I jedhamutti barate. Barnootasaa ittuma fufuun, sadarkaa lammaffaa Finfinneettii Mana Barumsa Jeneraal Wiingeetitti barate qaphxii olaanadhaan xumure. Kana booda barsiisaa ta'ee qacaramuun Dadaritti waggaa tokko barsiisaa ture.

Bara 1961tti, Hayileen Yuunivarsiitii Finfinnee galee barnoota ji'ooloojii baratee qaphxii guddaadhan eebbifame. Dr Hayileen barata cimaa ture; barnoota sadarkaa lammaffaa A kudhanii fi B lamaan xumure. Yuunivarsiititti ammoo qaphxii 4.0 fiduudhan barata kabajaa ta'ee (great distinction) eebbifame. Erga eebbifamee booda, achuma Yuunivarsiitii Finfinneetti, Dippartimentii Ji'ooloojitti Gargaaraa Eebbifamaa ta'ee akka barsiisaatti qacarame. Yuunivarsiitii Finfinnee keessatti erga waggaa tokko barsiisee booda barumsa digirii lammaffaa

gara Firaansi deeme.
Dr Hayileen Firaansitti jalqaba barumsa Ji'oofiiziksii, itti aansee waggaa lamaaf ammoo Sosooloojii baratee eebbifame. Hayileen sochii Tokkummaa Barattoota Itoophiyaa kan Yuurooppi keessatti godhurraan kan ka'ee fi mootummaa Hayilasillaasee waan balaaleffatuuf, paaspootii fi iskoolaasrhiippinsaa jalaa haqame. Sababa kanaaf biyyatti deebi'uu waan hin dandeenyeef, wagga lamaaf mana barumsaa Firaansi tokkotti qacaramee barsiisaa ture. Ittii aansee, paaspoortii dhoksaadhan imbaasin Itoophiyaa kan Jarmanii keenneefin gara Jarmanii deemee, Yuunivarsiitii Hambargitti waggaa lamaaf barsiise. Amajjii 1975 erga Warraaqsi dhoo'ee booda gara Itoophiyaatti deebi'e.

Sochii Siyaasaa

Yeroo Firaansi turetti, Hayileen Maarkisizimii Sooviyeetii fudhatee ture; Rene LaFort akka jedhetti Hayileen miseensa Paartii Koministii Firaansi ture. Waamicha Dargiin Itoophiyaanonni baratan gara biyya isaanitti deebi'anii akka tajaajilan godhe fudhachuun, Hayileen bara 1975 keessa gara biyyaatti achas deebi'e. Nagadee Goobazee, kan achuma Firaansitti barachaa ture wajjin naannoo Yuunivarsiitii Finfinneetti "mana kitaabaa tarkaanfataa" bane; kunis kitaabota Maarkisizim-Leeninizimii lammii biyyaattiitif dhiyeessuf ture. Manni kitaabaa dulloomaa fi dadhabaa ture kun barattootaan guuttame, kitaabonni haaraa dhufan battalumatti gurguramanii dhumu ture. ittii fufaa
#ancient_history_of_oromoo
#seenaa
@etbisahusen
361 0 3
ancient history of oromoo

31 Jan, 22:25

Open in Telegram Share Report
Tuulamni Ijoollee sadii qaba.Isaanis Daaccii, Bachoo fi Jillee dha. Yeroo mara namooti hedduun gaafa maqaa Sooddoo jedhu dhagayan akka qomoo Guraageetti kan ilaalan hedduu dha. Sooddoon ijoollee sadii godhatee lafasaa maqaasaatiin moggaafatee irra jiraachaa ture. Sadan ijoollee sooddoo; Odituu, Ummee(Tum’e) fi Liiban jedhamu. Isaan kunniinidha kan har’a sadan sooddoo jedhamanii beekaman. Lafti Sooddoo naannoo Shawa kibba lixaa, Kibba laga Hawaas (Awaash)irraa hamma Arsiisi fi daangaa naannoo uummattoota kibbaa ga’a. Karaa kaabaa immoo Bachoofi Galaan, Kraaaa lixaa, Waliisoo wajjin wal daangessa.

Giddu galli siyaasaa fi amantii Odaa Nabee yoo ta’u,giddu galli heeraafi seera kan itti tumaniifi labsii labsan Odaa kallachaa jedhama. Aanoti Sooddoo ,Daacii , Walisoo, Tolee, bu’ii, Qarsa Maalimmaan fi Soddoo Daacii yemmuu ta’u karaa ba’aatiin Maqii dugdaa, karaa kibbaatiin, aanaa bu’iitiin daangeffama. Akkuma armaan olitti ibsuuf yaalle Sooddoon ilma daaccii yeroo ta’u, Daacciin Ilmaan sadii godhate sadan sana keessaa inni tokko Sooddoo dha. Isaan kaanimmoo Galaaniifi Aboo jedhamu.

