"በፈቃደኝነት ሥራ ለሚለቁ የመንግስት ሠራተኞች የ8 ወራት ደመወዝ እንከፍላለን" - ትራምፕ
 
የአሜሪካው ፕሬዚዳንት ዶናልድ ትራምፕ ያሳለፉት ውሳኔ የፌደራል መንግሥት መስሪያ ቤቶችንና ሠራተኞችን ቁጥር ለመቀነስ የያዙት ዕቅድ አካል ነው ተብሏል።

ፕሬዜዳንት ትራምፕ፣ "በፈቃደኝነት ሥራ ለሚለቁ የመንግስት ሠራተኞች የስምንት ወራት ደመወዝ እንከፍላለን" ማለታቸው መነጋገሪያ ሆኗል።

የትራምፕ አስተዳደር ለፌደራል መንግሥት መስሪያ ቤቶች በላከው ኢሜይል በፕሮግራሙ መካተት የሚፈልጉ ሠራተኞች እስከ ጥር መጨረሻ ቀነ ገደብ እንደተሰጠ እና ደመወዛቸውን ለመክፈል ቃል እንደተገባላቸው ያሳያል።

በአሜሪካ ሁለት ሚሊዮን የሚጠጉ የፌደራል መንግስት ሠራተኞች እንዳሉ የተገለጸ ሲሆን፤ ከእነዚህ ውስጥ 10 በመቶ የሚደርሱት ሠራተኞች ይለቃሉ ተብሎ ይጠበቃል፡፡

@ThiqahEth