Murad Tadesse (Official Channel)☪️🇪🇹

DW Amharic እና VOA Amharic ለአክሱም ሙስሊም ሴት ተማሪዎች የዜና ሽፋን ስለሰጣችሁ እናመሰግናለን።

እነዚያ የሴቶች መብት ተብዬዎች፣ የሰብዓዊ መብት ተብዬዎች… ሙስሊም አጥፊ ሲመስላቸው እንጂ ሲበደል የት አሉ?
እነዚያስ የህዝብ ድምፅ ነን የሚሉ አክቲቪስቶች፣ ሚዲያዎችና የሚዲያ ሰዎች የት አሉ?

አሁንም እንላለን… መገላለጥን የፈቀደች ሃገር እምነትን አክብሮ መሸፈንን ልትከለክል አይገባም።

ሁል ጊዜ በየአመቱ በወሳኝ የትምህርት እርከኖች ላይ ቀን እየጠበቁ የሙስሊሞችን ሰላማዊ የመማር ማስተማር ጉዞ ማሰናከል ለአንዴና ለመጨረሻ ሊያከትም ይገባል።

♠
የቪኦኤ የአማርኛ ድምፅ ዘገባ በዚህ ሊንክ ይገኛል።
https://t.me/MuradTadesse/38910

||
t.me/MuradTadesse

10 ሚሊዮኑን ብር ምንም ሳናጓድል ከራሳችን ከአሚን ሆስፒታል እንሰጣለን‼
==================================
✍ ዶ/ር ሙሐመድ ሽኩር ይህንን ብሏል፦

«ቃል አይታጠፍም።

ውዶቼ,
ከውድድር በፊት ባልተነገረ የተድበሰበሰ የዳኝነት ሂደት 70/30 በሚልና ያም ሆኖ ያመጣነው ውጤት በግልጽ ሳይነገር
የጠበቅነውን ውጤት በመነፈጋችን ቅር ብንሰኝም,ለእናቶችና ጨቅላ ህጻናት ጤና ክብካቤ ቃል የገባነውን አስር ሚሊዮን ብር ምንም ሳናጓድል ከራሳችን ከአሚን ሆስፒታል ወጪ አድርገን ለማሥፈጸም የወሰንን መሆኑን በድጋሚ ቃል እንገባለን።

ለሚሆነው ሁሉ አላህ ምክንያት አለው።»

♠
በርግጥም ዶክተር ምንም እንኳ ቃሉን ቢጠብቅም የዳኝነት ሂደቱ የፕሮግራሙን አዘጋጆች ነውረኛና ዘራፊነት ያሳዬ ነው። እንዳውም ድርጅቱ የሚያቀርባቸውን ምርቶች ዝርዝር አጣርተን መፍትሄ ማበጀት አለብን።

ይህ የህዝብን ድምፅ 30% አድርገው የቀነሱበት ምክንያት፤ እንዲያሸንፍ የፈለጉት ሰው ሳያሸንፍ ሲቀርና እንኳን እንዲያሸንፍ ለእጩነት እንኳ እንዲቀርብ የማይፈልጉት ሰው ሲያሸንፍባቸው በ11ኛው ሰዓት የዘየዷት ሿሿ ትመስላለች። በአጭሩ ግልፅ ባልሆነና በተድበሰበሰ መልኩ የብዙዎችን ገንዘብ አንቴክስ የተባለው ድርጅት በአደባባይ ዘርፏል ቢባል መዋሸት ላይሆን ይችላል። አሁንም ነገሮች በቅርበት ቢጣሩና ከጀርባ የነበሩ ህቡዕ ሴራዎች ቢገለጡ፤ ለወደፊቱም ከመሰል አጭበርባሪዎች ለመዳን መፍትሄ ይመስለኛል። ውድድር ሲዘጋጅ በግልፅ የዳኝነት ነጥብ መነገር አለበት። ውጤት ሲነገርም በደፈናው ሳይሆን ማን ከህዝብ ምን ያክል ድምፅና ነጥብ አገኘ?፣ ከዳኞችስ ምን ያክል ነጥብ አገኘ?፣ በምን መስፈርት?፣ ዳኞችስ እነማን ናቸው?፣ ምን ያክል ገለልተኛ የሆኑ፣ ፍትሐዊ ስብጥር ያላቸውና አካታች ናቸው?… የሚሉት ወሳኝ ነጥቦች አጥጋቢ ምላሽና ማብራሪያ ሊሰጣቸው ይገባል። ዝም ብሎ ሿሿ አድርጎ ማለፍ አይኖርም። ይህን ጉዳይ ምረጡ እንዳልኳችሁ ሁሉ፤ ጊዜ ካገኘሁ እስከ ጥግ ሂጀበት ጉዱን ባካፍላችሁ ደስ ይለኛል።

እኔ ባሸነፉት ሰዎች ቅር አልተሰኘሁም። ገና መጀመሪያውኑ 30/70 የሚለውን ቢነግሩን ኖሮ ቅስቀሳም ውስጥ አልገባ። ባለኝና ከላይ በማየው መረጃ ያሸነፈው ሰው ይገባዋል። ነገር ግን በህዝብ ድምፅ ዶ/ር ሙሐመድ የተገባው ነበር። ምክንያቱም ያኛው ወገናችን ቀድሞ የመተው አይነት ስሜትና ለሌላ የማስተላለፍ ነገር አንጸባርቋል፤ ቅስቀሳም አላስደረገም። ከነበረው ቅስቀሳ አንፃር ዶ/ር ያሸንፍ ነበር። አሁንም ስንት ሰው እንደመረጠው ማወቅ አለብን። አጥጋቢ ነገር ከሌላቸው በመረጠው ሰው ልክ ገንዘባችንን መልሰው ለርሱው ይሰጠውና ለተፈለገበት አላማ ይዋል።

