የሰለፍያ ደዕዋ በቻግኒالدعوة السلفية فى مدينة الشاغنى

◉ሸይኻች ሸይኽ ዐብዱል ሐሚድ አል_ለተሚይ!

ሀቁን በማብራራት ባጢሉን ሲንዱ
ዲንን ለማስተማር እስከ ጫፍ ሲሄዱ።
የሙብተዲዕን ሴራ ለኡማው ሲያስረዱ
    የጥመት አንጃዎች ምቀኞች ነደዱ።
        ምን ቢጣጣሩ የቢድዓ አካላት
ለመንሐጀ ሰለፍ ጠባቂ እኮ አላት።

     አንዱ ቢከረበት ሊሆን አበሳ
   ዲንና መንሐጁን ሊሸጥ ቢነሳሳ
   ተገልብጦ ቢሆን የሱና ነቀርሳ
የሰለፎችን ስም በመጥፎ ሚያነሳ
   ዑለሞች አሉን የዲን አንበሳ
በጭራሽ ማይፈሩ የወቃሽ ወቀሳ!!

   ጥቅም ፈላጊው ቢያጠለሻቸው
ሼኻችን ሀቅን በመርዳት ላይ ናቸው።
ስማቸውን ለማርከስ አትድከም ይብቃህ
አንድም ከኛ የለም ባጢልህን ሚሰማህ!
ምን ቢፍጨረጨር ቢያነጋ ሳይተኛ
ዑለሞች ናቸው የሰለፍያ ዘበኛ!

ሀቅን ስለያዙ ምን ቢያጣጥሏቸው
  አንድ መሆናችን ቢያንጨረጭራቸው
በደዕወተ ሰለፍ ቢቀላም ፊታቸው
ሙቱ ቢغይዚኩም ነው የምንላቸው‼️2×

     እኔ ስገረም በእውቀታቸው
ለካ የሼኽ ዑሰይሚን ደረሳ ናቸው።
  ያላታለላቸው ዱንያ ብልጭልጭ
ረድ ነቅድ አይተዉም ማንም ቢበሳጭ!
  ግዜያዊ ጥቅም ገንዘብ ያልበገራቸው
ለገጠር ከተማው ለተውሂድ ብርሃን ሰበብ ናቸው።

ደዕወተ ሰለፍን በማሰራጨት
                ኡማውን አነቁት ከተኛበት።
ስራችን እንዲሆን ለሸሪዓ ተስማሚ
       ለቢድዓ አካላት ሆነዋል ኮርኳሚ።

በጣም ደስ የሚለኝ ከንግግራቸው
"ጉድ እኮ ነው!" ይላሉ ነገር ሲገርማቸው።

እኔን ለማስከፋት ከሀቅ ለማስወጣት
                                 ቢሉኝ "ለተሚይ"
ታዲያ ለምን ይክፋኝ ለተሞ እኮ ናቸው
                                   ሱንይ ሰለፍይ።
አይደሉም ሙብተዲዕ ኢኽዋን ሱፍይ
                              ደግሞም ሀዳድይ።

እስኪ ነቃ እንበል እስኪ እናስተንትን
  እንጣል ተዐሱብን እንተው ቅጥፈትን።
ሀቅን እንፈልጋት ከውስጥ ከልባችን
አንሰማም እንበል አላዋቂዎችን።
አንተ ሙብተዲዕ ሆይ አትበል እርር
በሀቅ መፅናታቸው ምንኛ ሲያምር

ስማቸውን ማጥፋት ምንም አይጠቅምህም
             ሀቅን ተቀበል ቢያጥወለውልህም!

ምንም ብትለፈልፍ እኛ አንሰማህም
እሳቸውን ሚያስተች ማስረጃ የለህም!

አንተ አላዋቂ ሆይ አቸኩል ለወሬ
ከጎናቸው ነበርክ ምን ተገኘ ዛሬ
አሁን ተከረበትክ ምነው ሳዳትዬ?
   ትላንት በአቋምህ ነበር ያፀደከው
ዛሬ ተገልብጠህ ለምን ውሸት አልከው?
እራስህን ከራስህ ለምን አጋጨኸው?
የሀቁንስ መንገድ እንደምን ጠላኸው?
ከነርሱ አልደመርም እንዳላልክ እዬዬ
  አሁን ተከረበትክ ምነው ሳዳትዬ?
ማንም የትም ቢሄድ ማን ቢሆንም ምንም
ሀቅ ግን ሀቅ ናት አትቀያየርም‼2×

ማንም ቢነቅፋቸው ማን ቢኻልፋቸው
አቡ ዐብዱል ሐሊም ለሀቅ ታጋይ ናቸው።
ዛሬ ተገልብጠህ ብትላቸው ጃሂል
አዋቂ ሼኽ ናቸው ያላሉ ውልውል!