Goototni ilmaan Oromoo lakkaa’amanii hindhuman. Isaan keessaa akka fakkeenyaatti Taddeesee Birruu, Abdiisaa Aagaa, Waaqoo Guutuu, Oliiqaa Dingilii fi kan kana fakkaatan yeroo mara kaafna. Egaa goototi kunniin, Ilmaan Oromoo fi lafa Oromiyaa naannoo adda addaarratti kan dhalatan ta’uun beekamaadha. Akkuma kana ilmaan Oromoo damee Tuulamaa warra sadan sooddoorraa goototi dhalatanis hedduudha.

Bara Xaaliyaaniin biyya keenya weerarte gootummaa olaanaa raawwatanii diina biyya weeraruu dhufe wajjin kokkee walqabanii gootummaa isaanii kan mirkaneessan ilmaan Oromoo baayi’ee maqaa dhahuun ni danda’ama.Abdiisaa Aagaa,Jeneraal Taaddasaa Birruu Oliiqaa Dingilfi isaan kaanis maqaa dhahuun ni danda’ama. Gootota Oromoo dame Tuulamaa ilmaan sadan Sooddoo keessaa hedduu maqaa dhayuun ni danda’ama. Duula Xaaliyaanii 1ffaa fi 2ffaa irratti kan hirmaateefi Duula Maqaleefi aduwaarratti gootummaa guddaa kan raawwatanii beekamtii guddaa argatan keessaa kan maqaansaa akka biyyoolessaatti waamamu Dajjaazimaachi Baalchaa Safoo (abbaa nafsoo) damee Tuulamaa ilma Oromoo hidda Sooddoo ta’uunsaa beekamaa dha.

Gootootni sadan Sooddoo heddumminaan haa jiraataniyyuu malee akka fakkeenyaatti goota jalqabaa kan ta’an Suuraa Goota Sooddoo, Baalchaa abbaa Safoo (Abbaa Nafsoo) kanatti Fayyadamneerra.

Dajjaazimaachi Baalchaan bulchaa naannoo Sidaamoo fi boodammoo Harar ta’uun tajaajilaa turaniiru. Xaliyaaniin lafa abbaa isaanii weeraruuf yeroo dhufe sana rukutuudhaan gootummaa guddaa raawwataniiru. Baalchaan Dajjaazimaachi Baalchaan Soorama ba’anii utuu jiranii Xaaliyaaniin deebitee biyyaa weerartee jennaan dulloomeera jedhanii utuu hin taa’in umrii waggaa 73ffaa isaatti,”… biyyi koo diinaan weeraramtee gabroomuu ishee taa’ee hin ilaalu jechuudhaan, xaaliyaaniitti duulanii utuu lolanii lubbuun isaanii dabarte.

Goototi ilmaan Oromoo Sooddoo isaan qofaas miti, Gootota lafti Sooddoo biqilchite keessaa gootummaa isaaniitiin kan beekaman Dajjaazimaachi Baqqalaa wayyaa Obsees isaan tokkodha. Gootummaa olaanaa raawwataniif maqaa isaaniitiin manni barumsaa finfinnee keessatti moggafamee yaadannoof jira. Gooti ilma Oromoo lafti Sooddoo biqilchite keessaa kan gootummaa isaaniitiin beekaman, Dajjaazimaachi G/maariyaam Gaarii Godaanadha.

Gootummaa isaanii kanaafis yaadannoo akka ta’uuf maqaa isaaniitiin magaalaa Finfinnee keessatti kan argamu manni barumsaa Lise G/Maariyaam jedhamu maqaa isaaniitiin moggaafame.Yeroo baayi’ee garuu maqaan abbaafi akkaakayyuu isaanii barreessitoota mootummoota dabraniin hin ibsamne.

Egaa kabajamtoota dubbistootaa! goototi sadan Sooddoo baayi’eedha.Kan akka Dajjaazimaaci Ganamee Badhaanee, Fituwararii Merdaasaa Gadaa,Fituwraarii Taddesee Gananame, Qenyi azmach Bayyanee Guddataa Awaash, akka akka fakkeenyaatti kaasuu dandeenya.

Sooddoon lafa abbaasaa Oromoorra kan jiraatuufi aadaasaa kabajee kunuunsee eeggatee hidda sanyii Oromoo Oromummasaatiin boonudha.

