ኦርቶዶክስ ተዋህዶን እንወቅ

☞ጥር 15 የህፃኑ ቂርቆስ ሰማዕትነት ለተቀበለበት ዓመታዊ በአል በሰላም
አደረሳችሁ፡፡
☞ቂርቆስ ማለት የኤፍሬም ቀለም ማለት ነው፡፡ አባቱ ቆዝምሳ እናቱ እየሉጣ
ይባላሉ፡፡
☞እየሉጣ ማለት ምልእት ሃይማኖት ማለት ነው፡፡
☞ሀገሯ ሮም ነው፡፡ አለእክስንድሮስ በነገሠ ጊዜ በሃይማኖት ምክንያት
በምእመናን ላይ ሰደት ደረሰባቸው፡፡
☞ኢየሉጣም የ3ዓመት ልጇን ሕፃኑ ቂርቆስን ይዛ ከሮም ጠርሴስ ተሰዳ
ተቀመጠች፡፡
☞ንጉሡ ከርስቲያኖችን ወደ ሸሸብበት ሀገር ደርሶ አገኛቸው ተይዛ ቀረበች፡፡
☞መኩኑንም ሀገርሽ የት ነው፡፡ ሰምሽ ማን ይባላል ? አላት፡፡ እሷም ሀገሬ
አንጌቤን ዘርም ስሜ ክርስቲያን ነው፡፡ ከአንተ ሸሽቼ ብወጣ አገኘኸኝ አለችው፡፡
☞መኮኑኑም ሽምሽን ግለጪ ለጣኦቴ ስገጂ አላት እንዳትሞቺ ሲል ጠየቃት፡፡
ሞት የሚሽር ስሜ ኢየሉጣ ነው አለችው፡፡ ለአማልክቴ መስዋዕት አቅርቢ አላት፡፡
እሷም እውነቱን ለማወቅ ከፈለግኽ መልዕክተኛ ልከኽ የ3 ዓመት ልጄን
አስመጣና የምናመልከውን እሱ ይነግርሃል አለችው፡፡
☞ያን ጊዜ ወታደሮቹን ልኮ ቂርቆሴን አግኝተው አመጡለት፡፡ ሲመጣም ስምህ
ማነው አለው? ከንጹሕ ምንጭ ከማይጠፋ ውሃ የተገኘ ክርስቲያን ነው
የምባለው አለው፡፡ ስሜን የምትሻ ከሆነ ቂርቆስ ነወ የምባለወ አለው፡፡
☞መኩንኑም ስታድግ ሹመት ሽልማት አሰጥሀለሁ በወርቅ በብር አከብርኻለሁ
ለአማልክቴ ስገድ አለው፡፡ እሱም የሰይጣን ወዳጅ የበጉ ሥራ ጠላት ዘወር
በልልኝ አለው፡፡ በዚህም ተነዶ ቆዳውን አስገፈፈው፡፡ እንደ ገና በእናቱና በእሱ
አፋንጫ ጨውና ሰናፍጭ አሰጨመረባቸው፡፡
☞ያንጊዜ መራራው ለጉሮሮቸው ጣፋጭ ሆነላቸው፡፡ ከመዐር ከስኳር ይልቅ ላፌ
ጣፈጠኝ እያለ ይዘምር ጀመር፡፡
☞መኮንኑም 14 ችንካር አሠርቶ በእሳት አግሎ 7 በእየሉጣ 7 በቂርቆስ ላይ
