Falaasama Addunyaa

Umrii koo xiqqoo kanaan balbala gammachuu jedhaman hunda banee ilaaleen jira. Garuu ammas gammachuu hin qabu,” naan jette. Mee balbala gammachuu kam-kam bantee ilaaltee jirta? jedheen deebisee gaafadheen.

Dhugaa dubbachuuf, ija dubartii tanaa keessa gaafaan ilaalu, gammachuu arguu mitii, Nama maqaa “gammachuu” jedhamee waamamu illee argitee hin beektu.Haa ta’u malee, osoo homaa hin taane, deebii ishee dhagahuu waan narra jiraatuuf ammaaf haa obsu.

Dubbachuu jalqabde!❗️🤫🤫

“Ani gammachuu argachuuf ‘suusii’ waan jedhamu mara argeen jira. Dhandhamees jira. Nyaadhees quufuuf yaaleen jira,” naan jette.
Anis deebiin ishee kanuma taha jedhee waanan eegaa tureef, nan ajaa’ibne.Balballi gammachuu dubartiin tuni jettu hundi — balbala fooniiti.Gaafa foon gammachiiftu, onneen kee ni cinqamti.

Seenaa kanarraa maal baranna?

#Gabaabumatti...🩸

Seenaa kanarraa wanti barachuu qabnu yoo jiraate,barachuu caalaa, qan-siraa hojjechuun gaarii akka ta’eedha.Inni biraa immoo isuma duraa sana dagachuu dhabuudha.Inni dhugaa immoo "Balbala Rabbii bananii seenuuf yaalii gochuudha.

Addunyaa kana irratti taatee uumamu kamuu namni tokko dubbatee ture. Namni kunis “noostira damus” jedhama haa ta’uutii namni kun ajjeechaa Hitler raawwateef dhufaatii dhukkuboota garaa garaa hundumaa bara kudha shan soddomoota keessa dubbatee ture. Isaan kana keessaa akka fakkeenyaatti kan kaasnu dhukkuba bifa madaatiin namatti bahee uummata hedduu fixe, kan Waloo Beekamaan Oromoo Doktor Zalaalem “du’a gurraacha” jedhee walaleesse akka fakkeenyaatti kaasuu dandeenya. Akkasumaas namoonni adduunyaa kana irratti dubbatamuuf yaada ajaa’ibaa maddisiisan hedduun akka dhufan illee dubbatee ture.Namoota ajaa’ibaa addunyaa kanaa keessaa kanneen akka vooneej kan kitaaba isaa sarara lama qofti dubbifame, oshoo kan haasaaf barsiifni isaa addunyaa kana raase kaasuu dandeenya.Hundumaaf iyyuu kitaabni kunis seenaa “raajinesh” yookaan kan addunyaan maqaa “oshoo‟ jedhuun beekamuu gabaabinaan keessee jirti dubbisaa!

Addunyaa kana irraa ilaalcha garaa garaatu jira; isaan kanneen keessaa, ilaalcha amantaa, ilaalcha siyaasaa, ilaalcha uumamuu dachee kanaa yookaan aardii kanaaf kanneen biroo hedduu kaasuu dandeenya.
Akkuma ilaalchonni garaa garaa addunyaa kanarra jiran namoonni ilaalcha addaa addaallee hedduu isaaniitu dachee kanarra jira. isaan kanneen keessaa addunyaan kan maqaa isaanii adda dureen kaaftu yoo fudhannee kanneen akka sooqiraaxiis, philaaxoos, shiro dinger, oshoo, buudihaa fi kkf kaasuu dandeenya.

Namoota falaasamaan beekaman keessaa kan adda durummaadhaan ka’u yoo kaasnu osho (Raajinesh) nama isa jalqabaati. Akkasumallee kitaabni isaa wantoota hedduun irratti kan haasa’amuufii namoonni amantaa garaa garaa hordofan kan isa balaaleffatan oshoon jechoonniif ilaalchonni isaa hedduu nama raaju.Gara biyya keenyatti yeroo hedduu maqaan oshoo gaafa ka’u namoonni hedduun kitaaba isaa dubbisanii maraachuu, akkasuma illee amantaa isaanii jijjiirrachuufi amantii qabaachuurraa walaba akka ta’an hedduminaan dubbatama. Qabatamaan illee kan mul’atan ni jiru; Kunimmoo ejjennoo dhabuu nama kitabaa sana dubbisuuti malee, kitaabni tasumaa dhukkubbii sammuu (maraatummaa) gosa kamiifiyyuu waan nama saaxilu miti.

