መቐለ ዩኒቨርሲቲ የትምህርት ሚኒስቴር ውሳኔን ሳይቀበል ቀረ

በትግራይ ክልል በሚገኙ ዩኒቨርስቲዎች ይማሩ የነበሩ ተማሪዎች በክልሉ ባለው ነባራዊ ሁኔታ ትምህርታቸውን መቀጠል እንዳልቻሉ ለትምህርት ሚኒስቴር ቅሬታ ማቅረባቸው ይታወቃል።

ተማሪዎቹ ያቀረቡትን ቅሬታ ተከትሎ የትምህርት ሚኒስትሩ ፕሮፌሰር ብርሃኑ ነጋ በትግራይ ክልል ባለው ነባራዊ ሁኔታ በክልሉ በሚገኙ ዩኒቨርስቲዎች ይማሩ የነበሩ ተማሪዎች በክልሉ አስቻይ ሁኔታ እስኪፈጠር በሌሎች የመንግሥት ዩኒቨርስቲዎች በጊዚያዊነት እንዲመደቡ መወሰኑን ከተማሪዎቹ ጋር ባደረጉት ውይይት ላይ ገልጸው ነበር።

ሆኖም ቅዳሜ ገበያ ከመቐሌ ዩኒቨርሲቲ የሬጅስትራር እና አሉምናይ ዳይሬክቶሬት ተፈርሞ ከወጣ ደብዳቤ እንደተመለከተው ዩኒቨርሲቲው የትምህርት ሚኒስቴርን ውሳኔ ሳይቀበል እንደቀረ የሚያሳይ ነው።

ዩኒቨርሲቲው የ2019 ዓ/ም የትምህርት ዘመን ትምህርት ለመጀመር ሁሉም ለዩኒቨርሲቲው ነባር የቅድመ-ምረቃና ድሀረ-ምረቃ ተማሪዎች የምዝገባ ጥሪ አስተላልፏል።

እንዲሁም በ2018 ዓ/ም አንደኛ ዓመት ለነበሩ የቅድመ-ምረቃ ተማሪዎች የፕሮግራም (ዲፓርትመንት) ምርጫቸውን እንዲመርጡ ትዕዛዝ ያስተላለፈ ሲሆን በ2019 ዓ/ም መቐለ ዩኒቨርሲቲ የተመደቡ አዲሰ ገቢ የቅድመ-ምረቃ እና የማሻሻያ (ሪሜዲያል) ተማሪዎች ወደ ዩኒቨርሲቲ የሚገቡበት ቀን በቀጣይ እንደሚያሳውቅ ገልጿል።

@Addis_Reporter
@Addis_Reporter