ፍቅር እስከ ጀነት (𝑹𝙖𝙢𝙖𝙨)

የኒቃብና የትምህርት ጉዳይ የሰሞኑ  መነጋገሪያ ሆኗል !

ነገሩ አሁን ይግነን እንጂ ፀረ ኒቃብ የሆኑ ስልጣን አለን ባዮች ድሮ ነው ኒቃብን ሲያጥላሉ የነበሩት። ከዚህ ጋር ተያይዞ ዩኒቨርስቲ በነበርኩበት ወቅት የማስታወሰውን ልንገራችሁ እኔ ተመርቄ ከወጣሁ አንድ አመት ሆኖኛል ግቢ በነበርኩበት ሰአት የዩኒቨርስቲው የሙስሊም ተማሪዎች  ተወካይ ነበኩ በዚህም ምክንያት በዩኒቨርስቲው አስተዳደር በኩል ለሙስሊሞች ያላቸውን ጥላቻ ለማየት ቅርብ ነበርኩ። ለሙስሊሞች ያላቸው ጥላቻ ንቀት እጅግ ይለያል ሙስሊም በዚህ ደረጃ እንደሚጠሉ የተገለጠልኝ ያኔ ተወካይ በሆንኩበት ሰአት ነበር። የሚገርማችሁ እኔ ፍሬሽ ሆኝ ስገባ ኒቃብ ለባሽ አልነበረም 2ኛ ወይም 3ኛ አመት አካባቢ አንድ ልጂ ኒቃብ ለብሳ መጣች በዚያ ኒቃብ ምክንያት ብዙ ጫና ነበረባት ለዛውም በግቢው ብቸኛ ኒቃቢስት እሷ ብቻ ሆና እንዲሁ መገመት ትችላላችሁ። አልሃምዱሊላህ እሷ ኒቃብ ባዳረገች በአመቱ በዩኒቨርስቲው የኒቃቢስቶች ቁጥር ከሚያስቡት በላይ ጨመረ ያኔ ጫና ለመፍጠርና ኒቃብ ለማስወለቅ ያላደረጉት ጥረት አልነበረም። እኔ በሰአቱ የሙስሊም ተማሪዎች ተወካይ ነበርኩ በየግዜው ክላስ እያለኝ እራሱ በኒቃብ ጉዳይ ከሌሎች ወንድሞቼ ጋር በመሆን ሰብሰባ ይጠሩን ነበር። ታዲያ ሲሰብቡን ኒቃብ ያውልቁ ፊታቸው ገልጠው እንደማኛውም ተማሪ መንቀሳቀስ አለባቸው የሚል ሀሳብ  ቀጥታ ትእዛዝ ተሰጠን። ይህን የማታደርጉ ከሆነ በእነሱም በእናንተም ላይ እርምጃ  እንወስዳለን ከትምህርት ትባረራላችሁ አሉን። አስቡት እኔና ወንድሞቼ በዛ ዩኒቨርስቲ ያሉ ሙስሊም ተማሪዎች ሁሉ ጉዳይ አማና በኛ ላይ ወድቋል በአንድ በኩል ደግሞ ተመርቀን መውጣት እና የቤተሰቦቻችንን አደራ መወጣት አለብን።

ከሁለቱ  እንዱ መምረጥ ለኛ ከባድ ነው ቢሆንም አሏህ ጥንካሬውን ሰጥቶን የፈለጉትን ያምጡ እኛ እህቶቻችን ኒቃብ አውልቁ የሚል ትእዛዛት አንሰጥም አልናቸው። በዚሁ ስብሰባው ያለ ስምምነት ተጠናቀቀ። ከስብሰባ ከወጣሁ በኋላም በስልክ እየደወሉ ብዙ ማስፈራሪያ ዛቻ ያደርጉብኝ ነበር።

ሌላው ኒቃቢስት እህቶችን ላይ ላይብረሪ ኒቃብ ለብሳችሁ መግባት አትችሉም .ከግቢ ውጭ ስትወጡ (ከመስጂድ) ስትመለሱ ፊታችሁን ገልጣችሁ ለጥበቃዎች ማሳየት አለባችሁ,ካፌ አትስተናገዱም አስከ ማለትና መታወቂያ ( ID) እስከመንጠቅ ደረሱ ።

