Qaroo Post

Dhohinsi volkaanoo haalota lamatti uumamu: isaanis effusive fi explosive. Yoo ta'aan,

Dhohinsi effusive:- Laavaa dhaabbataa, dhangala’aa ta’een kan beekamu yoo ta’u, yeroo baay’ee walnyaatinsa basaltic kan ta’ee fi viscosity gadi aanaa kan qabu dha.  Dhohinsi kun gaazonni salphaatti akka ba’an kan taasisu yoo ta’u, jeequmsi akka hin uumamne taasisa.  Dhohinsi dhangala’aa yeroo baay’ee bakka ho’aa irratti kan uumamu dha.  Dhiibbaan naannoo isaanii sababa dhangala’aa laavaa bal’inaan mul’atuun biqiltootaa fi bu’uuraalee misoomaa balleessuu kan dabalatu yoo ta’u, kunis teessuma lafaa jijjiira. Yeroo booda laavaan haala qilleensaatiin miidhame biyyee lalisaa akka guddatu gumaacha, qonna guddisa.  Haa ta’u malee, dhiibbaan battalaa akkaataa idileetti naannootti kan argamu yoo ta’u, dho’iinsa explosive wajjin wal bira qabamee yoo ilaalamu cimaa miti.

Innii lammaffaa isaa yeroo ammaa biyyaa keenya Naannoo afarittii kaan ummamedha.

Dhohinsaa explosive:- gaazota, araa fi meeshaalee pirooklaastikii humnaan gadi lakkifamuudhaan kan beekamudha.  Dhohinsi kun kan uumamu maagmaa viiskoosiitii guddaa qabu kan akka andesitic ykn rhyolitic kan gaazota dhiibbaa Guddaa qabaaniin umaama.  Miidhaan naannoo  irratti geessisan bakkaa tokkoottii yoo umaamee Lafa kiilometra bayyee irraattii dhangala'uu danda'aa fi balaa guddaa kan fidu yoo ta’u, kunis sirna ikoo naannoo bal’inaan balleessuu, faalama qilleensaa fi haala qilleensaa baramaa jeequu dabalata.  Duumessi araa ifa aduu cufuu kan danda’u yoo ta’u, yeroodhaaf qabbanaa’uu Qileensa kan fidu yoo ta’u, gaasonni akka salfar daayi’oksaayidii gadi lakkifamuun ammoo rooba asiidii irratti gumaacha kan godhu yoo ta’u, qulqullina biyyee fi bishaanii miidha. Kanaaf of egannoo haa gonuu!

Maddi:- @astrogeol
@QarooPost

Amerikaan xiyyaara ofiishee rukutte!

Amerikaan Galaana Diimaa irratti xiyyaara waraanaashee F/A -18 rukutuun kuffisuun dhagahame.

Ministeerri Ittisaa US (Pentaagon) ibsa kenneen garee Hawutii qarqara Yaman irra socho'u irratti haleellaan erga geggeeffamee booda xiyyaara kana dogoggoraan rukutuu eere.

Doonii waraanaa Amerikaa USS S.Truman jedhamturraa misaa'ela dhukaafameem xiyyaarri kun haleelamuu himameera.

Balaliistotni xiyyaarichaa yerosuma utaalanii kan qubatan yoo ta'u tokkorra miidhaa cimaan gahuu gabaafame.

Ibsi gareen Hawutii baasu eegamaa jira.

Maddi: Washington Post
@QarooPost

Perezidaantiin Faransaay Imaanuyeel Maakiroon Finfinnee galan.

Pirezidaantiin biyya Faransaay Imaanuyeel Maakiroon daawwannaa hojiif yeroo dhufanitti Muummicha Ministeeraa Itiyoophiyaa Dr. Abuy Ahmadiin buufata xiyyaaraa idil-addunyaa booleetti simannaan ho'aan taasifameeraaf.

Pirezidaantichi turtii isaaniitiin marii biyyoota lamaaniirratti kan hirmaatanii fi bakkawwan garaagaraa kan daawwatan yeroo ta'u eebba masaraa mootummaa guddichaarratti akka hirmaatanis barameera.

