ABDII SABAA

ODUU:

Iraan Buufata Xiyyaaraa Been Guuriyoon dabalatee Israa'el keessatti bakkawwan gara garaarrattti xiyyeeffachuun haleellaa raawwatteetti.

Akka TVn mootummaa Iraan gabaasetti, bakkawwan haleellaan Iraan irratti xiyyeeffatan biroo buufataaleen deeggarsaa, ajajaa fi wiirtuuwwan to'annoo, akkasumas wiirtuu qorannoo Baayoloojikaalii dabalata.

Miidiyaaleen mootummaa Iraan akka jedhanitti, Islaamik Rivoluushinarii Gaard Koors (IRGC) haleellaan kun misaa'elii fageenyaa dheeraa deemu fayyadamuun ta'uu beeksisaniiru.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Iraan haleellaa US Ameerikaan irratti raawwatte hordofee balaa bara baraatu ishee hordofa jechuun akeekkachiifte

Iraan haleellaa US Ameerikaan irratti raawwatte hordofee, balaa bara baraatu ishee hordofa jechuun akeekkachiifte.

Ministirri Dhimma Alaa Iraan Seeyid Abbaas Araagchii, haleellaa US Ameerikaan iddoowwan Niiwukilaaraa biyyattii irratti raawwatte aarii guddaadhaan balaaleffataniiru.

Iraan walabummaa ishee eeggachuu fi kan itti dhufe ammoo ofirraa ittisuuf filannoowwan hunda qabdi jedhaniiru.

“Taateewwan ganama har'aa raawwataman kan nama aarsanii fi adabbii hamaa kan hordofsiisudha” jechuun Ministirri Dhimma Alaa Iraan barreeffama X isaanii irratti maxxansaniiru.

US Ameerikaan akka miseensa Mana Marii Nageenyaa tokkootti gochaa Chaartarii Dhaabbata Biyyoota Gamtoomanii sarbuu hamaa raawwatteetti jedhan Araagchiin.

US Ameerikaan Foordoo dabalatee iddoowwan gabbiifa Niiwukilaaraa Iraan sadii kan haleelte yoo ta'u, aanga'oonni Iraanis haleellamuu iddoowwan kanneenii mirkaneessaniiru.

Daawwadhaa

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

“Iraan gara daandii nagaa yookaan hamaatti deemti” - Pirezidaanti Donaald Tiraamp

US Ameerikaan erga Iraan irratti haleellaa raawwattee booda, Pirezidaanti Doonaald Tiraamp “ammas nagaa yookaan gaddisiisaa” ta’a jechuudhaan dubbataniiru.

Tiraampi dubbii isaanii kanaan, “ija guyyoota saddeet darbaniin yoo ilaallame, Iraaniif nagaa gaarii yookaan balaa hamaa ta’a” jechuun akeekkachiisaniiru.

Pirezdaantichi ministira muummee Israa’el Beeniyaamin Neetaaniyaahuus galateeffataniiru.

Tuquun daawwadhaa

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

US Ameerikaan tarkaanfii waraanaa Iraan irratti fudhachuu eegaluun ishee nageenya addunyaatiif yaaddoo guddaadha – UN

US Ameerikaan tarkaanfii waraanaa dhaabbilee Niiwukilaraa Iraan irratti fudhachuu eegaluun isheen, kallattiidhaan nageenyaa fi tasgabbii addunyaatti yaaddoo cimaa kan uumu akka ta’e, barreessaa ol’aanaa Dhaabbata Biyyoota Gamtoomanii Antooniyoo Guutereez akeekkachiisan.

Pirezidaantiin US Ameerikaa Doonaald Tiraamp Israa’el deeggaruudhaan tarkaanfii waraanaa Iraan irratti fudhachuu fi dhiisuu murtee isaanii torban lama keessatti akka beeksisan dubbatanii turan.