ለዚህም ምስክር ከደረሶቻቸው
ሙሐመድ ኪርማኒይ ሻኪር ሱልጧን ናቸው
ሁሰይን ሙሳን ብትል...በጣም ብዙ ናቸው።
      በጊዜ መሄድ ያልተቀያየሩ
በሄዱበት ሁሉ ሀቅን ሚያስተምሩ
ባለ ብዙ እውቀት ብርቅዬዎች ናቸው።
     ተወዳጅ የሆኑ ከነ ሼኻቸው።
     መንሀጀ ሰለፍ ያስከበራቸው!
   እውነተኛ መሆን ሀቅ ያላቃቸው።
     ኡማው ዘንድማ ያስወደዳቸው
   በሀቋ ላይ ፍንክች አለማለታቸው
   ቀጣፊ ውሸታም አለመሆናቸው‼
   ይሄ ኬት መጣ ብለህ ብጠይቅ
አንተ ጃሂል ያልከው እንዳስተማራቸው ጠንቅቀህ እወቅ‼
እውቀትን ለማካፈል ስስታም ያልሆኑ
እኔን ብቻ ስሙኝ በጭራሽ ያላሉ።

በስተመጨረሻም ዱዐ ላርግላቸው
ከሙብተዲዕ ሴራ እንዲጠብቃቸው
   ያላዋቂን ወሬ ሊያርቅላቸው።
የኛን ውድ ሼኽ እንዲያልቃቸው።
የሀቋንም መንገድ ላያስለቅቃቸው።
በመንሐጀ ሰለፍ እንዲያፀናቸው
እድሜያቸውን ረጅም እንዲያደርግላቸው።
     እንዲያስተምሩ ለደረሶቻቸው
ድርብርብ እውቀትን ይጨማምርላቸው።
በሀቋም መንገድ ላይ ሁነው ይውሰዳቸው!!

📝የ'አብዱል ሐኪም ልጅ!

@Abdul_halim_ibnu_shayk

ኢማም አህመድ የአቢ አዋናን ሐዲስ ለመስማት ወደእኔ መጣ፡፡ ከፍ ላደርገው ጥረት ባደርግ "እምቢ" አለ፡፡  "ከፊት ለፊትህ እንጅ አልቀመጥም" አለ። "ኢልም ከምንወስድበት  ሰው ዘንድ እንድንተናነስ ታዘናል" አለ።

https://t.me/alateriqilhaq

كن على بصيرة

እውቀትና የእውቀት ባለቤቶች ደረጃ

ክፍል - 23

ኡለማን ማላቅ … አላህን ማላቅ ነው

ኡለማዎች በሸሪዓ ከፍተኛ ቦታ አላቸው፡፡
ኢማም አህመድ - ረሂመሁሏህ - የሚከተለውን ተናግረዋል:-
“በዚህ ኡመት ውስጥ ኡለማዎች የሩሱሎች ምትክ ናቸው፡፡ ኡለሞች ከነብዩ ﷺ ሱና የሞተውን ህያው ያደርጋሉ።  ኪታቡ የቆመው በእነርሱ ነው ፣ እነርሱ የቆሙትም በእርሱ ነው፡፡ ኪታቡ የተናገረው በእነርሱ ነው ፣ እነርሱም የተናገሩት በእርሱ ነው፡፡ ጠማማው ወደቅኑ ጎዳና  እንዲመጣ ጥሪ ያደርጋሉ ፣ በሚደርስባቸው መከራ ይታገሳሉ፡፡ በአላህ መጽሐፍ ሙታንን ህያው ያደርጋሉ፡፡ በአላህ ብርሃን የእውራንን አይኖች ይከፍታሉ፡፡ ኢብሊስ የገደላቸውን ስንቶችን ህያው አደረጉ! የሚዋልሉ ጠማማዎችን ስንቶችን መሩ! በሰዎች ላይ የእነርሱ ተጽእኖ ምን አማረ ! የሰዎች ተጽእኖ  በእነርሱ ላይ ምን አስቀያሚ ሆነ!"