Masaraan mootummaa kan pirezidaantonni biyyattii keessa jiraataa turan deeggarsa maallaqaa biyya Faransaayiin kan haareffamee xumurame yeroo ta'u, eebbaan booda uummataaf banaa ta'uudhaan namoonni akka daawwatan ni taasifama.

@QarooPost

16/12/2024
Waltajjiin ajandaa walitti qabuu marii biyyaalessaa Oromiyaatti eegaluun dhaga'aame.

Naannoo Oromiyaatti waltajjiin ajandaa marii walitti qabuu har’a Muddee 07, 2017 ALI Adaamaatti eegalamuu Komishiniin Marii Biyyaalessaa Itoophiyaa beeksise.
Waltajjicha irratti bakka bu'ootni kutaalee hawaasaa aanaalee 356 irraa walitti babba’an ni hirmaatuun eegama.

Watajjiin kun dhaabbileen siyaasaa ijoo naannicha keessa socho’an Adda Bilisummaa Oromoo (#ABO) fi Kongiresii Federaalawaa Oromoo (#KFO) adeemsicha kana irratti gaaffii “hirmaachisummaa fi walabummaa” kaasuun maricha irratti hirmaachurraa yeroo of qusatanii jiranitti eegalame.

Komishinichi marii hunda hirmaachise taasisuuf hojjechaa akka jiru ibsuus, dhaabbileen siyaasaa kanneen adeemsa hundeeffama komishinichaa fi hirmaachisummaa marii kanaa “haqa qabeessa miti” jechuun adeemsa marii kanarratti hirmaachurraa of qusataniiru.

#Addis Istaandaardi

@QarooPost

Dooniin xaa’oo biyyee kuntaala kuma 550 ol feete Jibuutii geese

Dooniin xaa’oo biyyoo Daappii jedhamu kuntaala kuma 550 olfeete Jibuutii gahuu Korporeeshiniin Hojiilee Qonnaa Itoophiyaa beeksise.
Xaa’oon biyyoo Daappii jedhamu kuntaalli miliyoonni 2.4 yeroo dhiyootti dooniwwan afuriin fe’amuun buufata Jibuutii kan qaqqqaban ta’uu himeera.
Xaa’oo biyyoo bara omishaa 2017/18 barbaachisu keessaa hanga ammaatti kuntaalli miliyoonni tokkoo ol Buufata Jibuutii qaqqabuu ragaan korporeeshinicharraa argame ni mul’isa.
Xaa’oo Buufata Jibuutii qaqqabe keessaa hanga ammaatti kuntaalli kumni 472 fi 210 gara biyya keessatti geejjibsiifamuu ibseera.

@QarooPost

10/12/2024
Dhaabbileen Siivilii ugguramanii jiran ‘hireen keenya balaa irratti kufe’ jechuun yaaddoo isaanii ibsan.

Dhaabbileen siivilii “gochaalee dantaa biyyaa miidhan irratti hirmaatan” jedhamuun Abbaa Taayitaa Dhaabbilee Siivilii Itoophiyaatin ugguraman hireen isaanii balaa irratti kufuu ibsan. Herreegni baankii isaanis jalaa ugguramuu hordofee hojjattootaaf mindaa kaffaluuf rakkachuu himan.

Dhaabbilee Giddugala Dagaagina Mirgaafi Dimookraasii (CARD) fi Waldaa Ogeeyyii Seeraa Mirga Namoomaaf jedhaman herreegni baankii isaanii waan uggurameef hojjattootaaf mindaa kaffaluu fi sochiilee biroo gaggeessuu dadhabuu hoggantoonni dhaabbilee kanneen himaniiru.

Daareektarri Giddugala Dagaagina Mirgaafi Dimookraasii (CARD) Mogas Damissee sochiin giddugalichaa waan dhaabbateef rakkoo mudateef furmaata laachuu akka hin danda’amne VOAtti himaniiru.

#Addis istaandaardi wabeeffanne.