ያኔ እኔ በቀዳሚነት የመጀመሪያ ተወካይ ብሆንም ሌሎችም ሶስት ወንድሞቼ አብረው ነበሩና ነገሩ እየተባባሰ ሲመጣ ቁጭ ብለን ሹራ አደረግን። ከዚያም በአንድ ሀሳብ ተስማማን እሱም ምንድነው እኛ ለብቻችን ብንጋፈጣቸው  ከትምህርት እንባረራለን የእህችንም ኒቃብ ይወልቃል። ሰለዚህ ነገሩን ተማሪዎች ሳይሰሙ እና ነገሮች ውጥቅጣቸው ከመውጣቱ በፊት በዩኒቨርስቲው አካባቢ ያሉ ሼኮችን ጣልቃ እንዲገቡበት አደረግን ። እነሱም አሏህ እረጂም ጤና እድሜ ይስጣቸው ሀሳባችንን ተቀብለው በአካል በዩኒቨርሲቲው  በመገኝት ፕሬዝዳንቱ እና ሴኔት አባላት ጋር  ተነጋገሩ። ይህኔ ነበር አላማው  የከሸፈባቸው። ነገሩ ከተማሪ አይወጣም እዚሁ አለባብሰን እርምጃ ወስደን እናስተካክላለን ያሉት ነገር ማህበረሰቡ ዘንድ እንደደረሰ እና ሌላ ነገር እንደሚያስከትልባቸው ሲያቁ በዚያው ፀጥ አሉ ።

ከዚህ ጋር ተያይዞ ምን ያክል ለሙስሊም ጥላቻ እንዳላቸው የዩኒቨርስቲ ተማሪዎች ተወካይ በሆንኩበት ግዜያት በደንብ አይቻለሁ።  ሙስሊም ተማሪዎችን ለመንካት  ሆን ተብሎ የሰአት ገደብ በማድረግ የመغሪብ  እና ኢሻ ሰላት መስጂድ ሄደን እንዳንሰግድ ያደርጉ ነበር ። እሱ አልበቃ ብሎ መስጂድ ቆይተው የሚመጡትን ልጆች የት ነበራችሁ ተብሎ  ውጭ በር ላይ አናስገባም ይላሉ ሲፈልጉ  ID ይነጥቃሉ። ሲያሻቸው ደግሞ ሰብስበው በዱላ ይገርፍሉ ይሄን ያክል ነው ጥላቻቸው ። የሚገርማችሁ ረመዳን ከመግባቱ በፊት ቀድመን ቀኑን በደብዳቤ ያሳወቅናቸው ቢሆንም  ዩኒቨርሲቲው ለሙስሊሙ ያለው አመለካከት ጥሩ ስላልነበረ ተዘናግተው ቆይተው። ረመዳን የመጀመሪያ ቀን ደረሰ ከዚያም የመጀመሪያው ተረዊህ ሰላት ተሰገሰዶ ካበቃ በኋላ ዩኒቨርሲቲ ካፌ እንደተዘጋጀ  ሄደው መጠቀም እንደሚችሉ መልዕክት አስተላልፍ ካሉኝ በኋላ እኔም አስተላለፍኩ  ከመስጂድ ተመለስን ከምሽቱ  5 ሰአት አካባቢ  ካፌ ምግብ አልተዘጋጀም መልዕክቱን አድርስ ብለው ደወሉልኝ። ያኔ የተሰማኝ ሰሜት እኔ ነኝ የማውቀው ምክንያቱም ቀድመን በደብዳቤ እና በአካል ጭምር በመሄድ ረመዳን መቼ እንደሚጀምር በአካል አሳውቀናል። ሆኖም አልተዘጋጀም። ከዚያ በዘለለ ሰሁር ካፌ እንደሚያዘጋጅ መልዕክት አስተላልፈናል። ተማሪው ካፌ አለ ሰለተባለ ከውጭ ምግብ ይዞ አልገባም። ገዝቶ እንደይጠቀም ደግሞ አሰቡት ከምሽቱ 5 ሰአት ሰለሆነ ሁሉም ላውንቾች እና ካፌዎች ተዘግተዋል።