Yeroo tokko tokkoo dhaabbileen amantaa kitaabilee falaasamaa dubbisuu waan sodaataniif, nama kitaaba sana barreesseen “seexana‟ jedhu. Yoo barbaadaniis “hafuura haamaadha inni‟ jedhanii kitaabilee falaasamaa hedduu akka namni hin dubbisneef nama dhorku. Isa kanaaf immoo kitaabileefii namoonni falaasamaa gaafa deebisan “falaasama jechuun garbummaa yaadaaf amantii kan sammuun dhala namaa itti garboome keessaa waanta nama baasuuf tattaafatudha” jedhanii kaa’u. walumaa galatti falaasama jechuun abukaatoo yookaan immoo falmaa Sammuu dhala namaati.Jechoonni namoonnii falaasamaa dubbataniif barreessan falmii sammuu dhala namaa ilaalcha amantaalee fi dhaabbilee amantaa nama bituuf tattaafatan jalaa ittiin baasuudhaaf dubbatamanidha malee, gochaa badiif jecha badii nama mancaasan akka hin taane namni kamuu hubachuun barbaachisaadha.

Namoonni amantaa garaa garaa keessatti akka abboota amantaatti of ilaalaan sirumaayyuu “Oshoon hafuuraadha” jedhanii yeroo itti isaan odeeffannoo sobaa daddabarsan argaa fi dhaga’aa oolla.Ta’us garuu yoo seenaa oshoo dubbifne, sobuu namoota kanneenii hubachuu dandeenya. Hagamuu dhaabbileen siyaasaaf amantaa ofii hordofan yoo ilaalcha isaanii kan jaalatan ta’eyyuu, hagas mara soba dhugaa irraa fagoo sobuun mataan isaayyuu isaan tuffachiisa……………..

@Falaasama_Addunyaa

Baga Bara 2019 Nagaan Geessan! Ayyaana Gaarii isiniif haa ta'u!

Jalqaba waa'ee wanta tokkoo baruu barbaadda. Xiqqoo irratti dubbista, xiqqoo caqasta. Sana booda ofitti-amanamummaan kee gaara yaaba. Waa'ee wantichaa irratti beekumsi gosa gosaan si bira waan jiru sitti fakkaata. Yaada namoota kaanii asii gadi si ilaalchisa. Baga gara 𝑀𝑜𝑢𝑛𝑡 𝑆𝑡𝑢𝑝𝑖𝑑'tti nagaan dhufte!

Ergasii wanticha irratti dabaltee dubbisuu, yaadota caqasuu fi yaaduu itti fufta. Yeroodhaan booda wanti ati hin beekne gara akka hin qabnetu sitti mul'ata. Ofitti-amanamummaan kee gaaricha irraa suuta bu'a. Homaa akka hin beeknetti sitti dhaga'amuu jalqaba. Waa'ee wantichaa namoota gulantaa duraa irra jiran sana caalaa beekta; garuu akka hin beeknetti waan sitti dhaga'amuuf, yaada kee dubbachuufuu ija laafta.

Sana booda, hubannoon wanticha irratti qabdu dabalaa akkuma adeemuun, ija jabinni kees kees dabalaa adeema. Yoo karicha itti fufteef, ofitti-amanamummaan kees suuta bakka isaatti deebi'a jedhama. Kun qorannoo amalaa keessatti 𝐷𝑢𝑛𝑛𝑖𝑛𝑔-𝐾𝑟𝑢𝑔𝑒𝑟 𝐸𝑓𝑓𝑒𝑐𝑡 jedhamee waamama.

Iddoo baay'eetti warri mata-bowuu ta'aa jiran, warra 𝑀𝑜𝑢𝑛𝑡 𝑆𝑡𝑢𝑝𝑖𝑑 sana bira ga'anii hoji-manee isaanii addaan kutaniidha. Hubannoo dabalachuuf yaaliin isaan godhan dhaabbateera, ofitti-amanamummaan isaanii garuu gaara yaabe sana irraa hin buune.
@Falaasama_Addunyaa

Haadha

Ollaa bunaati. Ija ijoolummaatii kaaseen kana ilalaa guddadhe. Namichatu fuudhee, dhala godhatee, akkuma jireenya hoo'ifateen sammuu dhibame. "Ollaan bitaa-mirgaa harka namaati" jedhee odeessa, ani garuu waanan beeku hin qabu. Dhagaa fi sibiila biyya
jiru walitti guuree deema. Al-takka takka yemmuu bal godhu fhagaama baatee deemuun abbaa itti dhufe falaxee lafa buusa.