@QarooPost

Humni elektirikii addaan cituu

Humna elektirikii guutuu biyyattiitti addaan cite deebisuuf tattaaffiin taasifamaa jiraachuu Humni Elektiriikii Itoophiyaa beeksise.

Har'a galgala kana tasgabbii dhabuu sistamaatiin rakkoo mudateen guutuu biyyattiitti humni elektirikii addaan citeera.

Rakkoo kana hiikuufi humnicha deebisuuf buufatalee maddoota humnaafi raabsaatti tattaaffiin olaanaa taasifamaa jira.

Rakkoo umame Humni Elektiriikii Itoophiyaa hiikee hanga bakkasaatti deebisutti obsaan akka nu eegdan kabajaan gaafachaa, odeeffannoowwan jiran hatattaamaan kan isiniin biraan geenyu ta'a.

Humna Elektirikii Itoophiyaa
Sadaasa 28 bara 2017
@QarooPost

Muummichi Ministeeraa Dr Abiy gaaffii Dabratsiyoon akka Geetaachoo Raddaan aangoorraa kaafaman dhiyeessan fudhachuu didan jedhame.

Ji'oota jahaa oliif waldhabdeerra kan jiran Dura Taa'aa TPLF Dabiratsiyoon Gabramikaa'el fi Pireezidantiin Bulchiinsa Yeroo Tigraay Geetaachoo Raddaa marii tibbana MM Abiy Ahimad waliin taasisan irratti wal-himachuu isaanii gabaafame.

Gareen TPLF Dabratsiyooniin hogganamu rakkoo Tigraay keessatti uumamaa jiruuf dadhabina bulchiinsa yeroo naannichaa ta'uu eeruun, ''Geetaachoon aangoorraa ka'ee iddoosaa ittaanaan isaanii Lt. Jeneraal Taaddasa Warrada akka qabatan" yaada dhiyeessan.

Geetaachoo Raddaan gama isaaniin, "bulchiinsi yeroo sirnaan hojiisaa akka hin dalagne gufuu kan taatan isinii" jechuun Dabrtsiyoon fa'a himatan.

Dabratsiyoon Obbo Geetaachoon aangoorraa ka'anii iddoosaanii Lt. Jeneraal Taaddasaan bakka haa bu'an isa jedhan Ministirri Mummee Abiy Ahimad akka hin fudhanne gabaafameera.

#BBC wabeeffanne.

@QarooPost

5/12/2024
Waraanni geggeeffamaa ture erga dhaabbatee booda Tigraay keessatti tamsa’inni dhibee #HIV dachaa lamaan dabaluu qorannoon akeeke.

Qorannoon dhiheenya kana Inistiitiyuutiin Qorannoo Fayyaa Tigraay gaggeesse naannoo Tigraay keessatti tatamsa’inni HIV/AIDS dabaluu mul’ise. Kunis waraana waggaa lamaaf gaggeeffameen dura 1.4% ture irraa gara 3% ol guddachuu ibsameera.

Qorannoon aanaalee 30 keessatti gaggeeffame kun kutaalee hawaasaa saaxilamoo ta’an kanneen akka buqqaatotaa biratti tatamsa’inni dhibee kanaan 5.5%, dubartoota daldala saalqunnamtii irratti bobbahan biratti ammoo 8.5% gahuu ibseera.

@QarooPost

Hogganaan fayyaa Ameerikaa Niiw Yoorkitti dhukaasa banameen ajjeefamaniiru.

Hojii gaggeessaan olaanaa United Health Care Biraayyan Toompsan Niiw Yoorkitti rasaasaan ajjeefame.

Haleellaan kun dursanii karoorfamee kan raawwatame ta’uu kan himame yoo ta’u, haleellaan kun kan raawwatame hoteela isaan walgahiif deeman Manhattan keessatti ta’uu himamee.

Akka komishinarri kutaa poolisii Niiw Yoork jedhanitti kun haleellaa tasaa miti.

Itti dabaluunis, namni haleellaa raawwate kun fuula isaa haguuggii gurraachaan haguugee, teeknooloojii adda addaa fayyadamuun tahu ibsaniiru.