@etbisahusen
456 0 5 8
ancient history of oromoo

31 Jan, 20:58

Open in Telegram Share Report
NADHII GAMMADAA
Kutaa 1ffaa

Qabsaawaa Oromoo
Nadhii Gammadaa (1955-) qabsaawaa mirga Oromoofi miseensa ABO ture. Nadhii Gammadaa bara 1993 keessa bakka buuteen isaa kan dhabame yoo ta’u du’uu ykn mana hidhaa jiraatuun isaa haga yoonatti hinmirkaneeffamne.
Seenaa Duuba
Nadhiin naannoo Oromiyaa aanaa
Zuwaay Dugdaatti Maqaan dhalootaa isaa Qaasim H/Usmaan Roobaa jedhama. Maqaan ittiin waamamu maqaa qabsoo Nadhii Gammadaa jedhamuun beekkama. Nadhiin bara 1955 Kutaa Arsii Aanaa Zuway Dugdaa keessatti, Abbaa isaa H/Usmaan Roobaafi Haadha isaa Aadde Amiinaa Borsee irraa dhalate. Maqaan Nadhii jedhu kun maqaa abbaa isaa kan H/Usmaan Roobaa ture. Abbaan isaa amantaa Islaamaa erga baratee booda, maqaa isaa gara H/Usmaanitti jijjiirrate. Nadhiin maqaa abbaa isaa kana fudhatee Nadhii Gammadaa jedhamee waammamuu jalqabe. Nadhiin obboloota dhiiraa saddeetiifi obboloota durbaa afur qaba.
Nadhiin mana barnoota sadarkaa 1ffaa irraa kaasee hanga yuunivarsiitiitti barumsaan cimaa ture. Nadhiin qormaata biyyoolessaa darbee
Yuunivarsiitii Finfinnee gale.
Yuunivarsiitii Finfinneetti barnootaa faarmaasii baratee waggaa tokko akkuma fixeen barnoota addaan kutee qabsoo bilisummaa Oromoo geggeessuuf bara 1978 ABOtti makame.
ABOtti makamee yeroo gabaabaa keessatti miseensa koree giddugaleessa ta’e.
Nadhiin bara 1993 wal ga’ii ABO irratti hirmaachuuf Waardiyoota isaa ja’a (6) wajjiin osoo gara iddoo Bookee 27 jedhamuutti deemuuu, bakka Asakoo jedhamu tan daangaa Arsiifi Harargee jidduutti argamtutti butamee, achi buuteen isaa dhabame. Nadhiin goota sammuu qaroo, kan yoo dubbatu haasawa isaa jechoota akka rasaasaatti onnee nama kutu, kan sagalee onnattummaafi kutannoon dubbatu saniin hedduu beekama. Akka namoonni tokko tokko jedhanitti Nadhii Gammadaa Maqaleetti dararaan mana hidhaatti irra gahaa jira yoo jedhan kaanimmoo Nadhiin lubbuun hin jiru jedhu. kunis ragaa qabatamaan kan deggerame miti.
Walumaa galatti Nadhiin seenaa Oromoo keessatti nama seenaan isaa barabaraan yaadatamu eessa akka jiru du’ee jiraafi lubbuun jiraan isaa kan hinbeekamne nama seenaa guddaa qabuudha. Nadhii Gammadaa as-buuteen dhabame haajedhamu malee, barbaacha isaaf xiyyeeffaannoon gama mootummaatiin wanti hojjatame hinjiru. Namnii namaaf falmuuu haa barbaadamu ilaalun gaariidha.
Akkuma sagalee haasawa isaa Nadhiin goota murannoofi kutannoo dhugaa kan qabuudha. Jechoota muraasa gatii qabdu, kan haasawa isaa humna qabeessaa keessaa;
1. “Biyya keenya jaalannu nama wajjiin qoodanna, feenu immoo akka barbaadnetti bulfachuun mirga keenya.!”
2. “Osoo halagaan biyya keenyarratti nu bulchuuf lafa dhiituu, kan hidhatee muratee dhaadatu, nuti ammoo mirga keenya kabachiisuudhaaf wanti murachuu nu hanqisu hin jiru.!”
3. “Hiree Ummata Oromoo kan murteessu, Ummata Oromooti malee, anatu sii beeka, karaa kana deemtu malee, kan nuun jedhuufi kan afaan qawweetiin nu doorsisu jiraatu, Ummanni keenya fudhachuuf qophii miti.!”
4. “Seenaa Abaaboota keenyaa kan Aanooleetti dhumanii san jiraachisuun, biyya keenya Oromiyaa harka Oromootti, Oromiyaa harka ilmaan haqaa kan Oromoo Ummata Oromootiif dhaabbataniitti galchuu qofaani.!”
5. “Hundi keenyayyuu; Ummanni Oromoo bakkayyuu, harka wal qabannee, waliin dhaabbannee, waan warri Aanoolee itti wareegamaniif san gatii itti godhuudhaaf fuuldura haa tarkaanfannuu.”
6. “Oromoon tokko. Amantiin addan bahu. Oromoon gosaan addan bahu. Lagaan addan bahu. Gaaraan addan bahu. Kan Oromoo adda qooduuf tattaafatu haa badu.”
7. “Biyya Oromoo irratti abbaan biyyaa Oromoodha. Biyya Oromoorratti Oromoo malee, namni biraa murteessuu hin danda'u. Kan warra biraa nurratti murteessisuu dhidhiibu haa badu.!” fi kan biroo jechoota hedduu Ummata Oromoo hundaaf dhaamee jira.”...itti fufa
@etbisahusen
349 0 3 3
ancient history of oromoo