ኡለሞች :- በዲን ውስጥ ከሚፈጠሩ ፈጠራዎች እና ማደናገሪያዎች ህዝባቸውን ይጠብቃሉ፡፡ ከልብ ወለድ ፣ ካልሆነ ጥላሸት ፣ ከመጣመም ዲኑን ይጠብቃሉ፡፡ የሸሪዓዊ እውቀትን ፍትሃዊ ከሆኑ ትውልዶች ተረክበው ወደሌላ ፍትሀዊ ትውልድ ያሸጋግራሉ። ከአላህ ﷻ ቁርዓን ላይ የድንበር አላፊዎችን ማጣመም ፣ የጃሂሎችን ተገቢ ያልሆነ ተፍሲር ይከላከላሉ። ይህን ዲን ለመጠበቅ አላህ  አዘጋጅቷቸዋል፡፡

ኡለሞች በቁርኣን እና በሱና

ኢስላምና ቁርዓን የኡለሞችን ክብር ከፍ አድርጓል፡፡ ጌታችን አሏህ ﷻ በቁርዓኑ አወድሷቸዋል ፡
يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ ۚ وَاللَّهُ بِمَا تَعْمَلُونَ خَبِيرٌ
"አላህ ከናንተ እነዚያን ያመኑትንና እነዚያንም ዕውቀትን የተሰጡትን በደረጃዎች ከፍ ያደርጋል፡፡ አላህም በምትሰሩት ሁሉ ውስጠ ዐዋቂ ነው፡፡"
(ሙጃደላ ፡ 11)

አሏህ ﷻ በትልቅ ጉዳይ ላይ ኡለሞችን አስመስክሯል፡፡ እርሱም ተውሂድ ነው። እርሱም ዲንን ለእርሱ ብቻ ማጥራት ነው፡፡
شَهِدَ اللَّهُ أَنَّهُ لَا إِلَٰهَ إِلَّا هُوَ وَالْمَلَائِكَةُ وَأُولُو الْعِلْمِ قَائِمًا بِالْقِسْطِ ۚ لَا إِلَٰهَ إِلَّا هُوَ الْعَزِيزُ الْحَكِيمُ
"አላህ በማስተካከል የቆመ (አስተናባሪ) ሲሆን ከእርሱ በስተቀር (በእውነት የሚመለክ) ሌላ አምላክ የሌለ መሆኑን መሰከረ፡፡ መላእክቶችና የዕውቀት ባለቤቶችም (እንደዚሁ መሰከሩ)፡፡ ከእርሱ በስተቀር  (በእውነት የሚመለክ) ሌላ አምላክ የለም፡፡ አሸናፊው ጥበበኛው ነው፡፡"
(አልኢምራን ፡ 18)

ኢማም አልቁርጡብይ - ረሂመሁሏህ - የሚከተለውን ተናግረዋል ፡
“ይህ አንቀጽ የእውቀትን እንዲሁም የኡለሞችን ደረጃና ትልቅነት ጠቁሟል ፤ ከኡለማ ልቅና የሚበልጥ አንድ ነገር ቢኖር ኖሮ ልክ አሏህ መላኢካን እና ኡለማን ከስሙ ጋር እንዳቆራኘው ያቆራኘው ነበር፡፡”

አላህ ﷻ ኡለሞችን በደረጃ ከሌሎች ለያቸው ፣  ከፍም አደረጋቸው፡፡

قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗ إِنَّمَا يَتَذَكَّرُ أُولُو الْأَلْبَابِ
«እነዚያ የሚያውቁና እነዚያ የማያውቁ ይስተካከላሉን?» በላቸው፡፡ የሚገነዘቡት ባለ አእምሮዎቹ ብቻ ናቸው፡፡"
(ዙመረ ፡ 9)

ኡለሞች አላህን በጣም ፈሪዎቹ እነርሱ ናቸው፡፡
إِنَّمَا يَخْشَى اللَّهَ مِنْ عِبَادِهِ الْعُلَمَاءُ
"አላህን ከባሮቹ ውስጥ የሚፈሩት ዐዋቂዎቹ ብቻ ናቸው፡፡"
(ፋጢር ፡ 28)

ቀደምት ኡለሞች የትክክለኛ አሊሞችን መገለጫ እንደሚከተለው አቅርበውታል:-

አሏህ ብሎ ያለው አክሪሙል ኡለማ
ለተቅዮቹ ነው ላልሆኑት ጠማማ
ቀልቡ የሚሸበር ኪታቡን ሲሰማ

ኡለሞችን ቁርኣን በመልካም እንዳወደሳቸው ነብዩም ﷺ እንደሚከተለው አወድሰዋቸዋል፡፡
ሙዓውያ የሚከተለውን ሐዲስ አስተላልፏል
"من يرد الله به خيرا يفقهه في الدين"
“አላህ መልካምን የሻለት ሰው ፣ ዲንን ያስገነዝበዋል”