እንዲቸነክሩ አዘዘ፡፡ ያን ጊዜ ቂርቆስ ዐይኑን ጆሮውን አፍንጫውን አፋን ልቡን
ቸነከሩት፡፡ በጌታ ፈቃድ ብረቶቹ ጤነኛ ኾኑ፡፡ ከዚያ በኃላ አይን የሚያወልቅ
ዐንገትን የሚሰብር አፍንጫን የሚበሳ ምላስን የሚቆርጥ ጉልበትን የሚሰብር
የሥቃይ መሣሪያ አሠርቶ በጽኑ አመቃያቸው፡፡ በተጨማሪም መጋዝ አድርጎ
ከቅባትና ከጨው ጋር በብረት ምጣድ ቆላቸው፡፡ ጌታችን ከሞት አድኖ
አሰነሳቸው፡፡
☞መኮንኑም በእውነት ከሞት ከተነሣችሁ ያደረጉት ጫማ ሕያው ኹኑ ይነሣል
አለ፡፡ ጫማው በቅዱስ ቂርቆስ ጸሎች በሬ ኹኖ ከአንገቱ ፍየል ወጣ፡፡ ብዙ ሺ
ሰወች በልተው በቅቷቸው ተርፏቸዋል፡፡ ይህ በቂርቆስ ጸሎት ተደረገ፡፡ በዚህ
አፎሮ የሕፃኑን ምላስ አስቆረጠው፡፡ ጌታም እንደነበረ አድርጎ መለሰለት፡፡
☞እንደ ገና በብረት ውሃ አፍልቶ እንዲከቷቸው አዘዘ፡፡ እናት እየሊጣ ፈራች እናቴ
አይዞሽ አናንያን አዛርያን ሚሳኤል ያደነ ፈጣሪ ያድነናል እያለ አበረታት ጸሎትም
አደረጉ መንግስተ ሰማያትን አይታ ኅይል አግኝታ ተጽናናች፡፡ ሐምሌ 19 ቀን በጋን
በተፈላ ውሃ ገቡ፡፡ ቅዱስ ገብርኤል እንደ አይን ጥቅሻ እንደ ማዕለዳ ውርጭ
አደረገው፡፡
☞ከዚያ ጌታ የልብህንመሻት ለምነኝ አለው፡፡ ቂርቆስም ሥጋዬን በመሬት
አይቀበር መታሰቢያን ለሚያደርጉ ቤተክርስቲያኔን ለሚሰሩ ዜና ተጋድሎዬን
ለሚጽፍ ለሚያኑብ መባዕ ለሚሰጡ በቤተ ክርስቲያኔ ገብቶ ለሚጸልየው
ፍላጉቱን ስጠው ኃጢአቱንም ይቅር በለው፡፡ ስሜ በተጠራበት ማየ ጸሎት
በተረጨበት ቤተ ክርስቲያኔ በተተከለበት የሰው በሽታ የከብት ዕልቂት የእኽልና
የውሃ ጥፋት አይኹን የሚል የምህረት ቃል ኪዳን ተቀበለ፡
☞የህጻኑ የሰማዕቱ የቅዱስ ቂርቆስ እና የእናቱ የእየለጣ የጸሎታቸው በረከት አይለየን።
+(ገድለ ቂርቆስ ወ እየሉጣ)

