TGStat
TGStat
Type to search
Advanced channel search
  • flag English
    Site language
    flag Russian flag English flag Uzbek
  • Sign In
  • Catalog
    Channels and groups catalog Search for channels
    Add a channel/group
  • Ratings
    Rating of channels Rating of groups Posts rating
    Ratings of brands and people
  • Analytics
  • Search by posts
  • Telegram monitoring
አዲስ ሪፖርተር - NEWS

21 Nov, 15:53

Open in Telegram Share Report

በረሮን እና አይጥን ያለ ከባድ ኬሚካል ለመቆጣጠር የሚረዱ የቤት ውስጥ እና የመከላከያ ዘዴዎች ይፋ ተደረጉ
 
በረሮዎች እና አይጦች በጤና እና በምግብ ላይ የሚያስከትሉትን ጉዳት ለመከላከል፣ ቤተሰብን፣ ህፃናትን እና ምግብን ለከባድ ኬሚካሎች ሳያጋልጡ በቤት ውስጥ በሚገኙ ቀላል ነገሮች እነዚህን ተባዮች መቆጣጠር የሚቻልባቸው መንገዶች ተጠቆሙ።
 
በረሮዎችን ለማጥፋት እና ለማባረር እኩል መጠን ያለው ቤኪንግ ሶዳ እና የተፈጨ ስኳር (1 ለ 1) በደረቁ ቀላቅሎ ከሲንክ ስር እና ከፍሪጅ ጀርባ በትናንሽ ክዳኖች ማስቀመጥ እንደሚቻል ተገልጿል። ስኳሩ በረሮዎችን ሲስብ ቤኪንግ ሶዳው ሆድ ውስጥ ካለው አሲድ ጋር በመዋሃድ ጋዝ በመፍጠር ያጠፋቸዋል፤ ሆኖም እርጥበት እንዳይነካው ጥንቃቄ ማድረግ ያስፈልጋል ነው የተባለው።
 
በተጨማሪም 1 የሾርባ ማንኪያ ቦሪክ አሲድ፣ 1 የሾርባ ማንኪያ የስንዴ ዱቄት እና 1 የሾርባ ማንኪያ ስኳር በትንሽ ውሃ አቡክቶ ትናንሽ ኳሶች በመሥራት ህፃናትና የቤት እንስሳት በማይደርሱባቸው ስንጥቆች እና ከዕቃዎች ስር ማስቀመጥ እንደሚቻል ተመልክቷል። ቦሪክ አሲድ የምግብ መፈጨት ሥርዓትን የሚያውክ ቢሆንም፣ አነስተኛ መርዛማነት ስላለው በጥንቃቄ መያዝ እንደሚገባ ተጠቁሟል።
 
በሌላ በኩል 3 እስከ 4 የሾርባ ማንኪያ ፈሳሽ የዕቃ ማጠቢያ ሳሙና ከውሃ ጋር በጥብጠው በሚታዩ በረሮዎች ላይ ሲረጩ የመተንፈሻ ቀዳዳዎቻቸውን በመዝጋት በሰከንዶች ውስጥ እንደሚያፍናቸው ተገልጿል። ቅርንፉድ እና የሾርባ ቅጠል ደግሞ በጠንካራ ሽታቸው በረሮዎችን ስለሚያባርሩ በእህል ማስቀመጫዎች እና በኩሽና መደርደሪያዎች አካባቢ ማስቀመጥ ውጤታማ መሆኑ ተጠቅሷል።
 
አይጦችን ለማባረር የባህር ዛፍ ወይም የፔፐርሚንት ዘይት የተነከረ ጥጥ በሚገቡባቸው ቀዳዳዎች እና በሮች ስር ማስቀመጥ እንደሚቻል ተገልጿል፤ ሽታው የማሽተት ችሎታቸውን ስለሚያውክ አካባቢውን ይለቃሉ፤ ሆኖም በየ5 እስከ 7 ቀኑ ማደስ እና ለድመቶችና ለውሾች ጥንቃቄ ማድረግ ያስፈልጋል። በርበሬ ወይም ቁንዶ በርበሬ አይጦች በሚመላለሱባቸው የግድግዳ ጥጎች እና መግቢያ ክፍተቶች ላይ መነስነስ ጠቃሚ ቢሆንም፣ ህፃናት በሚድሁበት ወለል ላይ እንዳይጠቀሙ ማሳሰቢያ ተሰጥቷል።
 
ከአይጥ መርዝ ይልቅ ወጥመድ መጠቀም እንደሚመረጥ የተገለጸ ሲሆን፣ ምክንያቱም መርዝ የበላ አይጥ ግድግዳ ወይም ጣሪያ ውስጥ ሞቶ መጥፎ ሽታ እና ትል ሊፈጥር ይችላል። ከቺዝ ይልቅ የኦቾሎኒ ቅቤ ወይም የተቆላ ኦቾሎኒ ማድረግ አይጦችን በፍጥነት እንደሚስብ ተመልክቷል።
 
ተባዮቹ ተመልሰው እንዳይመጡ ለመከላከል የካርቶን ሳጥኖችን ከቤት ማስወገድ እና ምግቦችንና እህሎችን በክዳን ባላቸው ዕቃዎች ማስቀመጥ እንደሚገባ ተገልጿል። እንዲሁም ማታ ከመተኛት በፊት የሲንክ አካባቢን ማድረቅና ፍሳሽ ቀዳዳዎችን መክደን በረሮዎች ውሃ እንዳያገኙ የሚረዳ ሲሆን፣ አይጦች የሚገቡባቸውን ቀዳዳዎች ደግሞ በብረት ሽቦ ጠቅጥቆ በሲሚንቶ መድፈን አስተማማኝ መሆኑ ተጠቁሟል።
 
ይህ መረጃ በWHO፣ CDC፣ EPA እና UC IPM የተቀናጀ የተባይ መቆጣጠሪያ መመሪያዎች ላይ የተመሠረተ ነው፡፡
 
@Addis_Reporter
@Addis_Reporter

3.8k 0 69 17
Catalog
Channels and groups catalog Channels compilations Search for channels Add a channel/group
Ratings
Rating of Telegram channels Rating of Telegram groups Posts rating Ratings of brands and people
API
API statistics Search API of posts API Callback
Our channels
@TGStat @TGStat_Chat @telepulse @TGStatAPI
Read
Академия TGStat Telegram Research 2019 Telegram Research 2021 Telegram Research 2023
Contacts
Справочный центр Support Email Jobs
Miscellaneous
Terms and conditions Privacy policy Public offer
Our bots
@TGStat_Bot @SearcheeBot @TGAlertsBot @tg_analytics_bot @TGStatChatBot