°•°ቢስሚከ ነህያ °•°

የደጋግ ሰዎች ንግግሮች - ስለ ዱንያ
**

 ዐብዱላህ ኢብኑ ሙስዑድ (ረ.ዐ) እንዲህ ይላሉ፡- 
‹ይህች ዱንያ አገር የሌለው ሰው አገር፤ ገንዘብ የሌለው ሰው ገንዘብ ናት፡፡ እሷን የሚሰበስባትም ዐቅል የሌለው ነው፡፡› 
 
 ሱፍያን አስ-ሠውሪይ ረሒመሁላህ እንዲህ ይላሉ፡-
‹ዱንያ (የቅርቢቱ ዓለም) ዱንያ የተባለችው ቅርብ ስለሆነች ነው፡፡ ማል (ገንዘብ) ማል (ዘንባይ) የተባለው ባለቤቱን ወደራሱ እንዲያዘነብል ስለሚያደርግ ነው፡፡›

  ወህብ ኢብኑ ሙነበህ ረሒመሁላህ እንዲህ ይላሉ፡-
‹ዱንያ ለብልሆች መስሪያ አገር ናት፡፡ መሃይማን ደግሞ በሷ ላይ ተዘናግተዋል፡፡ ከሷ እስኪለቁ ድረስ ስለሷ ምንም አላወቁም፡፡ ወደኋላ ለመመለስ ፈልገው ቢጠይቁም መመለስ አልቻሉም፡፡›

 አል-ሐሰን አል-በስሪ ረሒመሁላህ እንዲህ ይላሉ፡-  
‹አራት ነገሮች የዕድለ ቢስነት ምልክቶች ናቸው፡፡ የቀልብ መድረቅ፣ የዐይን እንባ ማጣት፣ ረጅም ምኞት እና በዱንያ ላይ ለመቆየት መስገብገብ፡፡›

 ማሊክ ኢብኑ ዲናር ረሒመሁላህ እንዲህ ይላሉ፡- 
‹ለዱንያ ባለህ ሀሳብና ጭንቀት ልክ ለአኺራ ያለህ ሀሳብ ከውስጥህ ይወጣል፡፡ ለአኺራ ባለህ ጭንቀት ልክ ለዱንያ ያለህ ሀሳብ ከውስጥህ ይወጣል፡፡›

 ማሊክ  ኢብኑ ዲናር ረሒመሁላህ እንዲህም ብለዋል፡-
‹ለዱንያ በተደሰትክ ልክ የአኺራ ጥፍጥና ከልብህ ውስጥ ይወጣል፡፡›

 አል-ፉዶይል ኢብኑ ዑያድ ረሒመሁላህ እንዲህ ብለዋል፡-
‹አምስት ነገሮች የዕድለቢስነት ምልክቶች ናቸው፡- የቀልብ መድረቅ፣  የዐይን እንባ ማጣት፣ ጥሩ ጓደኛን አለመምረጥ፣ ለዱንያ ማዘንበል እና ረጅም ምኞት፡፡ አምስት ነገሮች ደግሞ የደስታ ምልክቶች ናቸው፡- በቀልብ በአላህ ላይ እርግጠኛ መሆን፣ በዲን አላህን መፍራት፣ ከዱንያ መብቃቃት፣ ሐያእ እና እውቀት ናቸው፡፡”

 አል-ፉዶይል ረሒመሁላህ እንዲህም ብለዋል፡-
‹ዱንያ ከነሙሉ ግሳንግሷ በመጨረሻው ዓለም የማልመረመርባት ሐላል ሆና ብትቀርብልኝ፤ አንዳችሁ ጥንብ ባየ ጊዜ እንዳይነካው እንደሚጠየፈው ሰው ሁሉ ተጠይፌያት በራቅኩ ነበር፡፡›

 ሰለመህ ኢብኑ ዲናር ረሒመሁላህ እንዲህ ይላሉ፡-
‹በዱንያ አንድም የሚያስደስትህ ነገር አይኖርም በሌላ በኩል የሚያስከፋህ ነገር የተጣበቀበት ቢሆን እንጂ፡፡›

 ዐብዱላህ አርራዚ ረሒመሁላህ እንዲህ ይላሉ፡- 
‹የዒባዳን ጥፍጥና ማግኘትና የጥፍጥናው ጣሪያ መድረስ ከፈለግክ ባንተና በዱንያ ስሜቶች መካከል ከብረት የሆነ ግድግዳ አብጅ፡፡›