#መልካም የጥምቀት በዓል
   
ለመቀላቀል

👉 @ortodoxtewahedo.

.✞✞✞✝ በስመ አብ ወወልድ ወመንፈስ ቅዱስ ፩ አምላክ ፡፡ አሜን ፡፡ ✝✞✞✞

✞✝ እንኳን አደረሰን✝ ✞

=>ጥር 12 ቀን የሚከበሩ ዓመታዊ የቅዱሳን በዓላት

+ቃና ዘገሊላ+

=>'ቃና' የሚለው ቃል በሃገራችን ልሳን (በአማርኛ)
የምግብን: የመጠጥን ጥፍጥና ወይም በጐ መዓዛን
የሚያመለክት ነው::
ምንአልባትም ከዚህ በዓል ምሥጢር የተወሰደ ሳይሆን
አይቀርም::

+በቤተ ክርስቲያን ታሪክ ግን ቃና ከገሊላ አውራጃዎች
አንዷ ናት:: ለስም አጠራሩ ስግደት ይሁንና የክብር
ባለቤት
መድኃኒታችን ክርስቶስ በዚህች ሥፍራ ተገኝቶ በድንግል
እናቱ ምልጃ ታላቅ ተአምርን በዚህች ዕለት ሠርቷል::

+ተአምር የሚለውን ቃል በቁሙ 'ምልክት' ብሎ
መተርጐም ይቻላል:: መሠረታዊ መልዕክቱ ግን ነጮቹ
በልሳናቸው Miracle
የሚሉት ዓይነት ነው:: ከተፈጥሮ ሕግ ውጪ (በላይ):
ከፍጡራንም ችሎታ የላቀ ነገር ሲሠራ (ሲፈጸም) ተአምር
ይባላል::
ተአምር የእግዚአብሔር የባሕርይ ገንዘቡ ነው:: እርሱ
ዓለምን ከመፍጠሩ ጀምሮ እያንዳንዷ ተግባሩ ለእኛ
ተአምራት
ናቸው::

ስለዚህም ነው 'ኤልሻዳይ / ከሐሌ ኩሉ / ሁሉን
ቻይ' እያልን የምንጠራው::
እግዚአብሔር ፍጡራኑን ይወዳልና እርሱ ለወደዳቸውና
ደስ ላሰኙት ተአምራት ማድረግን ሰጥቷል:: በብሉይ ኪዳን
እነ ሙሴ
ባሕር ሲከፍሉ: መና ሲያዘንሙ: ውሃ ሲያፈልቁ (ኦሪትን
ተመልከት) እነ ኤልያስ ሰማይን ሲለጉሙ: እሳትን
ሲያዘንሙ:
ሙታንን ሲያስነሱ (1ነገሥትን ተመልከት) እንደ ነበር
ይታወቃል::

እንዲያውም በሙሉ መጽሐፍ ቅዱስ የተአምር መጽሐፍ
ነው ብሎ ለመናገርም ያስደፍራል:: በሐዲስ ኪዳንም
መድኃኒታችን ብዙ
ተአምራትን ሠርቶ ለሐዋርያቱ የተአምራት ጸጋውን
ሰጥቷቸዋል:: (ማቴ. 10:8, 17:20, ማር. 16:17, ሉቃ.
10:17, ዮሐ. 14:12)
+እነርሱም በተሰጣቸው ሥልጣን ብዙ ተአምራትን
ሠርተዋል:: (ሐዋ. 3:6, 5:1, 5:12, 8:6, 9:33-43,
14:8, 19:11)

+ቅዱስ ዮሐንስ ሐዋርያ በወንጌሉ ምዕራፍ 2 ላይ
እንዳስቀመጠው የቃና ዘገሊላው ተአምር የመጀመሪያው
ነው:: "ወዝንቱ
ቀዳሜ ተአምር ዘገብረ . . ." እንዲል:: (ዮሐ. 2:11) ያ
ማለት ግን ጌታ ከዚያ በፊት ተአምራትን አልሠራም ማለት
አይደለም::

ይልቁኑ ራሱን ከገለጠና ከተጠመቀ በኋላ የሠራው
የመጀመሪያው ተአምር ነው ሲል ነው እንጂ:: ምክንያቱም
መድኃኒታችን
እንደ ተጠመቀ ዕለቱኑ ገዳመ ቆረንቶስ ገብቷልና:: (ማቴ.
4:1) አንድም በቃና ሌሎች ተአምራትን የሚሠራ ነውና
ይህ
ተአምር በቃና የመጀመሪያው ሆነ::

+ትክክለኛው የቃና ዘገሊላ ቀን የካቲት 23 ነው:: ጥር
11 ተጠምቆ: የካቲት 21 ቀን ከጾም ተመልሷል::
ከዚያም
የካቲት 23 ቀን ደቀ መዛሙርቱን ሰብስቦ ሒዷል:: ነገር
ግን አበው መንፈስ ቅዱስ እንደ መራቸው የውሃ በዓል
ከውሃ
በዓል ጋር ይስማማል ብለው ጥር 12 ቀን አድርገውታል::

+በቃና ዘገሊላ ሙሽራው ዶኪማስ ሲሆን ባለ ሠርጉ
ደግሞ አባቱ ዮአኪን ነው:: ይህም ለሐዋርያው ቅዱስ
ናትናኤል አጐቱ
ነው:: የልጁ ጋብቻ የተቀደሰ ይሆን ዘንድም ጌታ
ክርስቶስን: ድንግል እናቱንና ባለሟሎቹ ሐዋርያትን ወደ
ሠርጉ ጠራ::