31 Jan, 20:58

Open in Telegram Share Report
297 0 0
ancient history of oromoo

29 Jan, 20:21

Open in Telegram Share Report
Odaan Bultum Odaalee shanan keessaa quxusuu dha. Garuu Heera Oromoo raggaasisuu fi guutuu gochun Odaalee Shanan keessaa Odaa hangafaati. Heeri Oromoo bakka amma Odaan Bultum jiru kanaa fi #Siidaa_Dandee jidduti dhume. Odaa Bultumii fi Sidaan Dandee fageenya kiloo meetira lamaa walirraa qaba. Qaamni kamuu kan Heera Oromoo qorachuu fi hubachuu barbaadu Heeraa fi Seera gadaa Oromoo Iddoo kana jidduu dhaqee hanga hin qoratinitti hojiin isaa guutuu hin tahufi. Ituun warra heera Oromoon ittiin bulaa turte guutte dha. Heera Ittiin bulmaata Saba bal'aa kanaa guutuu dandayyuu jechun waan laaftuu miti, waan salphummatti lafaa ka'ameetuma raawwatamuus miti. Hayyummaa,Tasgabbii, Waldhageettii fi marii guddoon Aadaa Oromooni Ituu ittiin beekamani fi amala Ona Ituu keessatti barbaadamu waan tureefi.

https://t.me/etbisahusen
459 0 4 2
ancient history of oromoo

27 Jan, 20:11

Open in Telegram Share Report
HAYILEE FIDAA✌️

Kutaa 1ffaa

Doktor Hayilee Fidaa (1939-1979) nama siyaasaa yoo ta'u hogganaa
Warraaqsa Sooshaalistii Guutuu-Itoophiy
aa (irra caala maqaa Amaariffaa "ME'ISOON" jedhamuun beekkama) ture. Gumaachasaa keessa inni guddaan
Dargii bakka bu'uun Sagantaa Warraaqsa Dimokiraatawaa Biyyooleessa baasuu isaatini. Kana malees, Dr Hayileen qorannoo adda addaa qubee Afaan Oromoorratii fi caasluga Afaan Oromoorratti godheen beekkama.
SEENAA DUUBAA
Hayilee Fidaa Wallagga keessa magaalaa Arjootti dhalatee Naqamtetti guddate. Hayileen barnoota sadarkaa tokkoffaa Mana Barumsaa Arjootti yoo baratu sadarkaa giddu galeessa (kutaa 5-8) ammoo Naqamtetti mana barumsaa yeroo sana Mana Barumsaa Sadarkaa Lammaffaa Hayila Sillaasee I jedhamutti barate. Barnootasaa ittuma fufuun, sadarkaa lammaffaa Finfinneettii Mana Barumsa Jeneraal Wiingeetitti barate qaphxii olaanadhaan xumure. Kana booda barsiisaa ta'ee qacaramuun Dadaritti waggaa tokko barsiisaa ture.
Bara 1961tti, Hayileen Yuunivarsiitii Finfinnee galee barnoota ji'ooloojii baratee qaphxii guddaadhan eebbifame. Dr Hayileen barata cimaa ture; barnoota sadarkaa lammaffaa A kudhanii fi B lamaan xumure. Yuunivarsiititti ammoo qaphxii 4.0 fiduudhan barata kabajaa ta'ee (great distinction) eebbifame. Erga eebbifamee booda, achuma
Yuunivarsiitii Finfinneetti, Dippartimentii Ji'ooloojitti Gargaaraa Eebbifamaa ta'ee akka barsiisaatti qacarame.
Yuunivarsiitii Finfinnee keessatti erga waggaa tokko barsiisee booda barumsa digirii lammaffaa itti fufuuf gara Firaansi deeme.
Dr Hayileen Firaansitti jalqaba barumsa
Ji'oofiiziksii , itti aansee waggaa lamaaf ammoo Sosooloojii baratee eebbifame. Hayileen sochii Tokkummaa Barattoota Itoophiyaa kan Yuurooppi keessatti godhurraan kan ka'ee fi mootummaa Hayilasillaasee waan balaaleffatuuf, paaspootii fi iskoolaasrhiippinsaa jalaa haqame. Sababa kanaaf biyyatti deebi'uu waan hin dandeenyeef, wagga lamaaf mana barumsaa Firaansi tokkotti qacaramee barsiisaa ture. Ittii aansee, paaspoortii dhoksaadhan imbaasin Itoophiyaa kan Jarmanii keenneefin gara Jarmanii deemee,
Yuunivarsiitii Hambargitti waggaa lamaaf barsiise. Amajjii 1975 erga Warraaqsi dhoo'ee booda gara
Itoophiyaatti deebi'e....itti fufa

@etbisahusen
547 0 4 5
ancient history of oromoo

26 Jan, 18:24

Open in Telegram Share Report
JIRRA.