 ሰዕድ ኢብኑ መስዑድ  ረሒመሁላህ እንዲህ ይላሉ፡-
‹አንድ ሰው ዱንያው ስትጨምርና አኺራው ስትቀንስ እሱም ይህን ሁኔታውን ወዶ የሚኖር መሆኑን ካየህ የዚህ ዓይነቱ ሰው የተታለለና ሳያውቅም በራሱ የሚጫወት መሆኑን እወቅ፡፡›

 ከሢር ኢብኑ ዚያድ ረሒመሁላህ እንዲህ ይላሉ፡- 
‹ዱንያችሁን በአኺራችሁ ሽጡ፡፡ ወላሂ ሁለቱንም ታተርፋላችሁ፡፡ አኺራችሁን በዱንያ አትሽጡ ወላሂ ሁለቱንም ትከስራላችሁ፡፡›

 ዑበይድ ኢብኑ ዑመይር አልለይሢይ ረሒመሁላህ እንዲህ ይላሉ፡-
‹ዱንያ የተወሰነ ዕድሜ አላት፡፡ አኺራ ደግሞ ዘላለማዊ  ናት፡፡›

 ዐውን ኢብኑ ዐብደላህ ረሒመሁላህ እንዲህ ይላሉ፡- 
‹የዱንያን ማማር አትመልከቱ፡፡ እሷ በየትኛውም ጌጥ ብትዋብና ብታሸበርቅ ውሸት ናት፡፡ ትልቅ ትርፍና ሀብት የሚገኘው ነገ በአኺራ ነው፡፡ እኛ ደግሞ በቀደሙትና ወደ ኋላ በቀሩት ሰዎች መካከል ነን፡፡›

 ጥበበኛው ሉቅማን ልጃቸውን ሲመክሩ እንዲህ ይላሉ፡- 
‹ልጄ ሆይ! ወደዚህች ምድር ከመጣህበት ጊዜ ጀምሮ ለዱንያ ጀርባህን እየሰጠህ ነው፡፡ አኺራ ደግሞ እየመጣች ነው፡፡ አንተም ርቆ ከሄደው ይልቅ እየቀረበ ላለው ቅርብ መሆንህን አስተውል፡፡.

@HAYAttuna

JOIN

መልካም ጎደኛ::::::::::

ኢማሙ አል ሻፊዒ እንዳሉት
🌴 የጀነት ሰዎች ጀነት በገቡ ጊዜ በዱንያ ላይ በመልካም ነገር ላይ የነበሩ ጎደኞቻቸውን ጀነት ውስጥ ሲያጧቸው አሏህን እንዲህ ሲሉ ይጠይቃሉ

" ጌታችን ሆይ ከኛ ጋር ሲሰግዱ እና ሲፆሙ የነበሩ ጎደኞች ነበሩ ጀነት ላይ አጣናቸው " ብለው ይጠይቃሉ ፡ አሏህም እንዲህ ይላቸዋል ፡ ወደ እሳት ሂዱና ከቀልቡ የዘር ፍሬ የምታክል ኢማን ያለውን ሰው አውጡ ይላቸዋል ,

ሀሰን አል በስሪ አሏህ ይዘንላቸውና እንዲህ አሉ ፦

✍ ሙእሚን የሆኑ ጎደኞችን አብዙ 、 የቂያም ቀን አሏህ በፈቃዱ መሸምገልን ይሰጣቸዋል እና,
ኢብኑ አል ጀውዚ አሏህ ይዘንላቸውና እንዲህ አሉ ፡

☞በጀነት ውስጥ በመካከላችሁ ካጣችሁኝ , ስለኔ ጠይቁ ፡ ጌታችን ሆይ ያ ባሪያ በዱንያ ላይ ስላንተ ያስታውሰን ነበር የት አለ በሉ ከዛም አለቀሱ።

☞ ወዳጆቼ በጀነት ውስጥ ካጣችሁኝ ስለኔ ጠይቁ ምናልባትም በአሏህ መንገድ ላይ አንድ ጊዜም ቢሆን ስለሱ ታላቅነት ፣ ፈጣሪነት አስታውሻችሃለሁና።