ያኔ እኔ መልዕክት ቀድሜ ካፌ እንደሚጠቀሙ እንዳስተላለፍኩና ከዚህ በኋላ ምንም ማድረግ እንደማልችል ነግሬ ሰሁር ላይ ምግብ ዩኒቨርስቲው የማያዘጋጅ ከሆነ ለሚፈጠረው ነገር ሀላፊነቱን አልወስድም ብየ ሰልኬን ዘጋሁ። እነሱም የሚፈጠረው ችግር ስላሳሰባቸው እንደምን አዘጋጅተው ለስሁር  አደረሱ። እሱን ተወጣሁ ስል በዚያው የረመዳን የመጀመሪያ ቀን ላይ በቀል በሚመስል መልኩ ሌላ መልዕክት  ደረሰኝ እሱም ምንድነው።  ሙስሊሞች ከሚጠቀሙበት ከተለመደው ቦታቸው ተነስተው አዲስ እየተሰራ ያለ ያላላቀ ካፌ ውስጥ ኢፍጣር  እንደሚደረግ  እና ነባሩ የሙስሞች ካፌ ለካፊሮች እንዲሆን ተወሰኖል አሉኝ። የሚገርማችሁ አዲስ ካፌ የምላችሁ ጭራሽ ምንም የማይመች ከመሆኑ ጋር ሴት እና ወንዶች  መቀመጫ ለመለየት ጭራሽ የማይመች ከመሆኑ ጋር ለኒቃቢስት እህቶቻችን ጭራሽ ፈተና የሆነ ካፌ ነው።

ሰለዚህ ምክንያቱን ካስረዳሁ በኋላ በሀሳቡ እንዳልተስማማሁ እና በነባሩ ካፌ መዘጋጀት እንዳለበት ነገርኳቸው እና ስልኬን ዘጋሁ። ወዲያው ምን ብለው እንደነገሩት አለውቅም። የዩኒቨርስቲው ፖሊስ ቤሮ ትፈለጋለህ ተባልኩ። እኔም ሄድኩ ስሄድ ሁለት ሙስሊም ጠል የሆኑ ኒቃብ ያውልቁ የሚሉ አንድ እንስፔክተር እና ኮማንደር ቤሮ ጠበቁኝ። ሰገባም የተሰጠኝ የመጀመሪው ነገር ማስፈራሪያ ነበር ተው ተማሪችን አታሳምፅ በተዘጋጀው ቦታ ላይ ይመገቡ። መልዕክት አስተላልፍ ሳታስተላልፍ ቀርተህ ምንም አይነት ችግር ቢፈጠር ከትምህርት ትታገዳለህ....አንተ አሸባሪ ነህ ......ያላሉኝ የለም።

  እኔም አዲሱ ካፌ ለኒቃቢስት እህቶቻችን እንደማይመች እንዲሁም ሴትና ወንድ መቀመጫ ለመለየት እንደሚያስቸግር ረጋ ብየ ባስረዳቸውም አልሰሙኝም። እንደውም ከነገርኳቸው በኋላ ጭራሽ ባሰባቸው ። በቃ ምንም አይነት ችግር  ቢፈጠር ሀላፊነቱን ትወስዳለህ ብለውኝ ከቢሮ ወጣሁ።


ከዚያም  ከወጣሁ በኋላ የግቢው  ፕሬዚዳንት  ደወለልኝ ያለውን ነገር ነገርኩት ..በጭራሽ. እንደማይሆን ሙስሊሙን ተማሪ እስከወከልኩ ድረስ ሀላፊነቴን መወጣት እንደ አለብኝ እና አዲሱ ካፌ እንደማንጠቀም እንደማይመች ተነጋገርን። እሱም ያለውን ሁኔታ ተረዳኝ በነባሩ ካፌ እንዲጠቀሙ እኔ አስተካክለው አለ። እንዳለውም ከስንት ጭቅጭቅ  በኋላ በነባሩ ካፌ  እንድንጠቀም ተደረገ። የሰላት ሰአትም በዛው ኢሻንም ተረዊህም ሰግደን እንድንገባ ተፈቀደ። 