ምንም እንኳ መድኃኒታችንና እመቤታችን ከድግሱ
የማይበሉ ቢሆኑም (በትሕርምት ኗሪዎች ነበሩና)
ጠሪውን ደስ ለማሰኘት
ሠርጉን (ብቻውን) ለመቀደስና የጋብቻን ክቡርነት
ለማሳየት አብረው ታደሙ::

የሠርጉ ሥነ ሥርዓት ሲጀመር በድንኳኑ ውስጥ ጌታ
ከመካከል ተቀመጠ:: ድንግል በቀኙ: ዮሐንስ በግራው
ሲቀመጡ: ሌሎች
ሐዋርያት ግራና ቀኝ ከበው ተቀመጡ:: ሲበላና ሲጠጣ
ድንገት የተደገሰው ምግብና መጠጥ አለቀ::
ደጋሾቹ በጭንቅ ላይ ሳሉም አይጠና ሆዷ ድንግል እመ
ብርሃን የሆነውን አወቀች:: እንዴት አወቀች ቢሉ:- በጸጋ:
አንድም
'ከልጅሽ አማልጂን' ብለው ቢለምኗት ነው ይሏል::
እመቤታችን በዚያ ጊዜ ወደ ልጇ ቀርባ ቸር ልጇን
"ወይንኬ
አልቦሙ-ወይኑኮ አልቆባቸዋል" አለችው::

+ለጊዜው ወይኑም: ምግቡም ስላለቀባቸው እንዲህ
አለች:: በምሥጢሩ ግን ወይን ያለችው ፍቅርን: ቅዱስ
ቃሉንና ክቡር
ደሙን ነው:: ጌታም ይመልሳል:- "ምንት ብየ ምስሌኪ ኦ
ብእሲቶ: ዓዲ ኢበጽሐ ጊዜየ-አንቺ ሆይ! (እናቴ ሆይ!)
ያልሺኚን አላደርግ ዘንድ ካንቺ ጋር ምን ጠብ አለኝ? ነገር
ግን ጊዜው ገና አልደረሰም ብየ ነው እንጂ" አላት::
ምክንያቱም ጌታ:-

*የወይን ጋኖቹ እስኪያልቁ ይጠብቅ ነበር:: (አበረከተ
ይሉታልና)
*አንድም ይሁዳ ወጥቶ ነበርና እርሱ እስኪመለስ ነው::
(እኔ ስወጣ ጠብቆ ተአምር ሠራ ብሎ ለክፋቱ ምክንያት
እንዳያቀርብ)
አንድም "ወይን (ቅዱስ ደሜን) የምሰጠው በቀራንዮ አንባ
ነው" ሲል "ጊዜየ ገና ነው" ብሏታል:: አንዳንድ ልቡናቸው
የጠፋ ወገኖቻችን ጌታ እመቤታችንን እንዳቃለላት (ሎቱ
ስብሐት! ወላቲ ስብሐት!) አስመስለው ይናገራሉ::
ይህንን ስእንኅን ጌታ ባለጌዎቹ እነሱም አያደርጉት::
"አባትህንና እናትህን አክብር" (ዘጸ. 20) ያለ ጌታ እንዴት
ለእናቱ ክብርን ይነፍጋል?ልቡና ይስጠን!

ወደ ጉዳያችን ስንመለስ መድኃኒታችን እንዲህ ሲል
መለስላት:: ተግባብተዋልና እመ ብርሃን አሳላፊዎቹን
"ኩሎ ዘይቤለክሙ
ግበሩ-የሚላችሁን ሁሉ አድርጉ" አለቻቸው:: (ዮሐ. 2:5)
ጌታም በ6ቱ ጋኖች ውሃ አስሞልቶ በተአምራት ወይን
አደረጋቸው::

+እንጀራውን ወጡን በየሥፍራው ሞላው:: ታላቅ ደስታም
ሆነ:: የአሳላፊዎቹ አለቃም (ለአባታችን አብርሃም ምሳሌ
ነው)
ከወይኑ ጥፍጥና የተነሳ አደነቀ:: በዚህም የድንግል
ማርያም አማላጅነት: የመድኃኒታችን ከሃሊነት ታወቀ:
ተገለጠ::