@QarooPost

Obbo Taayyee Danda'aa Qaallittiidhaa Osoo bahanii balbalarratti poolisootaan qabamuu maatiin himan.

Angawaan duraanii mootummaa federaalaa Obbo Taayyee Danda’aa guyyaa har’aa mana hidhaa Qaallittiidhaa yeroo bahuuf jedhan balbalarratti poolisoota federaalaan fudhataman jechuun maatiin BBC'tti himaniiru.

Jalqaba torban kana Mana Murtii Waliigalaa Federaalaatti dhaddachi ijibbaataa Obbo Taayyeen wabiidhaan akka gadhiifaman murteessee ture.

Haa ta’u malee, ''dogongora baraa'' xalayaarra tureen hanga yoonaa osoo hin gadhiifamiin turuu fi kunis guyyaa har’aa erga sirratee booda simachuu dhaquu haati warraa isaanii Aadde Sintaayyoo Alamaayyoo dubbataniiru.

Ta’us, namoota ‘’huccuu poolisii federaalaa’’ uffataniifi konkolaataa ‘’taargaa poolisii maxxanfate’’tiin fudhatanii deeman jedhan.

‘’Nuti nagaa jechuuf gaafa itti deemnu nu daddarbatanii waan gaafanneefillee deebii osoo hin argatin obbo Taayyee fudhatanii deeman"jedhan.

Dhimma kanarratti hanga ammaa gama mootummaatiin wanti jedhame hin jiru.
Waggaa dura erga aangoorraa kaafaman booda kan hidhaman miseensi Caffee Oromiyaa Obbo Taayyee Danda’aa himannaan garagaraa sadii irratti banamee ture.

Kunneenis, hookkara kakaasuufii farreen nageenyaa deeggaruun akkasumas labsii meeshaa waraanaa cabsuu kan jedhanidha

Dhimmi isaaniis Mana Murtii Olaanaa Federaalaa Ramaddii Lidataatti ilaalamaa jira.
Manni murtii himatawwan irratti saaqame sadi keessaa lamaan bilisa jechuun himata meeshaa waraanaa seeraan alaa qabatanii argamuu kan jedhu akka ofirraa ittisan manni murtii kennee ture.

Obbo Taayyeenis aangawoota mootummaa dhimmicha beeku jedhan shan jecha ragummaa akka kennan waammatanii muraasa jecha yoo kennan, kan hafan ALI Mudde 03, 2017 akka kennan bellamni qabamee ture.

Osoo kanaan jiruuti gaafa Wiixataa Mana Murtii Waliigalaa Federaalaatti dhaddachi ijibbaataa akka wabiidhaan bahan murteessuu maatiin kan BBC’tti himan.

Ta’us, guyyaa Roobii har'aa erga bahanii booda poolisootaan qabamuu fi bakki jiran akka hin beekamne maatiin himan.


@QarooPost

4/12/2024
Hidhattooti WBO lakkoofsaan 800 ta'an waamicha mootummaan isaaniif taasise Simachuun harka kennachuu OBN gabaase.

Hidhattootni Waraana Bilisummaa Oromoo bakkeewwan giddugaleessa Naannoo Oromiyaa gara garaatii meeshaa isaanii waliin bosonaatii galuun gabaafame.
Kunis, erga Mootummaan Naannoo Oromiyaa dhihoo gartuu hidhattoota Waraana Bilisummaa Oromoo araara buusuu barbaadan waliin waliigalteen raawwatame boodadha.

Ajajaan duraanii Waraana Bilisummaa Oromoo Zoonii Giddugalaa, Sanyii Nagaasaa, booji'amanii osoo hin taane ''gidiraa ummataaf'' dursa kennanii waliigaluu dubbatan.

Mootummaan Naannoo Oromiyaas ‘’uummanni nageenya dheebotee nagaa gaafachaa ture WBO kallatti hundarraa gara giddu galeessaatti dhufaa jiruuf simannaa ho’aa taasisaa jira,’’ jedhe.
Paartiin Badhaadhinaa Oromiyaa immoo ''miseensonni WBO kallattii hundaan galuu itti fufanii jiru,'' jechuun ibseera.

