የቀድሞው የአሜሪካ ፕሬዝዳንት ጂሚ ካርተር በ100 ዓመታቸው ከዚህ ዓለም በሞት ተለዩ
*****

በበጎ አድራጎት ስራቸው በዓለም ዙሪያ ዝናን ያተረፉት 39ኛው የቀድሞ የአሜሪካ ፕሬዝዳንት ጂሚ ካርተር በዛሬው እለት በ100 ዓመታቸው ከዚህ ዓለም በሞት ተለይተዋል።

እኤአ 2022 የዓለም የሰላም ኖቤል ተሸላሚው እና በአሜሪካ ታሪክ እረጅሙን እድሜ በሕይወት የኖሩት የቀድሞ ፕሬዝዳንት ጂሚ ካርተር በጆርጂያ ግዛት በሚገኘው መኖሪያ ቤታቸው በወዳጅ ዘመዶቻቸው ተከበው በሰላም ማረፋቸውን በስማቸው ያቋቋሙት የእርዳታ ድርጅት “የካርተር ማእከል” በድረገፁ አስታውቋል።

የጂሚ ካርተርን ህልፈት ተከትሎ የአሜሪካው ፕሬዝዳንት ጆ ባይደን እና ከቀናት በኋላ ነጩ ቤተመንግስት ይገባሉ ተብለው የሚጠበቁት አዲሱ ተመራጭ ፕሬዝዳንት ዶላንድ ትራንፕን ጨምሮ የቀድሞ የአሜሪካ ፕሬዝዳንቶች በማህበራዊ ትስስር ገፃቸው ሀዘናቸውን እየገለፁ ይገኛሉ።

የፈረንሳዩ ፕሬዝዳንት ኢማኑኤል ማክሮንም በጂሚ ካርተር ህልፈት የተሰማቸውን ሀዘን በትዊተር ገፃቸው ገልፀዋል።

ጂሚ ካርተር እኤአ 1982 በስማቸው ያቋቋሙት የእርዳታ ድርጅት “የካርተር ማእከል” ኢትዮጵያን ጨምሮ በዓለም ከ80 በላይ አገራት ላይ በምግብ ዋስትና ማረጋገጥ፣ በሰላም እና በጤና ጉዳዮች ላይ አተኩሮ የሚንቀሳቀስ የእርዳታ ድርጅት ነው።

እኤአ 1924 የተወለዱት ጂሚ ካርተር 4 ልጆች፣ 11 የልጅ ልጆች እና 14 የልጅ ልጅ ልጆችን ለማየት ታድለዋል።

@Addis_Reporter
@Addis_Reporter