እናም እስከ አሁን ባለኝ መረጃ መሰረት ከዚያ ግዜ ጀምሮ ኒቃብ መልበስ ይቻላል ሰላታቸውንም ሰግደው ነው የሚገቡት። ስለዚህ በቀጥታ የሚመለከታችሁ አካላት ነገሩን ችላ አትበሉት!!!  ቋሚ ህግ ይውጣለት።

✍️  ወንድማችሁ ራማስ አልሀናኒ

➢ t.me/FKR_ESKE_JENET

🌹ጥሩ_ ትዳር _ትፈልጋለህ??!

ከፈለክ ኢማም አህመድ ኢብን ሀንበል (አላህ ይዘንላቸው) ልጃቸው ሲያገባ የለገሱት ምክር እኔም አንተንም ስለሚመለክት ጆሮህን አውሰኝ! !

☞ ልጄ ሆይ እነዚህን አስር ነገሮች ለባለቤትህ መፈጸም ካልቻልክ በትዳር ህይወትህ ደስተኛ መሆን ስለማትችል ምክሬን ጠበቅ አድርገህ
ለመያዝ ሞክር፦

“①- ሴት ልጅ ምቾትን ስለምትፈልግ ያለህን ነገር ሳትሰስት አጋራት

②- ሴት ፍቅርህን እንድትገልጽላት ትሻለች። (ባገኘከው አጋጣሚ) ፍቅርህን ከመግለጽ ወደኋላ አትበል

③- ሴቶች ግትር ወንዶችን ይጠላሉ። ደካማ ወንዶችን ደግሞ ይንቃሉ አንተጥንካሬ በሚያስፈልግበት ቦታ ጠንካራ ሌላ ጊዜ ደግሞ ገር ለመሆን ሞክር።

④- ሴቶችን መልካም ንግግር፡ ውብ ገጽታ ንጹህ ልብሶችና ጥሩ መአዛ ስለሚማርካቸው ሁሌም እነዚህ ነገሮች እንዲኖሩህ ጥረት አድርግ

⑤- ለሴት ቤቷ የቤተ መንግስት ያህል ክብር የምትሰጠው ስፍራ ነው ቤቷ ስትሆን ዙፋኗ ላይ በክብር የተቀመጠች ንግስት ያህል ክብር ይሰማታል በምንም ተአምር ይህን ቤተ መንግስቷን የሚያፈርስባትን ነገር እንዳትፈጽም ከንግስና ዙፋኗ ላይ ልታወርዳትም አትሞክር ይህን ካደረክ ንግስናዋን እንደመቃወም ይቆጠራል። ለንጉስ ንግስናውን ከመቀናቀን የበለጠ ትልቅ ወንጀል የለምና ጥንቃቄ አድርግ።

⑥- ሴት የቱን ያህል ብትወድህም ቤተሰቧን ማጣት አትፈልግም አንተን ከቤተሰቦቿ በላይ እንድትወድህ ለማድረግ አትጣር ይህን ማድረግ ፍጻሜው የማያምር ጠላትነትን ሊያመጣብህ ይችላል።

⑦- ሴት ከጎንህ (ጠማማ አጥንት) መፈጠሯን አትዘንጋ ይህ አፈጣጠሯ የውበቷ ሚስጥር መሆኑን እወቅ። ትንሽ ስህተት ባየህ ቁጥር አቃናታለሁ እያልክ እንዳትሰብራት ተጠንቀቅ። ስብራቷ ፍቺ ነው ላቃናት ከሞከርኩ ትሰበራለች በማለትም የባሰ እንድትጠም መንገድ አትክፈትላት መካከለኛ ሰው ሁንላት።