የመጽሐፍ ምርቃት‼

በቲክ ቶክ ማኅበራዊ መገናኛ ብዙኃን ላይ "አልገደሉትም አልሰቀሉትም" የሚለው መጽሐፍን የምርቃት መርሐግብር የፊታችን ዐርብ በኢትዮጵያ የሰዓት አቆጣጠር ከምሽቱ 3 ሰዓት እንዲገኙ በታላቅ አክብሮት እና ትህትና ጋር እንጠይቅዎታለን።

ከዐቃቢ ኢሥላም ወሒድ

ፍትሕ ሙስሊም በመሆናቸው ብቻ እንደ ወንጀለኛ እየታዩ ላሉት የአክሱም ሙስሊም ሴት ተማሪዎች‼

ፍትሕ ለአክሱም ሙስሊሞች‼

«የትግራይ እስልምና ጉዳዮች ምክርቤት ቅሬታ
ከ 12 ሰዓታት በፊትከ 12 ሰዓታት በፊት
በአክሱም ከተማ የሚገኙ ሙስሊም ሴት ተማሪዎች ከሒጃብ መልበስ ጋር በተያያዘ ውዝግብ ከትምህርት ገበታ ውጭ ሆነው እንደሚገኙ የትግራይ እስልምና ጉዳዮች ምክርቤት ስታወቀ። ይህን ለመፍታት ከክልሉ ትምህርት ቢሮ ጋር ንግግር ላይ መሆኑም የክልሉ እስልምና ጉዳዮች ምክርቤት ለዶቼቬለ ገልጿል።
 
ከአክሱም ያናገርናቸው ሴት ተማሪዎች ሒጃብ ለብሳችሁ ወደ ትምህርት ቤት አትገቡም ተብለው ከአንድ ሳምንት በላይ ከትምህርት መገለላቸው ገልፀዋል። በጉዳዩ ላይ ከትግራይ ትምህርት ቢሮ መረጃ ለማግኘት ያደረግነው ጥረት አልተሳካም።
በዚህ ዓመት ከሒጃብ መልበስ ጋር በተገናኘ በአክሱም በሚገኙ ትምህርት ቤቶች ውዝግቦች መታየት የጀመሩት ካለፈው ጥቅምት ወር ወዲህ መሆኑ መረጃዎች ያመለክታሉ። ከአክሱም ከተማ የተለያዩ ምንጮች እንደሰማነው፥ በከተማዋ የሚገኙ ትምህርት ቤቶች በተለይም ከቅርብ ጊዜ ወዲህ ሒጃብ የለበሱ ተማሪዎች ወደ ትምህርት ቤቶች እንዳይገቡ መከልከላቸውን ተከትሎ ሙስሊም ሴት ተማሪዎች ከትምህርት ገበታ መራቃቸው ተገልጿል።
በከተማዋ እንደዚህ ዓይነት ሁኔታ መታየቱ ተከትሎ ባለፈው ኅዳር ወር መጀመርያ የትግራይ እስልምና ጉዳዮች ምክርቤት ለትግራይ ትምህርት ቢሮ ቅሬታ መጻፉን የገለፁት የክልሉ እስልምና ጉዳይ ምክርቤት ጸሐፊ ሓጂ መሓመድ ካሕሳይ፥ በክልሉ በኩል አወንታዊ ምላሽ ቢኖርም እስካሁን ግን ማስተካከያዎች እንዳልተደረጉ ተናግረዋል።
ከአክሱም ከተማ ያነጋገርናት እና ስሟ እንዲገለፅ ያልፈለገች የአክሱም ሁለተኛ ደረጃ ትምህርት ቤት የ10ኛ ክፍል ተማሪ፥ እርሷን ጨምሮ ሌሎች፥ ሒጃብ ለብሰው መግባት እንደማችሉ በትምህርት ቤቱ ሐላፊዎች ተከልክለው ከአንድ ሳምንት በላይ ከትምህርት ውጭ መሆናቸውን ትናግራለች።
ተመሳሳይ ውዝግብ እና ችግር ከዚህ በፊትም ቢሆን በአንዳንድ የትግራይ አካባቢዎች ታይቶ እንደነበረ የሚያነሱት የትግራይ እስልምና ጉዳዮች ምክርቤት ጸሐፊ ሓጂ መሓመድ ካሕሳይ፥ ችግሩ በወቅቱ በንግግር መፈታቱን ያስታውሳሉ።
ከዚህ በተጨማሪ ዋና ፀሐፊው፥ አሁን በአክሱም እየታየ ያለው የሴት ሙስሊም ተማሪዎቹ ጉዳይ ባለው ሕግ መሠረት በአጭር ጊዜ ይፈታል ተብሎ እንደሚጠብቅ ተናግረዋል። በቅሬታ አቅራቢዎቹ ስለተነሱ ጉዳዮች ከአክሱም ከተማ ትምህርት ጽሕፈት ቤት እና ከትግራይ ትምህርት ቢሮ መረጃ ለማግኘት ያደረግነው ጥረት አልተሳካም።»
ሚሊየን ኃይለ ሥላሴ 
ሸዋዬ ለገሠ
ኂሩት መለሰ
©: DW Amharic