Hawaasi hin dhabu mudaa, rakkoo guddaa... Mootummaan biyya keenyaa fayyaa malee maraatuu hin hidhu.Qe'een isaaniis ta'e naannoo guutuutti goolin bu'e. Namni ijoollee gamaa-gamanatti ergachuu sodaate. Haati manaa gaafa lubbuun morma geessu mucaa jalaa fudhattee warratti baqatte.

Alaa fi manni, mukaa-baalli nuffee waan godhu wallaale. Namuu maal akka wayyu gad-taa'ee mari"ate. Kaan "manuma keessatti harkaa f miilisaa funyoon xaxamee haa taa'u." jedhan. Kuun garuu "sichi jireenyatii deebi'uu waan hin dandeenyeef heyyama abbaa, Haadhaa, haadha manaaf obboleeyyiin haa, ajjeefamu," jedhan.

Yaadi gara flannoo isa lammaaffaatu caaluu argate. Haati "Inni du'uurra ani du'uutu salphata." Jette. Jecha ishee kanatti namni afaan tokko dabale hin jiru.Namuu na'ee dilalla'e, jaarsoliin biyyaa fi dargaggoon lafa buufate tokko tokkoon ba'ee qajeele. Nama qalbiin dabree, waa balleessuu malee tolchuu dadhabe, namni hundumtuu yaalii qabu xumure. Akka waan fala in qabneetti lakkaa'e."Inni haa jiraatuu iddoosaa naan ajjeesaa" jette.

Waggaa hedduu booda haati manaa ni heerumte, abbaan ni du'e. Waliin jiraachuu dadhabanii obboleeyyiin firaa-firatti baqatan, Sammuun isaa, hojiin isaa akkuma sana, garuu amma guyyaa har'aatti haadha isaa waliin mana tokko keessa jiraachaa jiru.

@Falaasama_addunyaa

Jireenyi akka suuqii bakka waan barbaadde filattuuti.

Bilisummaan guddichi addunyaa kana irra jiru bilisummaa waa filachuuti. Namni waa filachuu yookiin murteessuu hin dandeenye harka qullaa gara mana isaatti kan deebi'u ta'uun beekamaadha. Wayita filannooleen garaa garaa siif dhihaatan filannoolee jiran gidduudhaa isa siif caalaatti bu'aa qabu irratti kan xiyyeeffattu ta'uun kee hin shakkisiisu.

Filannoolee jiran keessaa isa tokko fudhachuu yoo barbaadde warra kaan gatuuf murtii kennuu qabda jechuudha.Namni hundumaa dhuunfachuu barbaadu waan tokkollee hin
argatu. Dandeettiin yeroodhaan murtii kennuu waraanicha mo'uuf ulaagaa murteessaadha. Rakkina tokkoof furmaata kennuuf rakkinicha kallattii garaa garaatiin ilaaliitii wantoota fala ta'uu danda'u jettee yaaddu hunda tokko tokkoon tarreessi.

@Falaasama_Addunyaa

Sirriitti akeekkadhu.Mul'ata qabaadhu gara itti adeemtu hin beektu taanaan galma kee hin qaqqabdu.Namootni callisanii fandalalan jireenya isaanii keessatti gonkumaa hin milkaa'an.Kanneen mulata hin qabnes reeffaa wajin wal hin caalan.Namni jiraachuu kan inni jalqabu wayita jireenya isaaf mul'ata qabaatuudha.

Mula'tni abdii namatti hora.Lubbuu gammachiisas. Namni kamiyyuu mul'ata isaaf jireenya qabaachuu qaba. Boolli
bishaanni callisee keessa ciisu ni ajaa'a. Qilleensi mana cufaa keessa jirus oolee bulee xiraa'un isaa hin hafu. Waan hojjetan tokkollee qabaachuu dhabuu irra wanti dalagan baay'een jiraachuutu gaariidha.Mulatni immoo jireenya haaromsa.