Jirra dhugaa rabbii
Jireenya quuqamaa
Hin sobnu dhugaansaa
Yeroo hundaa nuuf gama
Jirra dhugaa waaqaa
Jireenya irraangadee
Hidhaa sammuu ofii
Jiruu waa babbade

Jirra ijaan boo'aa
Mar'immaan bilchaachaa
Keessaan wal akaa'aa
Walitti gubachaa
Jirra gowwoomsinee
Gaafgaafis gowwoomnee
Lammii fira ofiitti
Qomootti alagoomnee

Jirra dhugaa Uumaa
Dalga sassararree
Yaadaan achi teenyee
Qaamaan waliin tarree
Orma kokkomachaa
Ofiis gaaga'amaa
Eeyyee isumatu
Jireenya jedhama.

✍ @etbisahusen
584 1 5 8
ancient history of oromoo

25 Jan, 21:09

Open in Telegram Share Report
Har'a gaazeexaan Bariisaa faayidaa
siyaasaatiif jedhamee kan qophaa'u malee faayidaa eenyummaa saba
Oromootiif jedhee miti. B
baay’inaan waa’ee eenyummaa
Oromoo irrattis kan hojjetaa jiru miti. Maqaa kana qabatee gaazexaan bahaa jiru garuu ammayyuu biyya Oromiyaa keessa jira. Qubee Afaan Oromoo har’a sabni Oromoo itti fayyadamu Baaroo Tumsaa fi Hayilee Fidaafaatu bara lubbuun jiran qopheessani. Bara 1973 qabsoon Oromoo akka inni sadarkaa olaanaarra ga’uuf kaayyoo balla’aa baasuudhaan Wiirtuu Qaama Qindoominaa dhaaba jedhu hundeesseera. Kunis immoo turee dhaaba Adda Bilisummaa Oromoo jedhutti jijjiirameera.
Bara 1974 daba mootummaan Hayila Sillaaseefi jaleensaa uummaatarratti geessisaa turan qaamni qoratu hundaa’e. Kana keessattis Baaroon miseensa ta’ee akka hojjetu erga taasifameen booda namoota Oromoo hinta’iniin rakkoo keessa galafamuuf tureera. Garuu rakkoo isaan Baaroorratti qopheessan kana namoota miseensa
Dargii turaniin karaatti hafeera. Baaroon dhaabbata siyaasaa bara sana keessatti hundeeffaman hunda dhiisee saba bara mootummaa Haayila Sillaasee cunqrsaan irra ga’aa ture hundaa kan ofitti haammatu dhaaba Wala’ansoo saba balla’a cunqursamoota Itoophiyaa ‘Ye Itoophiyaa ciqunooch abiyootawwii Tigil’ jedhu hundeesse. Dhaabni kunis saba Oromoofi sabaafi sablammoota cunqurfamoota byyattii kan of-keessatti haammate ture. Isaan booda Dargiin yeroo jabaachaa deemu of-tuulummaasaa dabalaa deemuun dhaaba ‘EMALEDHI” jdhaman diiguutti kaanaan Oromoonni baay’een gara qabsootti seenuu jalqaban....itti fufa

