🇵🇸ሐምዱ ቋንጤ🇵🇸

✍
    እድሜ ልኩ በክህደት ኖረ: ሙቶም ጀናዛው አቃጠሉት፤ በዓለም ዙሪያ ያሉ ሙወሒዶች በሌለበት ሰግደው ዱዐ አደረጉለት!!
  ያ……ረሕማን ዕዝነትህ ምንኛ የሰፋ ነው!!??


  በወርቅ ቀለም ሳይሆን በዐይን ደም መፃፍ ያለበት ሊታመን የሚከብድ አስገራሚ እና አስተማሪ የሆነ ገጠመኝ………

  የገጠመኙ ባለቤት “ኻሊድ አል_ኪንዲ” ይባላል 🤲አላህ ይዘንለት🤲
  ይህ ወንድም በገጠመው ህመም ምክንያት ወደ ህንድ ሀገር ለህክምና ይሄዳል። ህክምናውን ለማድረግ ሆስፒታል ገብቶ አልጋውን ይዞ ይተኛል። በዚህ ሁኔታ ላይ ሳለ ነው ተኣምሩ የተከተሰው።

ባለ ታሪኩ ኻሊድ አል_ኪንዲ ገጠመኙ እንዲህ ፅፎ አስቀምጦታል……
   "ከዕለታት በአንዱ ቀን ሆስፒታል ውስጥ ተኝቼ ባለሁበት ዕንቅልፍ ሸለብ ያደርገኛል። በዕንቅልፍ ሰመመን ላይ ሆኜ ሳለሁ አጠገቤ የሚዟዟር ሰው ያለ ዐይነት ስሜት ተሰማኝ። አንገቴን ቀና አድርጌ ስመለከት: አጠገቤ ያስቀመጥኩት ስልክ የለም። ዐይኔን ሳዟዙር አንድ የሆስፒታሉ ሰርቨር የሆነ ህንዳዊ ወጣት ስልኬን ይዞ ተቀምጧል። ይህ ህንዳዊው  "ቡድሂዝም" የሚባል የኩፍር ሐይማኖት ተከታይ ሲሆን በተወሰነ መልኩ ዐረብኛ መረዳት የሚችል ነበር።
  ስልኬን እንዲመልስልኝ ብጠይቀውም አልሰማኝም። ተነስቼ ልቀበለው ስል ዐይኖቹ እንባ ቋጥረው በተመስጥኦ የሆነ ነገር እያዳመጠ ነው። ሲሰማው የነበረው ሸይኽ ሷቢር 🤲አላህ ይዘንለት🤲 ስለ ሞት ያደረገው ሙሓደራ ነበር። ወጣቱ ስልኬን መለሰልኝና ወጣ። ከዝያች ሰዓት ጀምሮ ክፍት በሚሆንበት ሰዓት ሁሉ ወደ እኔ እየመጣ "ያ አሰምተኸኝ የነበረው ዐይነት ነገር ክፈትልኝ" ይለኛል።

   እኔም አንዳንድ የሰለፍዮች ሙሓደራዎች እና ቁርኣን እከፍትለታለሁ። ተመስጦ ያዳምጣቸውና "በጣም ደስ የሚል ነው" ይለኛል። እኔም 🤲አላህ ሆይ! ወደ እስልምና ምራው🤲 እያልኩ ዱዐ አረግለታለሁ። ስለም ልለው ግን እምቢ ይለኛል ብዬ ፈራሁኝ፤ ዱዐ ብቻ አደርግለታለሁ።

  ህመሜ እየበረታብኝ እየሆነ መሆኑ ሲያይ
"የከፈትክልኝ መንገድ ሳታሳየኝ እንዳትሞት ፈራሁኝ" አለኝ። እኔም: “እንግዲያውስ አንተ ስለም፤ ለእኔ አትፍራ። እኔ ብሞት እንኳ በእስልምና ላይ ሆኜ ነው: አላህ በዕዝነቱ ጀነት ሊያስገባኝ ይችላል። አንተ ግን እስልምና ሳትቀበል ከሞትክ መጨረሻህ ማብቂያ የሌለው እሳት ነው የሚሆነው አልኩት።”