Halkan edaa ammoo murtee isaanii kana ifatti otoo hinbeeksisiin, xiyyaarota waraanaa erguudhaan iddoowwan gabbisa Niiwukilaaraa Iraan sadii irratti haleellaa raawwachuun isaanii gabaafameera.

Barreessaa ol’aanaan Dhaabbata Biyyoota Gamtoomanii kana hordofuun karaa fuula miidiyaa hawaasummaa isaanii X irratti ergaa dabarsaniin, haleellaan US Ameerikaan Iraan irratti raawwatte kun yaaddeessaa ta’uu beeksisan.

Kun ammoo gara sadarkaa idil addunyaatti babal'achuudhaan nagaa fi tasgabbii addunyaatiif yaaddoo guddaa akka ta’u Guutereez dubbataniiru.

Biyyoonni miseensa Dhaabbata Mootummoota Gamtoomanii hundi Chaartara dhaabbatichaa fi seera addunyaa akka kabajanis gaaffataniiru.

Waldhabdee biyyoota lamaanii kanattis boba’aa dabaluudhaan akka hammaatu gochuurraa akka of qusatan waamicha dhiheessaniiru.

As Tuquun Daawwadhaa!

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

US Ameerikaan iddoowwan gabbiisa Niiwukilaaraa Iraan sadi haleelte

US Ameerikaan iddoowwan gabbiisa Niiwukilaaraa Iraan sadi haleeluun pirezidaan Doonaald Tiraamp himan.

Iddoowwan kunneenis Foordoo, Naataanzii fi Isfaahaan kan jedhaman yoo ta'u, US Ameerikaan haleellaa buufataalee kanneen irratti raawwattu xumurteetti jedhaniiru.

"Foordoo, Naataanzii fi Isfaahaan dabalatee iddoowwan gabbiisa nikulaaraa sadan Iraan irratti haleellaa baayyee milkaa'aa ta'e xumurree jirra. Xiyyaaronni hundi amma naannoo qilleensa Iraaniin ala jiru" jechuun Tiraamp miidiyaa hawaasummaa isaanii 'Truth' jedhamu irratti barreessaniiru.

Haleellaa US Ameerikaan iddoowwan gabbisa Niiwukilaaraa sadan irratti raawwatte kanas aanga'oonni Iraan mirkaneessaniiru.

As Tuquun Daawwadhaa!

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

#Update
#Exit_Exam
#Dhaabbiilee_Dhuunfaa

Qormaatni bahiinsaa dhaabbilee barnoota ol'aanoo dhuunfaa ifoomee jiraachuu ministeerri barnootaa beeysise.

Ministeerri barnootaa akka ibsetti qormaatni bahiinsaa kun dhaabbilee kafaltii barbaachisu xumuran hundaaf qormaatichi waxabajjii 14/2017 ifoomee akka jiru beeysise.

Dhaabbileen kafaltii xumuran qofa barattoonni isaanii gara iddoo itti baratanii deemuun bu'aa qormaata bahiinsaa isaanii laallachuu akka danda'an ministeerri barnootaa ifoomse.

Odeeffannoo barnoota qofa bakka tokkotti argachuuf @Abdii_Sabaa_University irratti hordofaa!

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Buufataalee osoo boba'aan jiru gatiin dabaluu mala  jechuun dhoksanirratti tarkaanffiin ni fudhatama_ Dooktar Kaasaahuun Goofee

Buufataalee osoo boba'aan jiru gatiin dabaluu mala jechuun hin jiru jedhan hordofuun  Mootummaan tarkanffii ni fudhata jedhan Ministirri Ministeera Daldalaa fi Walitti Hidhamiinsa Naannawaa Dooktar Kaasaahuun Goofeen.

Buufataaleen gatiin dabaluu mala jechuun boba'aa dhoksan jiraachuu eeruun, gatiin boba'arratti taasifamu kan hin jirre ta'uu Dooktar Kaasaahuun Goofeen Faanaa Diijitaaliif ibsaniiru.

