የቡና ባንክ ጥበቃ ሰራተኞች ጋፋት ላይ ክስ አቀረቡ

በቡና ባንክ ውስጥ የጥበቃ ሰራተኛ ሆነው ሲሰሩ የነበሩ ሰራተኞች፣ በአሰሪ ድርጅታቸው "ጋፋት" ላይ ከባድ ክስ አቀረቡ። ሰራተኞቹ፣ ድርጅቱ ለዓመታት ሲያቀርብላቸው የነበረውን የአገልግሎት ውል በመጣስ፣ ያለአመት እረፍት፣ የጡረታ እና ሌሎች መሰረታዊ ጥቅማጥቅሞች ሳይሰጥ እንደተዋቸው ይናገራሉ።

"ለዓመታት ስንሰራ ቆይተናል፣ አሁን ግን ምንም አይነት መብታችን ሳይጠበቅልን ተጥለናል" ሲሉ ሰራተኞቹ ለዜና_ኢትዮጵያ  በምሬት ተናግረዋል። "ይህ ድርጊት ፍጹም ኢፍትሐዊነት ነው። የብዙ ዓመታት ልፋታችን ዋጋ የሌለው ሆኗል።" ሲሉ ተናግረዋል

ሰራተኞቹ አክለውም፣ ጋፋት ድርጅት ምንም አይነት አስቀድሞ ማስጠንቀቂያ ሳይሰጥ እንደዘጋውና አሁን ባሉበት ሁኔታ ለከፍተኛ ችግር እንደተጋለጡ ገልጸዋል። "ቤተሰቦቻችንን እንዴት እንደምንመግብ አናውቅም። የወደፊት ህይወታችን አደጋ ላይ ነው" ሲሉ በምሬት  ተናግረዋል።

የቡና ባንክ ጥበቃ ሰራተኞች ጉዳዩን ወደሚመለከተው አካል ለማቅረብ እየተዘጋጁ ሲሆን፣ መንግስትና የሚመለከታቸው አካላት ለዚህ ጉዳይ ትኩረት እንዲሰጡና ፍትህ እንዲሰፍን ጠይቀዋል።

''ይህ ክስተት በኢትዮጵያ ውስጥ ባሉ የግል ድርጅቶች ውስጥ የሚሰሩ ሰራተኞች መብት ምን ያህል እየተጣሰ እንደሆነ በግልጽ የሚያሳይ ነው። መንግስትና ሌሎች የሚመለከታቸው አካላት ለዚህ ጉዳይ ትኩረት በመስጠት ሰራተኞች መብታቸውን እንዲጠብቁና ፍትህ እንዲሰፍን ማድረግ አለባቸው ''ሲሉ አክለው ተናግረዋል

via:ዜና ETHIOPA

@Addis_Reporter
@Addis_Reporter