  ጉልቤቴ ላይ ተደፍቶ "እሺ ምን ልበል?" አለኝ።
ሁለቱም ዐይኖቼ ዕንባ ማፍሰስ ጀመሩ። ማልቀሴን እንጂ ለምን እንደ ማለቅስ ሁላ አላቅም።

  ☝️ከአላህ በስተቀር በሐቅ የሚመለክ አምላክ እንደሌለ፤ ሙሐመድም የአላህ መልእክተኛ እንደሆኑ እመሰክራለሁ!! ብሎ እስልምና ተቀበለ።
  ራሴን መቋቋም እስኪያቅተኝ ድረስ ተንሰቅስቄ አለቀስኩኝ"
             ብሎ ወንድም ኻሊድ አል_ኪንዲ ገጠመኙን ፅፎታል።


በጣም አስገራሚው ታሪክ ቀጥሎ ያለው ነው………
  የሞት ፅዋ የማትጎነጭ ነፍስ የለችምና ወንድም ኻሊድ ህንዳዊው ወጣት በሰለመበት ቅፅበት በጣም በመደሰቱ የልብ ህመሙን ይባባስበትና ሩሑ ከስጋው ትለያለች።

  ህንዳዊው ወጣት በጣም ዐዘነ፤ ተከዘ። ገና ጨርሶ ያልተዋወቀው ጓደኛው፣ ከጨለማ ወደ ብርኀን ያመላከተው ወዳጁ በዐይኑ እያየው ዱንያን ተሰናብቶ ወጣ። 🤲አላህ ከደጋጎች ተርታ ያሳርፈው🤲
  ቀጣዩን ታሪክ የሚነግረን ደግሞ ማዚን የሚባል ከኻሊድ ጋ የነበረ የቋንቋ አስተርጓሚ ነው።


    "ወንድም ኻሊድ ከሞተ በኋላ ህንዳዊው ወንድማችን በጣም ዐዘነ። ዐይኖቹ እንባውን ማቆም አልቻሉም። ጀናዛውን ስናጥብ እና ስንከፍን ከእኛው ጋ ሆኖ አገዘን። በዚህ ጥልቅ በሆነ ሀዘን ላይ እንዳለ ለካስ የእሱ የዱንያ ኮንትራት ማብቂያ ደርሶ ነበርና ራሱን ስቶ ወደቀ። የወዳጁን ሩሕ ተከትላ የእሱም ሩሕ ከስጋው ተለየች። የወንድም ኻሊድ ጀናዛ ሳይቀበር ህንዳዊው ወጣትም ገና እስልምና ከተቀበለ ጥቂት ሰዓቶች እንደተቆጠሩ ዱንያ ተሰናብቶ ወደ አኼራ። አላሁ አክበር!! 🤲አላህ በሰፊ ዕዝነቱ ይቀበለው🤲
  ህንዳዊው ወጣት ባልደረቦቹም ይሁን ቤተሰቦቹ የሚያውቁት በኖረበት የኩፍር እምነት ላይ ነውና ጀናዛውን በቡድሂዝም ሐይማኖት መሰረት በእሳት አቃጠሉት።"

   ኢንሻ አላህ ይህ የመጨረሻው ቃጠሎው ይሆንለታል!!


  ይህንን አስገራሚ ተኣምር የሆነ ታሪክ ከተሰማ በኋላ በዓለም ዙርያ ያሉ ብዙ ሱንዮች በህንዳዊው ወንድማችን ሰላት አል_ጋኢብ ሰግደውበታል!!
☝️አላህ
🤲ሁለቱም ወንድሞቻችን በጀነተል ፊርደውስ ይሰብስባቸው🤲
          🤲ኣሚን!!🤲



ከገጠመኙ የምንማራቸው ብዙ ነጥቦች ቢኖሩም; ትልቁ ትምህርት………
👌አንድ ሰው ቦታ እና ጊዜ ሳይገድበው ባገኘው አጋጣሚ እስልምናውን ማንፀባረቅ እና ወደ እስልምና መጣራት እንዳለበት ነው !!




🤲በእስልምና አኑሮ በእስልምና ይግደለን🤲
https://t.me/hamdquante

👇👇👇👇

ከምሽቱ ⌚️2:50 ሲል

እጃችሁ አፋችሁ ላይ አድርጋችሁ: አንገታችሁ እያወዛወዛችሁ የምትደመሙበት ታሪክ እናጋራችኋለን!!