Mootummaan baatii Caamsaa irra eegalee deeggarsa boba'aa dhaabuu himuun, gatiin boba'aa akkaataa gaba Addunyaan kan murteeffamu ta'uu hubachiisaniiru.

Haaluma kanaan Caamsaa 1,2017 irraa eegalee gatiin beenzilaa fi boba’aa jeettii, Caamsaa 27, bara 2017 irraa eegalee ammoo naafxaa adii fi oomishaalee boba’aa biroorratti deeggarsi taasifamaa ture ka'uun gatii boba’aa addunyaatiin akka raawwatamu taasifameera.

Guyyoota muraasaa as odeeffannoon gama Miidiyaa hawaasaatiin akka mootummaan deeggarsa taasisaa ture hin kaafneefi taaksii haaraa gabaa boba’aarratti dabaluuf jedhuun tamsa'aa jiru dogogora jedhan.

Buufataaleen boba'aa gatiin boba’aarratti taasifamuu kan hin jirre ta'uu hubachuun tasgabbiin bittaaf gurgurtaa akka raawwatan hubachiisaniiru

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Yuunivarsiitiwwan garaagaraa barattoota eebbisisan

Yuunivarsiitiin Haramaayaa fi Arsii barattoota gosa barnootaa gargaraan barsiisaa ture eebbisisaniiru.

Yuunivarsitiin Haramaayaa Marsaa 70ffaaf barattoota kuma 3 fi 295 eebbisiseera.

Yuunivarsiitiin Arsiis barattoota Muummee garaagaraan barsiisaa ture Kuma 1 fi 201 guyyaa har’aa eebbisiseera.

Barattoonni eebbifaman sagantaa barnootaa digirii jalqabaa  fi digirii 2ffaan ta’uun ibsameera.

Sirna eebbicharratti Ministir Deetaan Ministeera Qonnaa Dooktar Soofiyaa Kaasaa,Pireezidaantiin Yuunivarsiitichaa Dooktar Fiqaaduu Mitikkuu, Abbootiin Gadaa,Haadholiin Siinqee fi Maatiin eebbifamtootaa argamaniiru.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Iraanitti kirkirri lafaa muudate

Iraanitti kirkirri lafaa Reektar Iskeelii 5.2 ta’e naannoo magaalaa Semnaan jedhamtutti muudateera.

Kirkirri lafaa kun magaalaa Semnaan irraa gara Kibba Lixaatti kiiloo meetira 37 fagaatee kan muudate ta’uun eerameera.

Miidhaan kirkira lafaa kanaan namoota yookaan qabeenya irra gahe jiraachuu fi dhiisuu hanga ammaatti wanti dubbatame hin jiru.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Iraan mariidhaaf fedhii agarsiisuu qabdi- Firaans

Pirezidaantiin Firaans Imaanu'eel Maakiroon Iraan mariidhaaf fedhii dhugaa agarsiisuu qabdi jedhan.

Waraana Israa'elii fi Iraanitti xumura gochuuf biyyoonni Awurooppaa yaada qabxii ijoo afur of keessaa qabu Iraaniif dhiheesuuf akka ta’e, Maakiroon dubbataniiru.

Biyyoonni Awurooppaa Ministiira Dhimma Alaa wajjin Jeneevatti mari’achuuf jedhu.

Ministirri Aadaa, Midiyaa fi Ispoortii UK, Liisaa Naandiyaa, gama isaaniitiin, walitti bu'iinsa Israa'elii fi Iraan dhaabsiisuuf filmaanni tokkichi dippilomaasiidha jedhaniiru.

Ministirittiin kana kan jedhan, yeroo pirezidant Tiraamp waldhabdee biyyoonni lamaan qaban keessatti hirmaachuu murteessuuf torban lama kaahanitti.

