⇛ በአሁኑ ሰዓት ስለ ዲኑ ጠንቅቆ የሚያውቀው በጣም አናሳ ነው፣ በጣም የሚያሳዝነው ደግሞ አብዘሃኛው ማለት በሚያስችል መልኩ ትንሽ ያውቃል ተብሎ ተስፋ የሚደረግበትም አላህ ያዘነለት ሲቀር የስሜቱ ተከታይ ነው። በስሜት ተከታይነት ሀራሙ እንደ ሀላል ተቆጥሯል። በስሜት ተከታይነት ሱንና ቢድዓ ይደረጋል፣ ቢድዓ ደግሞ በተቃራኒው እንደ ሱንና ይታያል። በስሜት ተከታይነት ሺርክ እንደ ተውሂድ የሚቆጠርበት ቦታም አለ… ሌላም ሌላም።
ይህንኑ የሚያበረታቱና ባለ በሌላ ሀይላቸው የሚያስፋፉ የሸይጧን ወዳጆች ደግሞ በዚያው ልክ በዝተዋል።
(ከላየኛው ⤵️ የተያያዘ ነው)
https://t.me/IbnShifa/4379
⇛ ልብ በይ እህቴ አንቺ የሕብረተ-ሰቡ መሰረት ነሽ፣ አንቺ ከተበላሸሽ ይህ ህብረተሰብ ይበላሻል፣ አንቺ ከተስተካከልሽ ህበረተሰቡም ይስተካከላል። አንቺን ለማጥመምና ከእምነትሽ ትእዛዝ እንድታፈነግጪ፣ ከተፈጥሮሽ ለማውጣት፣ ከሂጃብሽ ለማላቀቅ ከአላህና ከመልእክተኛው ﷺ ተከታይነት አስወጥተው የሸይጧንና የስሜትሽ ተከታይ ሆነሽ የጀሀነምን ገደል ገብተሽ ህብረተሰቡንም ወደ ጀሀነም ገደል እንድታስገቢ ሸይጧንና የሸይጧን ወዳጆች የሚያደርጉትን ጥረት አውቀሽ ለእነሱ አላማ የሚመቻቸውን አካሄድ እርግፍ አድርሽ ትተሽ፣ ወደ አላህ ተመልሰሽ ሒጃብሽን ጠብቀሽ፣ ስለ ዲንሽ ተምረሽ አውቀሽ፣ ተግብረሽ ምርጥ ትውልዶችን የጀነት ሙሹሮችን አፍሪ።

ይህቺ አለም እያየሻት ነው አጭርናትና ለዘላለማዊ አለም ጥሩ ስንቅ ሰንቂ። እህቴ ሆይ! ነገ ወደ ቀብርሽ ተሸፋፍነሽ ከመሄድሽ በፊት ስሜትሽን ትተሽ ሸሪዓው እንዳዘዘሽ አሁኑኑ ተሸፋፋኚ!!።
አላህ ከጀነት ሙሹሮች ያድርገንም ያድርግሽም!!
✍🏻 ኢብን ሽፋ (t.me/ibnshifa)
የተለያዩ ት/ቶችን ለማግኘት የቴሌግራም ቻናላችን ⤵️ #join በማድረግ ይቀላቀሉ
https://telegram.me/IbnShifa
https://telegram.me/IbnShifa