✞✞ ቅዱስ ያዕቆብ ርዕሰ አበው ✞✞

+የአባቶች አለቃ የተሰኘ ቅዱስ ያዕቆብ ለ2ቱ ታላላቅ
አባቶቹ እርሱ 3ተኛቸው ነው:: እነርሱን መስሎ: እነርሱንም
አህሎ በጐዳናቸው ተጉዟል:: በፈቃደ እግዚአብሔር
ብኩርናን ከኤሳው ተቀብሎ ወደ ሶርያ ሲሸሽ ቤቴል (ፍኖተ
ሎዛ) ላይ
ድንጋይ ተንተርሶ በተኛበት ግሩም ራዕይን አይቷል::

*ይህችውም የወርቅ መሰላል የድንግል ማርያም ምሳሌ
ናት::
"አንቲ ውዕቱ ሰዋስው ዘርእየ ያዕቆብ" እንዳለ ቅዱስ
ኤፍሬም (ውዳሴ ማርያም ዘሠሉስ)
*ተነስቶም "ዛቲ ይእቲ ኈኅታ ለሰማይ: ዝየ ይትሐነጽ ቤተ
እግዚአብሔር - ይህች የሰማይ ደጅ ናት: ቤተ
እግዚአብሔርም
ይታነጽባታል" ብሎ ትንቢት ተናግሯል::

+ይህ ቅዱስ አባት ለድንግል ማርያም ቅድመ አያት
ከመሆኑ ባሻገር ነቢያትን: ካህናትን: ነገሥታትንና
መሣፍንትን
ወልዷል:: ከ2ቱ ሚስቶቹ (ልያና ራሔል) : ከ2ቱ
ደንገጥሮች 12 ልጆችን ወልዷል::
*ከአጐቱ ከላባ ዘንድ ለ21 ዓመታት አገልግሎ: ሃብት
ንብረቱን ጠቅልሎ ወደ ርስቱ ከነዓን ሲመለስ ለብቻው
ራቅ ብሎ
ይጸልይ ገባ:: በዚያም እግዚአብሔር ሲታገለው አደረ::

(ይኸውም የፍቅርና የምሥጢር ነው) ለጊዜው ጌታ
ያዕቆብን
"ልቀቀኝ" ቢለው "ካልባረከኝ አለቅህም" አለው:: ጌታም
ስሙን "እሥራኤል" ብሎ ባርኮታል::
*ቅዱስ ያዕቆብ በስተእርጅና ብዙ መከራ አግኝቶታል::
ልጁን ዮሴፍን ወንድሞቹ ሽጠው "አውሬ በላው"
ብለውታልና በለቅሶ
ዐይኑ ጠፋ::

በረሃብ ምክንያትም በ130 ዓመቱ ከ75
ያህል ቤተሰቦቹ ጋር ወደ ግብጽ ወረደ:: በዚያም ለ7
ዓመታት ኑሮ
በ137 ዓመቱ ዐርፏል:: ልጆቹም ቀብረውታል::

✞✞ ኃያል ቴዎድሮስ በናድሌዎስ ✞✞

+በ3ኛው መቶ ክ/ዘመን በምሥራቅ (በአንጾኪያ) ያበራ:
*ድንግልናውን በንጹሕ የጠበቀ:
*ቅዱሳን መላእክት የሚያነጋግሩት:
*የአንጾኪያ ሠ

#ቃና_ዘገሊላ

ቃና ዘገሊላ በቀጥታ ትርጉም የገሊላዋ ቃና ማለት ነው፡፡ እንደ ኢትዮጵያ ኦርቶዶክስ ተዋሕዶ ቤተክርስትያን አስተምህሮ በጥምቀት በዓል ማግስት(ጥር 12) ቀን የቃና ዘገሊላ በዓል ይከበራል፡፡ ይህ በዓል ከጌታ ጥምቀት በዓል ጋር ተያይዞ በድምቀት የሚከበር መጽሐፍ ቅዱሳዊ ዳራ ያለው በዓል ነው፡፡ በዓሉ ቃና ዘገሊላ የሚል ስያሜ ያገኘው ጌታችን መድኃኒታችን ኢየሱስ ክርስቶስ የገሊላ ሀገር ክፍል በምትሆን ቃና በተባለችው ቦታ በፈፀመው ተአምር መነሻነት ነው፡፡