ومن حديث أبي هريرة : "من سلك طريقا يلتمس فيه علما ، سهل الله له طريقا إلى الجنة" (رواه أبو داود والترمذي)
አቡሁረይራ የሚከተለውን የረሱል ﷺ ሐዲስ አሰተላልፈዋል ፡
“እውቀትን ፍለጋ መንገድን የተጓዘ ፣ ወደጀነት የሚወስደውን መንገድ አላህ ያመቻችለታል”

ኢብን አለቀይም “ኢእላም አልሙወቂዒን” በተባለው ኪታባቸው የሚከተለውን ተናግረዋል ፡
“በምድር ላይ የሚገኙ ኡለሞች ልክ በሰማይ እንደሚገኙት ከዋክብት ናቸው፡፡  በጨለማ የሚዋልሉት  በእነርሱ  ይመራሉ፡፡ ለሰው ልጅ የእነርሱ አስፈላጊነት ከምግብ እና ከመጠጥ በላይ ነው፡፡”

ኢክሪማ የሚከተለውን ተናግሯል ፡
"إياكم أن يؤذوا أحدا من العلماء ، فإن من آذى عالما فقد أذى رسول الله صلى الله عليه وسلم"
“ ከኡለማዎች አንዱን ከማወክ አስጠነቅቃችኋለሁ ፣ ኡለማን ያወከ የአላህን መልእክተኛ አወከ”

ኡበይዱሏህ ብን ጀዕፈር የሚከተለውን ተናግረዋል ፡
"العلماء منار البلاد منهم يقتبس النور الذي يهتدى به"
“ኡለሞች የአገር ምልክት ናቸው። ሰዎች የሚመሩበት ብርሀን የሚቀሰመው ከእነርሱ ነው።”

ኡለማን ማክበርና ፤ ሀቃቸውን ማወቅ

ኡለማን ማክበር በሁሉም ሙስሊም ላይ ግዴታ ነው። የኡለሞችን ደረጃ  ጠንቅቆ ማወቅ ፣ አላህ በሰጣቸው ደረጃ ማስቀመጥና ማላቅ ተገቢ ነው።
የአላህ መልክተኛ ﷺ  የሚከተለውን ሐዲስ ተናግረዋል :-
"ليس من أمتي من لم يجل كبيرنا ، ويرحم صغيرنا ، ويعرف لعالمنا حقه" رواه أحمد وحسنه الألباني
“ታላላቆቻችንን ያላላቀ ፣ ለታናናሾቻችን ያላዘነ ፤ የኡለሞቻችንን ሀቅ ያላወቀ ከኡመቶቸ አይደለም፡፡”

ኡለማን ማላቅ አላህን ማላቅ ፣ሸሪኣውንም ማላቅ ፣ ትእዛዙንም ማክበር ነው፡፡
አቡሙሳ አልአሽአርይ የሚከተለውን የረሱል ﷺ ሐዲስ አስተላልፏል ፡
"إن من إجلال الله إكرام ذي الشيبة المسلم ن وحامل القرآن غير الغالي فيه ، ولا الجافي عنه ، وإكرام ذي السلطان المقسط" رواه أبو داود ، وحسنه الألباني
“የሽበት ባለቤት የሆነን ሙስሊም  ፣ ድንበር አላፊ ያልሆነንና ያልዘቀጠ የቁርአን ተሸካሚን  እንዲሁም ትክክለኛ የስልጣን ባለቤትን ማላቅ አላህን ከማላቅ ነው።"

ኢማም አጥጧሀዊይ የሚከተለውን ተናግረዋል ፡
“ከቀደምቶችም ይሁን ከእነርሱ በኋላ የመጡ ታብእዮች የመልካም ባለቤቶችን የፊቅህ በላቤቶችን በመልካም  እንጅ አያወሱም፣ በመጥፎ  እነርሱን ያነሳ ከመንገድ ውጭ ነው፡፡”

ሸእብይ የሚከተለውን ተናግሯል ፡
ዘይድ ብን ሳቢት ከጀናዛ ላይ ሰገደ፡፡ ከዚያም በቅሎ እንዲጋልብ አቀረብኩለት፡፡ ኢብን አባስ መጣ፡፡ እርካቡን ያዘና "የረሱል የአጎት ልጅ በቅሎውን  ያዝ" አለው ለኢብን አባስ፡፡ ኢብን አባስም ፡ "በኡለማ እና በታላላቆች ሲሰራ የነበረውም ይኸው ነው" አለው፡፡