አሏህ ሆይ ! ያንተን ትእዛዝ በመፈፀም ላይ የሚያበረታቱኝን መልካም ጎደኞች አብዛልኝ ወዳጆቼም ጋር በጀነት አል ፊርደውስ አንድ ላይ ሰብስበን ...አሚንንንንን🤲🤲

@HAYAttuna
@HAYAttuna

JOIN

ማንኛዉም መከራ በዉስጡ መልካም ነገር ይዟል። ወይ ብርታት ይሠጥሃል፣ ወይ ልምድ ያወርስሃል፣ ወይ ዱዓ ያስለምድሃል፣ ወይ ዕውቀት ይገልጥልሃል። ሸይጧን ግን ይህን ሁሉ የመከራን በጎ ክፍል ይደብቅና ጨለማዉን ጎን ያሳይሃል። በጨለማ ተደብቀው የሚመጡ ብርሃን የየያዙ መከራዎች አሉ። አላህ የእዝነት ብርሃኑን ያሳየን።

ጥሩ ጥቆማ ለዱንያም ለአኺራም
دعاء يوم الجمعة المستجاب
ጁሙዓ ቀን  ዱዓ ተቀባይነት ሚያገኝባት አንዲት ወቅት አለች
  ይበልጥ ምትጠረጠረው ደሞ ከአስር እስከመግሪብ ባለው ወቅት ነው።
ታድያ ምን ትጠብቃለህ እጅህን ወደ ላይ ለማንሳት

አሁን ⌚ ሰዓቱ ያስጨነቀህን እንዲሳካልህ ምትፈልገውን ነገር ለአላህ ምትነግርበት ግዜ ነው

      @HAYAttuna
      @HAYAttuna

JOIN

በኔ ላይ አንድ ሶለዋት ያወረደ አላህ በሱ ላይ 10 ሶለዋት ያወርድበታል
 (مَنْ صَلَّى عَلَيَّ وَاحِدَةً، صَلَّى الله عَلَيْهِ عَشْرًا))


ያአላህ አስባቹታል እኛ በውዱ ነብያችን ላይ 1 ሶለዋት ስላወረድን ብቻ አላህ በኛ ላይ አስር ሶለዋት ሲያወርድብን
ምን አይነት እርካታ ይሰማን ይሆን ምን አይነት ደስታስ ይሰማን ይሆን ማንስ እኛን ሊጎዳን ይችል ይሆን ጌታችን አላህ በኛ  ሚስኪን ባርያዎቹ ላይ ሶለዋት እያወረደብን ሳለ

እኛ 10 ሶለዋት ብናወርድ በሀቢባችን ላይ አላሁ ተአላ በኛ ላይ 100 ያወርድብናል
100 ብናወርድ 1000 ያወርድብናል ሱብሀነላህ

ሓያ እንግዲ ያጀመዓ ወደ ሶለዋት ዛሬ ጁሙዓም አይደል ምላሳችንን በሶለዋት ስትራፖ እናሲዛት

اللَّهُمَّ صَلِّ عَلَى محمد وَعَلَى آلِ محمد كَمَا صَلَّيْتَ عَلَى إِبْرَاهِيمَ وعَلَى آلِ إِبْرَاهِيمَ إِنَّكَ حَمِيدٌ مَجِيدٌ، اللَّهُمَّ بَارِكْ علَى محمد وَعَلَى آلِ محمد كَمَا بَارَكْتَ عَلَى إِبْرَاهِيمَ وعَلَى آلِ إِبْرَاهِيمَ إِنَّكَ حَمِيدٌ مَجِيدٌ

         @HAYAttuna
         @HAYAttuna

JOIN

ያሸባብ ይህ ወጣትነታችንን ጎልማሳነት ሳይመጣ በፊት እንጠቅምበት
ምክንያቱም ነገ አላሁ ተዓላ ፊት ወጣትነትህን በምን አሳለፍከው የሚል ትልቅ ጥያቄ አለብን እንንቃ እንጂ ያሸባብ ለነገ ጥያቄው መልስ ሚሆነንን ስራ ሰራ ሰራ እናርግ እንጂ ሶላት ጀመዓ መስገዱ :ቂያመ ለይሉ :ነዋፊል ፆሞች :ሶለዋት ዚክሩ: እንዲሁ በዋዛ ፈዛዛ ልናሳልፈው አይገባም
ካልሆነ ይህን ወጣትነታችንን በሞት እናጣዋለን አልያም ደሞ የወጣትነታችን ግዜ አልፎ የምንቆጭ ነው ምንሆነው ያኔ የእግር ሰዓት ቢሆንብን ወደ ወጣተነታችን አንመለስም