የቃና ዘገሊላ ጥንተ ነገሩ ወይም ታሪኩ የተፈፀመው የካቲት 23 ቀን ነው፡፡ ነገር ግን አባቶቻችን የውኃን በዓል ከውኃ በዓል ጋር ለማክበር ብለው የየካቲቱን በዓል ወደ ጥር 12 አምጥተውታል፡፡ ይህም ውኃ ወደ ወይን የተለወጠበትን በዓል ከጌታ ጥምቀት በዓል ጋር ለማስተሣሠር ለማስኬድ ነው፡፡ በመሆኑም የቃና ዘገሊላ በዓል ጥር 12 ቀን ይከበራል፡፡

በቃና ዘገሊላ ምን ተፈፀመ?

ጌታችን መድኃኒታችን ኢየሱስ ክርስቶስ የገሊላ ክፍል በምትሆን በቃና በተደረገ ሠርግ ላይ ከእናቱ ከድንግል ማርያም ጋር ተገኝቶ ነበር፡፡ ‹‹ወሀለወት ህየ እሙ ለእግዚእ ኢየሱስ›› ‹‹የጌታ የኢየሱስ እናትም በዚያ ነበረች›› እንዳለ ቅዱስ ዮሐንስ በወንጌሉ (ዮሐ 2÷1) እመቤታችን ለሠርገኞቹ ዘመድ ነበረችና ከልጇ ከወዳጇ ከኢየሱስ ክርስቶስ በሰርጉ ላይ ታድማ ነበር፡፡ እናትን ጠርቶ ልጅን መተው ሥርዓት ስላልሆነ፤ በተጨማሪ ደግሞ ደቀ መዛሙርቱ ከጌታ ጋር በሰርጉ ታድመዋል፡፡ ይህም መምህርን ጠርቶ ደቀ መዛሙርቱን መተው ሥርዓት ስላልሆነ (ተገቢ ስላልሆነ) ነው፡፡ የሠርጉ ሥነ-ሥርዓት በሠመረ ባማረ ሁኔታ እየተከናወነ ሳለ ድንገት የወይን ጠጅ አለቀ፡፡

አስተናባሪዎቹ በጭንቀት ባሕር ሰጥመው ምን እንደሚያደርጉ ግራ በገባቸው በጠበባቸው ጊዜ የችግር ጊዜ ደራሽ የኃዘን ጊዜ አፅናኝ የሆነችው የአምላክ እናት ድንግል ማርያም ቅዱስ ገብርኤል እንደተናገረ በፀጋ የተሞላች ናትና (ሉቃ 1÷28) ማንም ሳይነግራት የልቦናቸውን ጭንቀት አይታ፣ ጎዶሎአቸውን ተመልክታ ወደ ልጇ ወደ ወዳጇ ኢየሱስ ክርስቶስ ዘወር ብላ ‹‹ወይንኬ አልቦሙ›› ‹‹ወይን ጠጅ እኮ አልቆባቸዋል›› አለችው፡፡ እርሱም መልሶ ‹‹አንቺ ሴት ከአንቺ ጋር ምን አለኝ?›› ‹‹ጊዜዬ ገና አልደረሰም›› አላት፡፡ እመቤታችንም ለአገልጋዮቹ ‹‹የሚላችሁን ሁሉ አድርጉ›› አለቻቸው፡፡ ጌታም በቦታው የነበሩ ስድስት ጋኖች ውኃ ሞልተው እንዲያመጡ አዘዛቸው፡፡ ውኃውንም ወደ ወይን ለውጦ ለሊቀ ምርፋቅ (ለአሳዳሪው) እንዲሠጡት አዘዘ፡፡ አሳዳሪውም ወደ ወይን የተለወጠውን ውኃ በቀመሰ ጊዜ አደነቀ፡፡ ከወዴት እንደመጣ ስላላወቀ ሙሽራውን ‹‹ሰው ሁሉ አስቀድሞ መልካሙን የወይን ጠጅ ያቀርባል ከሰከሩም በኋላ መናኛውን ያቀርባል አንተ ግን መልካሙን እስከ አሁን አቆይተሃል›› አለው፡፡ ወይኑም በሰው እጅ ያይደለ በሠማያዊው አባት የተዘጋጀ ስለነበር ጣፋጭ እና ልብን የሚያስደስት ነበር፡፡