Gama biraadhaan ammoo Iraan haleellaa misaa'elaa Israa'el irratti raawwachuun himameera.

Miidiyaalen Israa'el akka gabaasanitti, Iraan misaa'ela 15 gara Israa'elitti dhukaafteetti.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Mootummaan Sa’uudii Arabiyaa murtii du’aa Itoophiyaanota dabalatee lammiilee alaa irratti dabarse akka hir’isu gaafatame.

Sa’uudii Arabiyaatti yakka daddabarsa qoricha sammuu namaa hadoochu waliin walqabatee yoo xiqqaate lammiileen Itoophiyaa 37 adabbii du’aa eeggachaa akka jiran dhaabbileen mirga namoomaa idil addunyaa 31 ibsa waloo baasaniin beeksisan. Murtiin du’aa kunis yaaddoo guddaa itti uumuu ibsaniiru.

Lubbuu lammiilee yakka “murtii du’aa hin kennisiisneen” hidhamanii du’a eeggachaa jiran “yaaddoo qabna” kan jedhan dhaabbileen kunneen, bara kana lammiileen #Somaaliyaa 19 fi lammiileen Itoophiyaa torba akka ajjeefaman ifatti gabaafamuu eeraniiru. Lammiileen Itoophiyaa sadii ammo Waxabajjii 16, 2025 ajjeefamuu fi kaan ammoo sodaa keessa akka jiran ibsan.

Akkaataa ajjeechaa itti raawwatamuus “gara jabummaa garmalee” jechuun ibsaniiru. Maatiin guyyaa ajjeechaa “yeroo baay’ee kan hin beeksifamne” yoo ta’u, yeroo baay’ee du’a namoota jaallatan karaa miidiyaa qofaan akka beekan ibsaniiru.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Israa'elii fi Iraan halkan edaas dabalataan walitti dhukaasan

Humni waraanaa Israa’el halkan edaas xiyyaarota waraanaa Israa'el 60 ol ta'aniin eddoowwan Teehiraan keessatti argaman irratti xiyyeeffachuun haleellaa hedduu raawwachuu hime.

Haleellaa kana raawwachuuf meeshaaleen waraanaa gara 120 ta'anitti fayyadaman, bakkeewwan omisha misaa'ela waraanaa fi wiirtuu qorannoo Niiwukilaraa kanneen waraanni Israa'el meeshaa Niiwukilaraa Iraan qopheessuu keessatti hirmaata jedhe irratti ta'uu beeksiseera.

Akkasumas Iraanis halkan darbe Israa'el irratti haleellaa raawwachuu ishee waraanni Israa'el ibsuun, kibba biyyattii keessatti haleellaan raawwatamuun gabaafameera.

Gama biraadhaan ammoo Pirezidaant Doonaald Tiraamp waraana kanatti kallattiin hirmaachuu fi dhiisuu torban lama keessatti akka murteessan Waayit Haawus beeksise.

UK fi EUn ammoo Iraan waliin dubbachuuf ta’uun isaa himameera.

Ministiroonni Dhimma Alaa UK, Firaansii fi Jarmanii haala warana Israa'elii fi Iraan itti xumuran irratti gita isaanii kan Iraan waliin har'a Jeneevaatti mri’achuufi jedhameera.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

Itoophiyaan qaala’iinsa jireenyaan Afriikaa keessaa tokkoffaa taate.

Itoophiyaan Afriikaa keessaa qaala’iinsa jireenyaan sadarkaa tokkoffaa yeroo jedhamtu akka addunyaatti sadarkaa 53faa irra teesseetti.

Ripportiin odeeffannoo qaala’iinsa jireenyaa addunyaa akka beeksisetti, Itoophiyaanonni yeroo amma jiraachuuf wantota bu’uura ta’an kanneen akka nyaataa akkasumas geejjibaaf qarshii hedduu baasu.