Haatahu malee Mootummaan kana ibsus; ABO-WBO'n waliigalteen godhame ajajaa duraanii WBO Zoonii Gidduugaleessaa waliinidha malee, nu waliin kan taasifame miti '' jedhe.

Gorsaa Olaanaa Ajajaa Olaanaa ABO-WBO, Jireenyaa Guddataa ''Kun diraamaa mootummaan hojjetudha. Haala akkasiin nagaa uummanni gaafatu sana fiduu hin danda'amu. Warri amma galan kanneen kana dura sababa rakkoo naamusaan miseensummaa keessaa baafamanidha,'' jedhe.

Mootummaan ammoo waliigalteen mootummaafi ''WBO waamicha nageenyaa fudhatan gidduutti mallattaa'e qabatamaan hojiirra oolaa jira,'' jedhe.
Miidiyaaleen biyya keessaa akka gabaasanitti, guyyaa Kibxataa hidhattoonni dhibbaan lakkaa’aman hidhannoo isaanii waliin galaniiru.

Miidiyaan OBN hidhattootni kun aanaalee Godina Shawaa Lixaa 6 jechuunis Gindibarat, Cobii, Ilfataa, Aanaa Amboo, Midaaqanyiifi Jibaat keessa turan 800 ol waamicha mootummaa simatanii harka kennataniiru jedhe.

Suuraawwan miidiyaalee mootummaatti hidhata qabaniin qoodaman yeroo hidhattooti bakka qophaa’eef seenaniifi jaarsolii biyyaan simataman mul’isa.

Waliigaltee xumura torban darbe mallattaa’e aangawooti mootummaa yoo jajan, hidhattootni Waraana Bilisummaa Oromoo garuu busheessaniiru.

Qeeqxonni hedduunis "gartuu hidhattoota keessaa fottoqe waliin waliigaluun nageenya waaraa hin fidu jechuun qeequ.

Kana dura mariin marsaa lamaaf mootummaafi hidhattoota WBO gidduu Tanzaaniyaatti taasifamee ture.
Ta’us, mariin akkaan eegame dhukaasa dhaaburrattillee osoo wal hin galin xumurame.

Mariin sunis milkaa’uu dhabuu isaatti qaamoleen lamaan quba walitti qabuun isaanii ni yaadatama.

@QarooPost

Somaaliilaandifi Amerikaan hariiroo qaban caalmaan cimsuuf waliigalan

Somaaliilaandi fi Ameerikaan marii tumsa waloo cimsurratti xiyyeeffate gaggeessaniiru.

Jilli Ameerikaatti Ambaasaaddara Somaaliyaa Riichaardi Raayilii fi komaandara Humna Waloo Afrikaa Bahaa meejar Jeneraal Biriyaan Tii Kaashmaaniin durfamu Pireezidaantii haaraa Somaaliilaandii waliin Hargeessaatti mari’ateera.

Marii isaaniin jilli Ameerikaa kun filannoo Pireezidaantummaa Somaaliilaandi gaggeessite dinqisifachuun, Pireezidaantii Haaraa Somaaliilaandi ta’uun kan filataman Abdurrahmaan Mohammad Abdullaahii Iroof ergaa baga gammadanii dabarsaniiru.

Somaaliilaandi nageenya Bahaa Afrikaa mirkaneessuu fi hariiroo Somaaliilaandii fi Ameerikaa gidduu jiru caalmaatti cimsuuf mariin gaggeeffamuun ibsameera.

Abdurrahmaan Mohammad Abdullaahiin gamasaaniin, jila Ameerikaa waliin marii Ardichatti nagaaf tasgabbii mirkaneessuufi Demookiraasii babal’isurratti xiyyeeffate taasisuu gama miidiyaa hawaasummaa isaaniin ibsaniiru.

Mariin kun Ergama Somaaliilaandi fi Ameerikaa kan mirkaneessuu ta’uu ‘Horn Diplomat ‘gabaaseera.

@QarooPost