@etbisahusen
517 0 2 2
ancient history of oromoo

25 Jan, 21:09

Open in Telegram Share Report
BAAROO TUMSAA
Kutaa 2ffaa
QABSOO KEESSA SEENUUSAA
Baroota kana keessatti baay’inni barattoota Oromoo yuunivarsiitii keessatti haa xiqqaatuyyuu malee, warruma jiran kanaa wajjin wal arguudhaan mirga uummata Oromoo kabachiisuurratti maree taasisaa tureera. Wal’aansoon barattoota yuunivarsiitiin jalqabame kun utuu hinturiin ifatti ba’uudhaan namoota hedduu sochooseera. Sochiin kunis kana qofaaf utuu hintaane, uummanni Oromoo akka inni mirgasaaf falmatuuf karaa baaseera. Baaroon itti fufuudhaan namoota paarlaamaa keessa hojjetanii wajjin wal argee mariyachuun warra akka Maammoo Mazammirfaa wajjin ta’uun Waldaa wal-gargaarsa Maccaa fi Tuulamaa keessatti mormii fiyuudalizimii baadiyyaa keessattis baballisuun sochii mormii bara 1966 keessa turerratti haala mijeessuun shoora olaanaa taphatera.
Finfinneefi magaalota kanbiroo keessatti yaada ‘lafti qoteebulaaf’ jedhu irratti dargaggoota hedduu gurmeessuudhaan bittaan warra nafxanyootaa akka gabaabbatu taasisuuratti gumaacha guddaa taasiseera. Wallaansoon bara 1966 ka’e kun duula guddina waliin jedhu uumee keessumaayyuu naannoo Oromiyaa keessatti fudhatama argateera. Fudhatama argachuusaatiif sababnisaa Baaroo ture. Baaron goota humna dargaggootaa ijaaruun sirna Nafxanyootaa barbadeessuuf kutatee ka’e ture.
Baaroon bara 1966 barnootasaa erga xumuree booda biiroo eegumsa fayyaatti miindefamee hojjechuu jalqabe. Waajjira kana keessa amma turetti loogii bara dheeraaf mana hojii sana keessaa ture qorachuudhaan qajeelfama ture sana jijjiiree namoota hedduudhaaf bu’aa ta’eera. Sobdootaafi warreen malaamaltummaadhaan jiraatanis qaanessaa tureera.
Haalli Baaro ofi garee hojjetootaa kanaa namoonni itti hintolin Baaroo hojiirraa ariyani. Miindaasaarra ariyatamuun cinatti akka shororkeessituu addaatti fudhatamee tureera. Haata’u malee dabni irratti raawwate kun Baaroon wallaansoosaatti akkanni cimu isa taasise malee dugda duubatti isa hindeebifne. Yeroo mara mootummaan bara sanaa Oromoorratti miidhaa dhoksaa waan taasisuuf, akka sabni
Oromoo walitti dhufanii mariyatan waan hinbarbadneef Waldaan Maccaafi Tuulamaa akka cufamu taasisaniiru. Kun kan isa gaddisiise Baaroon ummanni Oromoo bakka maree akka hindhabneef Waldaa Dhaaba Dhidheessaa jedhu uume. Mul’anni Baaroo keessaa finiinaa ture sun boqonnaa waan isaaf hinlaanneef yoo isaan karaa tokko cufan inni ammoo karaa biraan mala dhaha malee sodaachisiifamuu mootummaa kanaaf goota hinjilbeenfanne ture. Faayidaalee yeroo qabsoo bilisummaa Oromoof jedhee dhabes homaa tokkottuu hin lakkoofne.
Baaroo Tumsaa bara 1964 aadde Warqinash Bultoo wajjin bultii ijaarrate. Aadde Warqinash Bultoo biyya Eertiraa keessatti dirqama loltummaarra utuu jirtuu bara 1982 loltoota amanamoo
Mangistuu Haayilamaariyaamiin ajjeefamte. Aadde Warqinash Bultoo obboleettii jeneraal Demisee Bultoo yoo taatu, abbaanshii obbo Bultoo Ejersaammoo Waldaa Maccaafi Tuulamaa keessatti miseensa turani. Cidhi Baaroo Tumsaa Oromoota sadarkaa hojii adda addaarra bakka adda addaarra jiran hundaa biratti haala ho’aadhaan waan kabajameef, diina biratti akka sochii siyaasaatti fudhatamee isaan sodaachisaa ture.
Barruu amma ammaatti saba Oromoo hedduu biratti akka gaariitti dubbifamuu fi jaallatamu The Oromos voice against tyranny document 1971 jedhamu garee hojjetootasaa wajjin namoota hedduu bira akka ga’u taasiseera. Barreeffamni kun gara Amaariffaattillee hiikamee dubbifamaa ture. Kan inni barruu kana raabsaa tureefimmoo waan Waldaan maccaafi Tuulamaa cufameef Oromoota jajjabeessuuf qofaa utuu hintaane, baroota dheeraadhaaf cunqursaafi dabaa saba Oromoorra ga’aa ture barruun kun of keessatti waan qabatee jirtuufidha. Dararfamaafi cunqursaa tureef jiru saba Oromoo ittiin bariisuuf jedheetu. Baaroon bara 1972tti
Afaan Oromoo akka qubee laatiiniin barreeffamuuf Hayilee Fidaa wajjin qo’atee yeroodhaaf garuu gaazeexaan Bariisaa qubee saabaatiin akka maxxanfamu taasisaniiru. Garuu utuu hinturiin mootummaan Dargii itti inaafuudhaan fuudhee ministeera beeksisaa jala galche.
381 0 1
ancient history of oromoo

25 Jan, 21:08

Open in Telegram Share Report
goota akka isaa hin dhalchine sangoomsanii, waan kolfaa godhanii turan. Garuu namni kun Gootaa fi uumamumaan qaroo waan tureef, umurii isaa guutuu haroo qotee, akka bishaan haroo sanaa keessaa loon Arsii dhugu, akka ilmaan Oromoo aannan loon saniin guddatan immoo Nafxanyaa balleessuudhaan gumaa isaa akka baasan dhaammatee darbe jedhamaa. Haroon sun HAROO QEERROO jedhama. Seenaan qaroo Fi Gooticha Oromoo kanaa fulduratti qoratamee barreeffamuu qaba. Siidaan illee dhaabachuufii mala. Hogganaan Waraana Oromoo Arsii Bara sanaas Dhumarratti waa dhaammatew darbe.

"The hour has not come, but it will come;...our children will see the departure of the oppressor."--Roba Bultum

Hiiknisaa: "Amma yeroo keenya miti;...yeroon keenya ni dhufa; yommus ijoollee keenya biyyaa ba'umsa cunqursitootaa ni argu;"" jedhan gotichi Oromoo Roobaa Bultum.