‹‹አንቺ ሴት ከአንቺ ጋር ምን አለኝ?››

ይህንን የጌታችንን ንግግር ብዙዎች በዘመናችን ሲሣሣቱበት ይታያል ፡፡ ክብር ይግባውና አምላካችን ይህንን የተናገረው እናቱን ሊያቃልል ሽቶ አይደለም፡፡ ስለሆነም ከመጽሐፍ ቅዱስ አንፃር ይህን አረፍተ ነገር መመልከቱ በጣም ጠቃሚ ነው፡፡

በተናጠል ስንመለከት ‹‹አንቺ ሴት›› ሴት የሚል ቃል የፆታ መጠሪያ ነውና በፆታዋ አክብሮ ሲጠራት ነው፡፡ በሌላ በኩል ደግሞ ሔዋን ከአዳም በተፈጠረች ጊዜ አዳም እንዲህ ሲል ተናግሮ ነበር ‹‹ይህች አጥንት ከአጥንቴ ናት ሥጋም ከሥጋዬ ናት እርስዋ ከወንድ ተገኝታለችና ሴት ትባል›› (ዘፍ 2÷23) በመሆኑም ጌታ አንቺ ሴት ማለቱ ከሥጋዋ ሥጋ ከነፍስዋ ነፍስ መንሣቱን ለማጠየቅ ነው፡፡ ‹‹ከአንቺ ጋር ምን አለኝ?›› የሚለውን ዐረፍተ ነገር የንቀት ስለመሰለን ብቻ ‘ የዳቦ መልክ የያዘ ድንጋይ፤ ዳቦ ነው እንደማይባል’ የንቀት ንግግር ነው ልንል አይገባም፡፡ ጌታም እንዲህ ሲል ውኃውን ወይን አድርግላቸው ብትይኝ አላደርግም እልሽ ዘንድ ከአንቺ ጋር ምን ፀብ አለኝ ማለቱ ነው፡፡

ይህ ንግግር በመጽሐፍ ቅዱስ በብዙ ቦታ ተጽፎ እንደሚገኘው በዕብራውያን ዘንድ የተለመደ የአነጋገር ዘይቤ ነው፡፡ለአብነት ይሆን ዘንድ ጥቂት ጥቅሶችን ከመጽሐፍ ቅዱስ እንመልከት፡-
የሰራፕታዋ ሴት በ 1ነገ 17÷18 ላይ እንደምናገኘው ልጇ በሞተባት ጊዜ ኤልያስን በሐዘን በለቅሶ እንዲህ ብላ ነበር ‹‹የእግዚአብሔር ሰው ሆይ ከአንተ ጋር ምን አለኝ?›› ትወልጃለሽ ብለህ የወለድኩት ልጅ ምን በድዬህ ምንስ አስከፍቼህ ሞተብኝ? ስትል ነው እንጂ አባባሏ የንቀት ወይም የማቃለል አይደለም፡፡
በጌርጌሴኖን አንድ አጋንንት ያደረበት ሰው ወደ ጌታችን ቀርቦ ‹‹የልዑል እግዚአብሔር ልጅ ኢየሱስ ክርስቶስ ሆይ ከአንተ ጋር ምን አለኝ?›› አለው፡፡ እውነት ይህ ቃል የንቀት ይመስላልን? የልዑል እግዚአብሔር ልጅ ብሎ አምላክነቱን እየመሰከረ ሊያቃልለው ይችላልን? ደግሞስ ላለመጥፋት ፍፁም የሚፈልግ ሰው ሊያድነው ሥልጣን ያለውን ሊንቅ ይችላልን? አይችልም፡፡ ይህ ቃል የሚያመለክተው ምን አጠፋሁ ስለምን ልታጠፋኝ ወደድክ በማለት መፍራት መራዱን ነው፡፡ (ሉቃ 8÷28-29) ስለሆነም ‹‹አንቺ ሴት ከአንቺ ጋር ምን አለኝ?›› የሚለው የንቀት አለመሆኑን ከሁለቱ ጥቅሶች መረዳት እንችላለን፡፡ እመቤታችን እና ጌታ በንግግር አልተቃረኑም ንግግራቸው የፍቅር ነበር፡፡ ንግግራቸው የመግባባት ስለነበር ነው ‹‹አንቺ ሴት ከአንቺ ጋር ምን አለኝ?›› ካላት በኋላ ዘወር ብላ አገልጋዮቹን የሚላችሁን ሁሉ አድርጉ ያለችው፡፡