ኸለፍ የሚከተለውን ተናግሯል ፡

👌 የቢድአ ባልተቤቶች ጌታችንን አላህን (የሚፈለገውን ውዴታ) አይወዱትም። ምክንያቱም መልክተኛውን ሰለላሁ አለይሒ ወሰለም ስላልተከተሉ ነው። ከሱ (ከአላህ) መንገድ ስሜታቸውን ስለሚያስቀድሙ ነው። ለዚህ አንደማስረጃ ቁርአን ምእራፍ ሶስት አንቀፅ 31 አንብብ።

سَيَقُولُ لَكَ الْمُخَلَّفُونَ مِنَ الْأَعْرَابِ شَغَلَتْنَا أَمْوَالُنَا وَأَهْلُونَا فَاسْتَغْفِرْ لَنَا ۚ يَقُولُونَ بِأَلْسِنَتِهِم مَّا لَيْسَ فِي قُلُوبِهِمْ ۚ قُلْ فَمَن يَمْلِكُ لَكُم مِّنَ اللَّهِ شَيْئًا إِنْ أَرَادَ بِكُمْ ضَرًّا أَوْ أَرَادَ بِكُمْ نَفْعًا ۚ بَلْ كَانَ اللَّهُ بِمَا تَعْمَلُونَ خَبِيرًا

"ከአዕራብ ሰዎች እነዚያ (ከዘመቻ) ወደ ኋላ የቀሩት ለአንተ «ገንዘቦቻችንና ቤተሰቦቻችን አስቸገሩን፤ ስለዚህ ምሕረትን ለምንልን፤» ይሉሃል፡፡ በልቦቻቸው ውስጥ የሌለውን ነገር በምላሶቻቸው ይናገራሉ፡፡ (አላህ) «በእናንተ ላይ ጉዳትን ቢሻ ወይም በእናንተ መጥቀምን ቢሻ ከአላህ (ለማገድ) ለእናንተ አንዳችን የሚችል ማነው? በእውነቱ አላህ፤በምትሠሰሩት ሁሉ ውስጥ ዐዋቂ ነው» በላቸው፡፡"

(ፈትህ ፡ 11)

ትኩረት ሊሰጠው የሚገባ ጉዳይ

አላህ ﷻ በረሱል አንደበት በዲን ላይ ማክረርን ፤ በአምልኮ ወሰን ከማለፍና ያለአቅሟ በነፍስ ላይ ጫና መፍጠርን ከልክሏል፡፡ በዚህ ዙሪያ የመጣው መረጃ በርካታ ነው፡፡  ቡኻሪና ሙስሊም በዘገቡት ሐዲስ ፡  አመቱን ሙሉ ከመጾም ፣ ሌሊቱን ሁሉ ከመቆም አብደላ ኢብን አምርን የአሏህ መልክተኛ ﷺ
ከልክለውታል። ይህን ተግባር የከለከሉት  ከሚስቱ እና ከሌሎችም ሀቆች ጋር በተያያዘ ቸልተኛነት እንዳያሳይ መሆኑን ልብ በል። ታዲያ ባሪያው ከሀቆች ሁሉ ትልቅ የሆነውን የአላህን ሀቅ  እንዳያጓድል ፣ በዱንያ ወሰን ማለፍን መከልከሉ እንዴት ሊሆን ነው!?

ሁለተኛው ፡  ገንዘብ በመፈለግ ላይ ድንበር ካለፈ ሳያውቅ ወደሀራም  ይጎትተዋል፡፡ ለዚህ ነው ነብያችን ﷺ በኡመታቸው ላይ የገንዘብ ጉዳይ ያስጨነቃቸው ፣ ያሳሰባቸው።

ቡኻሪና ሙስሊም በዘገቡት አምር ብን አውፍ  የሚከተለውን ሀዲስ አስተላልፏል ፡

"والله ما الفقر أخشى عليكم ، ولكني أخشى أن تبسط عليكم الدنيا كما بسطت على من كان قبلكم ، فتنافسوها كما تنافسوها ، وتهلككم كما أهلكتهم "

“ወሏሂ ፣ በእናንተ ላይ ድህነትን አልፈራም ፣ ነገር ግን እኔ የምፈራው  ከዚህ በፊት በነበሩት ላይ በስፋት እንደተለቀቀው በእናንተ ላይ ገንዘብ በስፋት ተለቆ ፣ እነርሱ እንደተፎካከሩት እናንተም ትፎካከራላችሁ ፣ እነርሱን እንዳጠፋች እናንተንም ታጠፋችኋለች ብየ ነው ፡፡”