@etbisahusen
336 0 0
ancient history of oromoo

24 Jan, 20:59

Open in Telegram Share Report
Namichi kun waraana Minilikiin bakka torba madaa'ee booji'amee ture. Namichi fira birattis diina birattis goota beekamaa ture. Habashoonni Oromtichi Madoo Booji'an kana tumanii akkanni
@etbisahusen
487 0 3 9
ancient history of oromoo

24 Jan, 20:59

Open in Telegram Share Report
Minilikii fi Oromoo
KUTAA 2ffaa

Minilik Oromoo fi Ummata Kibbaa irratti duulee oromoo hundumaa Kolonii ofii godhe. Minilik bara bittaa isaa keessaa gara waggaa 30 oliif oromoo waraanuudhaan dabarse. Minilik gorsaa fi gamnooma warra adiitti fayyadamee oromoo moksee horiidhaan bitee Walirratti duulchisaa ture.
De Salvaic akkas jedha:
A) Oromoon Osoo tokkummaa qabaatee, hanga galaanaatti ni moo'a ture.
B) Bara Duula Minilik Osoo Oromoota gidduutti Walmormiin hin turre ta'ee, Qawween Minilik, Eeboo fi heddummina oromoo irraa hin hafu ture.
C) Oromoon diina dagachiisee gamtaadhaan yommuu lolu orma harka Shan jaha caalu yeroo inni moo'u arguun Waanuma baramedha.

De Salvaic Qeesii kaatoolikiiti. Kaayyoon isaa Oromoo amantii Kaatoolikii fudhachiisu ture. Gareen De Salvaic waan kana jabeessee hojjechuutti ture.Minilik hojii Qeesota Faransay kana argee, osoon Qeesii akka keessan jabaatee hojjetu argadhee, Oromoo cabsuuf Qawween hin barbaachisu ture." Jechuudhaan barreesseera.

Kanarraa kan hubannu yoomiyyuu Hawwiin jaraa  OROMOO CABSUU QOFAADHA.

Minilik umurii isaa guutuu Oromoo waraanaa fi Walwaraansisaa ture. Gantuu Oromoo Kan akka Goobenaa Daaccii fayyadamee Oromoo Oromoodhaan cabsee ofjala galchee oromoo Mara koloneeffate.

Koloneeffate Jechuun jechuun Ummata tokko humnaan Cabsanii, itti galanii biyya isaa irraa fudhatanii bulchiinsa isaa diiganii, Aadaa fi safuu isaa balleessanii, kan ofii bakka buufatanii, Qabeenya isaa irratti abbaa ta'anii Ummata sana roorroon bulchuudha. Minilik warra roorroo dide gootota, hayyoota oromoo gara laafina tokko male ajjeesee fixe.

Fknf: Akkaataa waraanaa Bara sanaa gazexaan Amerikanii ze Newyork times jedhamu akkaş jedhee barreessee ture.

The New York Times, Published Feb 26, 1895, The incident was described as MINILIK TRIBLE EXPEDITION:
"The tribunal says today "the recent expedition which King minilik sent against the oromo tribes, In Abysinia, selew 7000 tribesmen and captured 15,000 men."
Hiiknisaa:
Mataduree fuula shororkeessaa Minilik jedhu jalatti Guraandhala 26 bara 1895, tibbana mootiin shawaa minilik, Waraana shororkeessaa Ummata oromoo gosa Arsii 7,000 qalee 15,000 immoo booji'e. Jechuudhaan barreesse.
Minilik Ummata Arsitti yeroo 7 duulee ture. Yeroo jaha Ummata Arsiitu Nafxanyaa Moo'e. Arsiin Fuula Torbaffaa irratti mo'ame. Minilik Fuula yeroo tokkoo qofaan Oromo arşivi 12,000 akka ajjeese seenaan ni raaga. Haawwan Oromoo Harma mureee, gootota immoo harka muraa ture. İsa kanaaf seenaan Anolee ragaadha.
Egaa Waraanni Minilik yeroo jaha mo'amee wanna kana Mara yaaleera. Hoggantoonni waraanaa Habashaa warra faranjii Kan akka jeneraala raashiyaa Dajjaach Liyiontiif Jedhamanii fi warra faransaayi hedduu warra meeshaa waraanaa hammayyaa fi leenjii waraanaa hammayyaa qaban turani.

Egaa oromtichi Arsii Wanna kana Mara dura dhaabatee lolee, lubbuu ijoollee isaa Fi qabeenya ofii itti wareegee yeroo jaha Nafxanyaa moo'ee ofirraa deebisaa turee, yeroo Torbaffaa irratti mo'ame. Garuu yeroo Waraanni Minilik takkaa mo'amee, Deebi'ee of Ijaaree, Bayyanatee itti Deddeebi'u Maalif Arsichi akkuma injifateen, Waraana Minilik duukaa bu'ee hin balleessinee?

Waraanni Arsii Bara sanaa Habashoota duukaa bu'ee rukutee Masaraa isaanii balleessuuf, goottummaaf dandeettii ni qaba turee.