Jireenyis kan inni hiika qabaatu namni waa hojjechuuf kaayyoo qabaatee kaayyoo isaa bira ga'uuf guyyaa guyyaatti ifaajii kan agarsisu yoo ta'eedha. Namni waanuma ta'u abjoota ta'a," jedhu beektonni. Jireenya keef muľ'ata hin qabdu yoo ta'e, utuu hin guddatin bakkuma jirtutti tortorta.Wanti ati bor ta'uu barbaaddu, daayaa kee har'aa irratti kan hundaa'u ta'uu isaa quba qabaadhu.

Mul'ata malee sochiin godhamu yeroo balleessuu fi umurii lakkaa'uu irra darbee wanti inni fayyadu tokkollee hin jiru.Namni dachee kana irra jiru kamiyyuu mataa isaatifis ta'e namoota kaanif waan gaarii hojjetee akka darbuuf uumame malee akkasumaan fandalalee biyyootti akka deebi'uuf hin tolfamne. Ati nama kabajamaadha.Injifannoo irratti injifannoo gonfachuuf nama
murteessite waan taateef ofiin booni.

Ifaajjee jennaan bakkalchi jireenya keetii caalaatti akka ifu tolkkollee hin shakkin.Namni bakka deemu hin beekne makiinaa isaa oofaa manaa ni
ba'aa? Jireenyi kaayyoo hin qabne huffee kallatti hin qabne keessa deemuu wajiin wal fakkaata.Jireenya kee keessatti maal barbaadda? Maal ta'uu feeta? Eessa ga'uu yaadda?

Mee si'a tokko gaaffilee kanniin of gaafadhu.Tarii dur ijoollummaa kee irraa jalqabdee gaaffii kana of gaafachaa as geessee jirta ta'a.mee dachee kana akka suuqii guddaa meeshaaleen gara garaa jeessatti argamaniitti fudhu. Suuqii kana seentee maal bittee gara mana keetti deebi'uu barbaadda? Yookin immoo jireenya akka tapha kubbaa miillaatti fudhadhu. Bakka mukti goolii jiru hin beektu yoo ta'e waa'ee tapha kana mo'uu yaaduu ni dandeessåa?

Guddina jechuun fulduratti tarkaanfachuu jechuu kophaa miti.Guddina jechuun kallatti sirrii fi qajeelaa irra deemuu jechuudhas. Gabaabaadhumatti, jireenyi akka milkaa'u kan godhu kaayyoo ati jireenya keef qabduudha.Fuulduratti waan gochuu yookiin ta'uu barbaaddu sammuu keetti xiinxalii yaadi.Bakka calleensa qabu taa'itii mee ija kee junuunfadhu Keessa kee dhaggeeffadhu. Waan yaadakeeti dhufu hunda tokko tokkoon qalbifadhu. Gara fuulduraatti jireenya akkami jiraachuu barbaadda? Nama akkamii taatee of arguu hawwita?

Jireenya mo'uuf kaayyoo qabaachuun kophaa isaatti ga'aa miti. Bira nan ga'a yookiin immoo nan godha jettee kaayyoon ati akeektu humnaa fi sadarkaakee wajjin kan wal gitu ta'uu akka qabu beeki.Kaayyoo galmaan ga'uu danda'an tokko irratti xiyyeeffachuuf ciminaa fi laafina ofii beekuun dhimma murteessaadha.Kaayyoon kee waan xinnoo yoo ta'e salphaatti galmaan ga'uu dandeessa ta'a. Garuu, waan laaftuu taate irraa barnootni ati argattu baay'een hin jiraatu.

Kaayyoo jabaa ulfaataa ta'e yoo akeektes galmaan ga'uu rakkattee shororkaa keessa seenuu dandeessa Waan ta'eef kaayyoo laafaa dhumatti galma ga'uudanda'u, gama biraatiinis kaayyoo ulfaataa gara maayeessa irratti nama shororkeessu utuu hin ta'in kaayyoo jireenya koo jijiruu danda'a jettee yaaddu kan adeemsa keessa muuxannoo irra argachaa deemtu irratti xiyyeeffadhu. Karoora baasi.Karoora kanas akka bakkalcha daandii sitti agarsiisuutti fudhadhu.Bakka mukni goolii jiru hin beektu taanaan callistee kubbaa dhiituun kee faayidaa hin qabu.

@Falaasama_Addunyaa