⑧- ሴት አንዳንዴ የዋልክላትን ውለታ ልትዘነጋ ትችላለች (ስትናደድ) ያደረክላትን ነገርም ልትክድ ትችል ይሆናል ነገር ግን እንዲህ አደረገች በማለት ብቻ እንዳትጠላት ይህን ባህሪዋን ባትወድላት ሌሎች የሚስቡህ ብዙ ባህሪዎች እንዳሏት አትዘንጋ።

⑨- ሴት አካላዊ ድካምና ስነልቦናዊ ጫና ሊያርፍባት ይችላል በዚህን
ወቅት አላህ (ሱብሀነሁ ወተአላ) የግዴታ አምልኮዎችን (ሰላትና ጾም) ሳይቀር ውድቅ አድርጎላታል። በዚህን ጊዜ እዘንላት ትእዛዝ አታብዛባት።

⑩- ሴት አንተ ዘንድ ያለች (የፍቅር) ምርኮኛህ መሆኗን አትዘንጋ ምርኮኛህን በጥሩ ሁኔታ ያዛት እዘንላት በድክመቷ (የምትፈጽመውን ስህተት) እለፋት ምርጥ የሂዎት አጋርህ ትሆናለች።

══ •⊰✿ 🌹 ✿⊱• ═
➢ t.me/FKR_ESKE_JENET

​​ስለ ፍቅር

ፈልገነው አስበነው፣ አባዝተን፣ ቀንሰን አሊያም ደምረን የምናገኘው ቀላል ስሌት አይደም። ፈሪ ሆንክ ደፋር፣ ሀብታም ሆንክ ደሀ፣ ማንም ሆነክ ምንም የማይደንቀው፣ በማንኛውም የሰው ልጅ ልብ ውስጥ በራሱ ጊዜና መንገድ ሰርጎ የሚገባ የተፈጥሮ ፀጋ ነው። ይህን የተሳጠንን ታላቅ ፀጋ (በረከት) መቋደስ መታደል ነው። እስቲ ስለ ፍቅር ካነሳን አይቀር ስለአንድ እውነተኛ የፍቅር ታሪክ ገጠመኝ ላውጋችሁ ልብ ብላችሁት በትእግገስትም አንብቡት፡፡

አንድ በጣሙን ደሃ የሆነ ሰው ከሚስቱ ጋር ይኖር ነበር፡፡ አንድ ቀን ሚስቱ ጸጉሯን የምታበጥርበት ማበጠሪያ እንዲገዛላት ጠየቀችው፡፡ ባል በጣም አዘነ፡፡ በኪሱ አንዳችም ገንዘብ ስለሌለው እያዘነ እንደማይችል ገለጸላት፡፡ ሌላው ይቅርና በቅርቡ ማሰሪያው ለተበጠሰበት የእጅ ሰዓቱ እንኳ ማሰሪያ መግዛት ስላልቻለ በኪሱ ይዞት እንደሚዞር ማሰሪያው የተበጠሰውን ሰዓት እያሳየ እንደማይችል ገለጸላት፡፡ ሚስትም ነገሩን ተወችው፡፡ ባል ወደ ሥራ ሲሄድ በአንድ የሰዓት መሸጫ በኩል ሲያልፍ ወደ መሸጫው ገብቶ ማሰሪያው የተበጠሰውን ሰዓት ሸጠ፡፡ ሌላ ሱቅ ገባ፡፡ ለሚስቱ በጣም የሚያምር ማበጠሪያ ገዛ፡፡ ምሽት ላይ ከስራ ወደ ቤት ሲመለስ ዋንኛ ዕቅዱ ለሚስቱ እንዴት ያንን የሚያምር ማበጠሪያ እንደሚሰጣት ነበር፡፡ ሚስቱን ሲያያት ግን ደነገጠ፡፡ ያ የሚያምረው ዘንፋላ ጸጉሯ በአጭሩ ተቆርጧል፡፡ ባለማመን እንደተዋጠ የገዛላትን ማበጠሪያ ከቦርሳው አውጥቶ ወደ እሷ ቀረብ ሲል አይኗ በእንባ እንደረጠበ በእጆቿ መሃል የያዘችውን ነገር ተመለከተ የሰዓት ማሰሪያ፡፡ ሰዓቱን ሸጦ ማበጠሪያ እንደገዛላት ሁሉ፣ ለካንስ እሷም ያን ዘንፋላ ጸጉሯን አስቆርጣ ሸጣ የሰዓት ማሰሪያ ገዝታለት ነበር፡፡ ሁለቱም ፍቅር በልባቸው እየነደደ በእንባ ታጠቡ……..