Akka Rippoortii kanaatti Itoophiyaan qaala’iinsa jireenyaan addunyaa irraa 53ffaa Afriikaa irraa ammoo qabxii qaala’iinsa jireenyaa dhibbeentaa 46.5 galmeessuun tokkoffaa taateetti.

Qaala’iinsa kanaaf sababa kan ta’es gatiin shaqaxootaa akkaan dabaluu ta’uu Ripportiin odeeffannoo qaala’iinsa jireenyaa addunyaa beeksiseera.

As Tuquun Daawwadhaa!

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Iraan misaa'elotashee gara Israa'elitti dhukaasuu miidiyaalen Iraan gabaasaa jiru.

Akka gabaaa miidiyalee kanaatti, misaa'elonni kun sirna ittisaa Israa'el miliquun qilleensa Israa'eel seenaa jiru.

Humni Waraana Israa'el gamasaan waa'ee haleellaa Iraan kana homaa osoo hin jedhin Iraanirratti haleellaa gaggeessaa jiraachuu beeksise.

Sirni ittisaa Israa'eel misaa'elota Iraan dhukaastu hedduusaa kan qolatu ta'us hundumaa qolachuu hin dandeenye.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Ameerikaan walitti bu’iinsa Israa’elii fi Iraan gidduu seente taanan balaa olaanaan uumamuu danda’a jedhan Ayaatoolaahii Alii Hamiinii.

Walitti bu’iinsa Israa’elii fi Iraan gidduutti gaggeeffamu keessatti Ameerikaan hirmaannaa waraanaa taasiifte taanan balaa olaanaan uumamuu danda’a jedhan Hogganaan Iraan Ayaatoolaahii Alii Hamiiniin.

Pireezdaantiin Ameerikaa Iraan saffisaan akka harka laattu yaadachiisuu hordofee Hogganaan biyyattii Ayaatoolaahii Aliin Hamiiniin Iraan salphaatti harka kan laattu akka hin taane yaadachiisan .

Walitti bu’iinsa Israa’elii fi Iraan guyyaa 6ffaa qabateen misaa’eelonni baalaastikaa 400 gara Israa’eelitti dhukaafamuun bu’uuraalee misoomaa magaaloota Teel Aaviivi  fi Haayifitti argamanirra miidhaan qaqqabeera.

Israa’el gama isheen haleellaa qilleensarraa fudhatteen buufata Niwuukilaaraa Iraan dabalatee dhaabbilee murteessoo biyyatti barbaadessuu itti fufteerti.

Walitti bu’iinsi biyyoota lameenii jiraattoota Teehraaniifi Teel Aaviivitti sodaa olaanaa uumeera.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Piriimiyer Liigiin Ingilaand Hagayya 10 bara 2017 eegalama

Dorgommiin Piriimiyer Liigiin Ingilaand Hagayya 10 bara 2017 eegalamuudhaan Caamsaa 16, 2018 akka xumuramu bulchiinsi liigichaa beeksiseera.

Sagantaan taphoota Piriimiyer Liigii Ingilaand bara 2025/ 26 har'a ifoomeera.

Haaluma kanaan Shaampiyooniin Liigichaa bara darbee Liivarpuul tapha baniinsa Liigichaan dirree isaarratti Barnimaawuz waliin taphata.

Arsenaal ammoo torbee 1ffaan Hagayyaa 11 dirree isaatiin ala Oltiraafoorditti Maanchister Yuunaayitid waliin taphata.

Bara kana Liigichatti kan guddate Liids, torbee 1ffaan Evartan waliin, Barnileen Tootenhaam waliinii fi Sanderlaandi Weestihaam waliin taphata.

Wolves Maanchister Siitii waliin, Cheelsin Kiristaalpaalaas waliinii fi Niiwkaastil Astoonviilaa waliin taphoota torbee 1ffaa kanneen birooti.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Tiraamp Iraan “haal-duree tokko malee” harka akka kennattu gaaffatan

Pirezidaantiin US Ameerikaa Doonaald Tiraamp Iraan “haal-duree tokko malee” harka akka kennattu gaaffchuun isaanii himame.

