Injibara University

85ኛውን የአገው ፈረሰኞች በዓል አስመልክቶ የተዘጋጀው ሲፖዚየም ተጀመረ።

ጥር 23/2017 ዓ.ም የሚከበረውን 85ኛው የአገው ፈረሰኞች በዓል አስመልክቶ የእንጅባራ ዩኒቨርሲቲ አገው ጥናት ኢኒስትቲዮት ያዘጋጀው ሲምፖዚየም ተጀምሯል።

በመክፈቻ ስነ ስርዓቱ ላይ የእንጅባራ ዩኒቨርሲቲ ፕሬዝደንቶች እና የሴኔት አባላት ጥሪ የተደረገላቸው እንግዶች ታድመዋል።

የእንጅባራ ዩኒቨርሲቲ ፕሬዝደንት ጋርዳቸው ወርቁ (ዶ/ር) በእንኳን ደህና መጣችሁ ንግግራቸው ዩኒቨርሲቲው የአገው ፈረሰኞች በዓል የዓለም ቅርስ ሁኖ በዩኒስኮ እንዲመዘገብ እየሠራ መሆኑን እና የአካባቢው ባህል በሰፊው እንዲተዋወቅ በምርምር የታገዘ ሥራ እያከናወነ መሆኑን አስረድተዋል።

በቀጣይ የአገው ባህል በሆኑት አሱሪቴ እና ባኩሳ ብሔራዊ ፓርክ ላይ የተመለከቱ ጽሑፎች ቀርበው ውይይት ይደረግባቸዋል።

ጥር 22/2017 ዓ.ም፤ እንጅባራ ዩኒቨርሲቲ

በ4ኛ ቀን የስፖርት ፌስቲቫል በቡብ ጨዋታ እንጅባራ ዩኒቨርሲቲ ጎንደር ዩኒቨርሲቲን 2 ለ 1 አሸነፈ።

በአዲስ አበባ ሳይንስ እና ቴክኖሎጅ ዩኒቨርሲቲ እየተካሄደ በሚገኘው የተማሪዎች የስፖርት ፌስቲቫል ዛሬ በተደረገው ቡብ ጨዋታ(ሴቶች) እንጅባራ ዩኒቨርሲቲ ጎንደር ዩኒቨርሲቲን 2 ለ 1 ሲያሸንፍ ቡብ ጨዋታ(ወንዶች) ከወልቂጤ ዩኒቨርሲቲ ጋር የተደረገው ጨዋታ 2 አቻ ተጠናቋል።

እንጅባራ ዩኒቨርሲቲ ጠንካራ ፉክክር እያደረገ የሚገኝበት በቡብ ጨዋታ ቀጣይ መርሀ ግብር ነገ ቀጥሎ ሲካሄድ እንጅባራ ዩኒቨርሲቲ በወንዶች ከወሎ ዩኒቨርስቲ ሲገናኝ በሴቶች ከሰላሌ ዩኒቨርስቲ ይጫወታል ።
ጥር 21/2017 ዓ.ም
ያለህን ዕምቅ አቅም ለይተህ ተጠቀም!!

እንኳን ለ85ኛ ዓመት የአገው ፈረሰኞች በዓል አደረሳችሁ!
-----
በዓሉ ጥር 23 በየዓመቱ በእንጅባራ ከተማ በድምቀት ይከበራል።
እንጅባራ ዩኒቨርሲቲ በዓሉ በዓለም አቀፍ ደረጃ በቅርስነት እንዲመዘገብ የተለያዩ ተግባራትን በማከናወን ላይ ይገኛል። ከእነዚህም ውስጥ አሰፈላጊ መረጃዎችን አደራጅቶ በመስጠት በቅርስ ጥበቃ ባለስልጣን የአገው ፈረስ ባህል " The Agaw Horse Culture" በሚል ስያሜ በሀገር አቀፍ ደረጃ ቅርስ ሆኖ በ2015 ዓ.ም ተመዝግቧል። በዓለም አቀፍ ደረጃ በ UNESCO እንዲመዘገብ ከተለያዩ ተቋማት እና ምሁራን ጋር በመሆን አስፈላጊ መረጃዎችን በማደራጀት ላይ ይገኛል። በተጨማሪም በዓሉ በየዓመቱ በድምቀት እንዲከበር በማድረግ አውደ ጥናቶችንና የተለያዩ የባህል ፌስቲቫሎችን እያካሄደ ይገኛል።