=ወጣትነትህን ነፍሲያና ሸይጧን ይፈልጉታል
=ወጣትነትህን አላህም ደሞ ይፈልገዋል ደሞም አንድ ቀን ይጠይቅሀል
  
ለማን እየሰጠህ እነደሆነ ራስህን መርምር

ወጣትነታቸውን አላህ በሚፈለገው መልኩ ከሚያሳልፉትና ለነገ ጥያቅያቸውም ጥሩ የሆነን መልስ ይዘው እሱን ከሚገናኙት ምርጥ ባሮቹ አላህ ያድርገን

            @HAYAttuna
            @HAYAttuna

join

የወተቱ ነገር ……

መቼም ስለዛ ወተት ታሪክ ሳትሰማ የቀረህ አይስለኝም። ስለዛ እሳት ላይ ተጥዶ ፣ጠባቂ አጥቶ፣ ገንፍሎ ፣ራሱን አቆሽሾ በዙሪያው ያለውን እንዳቆሸሸውና ወደ ነበረበት የወተትነት ማእረጉ ለመመለስ አዳጋች ወደነበረው የወተት ታሪክ ዳግም ላስታውስህ ወደድኩ ።

  አንድ ሰው ወተት  መጠጣት አሰኘውና ከሱቅ ገዝቶ መጥቶ እሳት አንድዶ ይጥደውና ወደ ሌላ የቤት ወስጥ ስራ ያመራል። በዛም ይጠመድና ወተቱን ይዘነጋዋል
ድንገት ትዝ ይለውና ወደ ጣደው ወተት ሲያመራ ወተቱ ገንፍሎና ዙሪየው ያለውን ሁሉ አበላሽቶ ይጠብቀዋል ። በዚህም ነገር   የተበሳጨው ይህ ሰው በቁጭትና በንዴት ውስጥ ሆኖ አንገቱን አቀርቅሮ በትካዜ ተዋጠ ።
አይገርምም? ?

አው አይገርምም

ምክንያቱም ምንም የሚገርም ነገር የለውማ
ወተቱን ገዝቶ ያመጣውኮ እስኪፈላ ጠብቆ ሊጠጣው ነበር ።
ነገር ግን ቸል በማለቱ የዚህ አይነት ሁኔታ ውስጥ ገባ።

የማወራህ  ስለ ወተቱ አይደለም ወዳጄ

ነገር ግን ይህን ምሳሌ አርጌ ላስጨብጥህ የምፈልገው  አንድ ቁም ነገር ስላለ ነው ።
እሱም ምን መሰለህ
የአንድ ትውልድ መሰረቱ ህዝብ ነው  የህዝብ ምሰሶው ደግሞ ቤተሰብ ነው ። 
አንድ ቤት ሲገነባ መሰረቱ ጥልቅና ጠንካራ ከሆነ የሚገነባው ቤትም የዛን ያክል ዘላቂና ጠንካራ ይሆናል ።
መሰረቱ ያልተስተካከለ ቤት  ዘላቂነት ስለማይኖረው  ወድቆ ጉዳት ማድረሱ አይቀሬ ነው ።
ልክ እንደዚው ቤተሰብም የአንድ ትውልድ መሰረት ነው ።
ልጅ ቤተሰብን ሆና ያድጋል አናትን አባትን እህትን ወንድምን በዙሪያው ያለውን ከባቢ አየቃኘ ያድጋል። ኃላም ያየውን የቃኘውን ይኖራል  ትውልድም የሆናል።
አሁን ወደመሰረቱ ለመልስህ