Tiraamp Teehiran haal-duree tokko malee harka akka kennitu gaafatanis, Iraanii fi Israa’el haleellaa misaa’elaa haaraa wal irratti banuu isaanii hordofee namoonni kumaatamaan lakkaawwaman magaalaa Teehiraanii fi magaalota gurguddoo Iraan keessaa biroo baqachaa akka turan miidiyaaleen Iraan gabaasaniiru.

Waraanni Israa’el akka jedhetti, Roobii kana ganama sa’aatii lamaan jalqabaatti Iraan misaa’eloota Iraan lama gara Israa’elitti furguggifteetti.

Kana hordofees magaalaa Tel Avivitti dhohiinsi dhagahamuudha kan eerame.

Pirezidaant Doonaald Tiraamp haleellaa Israa’el dhaabbilee Niikulaaraa Iraan irratti raawwattutti makamuu fi dhiisuu itti yaadaa jiraachuun isaanii himameera.

Iraan immoo misaa'ela haaraa gara Israa'elitti dhukaasuu beeksifte.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

ODUU:

Qormaata biyyaalessaa Kutaa 12ffaa kennuuf qophiin xumurame-Ministeera Barnootaa

Qormaata biyyaalessaa kutaa 12ffaa kennuuf qophiin barbaachisu xumurame jedhe Ministeerri Barnootaa.

Daayirektarri Olaanaan Tajaajila Madaallii Qormaataa Dooktar Isheetuu Kabbadaa Faanaa Miidiyaa Koorporeeshiniif akka ibsanitti, qormaaticha milkaa’inaan xumuruuf qooda fudhattoota waliin qindoominaan hojjetamaa jira.

Haaluma kanaan biiroolee barnootaa naannoolee, dhaabbilee barnootaa olaanoo, qaamoolee nageenyaa fi qooda fudhattoota biroo waliin tumsaan hojjetamaa jira jedhan.

Qophiin qormaataa fi bu’uuraalee misoomaa qormaatichaa xumuramuus himaniiru.

Qormaanni biyyaalessaa kutaa 12ffaa bara 2017 Waxabajjii 23-hanga Adoolessa 8, 2017tti kennama.

Barattoonni kuma 600 ol qormaaticha ni fudhatu.

Kanneen keessaa kumni 100 fi kumni 50 Onlaayiniin qoramu.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡

#Oduu_Gaddaa

Eeybaaf guyyaan sadi osoo hafuufii du'aan adunyaa tana irraa boqotee.

Barataa Gammadaa baayyisaa tolaa jedhama dhalatee kan guddate Godina wallaga lixaa Magaalaa najjootti ture. Gammadaan kaayyoo isaa milkeeysee galuuf kiilomeetira baayyee qaxxaamuruun lixa Oromiyaa irra baha oromiyaatti kan argamtu Yuunivarsiitii #Dirree_Dhawaatti muummee Industrial Engineering barachuun #Exit_exam fudhatee akka ture Yuunivarsiitiin dirree dhawaa beeysie. Tahuus garuu yeroo baayyee dhibee onneetiin dararamaa ture waan taheef karaa miidiyaa abdii sabaa beeksifamee gargaaramaa turuun ni yaadatama. Haa tahuu malee wax 10/10/2017 guyyaa keeysaa naannoo sa'aa 9:00 lubbuun isaa adunyaa tanarraa akka dabarte Yuunivarsiitichi beeysise.

Eeybaaf guyyaan 3 osoo hafuufi gadda akkasii mudachuun baayyee ulfaata. Miidiyaa @Abdii_Sabaa gadda itti dhagahame ibsaa maatii firoota fi hiriyyoota akkasumaas jaalattoota isaa maraaf jajjabina hawwa.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA @ABDII_SABAA 📡