በዚህ ዓመትም ጥር 22/2017 ዓ.ም የአገው ባህላዊ ቅርሶች በሆኑት "አሱሪቴ" ባህላዊ ትውን ጥበብ እና "ባኩሳ" ብሔራዊ ፓርክ ላይ በአገው ጥናት ኢንሲቲትዩት አማካኝነት ሲምፖዚየም ተዘጋጅቷል።

በድጋሚ መልካም በዓል!
እንጅባራ ዩኒቨርሲቲ!

የበመንግስት ዩኒቨርሲቲዎች ስፖርት ፌስቲቫል ውድድር ሶስተኛ ቀን መርሃ ግብር እንጅባራ ዩኒቨርሲቲ በቡብ ጨዋታ ሁለቱም ውድድሮች አሸንፏል።

በአዲስ አበባ ዩ ሳይንስ እና ቴክኖሎጅ ዩኒቨርሲቲ እየተካሄደ በሚገኘው የስፖርት ፌስቲቫል ዛሬ በተደረገው ቡብ ጨዋታ /ወንዶች/እንጅባራ ዩኒቨርሲቲ ድሬደዋ ዩኒቨርሲቲን 3 ለ 0 እንዲሁም ቡብ/ሴቶች/ ወላይታ ሶዶ ዩኒቨርስቲን በተመሳሳይ 3 ለ 0 አሸንፏል።

በቡብ ጨዋታ ቀጣይ መርሀ ግብር ነገ ቀጥሎ ሲካሄድ እንጅባራ ዩኒቨርሲቲ በወንዶች ከወልቂጤ ዩኒቨርስቲ ሲገናኝ በሴቶች ከጎንደር ዩኒቨርስቲ ነገ 4 ሰዓት ይጫወታል።

በሌላ በኩል ዛሬ በተደረገ የወርልድ ቴኳንዶ ከ54 ኪሎ ግራም በታች ወንዶች ጨዋታ በመጀሪያው ዙር እንጅባራ ዩኒቨርሲቲ ደብረ ብርሀን ዩኒቨርሲቲን 2 ለ ባዶ ሲያሸንፍ በሁለተኛው ዙር በጅማ ዩኒቨርሲቲ 2 ለ1 ተሸንፏል።

በአትሌቲክስ ስፖርት እንጅባራ ዩኒቨርሲቲ በ100 ሜትር 3 ስፖርተኞችን ያሳተፈ ሲሆን በመጀመሪያው ማጣሪያ ሁለቱ አትሌቶች ከየምድባቸው አማኑኤል ዋሴ 1ኛ እና ዮርዳኖስ ማሙሸት ሁለተኛ ሆነው ግማሽ ፍፃሜውን ቢቀላቀሉም በግማሽ ፍጻሜው አማኑኤል ዋሴ ሶስተኛ ዮርዳኖስ ማሙሸት 5ኛ በመውጣታቸው ለፍፃሜው ሳያልፉ ቀርተዋል።በሌላኛው ምድብ ማጣሪያ የተሳተፈው ታምራት አላምነህ የመጀመሪያው ዙር ማጣሪያ ሶስተኛ በመውጣቱ ግማሽ ፍፃሜውን ሳይቀላቀል ቀርቷል።
ጥር 20/2017 ዓ.ም
ያለህን ዕምቅ አቅም ለይተህ ተጠቀም!