ለዚህ ትውልድ መበላሸትም ይሁን መስተካከል ዋናውን ድርሻ የሚወስደው ወላጅ ነው።
አንድ ወላጅ ልጅን ሲወልድ ከመውለድ ባለፈ ትልቅ ሀላፊነት ይጠብቀዋል ። ሊጠብቀው ሊንከባከበው ይገባል። ልጁ በዲኑ ጠንካራ እንዲሆን ሰላት አሰጋገድን እየሰገደ ሊያሳየው ይገባል ። ፆምን ፣ሰደቃን፣ በጎ ተግባራትን ሁሉ ከትእዛዝ ባለፈ እየተገበረ ሊያሳየው ግድ ነው።
በዋናነት አላህ ሱብሀነሁ  ወተአላ መፍራት ሊያስተምረው ይገባል። የአላህ ቃል እንዲወድ ቀርቶ በማስቀራት ከተከለከሉ ክልከላዎች ነፍሲያን በማቀብ የአላህን ምንዳ መከጀልን ማሰተማር ይገባዋል ።
ሴት ልጅ የወለዱ እንደሆነ ደሞ እሷን ጠብቆና ተንከባክቦ ለትልቅ ደረጃ ማብቃት ሌላ ራሱን የቻለ ትልቅ ምንዳ አለው ። ሀያእ (አይናፋርነት፣ጥብቅነት)ን እንድትላበስ በማድረግ ሰላት መስገድን፣ ቁርአን መቅራትን፣
ሂጃብ በስርአት ማድረግን ከመናገርና ከማዘዝ ባለፈ እናት ተግብራ ለልጇ ልታሰያት ግድ ነው ።
ያ ሲሆን ትውልድ መሰረቱ ጠንካራ ይሆንና ጥሩ ከባቢ ይፈጠራል።
ያ ካልሆነ ግን ቀደም ሲል ያነሳሁልክ የባለ ወተቱ ሰውዬ ታሪክ ይሆንና በወላጅ የተጀመረው  ስህተት ለትውልድ  ኪሳራ ይሆናል።
መሞትን ፣ወደ ቀብር መግባትን፣ (በርዘኽ) ወደ ሚባለው አለም መሄድን፣ እዛም ወስጥ ከነኪር እና ሙንከር ጋር መፋጠጥን ፣ከዛም ፍጡራን ሁሉ ወደ አላህ ፊት ቀርቦ ሂሳብ መደረግን ፣ ዱንያ ላይ እንደነበረው ቆይታ ሂሳብ ተደርጎ ዘውታሪ የሆነ አለም መኖርን ።ይሄ ሁሉ ለነገር የሰው ልጅ  እንደሚጠብቀው   ያላስተማረ ወላጅ በርግጥም ልጁን ችላ እንዳለው ይታሰባል ።
ወላጅ ልጁን ከመመገብ ከማልበስ አካዳሚክ እውቀትን ብቻ ከማስተማር ባለፈ ይህን የህይወት ስንቅ ሊያስተምረው ይገባል።
ያ ሲሆን ቤተሰብ ትልቁን ሚና ተጣ ይባላል ።
ትውልድም ከኪሳራ ይድናል ።
ሴት ልጅ ሂጃብ ግዴታዋ ነው መሰተሪያዋ መጠበቂያዋ ነው ። ጠንቅቃ የተገበረቸው እንደሆነ በዚህም በዚያኛውም አለም ትርፋማ ያድርጋታል ።
ከሁሉም የሚበልጠው ደግሞ አላህን መፍራቷ ነው።
ወንድ ልጅም እንደዛው ነው ።ዝንባሌውን መከተል ሲያቆም ፣ አላህን በልቡ ማላቅን ሲያዘወትር ምድር ላይ የሚኖረው ቆይታ ያማረ ይሆናል ።