ፍቀር ራሱን እንጂ ሌላ ምንም አይሰጥም ከራሱ እንጂ ከሌላ ከማንም አይቀበልም ፍቅር ለፍቅር በቂ ነውና፡፡ ፍቅር ብዙ ነገር ነው ተፅፎ ተነግሮና ተገልፆ የማያበቃ ለከት የሌለው፣ ልንገድበው የማንችል የተፈጥሮ አምባገነን ነው። ፍቅር ውስጣችን ሰርጎ ከገባ ተልካሻ ነገሮች አይምሮአችን ውስጥ ቦታ የላቸውም። ፍቅር ያለ ቦታው የአባጨንጓሬን ያህል ይኮሰኩሳል ቢሆንም በፍቅር አይን ሁሉም ነገር ትክክል ሰለሆነ በዚህ መኮስኮስ ውስጥም ፍቅር አለ። በፍቅር አለም አለመግባባት አልያም ግጭቶች መፈጠሩ አይቀሬ ነው ምክንያቱም ሰው ሆኖ ፍጹም የለምና ነገር ግን ይቅር ማለት ሁልጊዜ አንተ ተሳስተሃል ማለት አይደለም አንዳንድ ጊዜም ላለህግንኙነት ዋጋ መስጠት ራስ ወዳድነትን መስበር ማለት ነው። ሁላችንም ፍቅርን እንደ ሸማ ለብሰን በፍቅር ኖረን በፍቅር እንድናልፍ አሏህ ይርዳን አሚን !

📝 ራማስ አልሀናኒ

▬▬▬๑۩🌹۩๑▬▬▬
➢ t.me/FKR_ESKE_JENET

ብዙ ግዜ አለኝ

"ብዙ ጊዜ አለኝ!" ብሎ ማሰብ
በህይወት ከምንሰራቸው ትልልቅ ስህተቶች ዋነኛው ነው። እውነታው የምድር ጊዚያችን የተገደበ ነው። መች እንደምንጠራ አናውቅም። በተገደበ ጊዜ የተገደበውን ወሳኝ ነገር ብቻ እናድርግ።

📝 ራማስ አልሀናኒ

➢ t.me/FKR_ESKE_JENET

🩸 ስሜትን ለመቆጣጠር 4 መንገዶች!

አንድ ጥናት እንደሚያመላክተው ሁለት ሰዎች እየተነጋገሩ ሳለ፣ የአንደኛቸው አእምሮ የሌላኛቸውን የመምሰል አዝማሚያ አለው። ይህም ማለት ሚስትህ በቁጣ ስትናገርህ፣ ያንተም ምላሽ በቁጣ የተሞላ ይሆናል፤ ልጅህን በስክነት ውስጥ ሆነህ ስታናግረው፣ የእርሱም አእምሮ የሰከነ ይሆናል።

ወዳጅህ ሲስቅ አንተም ትስቃለህ፤ ወይም እርሱ ሲያዛጋ አንተም ማዛጋት ትጀምራለህ። ሁሉም ስሜቶች ተላላፊ ናቸው፤ ልክ እንደ ጉንፋን። ፍርሃት፣ ጭንቀት፣ ሃዘን ሁሉም ከሰው ወደ ሰው ይጋባሉ።