አዎ ዛሬ ስለተጨናነቅን ወይም ኑሯችን መካከለኛ ስለሆነና በብዙ ነገሮች ስላልተጠመድን ልቦቻችን ወደአላህ እንዲሁም በአላህ ዙሪያ እውቀትን በመፈለግ ዞረው ሊሆን ይችላል።  በዚህ ሰአት እንረጋጋለን ፣ በደንብ እናስተውላለን። ነገር ግን ዱንያ በተከፈተልን ጊዜ የመልካም በሮች በእኛ ላይ መዘጋታቸው ፣  ከመልካም ስራዎች አካላችን ሽባ መሆኑ ነው አስፈሪው፡፡

ሙስሊም በዘገቡት ሐዲስ አብደላ ብን አምር ብን አልአስ የሚከተለውን ሐዲስ አስተላልፏል  ፡

የአሏህ መልክተኛ ﷺ ለሶሀቦች የሚከተለውን ጥያቄ አቀረቡ :

"إذا فتحت عليكم فارس والروم أي قوم أنتم؟

“በእናንተ ላይ ፋርስ እና ሮም በተከፈተ ጊዜ እናንተ ያን ጊዜ ምን አይነት ሰዎች ትሆኑ?”

አብዱረህማን ብን አውፍ የሚከተለውን ምላሽ ሰጠ “አላህ እንዳዘዘን እንሰራለን” አላቸው፡፡
የአላህ መልክተኛ ﷺ የሚከተለውን ተናገሩ :-

"أو غير ذلك تتنافسون ، ثم تتحاسدون ، ثم تتدابرون ، ثم تتباغضون"

“ከዚህ ውጭ (በገንዘብ ..) አትፎካከሩምን?፣ ከዚያም አትመቀኛኙምን ?፣ ከዚያም አትዟዟሩምን? ፣ ከዚያም አትጠላሉምን?!”

አላህ ﷻ መጽሀፋቸውን በግራ የሚሰጡትን ሰዎች አስመልክቶ የሚከተለውን ተናግሯል ፡

مَا أَغْنَىٰ عَنِّي مَالِيَهْ ۜ
هَلَكَ عَنِّي سُلْطَانِيَهْ

«ገንዘቤ ከእኔ ምንንም አላብቃቃኝ፤ (አልጠቀመኝም)፡፡«ኀይሌ ከእኔ ላይ ጠፋ» (ይላል)፡፡
(ሀቃህ ፡ 28-29)

ሸይኹል ኢስላም የሚከተለውን ተናገሩ ፡

"غاية مريد الرياسة أن يكون كفرعون ، وجامع المال أن يكون كقارون"

“ከፍተኛው የስልጣን ፈላጊ ልክ እንደፊርዓውን መሆን ነው፤  ከፍተኛው የገንዘብ  ሰብሳቢ ደግሞ ልክ እንደቃሩን መሆን ነው"

ስለዚህ እያንዳንዱ  ሙስሊም በመልካም እና በጥሩ ስነምግባር መጓዝ አለበት። በዲን ስም  ዱንያውን እውቀቱን  ማጥፋት የለበትም።
የሙስሊም መገለጫ የሚከተለው የረሱል ﷺ ንግግር ሊሆን ይገባል ፡

"أعط لكل ذي حق حقه"

“ለሁሉም የሀቅ ባለቤት ሀቁን ስጠው፡፡”

በእውቀት ስም በገንዘብ የተጠመደ አካል  ከትክክለኛው ጎዳና ተጣሟል፡፡ ምክንያቱም ገንዘብን መሰብሰብ ስለአላህ ስለረሱል ሱና ከማወቅ ጋር አይስተካከልም፡፡

አልይ የሚከተለውን ተናግረዋል ፤

"العلم خير من المال، العلم يحرسك ، وأنت تحرس المال"

“እውቀት ከገንዘብ በላጭ ነው፡፡ እውቀት አንተን ይጠብቅሃል፤ አንተ ግን ገንዘብን ትጠብቃለህ፡፡”

https://t.me/alateriqilhaq

كن على بصيرة



 

እውቀትና የእውቀት ባለቤቶች ደረጃ

ክፍል - 22

በዱንያ መጠመድ ለእውቀት እንቅፈት ይሆናል

ገንዘብ በራሱ የሚወገዝ አይደለም። ገንዘብም ይሁን ሌሎችን ጉዳዮችን  አስመልክቶ ኢስላም የማይናወጥ ፣ ለሂዎት ቀላልና ምቹ ፣ መልካም የተባለን ሁሉ የሰበሰበ ፣ ጉዳትን የሚከላከል ስርአትና ህግ አስቀምጧል።  

ረሱል ﷺ ለአምር ብን አልዓስ የሚከተለውን ብለውታል ፡

"يا عمرو نعم المال الصالح للرجل الصالح"

“አምር ሆይ! መልካም ገንዘብ ፣ ለመልካም ሰው ምን ያማረ ነው!”