ሁላችንም ራሳችንን እንፈትሽ ፣ዙሪያችንን እንቃኝ።
ከምን ጎዜውም በላይ ወደ አላህ እንመለስ ዱኣ እናድርግ ።

አላህ ከተፀፃቾች ያድርገን
አሚን

@HAYAttuna

JOIN

በወርሃ ረጀብ የመጀመሪያው መሥራት ያለብህ ነገር፤ ወንጀል መፈፀምን ማቆም ነው‼

የረጀብ ወር ወንጀል በወርሃ ረመዿን ኑርህን ያጠፋዋል። የኢማን ጥፍጥናህን ይቀንሰዋል። ገና ከወዲሁ ነፍስያህን ከወንጀል በማቀብ ለረመዿን አዘጋጃት። ሶላት ኢቃም ከተባለ በኋላ እየተሰገደ እየሮጠ ሂዶ የሚደርስ ሰውና ቀድሞ ሂዶ ቀብሊያ ሱንናዎችን ሰግዶ፣ በአዛንና ኢቃም መካከል የሚባለውን ዱዓእ አድርጎ፣ ኢቃም ሲባል ረጋ ብሎ ተነስቶ የሚሰግዱ ሰዎች እኩል የመረጋጋት መንፈስ እንደናይኖራቸው ሁሉ፤ ገና ከረጀብ ጀምሮ ነፍሱን ከወንጀል አቅቧት፣ ኸይር ሥራ እያለማመዳት ለረመዿን ያዘጋጀና ልክ «ረመዿን ነገ ነው!» የተባለ ምሽት ጀምሮ የሚዘጋጅ ሰው እኩል ውጤታማነት ላይኖራቸው ይችላል። ነፍሱን ቀድሞ ስላላለማመዳት አንዳንድ ጊዜ ተንሸራቶ በረመዿንም ወንጀል ሊፈፅም ይችላል። አላህ ይጠብቀንና!

ዛሬ ረጀብ 01, 1446 H.C. ነው። ረመዿን ድፍን 2 ወራት ይቀሩታል።

በረጀብ ወር የሚፈፀም የተለዬ ሶላት፣ ጾም ወይም ልዩ ዒባዳህ የለም። ረጀብ ነፍስ ይበልጥ ከማይበደልባቸው አላህ እርም ካደረጋቸው 4 የአመቱ የተከበሩ ወራት መካከል አንዱ ስለሆነ፤ በዚህ ወር በፍፁም ወንጀል ላይ ልትወድቅ አይገባም
ሸይጧን ሲወሰውስህ፤ አዑዙ ቢላህ ብለህ ራስህን ካለህበት ቦታ ተንቀሳቅሰህ ቀይር።  አላህ ያግዘን‼

‏( وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ )

«اللَّهمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ، وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ،

     

በአላህ ካዝና ውስጥ ብዙ ኸይሮች፣ ብዙ በረከቶች ፣ ብዙ ሰርፕራይዞች አሉ።
ቀጣዩ ሰርፕራይዝህ/ሽ

ዑምራ ሊሆን ይችላል፣
ኒካሕ ሊሆን ይችላል፣
እርግዝና ሊሆን ይችላል ፣
ልጅ ሊሆን ይችላል ፣
ሀብት ሊሆን ይችላል ፣
ሐጅ ሊሆን ይችላል ፣
መኪና/ ቤት ሊሆን ይችላል ፣
ዓፊያ ሊሆን ይችላል ፣
ምርቃት ሊሆን ይችላል ፣
ተውባ ሊሆን ይችላል ...

ማን ያውቃል ። እስቲ ተመኙ። በአላህ ላይ መልካም አስቡ። ዱዓ አድርጉ፣ ኢስቲግፋር አብዙ። ተማምናችሁ ጠብቁ።
አላህ ብዙ አለው።
، استغفرو 💛🌼.

@HAYAttuna

JOIN

ከሐጃዬ ሓጃችሁ ይቅደም። ክፉ አያግኛችሁ።

አንድ ሰው  በኢስላማዊ ሚዲያ ስለታየ፣ የእስልምና ተቆርቋሪ አክቲቪስት ስለሆነ፣ ወይም ሒጃብ ስለለበሰች ብቻ  ሞዴል ተደርጎ አይያዝም። ሲጀመር ዲን ከኪታቡ እንጂ ከሰው አይወሰድም፣ እገሌ ይህን አድርጓል ተብሎም ከዲኑ አስተምህሮ ዉጭ የሆነ ነገር አይደረግም። ሐላል አላህ ያደረገው ነው፣ ሐራምም እንዲሁ ። እንጂ ሰዉማ ለነፍሱ አምሮት ሲል ስንቱን ሐራም ሐላል አድርጓል መሠላችሁ!!።
አሁን ላይ በተለይ ነሺዳና ሙዚቃ ከቁርአንና ሐዲሥ በላይ መደመጣቸው እጅጉን አሳሳቢ ሆኗል።

ሰዉን መከተል ካለባችሁ በሚዲያ የምታዩትንና የምትሰሙትን ሰው ሳይሆን አላህን ፈሪዎቹን፣ የተግባር መምህራንን እና የሥነምግባር አስተማሪዎቹን ተከተሉ።

@HAYAttuna

JOIN