ስሜቶችህን ለመቆጣጠርና ወደ ከፍታ ለመድረስ የሚያስችሉህ መንገዶች:-

አንድ- በየዕለቱ፤ ጠዋትና ማታ ለአስር ደቂቃዎች ያህል አዝካሮችን በል ።

ሁለት- ከሰዎች ጋር መልካም የሆነ ግንኙነት እንዲኖርህ አድርግ፤ ሳቅህንና መልካም ሃሳቦችህን አጋባባቸው።

ሶስት- በሄድክበት ሁሉ ያንተን እርዳታ የሚሹ ሰዎችን በተቻለህ አቅምም እርዳቸው። ይህም ሁላችንም አንድ ለመሆናችን እና የሌላው ደስታ ያንተም ደስታ እንደሆነ ማስታወሻ ይሆንሃል።

አራት- ያበሳጨህን፣ ያናደደህን ነገር ሁሉም ከአሏህ የመጣ መሆኑን አውቀህ ሶብር በማድረግ ባንተ ላይ የመጣውን መጥፎ ነገር በመልካም ቀይረው !!!

➢ t.me/FKR_ESKE_JENET

#ፈገግ_እያሉ_ፀጥ_ብለው_ይኖራሉ

አሉኮ አንዳንዶች ••••
ውስጣቸው ላይ ከባድ የሚባል ችግር አለ ፣ የተደራረበ ሀዘንና ብሶት ላያቸው ላይ ጭነዋል፣ የኔ የሚሉትና የሚረዳቸው ሰው ቢያገኙ ሊያወሩት የሚፈልጉት ብዙ እምቅ ህመም አለ ፣ የህመም ስሜቱ እንደነሱ የሚሰማው ስሩ ሽጉጥ አድርጎ አይዞህ (አይዞሽ) ብሎ የሚያባብላቸው የራስ ሰው ቢኖራቸው የሚያለቅሱት ዕልፍ የሂዎት ቁስልና የተጠራቀመ የመኖር እንቅፋት አለ እነሱ ግን እንዲህ ሆንን ይህ ገጠመን, ብለውም ለማንም ምንም አያወሩም ፣ አብረሀቸው ስትኖርም በትንሽ ትልቁ ሲያማርሩ ወይ ደግሞ እድላቸውን ሲረግሙ አንዴም አትሰማቸውም ••| በቃ ፈገግ እያሉ ፀጥ ብለው ይኖራሉ። የዛ አይነት ሰዎች ይክፋቸውም ደስተኛ ይሁኑም በውል አያስታውቁም በዚህ የተነሳ በአንዳንድ ሠዎች ዘንድ
" ውስጣቸው አይገኝም " አልያም ደግሞ "እሱ ምን አለበት" "እሷ ምን አለባት" ሲባሉ ይሰማሉ በጣም የሚገርመው ግን ይሄን ተባልን ብለው እንኳ ስላሉበት ሁኔታና ችለውት እየገፉት ስላሉት የቀን ጥቁር ለማብራራት አይሞክሩም። ብቻ ፈገግ እያሉ ፀጥ ብለው ይኖራሉ አንዳንዴ በዙሪያቸው ያሉ ሰዎች እንዲህ ሆንን የሄ ነገር ገጠመን እያሉ ሲያማርሩና ሲያለቃቅሱ ሲሰሙ እነሱ ካሳለፉትና አሁንም ቁመውበት ካለው የሂዎት ውጣ ውረድ አንፃር "እሱ ምን አለበት" "እሷ ምን አለባት" የተባሉትን ነገር አስታውሰው •• አይ እዳር ያለ ሰው•• ብለው በሆዳቸው ያቺን የተለመደች ፈገግታቸውን ብለጭ እያደረጉ ፀጥ ብለው ይኖራሉ ። ዞረው በተስፋ ወደሚያልሙት ፣ ይሻል ይሆናል ብለው በምኞት ወደሚጓጉለት ነጋቸው እያነከሱ ያዘግማሉ ••• ማንከሳቸውን ግን እነሱ እንጂ ሌላው አያውቀውም አይ ሰው ብርቱ !!! ሀቂቃ ተገረምኩባችሁ ጀግና ናችሁ ። አሏህ ሀጃችሁን ያውጣላችሁ። አሏህ ለሁሉም ችግር መፍትሄ አለው አይዞን!!!

➢ t.me/FKR_ESKE_JENET