ለገንዘብ የተቀመጠለት ሚዛን ዲንን ፣ ሶላትን ፣ ኢልምን በማይጋፋ ፣ ሀላል በሆነ መልኩ በሀጃው ልክ ሰርቶ ማግኘትን ነው። ከዚያም ለተፈቀዱና አሏህ ለሚወዳቸው ነገሮች ማዋል ነው።  ድንበር ማለፉ ፣ እርሱን በመሰብሰብ አብዛኛውን ወቅቱን ማባከኑ ግን ለጥፋት ይዳርጋል።

የቁርኣንን መረጃዎች ፣ የነብዩን ሱና ላስተዋለ  የሸሪአው ትኩረቱና ቅስቀሳው በዙህድ (ለዱንያ ብዙም ትኩረት አለመስጠት) እና በተሰጠው መብቃቃት ላይ ነው፡፡ ብልጭልጭ እና ውብ የሆነችውን ዱንያ  ለማግኘት ሸሪአዊ የሆነውን ፍኖት በመልቀቅ በሀራም ገንዘብ መሰብሰብን  በማውገዝ ላይ ነው፡፡ የሰው ልጅ የገንዘብ ስግብግብነቱ መነሻ ምንጩ ምን ይሆን? ከተባለ ሁለት ምክንያቶችን መጥቀስ ይቻላል፡

አንደኛው ፡  ነፍሶች - አሏህ ያዘነላቸው ካልሆኑ በቀር -  በማንኛው ሁኔታ ገንዘብን በመፈለግ ፣ እርሱን ለማግኘት በመፎካከር ላይ የተፈጠሩ መሆናቸው ነው :

አላህ ﷻ እንደነገረን ፡

زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالْأَنْعَامِ وَالْحَرْثِ ۗ ذَٰلِكَ مَتَاعُ الْحَيَاةِ الدُّنْيَا ۖ وَاللَّهُ عِندَهُ حُسْنُ الْمَآبِ

"ከሴቶች፣ ከወንዶች ልጆችም፣ ከወርቅና ከብር፣ ከተከማቹ ገንዘቦችም፣ ከተሰማሩ ፈረሶችም፣ ከግመል ከከብትና ከፍየልም፣ ከአዝመራም የሆኑ ፍላጎቶችን መውደድ ለሰዎች ተሸለመ፡፡ ይህ ሁሉ የቅርቢቱ ሕይወት መጠቀሚያ ነው፡፡ አላህም እርሱ ዘንድ መልካም መመለሻ (ጀነት) አለ፡፡"

(አልኢምራን ፡ 14)

الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا

"ገንዘብና ወንዶች ልጆች የቅርቢቱ ሕይወት ጌጦች ናቸው፡፡ መልካሞቹም ቀሪዎች (ሥራዎች) ከጌታህ ዘንድ በምንዳ በላጭ ናቸው፡፡ በተስፋም በላጭ ናቸው።"

(ከህፍ ፡ 46)

ሁለተኛው ፡  ከሀቅ እንዲወጣ ፣ ለገንዘብ ያለው  ፍላጎት ወሰን እንዲያልፍ የሰይጣን ቅስቀሳ ነው። 

አላህ ﷻ የሚከተለውን ተናግሯል ፡

أَلْهَاكُمُ التَّكَاثُرُ
حَتَّىٰ زُرْتُمُ الْمَقَابِرَ

"በብዛት መፎካከር (ጌታችሁን ከመገዛት) አዘነጋችሁ፡፡ መቃብሮችን እስከምትጎበኙ  ድረስ፡፡"

(ተካሱር ፡ 1-2)

እነዚህ ከላይ የተጠቀሱ ሁለት ምክንያቶች በኡመቱ ላይ ተሰባስበው ከተገኙ በገንዘብ ላይ ያለው  እሽቅድድም እና ፉክክር እየጨመረ ይሄዳል ፤ በእርሱም መፈተን ይኖራል፡፡ ገንዘብ በርካታውን ሙስሊም ህብረተሰብ  ከመልካም ተግባር  አዘናግቶት ይገኛል። ማህበረሰቡ ከተዘናጋባቸው መልካም ተግባራት መካከል አንዱ ሸሪዓዊ እውቀትን መፈለግ ነው፡፡ ስለዚህ ገንዘብን ለማግኘት በጉልበትም በጊዜም ከፍተኛ መስዋእትነት እንደምንከፍል  ሁሉ እውቀትን ለመሰብሰብና ለማካበትም ከፍተኛ ትግል ማድረግ ይጠበቅብናል።