Garuu akka Serra Gadaa Oromootti, Ummanni Gadaa tokkoon Bulu, Daga yookiin gabalaa(territory) isaa keessaa Bokkuu qabatee Bahuu hin qabuu seera jedhutu jira. Bokkuun yoo laga ce'e ykn gabala keessaa bahe akka bokkuutti hin ilaalamu; BOKKUU SALDHEE jedhama. Arsicha seera kanatu İsa ittise malee, Akkuma moo'een Duukaa Bu'ee ni adaba turee. Oromoon immoo kan seeraa GOOROO yookiin akka Gujiitti SEERA GABALAA tume, akka gosti oromoo tokko, daangaa gosa  oromoo kan biraa keessa seenee wal-hin waraanneef ture.

Gootota Arsii Barasii keessaa warreen Barabaraan yaadatamuu qaban keessaa nama maqaan QEERROO QADIIDAA jedhamuun beekamuutu ture.
546 0 3 10
ancient history of oromoo

23 Jan, 20:24

Open in Telegram Share Report
BAAROO TUMSAA
Kutaa 1ffaa
Baaroo Tumsaa (1942-1977) sabboonaa
Oromoo fi qabsaawa mirga namummaa ti. Baaron kabajamuu mirga Oromootif falmaa kan ture yoo ta'u qabsoorratti lubbuunsaa dabarte.
Seenaa Isaa
Baaroo Tumsaa bara 1942 Lixa Oromiyaa godina Wallagga Lixaa naannoo Gimbii ganda karkarroo jedhamtu keessatti abbaasaa obbo Tumsaa Silgaa fi harmeesaa aadde Naasisee Ciratoo jedhaman irraa dhalate.
Abbaansaa fi harmeensaa walitti aansuun du’aan irraa adda baanaan Baaroon obbolootasaa lamaan Raaheel fi Nagaasaa Tumsaa wajjin mana duwwaa keessatti hafe. Yeroo sanatti obboleessi isaa obbo Guddinaa Tumsaa hojiidhaan magaalaa Naqamtee keessa jiraachaa waan turaniif, qophummaa obboleessasaanii jibbuudhaan dhaqanii bakka jiraatan magaalaa Naqamteetti isa fidan.
Barnoota Isaa
Baaroon barumsa isaa sadarkaa tokkoffaa fi lammafaa achuma magaalaa Naqamteetti erga xumuree booda, barumsasaa sadarkaa olaanaammoo kolleejjii Waldaa Makaana Yesuus Bishooftuutti argamurraa xumure. Itti aansuudhaan
Yuunivarsiitii Finfinnee seenudhaan barnoota faarmaasiistiin digirii jalqabaa bara 1966tti fudhate. Itti fuufuudhaan utuu hinturiin yunivarsiitichumarraa seeraan digiriisaa jaaalqabaa fudhate. Baaroon egaa turtiisaa yunivarsiitii keessatti barattoota jijjiirama barbaadanii wajjin waliigaluudhaan sochii cimaa taasisaa ture. Barattoota kutannoodhaan saba isaaniif qabsaa’aa turanis sadarkaa garaagaraatti ijaaraa ture. Ijoolleen Oromoo muummee barnoota addaa addaarratti ramadamtee akka biyyaasheef hojjechuu qabduttillee gurmeessaa ture. Bara 1964-1965 waldaa Yunivarsiitii kolleejjii Finfinnee irratti pirezidaantii ta’uudhaan hojjete. Bara 1966 immoo waldaa waliigaltee
Yuunivarsiitii Finfinneerratti barreessaa ta’uudhan hojachaa ture.....itti fufa

https://t.me/etbisahusen
ancient history of oromoo
https://youtube.com/@ancienthistoryoforomoo6668?si=BLiCBeAVIkfyX3VG
512 0 2 4
ancient history of oromoo

22 Jan, 21:37

Open in Telegram Share Report
The 48 laws of power

LAW 8

MAKE OTHER PEOPLE COME TO YOU—USE BAIT IF NECESSARY

When you force the other person to act, you are the one in control. It is always better to make your opponent come to you, abandoning his own plans in the process. Lure him with fabulous gains—then attack. You hold the cards.

@etbisahusen
510 0 0
ancient history of oromoo

21 Jan, 22:05

Open in Telegram Share Report
The 48 laws of power

LAW 7

GET OTHERS TO DO THE WORK FOR YOU, BUT ALWAYS TAKE THE CREDIT

Use the wisdom, knowledge, and legwork of other people to further your own cause. Not only will such assistance save you valuable time and energy, it will give you a godlike aura of efficiency and speed. In the end your helpers will be forgotten and you will be remembered. Never do yourself what others can do for you.

@etbisahusen
571 0 1
ancient history of oromoo

21 Jan, 22:02

Open in Telegram Share Report
The 48 laws of power

LAW 6

COURT ATTENTION AT ALL COST

Everything is judged by its appearance; what is unseen counts for nothing. Never let yourself get lost in the crowd, then, or buried in oblivion. Stand out. Be conspicuous, at all cost. Make yourself a magnet of attention by appearing larger, more colorful, more mysterious than the bland and timid masses.

@etbisahusen
490 0 0 1
20 last posts shown.