‹‹ጊዜዬ አልደረሰም›› ጌታ ይህን ቃል የተናገረው ስለ ብዙ ምክንያቶች ነው፡፡ ጊዜዬ አልደረሰም ማለቱ፡-
እግዚአብሔር ነገሮችን የሚያከናውንበት የራሱ ጊዜ አለው፡፡ በመሆኑም ይህን ተአምር የምፈፅምበት ጊዜዬ አልደረሰም ሲል ነው፡፡
አንድም ጋኖቹ ውስጥ የቀረ ወይን ስለነበረ ባለው ላይ አበርክቶ እንጂ ውኃውን ወደ ወይን አልለወጠውም እንዳይሉ ወይኑ ከጋኑ ተንጠፍጥፎ እስኪያልቅ ድረስ ጊዜዬ አልደረሰም አለ፡፡
አንድም ይሁዳ ከሠርግ ቤት ወጣ ብሎ ነበርና ወደ ሠርግ ቤቱ እሰኪመለስ ጊዜዬ አልደረሰም አለ፡፡ ይሁዳ በቃና የገለጠውን ምስጢር ለእኔ ስላላሣየኝ ተከፍቼበት ከተአምራቱ ቢያጎድለኝ በሞቱ ገባሁበት፤ ሸጥኩት እንዳይል ምክንያት ለማሳጣት እንዲህ አድርጓል፡፡

አንድም እውነተኛ የሕይወት ወይን የሆነውን ደሜን የምሠጥበት ጊዜ ገና ነው ሲል፡፡
የድንግል ማርያም አማላጅነት በገሊላ ቃና ጌታችን መድኃኒታችን ኢየሱስ ክርስቶስ በሠርግ ቤት ሣለ የወይኑን ማለቅ የማይመለከት ሆኖ አይደለም፡፡ ነገር ግን የእናቱን የድንግል ማርያምን አማላጅነት ሊገልጥ ስለወይኑ ማለቅ እስክትነግረው ድረስ አንዳች ነገር አላደረገም፡፡ ኋላ ግን የጭንቀት አማላጅ ድንግል ማርያም ስለ ወይኑ አሰበች ልጇ ወዳጇን ለመነች፡፡ እርሱም የእናቱን ልመና ተቀብሎ ተአምራቱን ፈፀመ፡፡ እናታችን ቅድስት ድንግል ማርያም ሣይነግሯት በልብ ያለውን የምታውቅ የምትመረምር እናት ናትና የሠርጉ አስተናባሪዎች ይሄ ጎደለ ሣይሏት የልቦናቸውን ሐዘን ተመልክታ ከልጇ ከወዳጇ አማልዳ የጎደላቸውን ሞልታለች፡፡ያስጨነቃቸውንም አርቃለች፡፡ በችግራቸው ደርሳላቸዋለች፡፡ ታዲያ ሳይነግሯት የልቡናን አይታ ከማለደች ስሟን ጠርተው ለሚለምኗትማ እንዴት አብልጣ አታማልድ?