አንደኛ ፡ ገንዘብን መሰብሰብ ፈተና መሆኑን ማስታወስ ፡

ኢማም አህመድ እና ቲርሚዝይ በዘገቡት ኢያድ ብን ከእብ የሚከተለውን ሀዲስ አስተላልፏል ፡

"إن لكل أمة فتنة ، وفتنة أمتي المال"
"ለእያንዳንዱ ኡመት ፈተና አለው ፤  የእኔ ኡመቶች ፈተና ገንዘብ ነው።"

የገንዘብ አጠቃቀሙን ያሳመረ ፣ ከዋጅባት ያላዘናጋው ፤ ሀራም ነገር ላይ ያልጣለው ይህ ተመስጋኝ ፣ ከአሏህ ዘንድ ከፍተኛ ምንዳ የሚያገኘው እርሱ ነው።  ከሶላት ፣ ከዘካ ሸሪዓዊ እውቀትን ከመፈለግ ያዘናጋው ይህ ከአሏህ ዘንድ ተቀጭ ነው። 

ኢማም አህመድ በዘገቡት ሐዲስ አቡ ዋቂድ አልለይሲይ የሚከተለውን ሐዲስ አስተላልፈዋል ፡

አላህ ﷻ የሚከተለውን ተናገረ :
“እኛ ገንዘብን ያወረድነው ሶላትን ደንቡን ጠብቆ እንዲሰገድ ፣ ዘካ እንዲሰጥ ነው፡፡ ለአደም ልጅ አንድ ሸለቆ ቢኖረው ሁለተኛ ሸለቆ እንዲኖረው ይመኛል ፣ ሁለት ሸለቆ ቢኖረው ደግሞ ሶስተኛ ሸለቆ እንዲኖረው ይመኛል፡፡ የሰውን ልጅ ሆድ  አፈር እንጅ ሌላ የሚሞላው የለም፣ ከዚያም በቶበተ ሰው ላይ አላህ ተውበቱን ይቀበለዋል፡፡”

ሀሰን አልበስርይ የሚከተለውን ተናገሩ ፡

"إن لكل أمة وثنا يعبد ، ووثن هذه الأمة الدرهم والدينار"

“ለእያንዳንዱ ማህበረሰብ የሚያመልከው ጣኦት አለው ፤ የዚህ ማህበረሰብ ጣኦት ዲርሃም እና ዲናር ነው፡፡”

ስንቶች ናቸው ለገንዘብ ብለው ከሶላት የሚዘናጉ? ለገንዘብ ብለው ዝምድናን የሚቆርጡ? ለገንዘብ ብለው ሀራም የሚበሉ? በገንዘብ ምክንያት ስንቶች ናቸው ከጎረቤት ፣ ከዘመዶቻቸው ጋር የተቆራረጡ?ስንቶች ናቸው ቁርዓንን የተው? ፣ እውቀትን የተው? ፣ አላህን ከማስታወስ የተው?

አላህ ﷻ የሚከተለውን ተናግሯል ፡

يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ ۚ وَمَن يَفْعَلْ ذَٰلِكَ فَأُولَٰئِكَ هُمُ الْخَاسِرُونَ

"እናንተ ያመናችሁ ሆይ! ገንዘቦቻችሁና ልጆቻችሁ አላህን ከማስታወስ አያታሏችሁ፡፡ ይህንንም የሚሠሩ ሰዎች እነዚያ እነርሱ ከሳሪዎች ናቸው፡፡"

(ሙናፊቁን ፡ 9)

በአብዛኛው ሙናፊቆች በገንዘብ በመጠመዳቸው ምክንያት ከረሱል ﷺ ጋር ጅሀድ አይወጡም። ከጅሀዱ ትልቁ ጅሀድ ደግሞ ለኢልም የሚደረገው ጅሀድ ነው። ሙናፊቆችን ከኢልም እንዲያፈገፍጉ የሚያደርጋቸው ለዱንያ ያላቸው ከፍተኛ ፍላጎት ፣ ለአኼራ ያላቸው ፍላጎትና ስሜት የቀዘቀዘ በመሆኑ ነው።

አላህ ﷻ የሚከተለውን ተናግሯል ፡