👇👇እዚሁ ጠብቁን👇👇
https://t.me/hamdquante

✍
   የእነሱ መባላት ለእኛ ዕረፍትም ድልም ነው!!

ከሃዲያኖች ላይ ከሚደረጉ ትላልቅ ዱዐዎች አንዱ
🤲"اللهم اجعل بأسهم بينهم شديد"
"አላህ ሆይ! በመሃላቸው ያለው ፍትጊያ የበረታ አድርገው" የሚለው ትልቁ ዱዐ አንዱ ነው።

  ይህ ዱዐ ወይም የከሃዲያኖች ዕርስ በዕርስ መባላት ለሙስሊሞች ምን ያህል ዕረፍት እና ስኬት እንደ ሚያመጣ በቲዎሪ ከማብራራት ይልቅ ከቅርብ ዓመታት ወዲህ ዓለም ላይ እየሆኑ ያሉ ክስተቶች መመልከት የተሻለ ግንዛቤ ይሰጣል።

  "ሀያላን" በሚባሉ ከሃዲ አረመኔዎች የምትዘወረው ዓለም: ለሙስሊሞች እና ለመላው ምስኪን ጭቁኖች መከራ መሆኗ እሙን ነው። በመሆኑም እነዚህ ከሃዲያን መሪዎች በሚያስተዳድሯቸው ሀገሮች የሚኖሩ ሙስሊሞችም ይሁኑ በራሳቸው ሀገር እየኖሩ የከሃዲያኖች ሴራ የተሸረበባቸው የሙስሊም ሀገሮች የሚኖሩበት መከራ እና የሚያዩት ስቃይ የአደባባይ ሚስጥር ነው።

  ይህ እየሆነ ባለበት: እነዚህ የዓለም ፖለቲካ ባላቸው የኢኮኖሚ አቅም በቁጥጥራቸው ስር ያደረጉ ሀያላን አረመኔዎች ዕርስ በዕርሳቸው የሚያባላ ጦርነት ውስጥ በሚገቡ ጊዜ በእነርሱ ሲጨቆኑ የነበሩ ንፁሃን ሁሉ "እፎይ" ይላሉ።

ከቅርብ ዓመታት ወዲህ እንኳ ብናይ፦
ኣሜሪካ ከቻይና፣
ኣሜሪካ ከራሺያ፣
ራሺያ ከዩክሬን
በቀጥታም ይሁን በተዘዋዋሪ እየተዋጉበት ያለው ጦር ሜዳ ከተከፈተ በኋላ ዓለም ላይ ያሉ ሙስሊሞችም ይሁኑ የሙስሊም ሀገሮች ያገኙት ሰላም እና ስኬት እጅግ በጣም ብዙ ነው።

መታወቅ ያለበት………
   እኛ ሙስሊሞች ድላችንም ይሁን ሽንፈታችን በጠላቶቻችን ሁኔታ ላይ የሚመዘን አይደለም፤ የጠላቶቻችን መጠንከርም ይሁን መድከም እኛ ላይ የሚፈጥረው ተፅዕኖ የለም። የምናሸንፈውም ይሁን የምንከስረው እኛው ጋ ባለው ሁኔታ መሰረት ነው። ባለን ኢማን እና ሰላሕ ልክ ድላችን ሲጠነክር፤ ኢማናችን ሲደክም እና ሰላሓችን ሲጠፋ ሽንፈት እንላበሳለን።
  መሰረታዊው ነገር ይህ ከመሆኑም ጋ የጠላት ዕርስ በዕርስ መባላት የእኛ ሰላም እና ስኬት እንዲመጣ ትልቅ አስተዋፅኦ አለው።
 
  ደስታውን አጣጥመን ያልጨረስነው የሶሪያ ነፃነት እንዲመጣ ሰበብ ከሆኑ  ክስተቶች አንዱ ይኸው ነው።
  የራሺያው የኩፍር መንግስት ከዩክሬን አቻው ጋ ደም አፋሳሽ እና ዕልህ አስጨራሽ ጦርነት ውስጥ ይገኛል፤
በመሆኑም………
  የረዥም ጊዜ ወዳጁ እና በ"ፀረ_ሙስሊም" ዘመቻ ላይ የጀርባ አጥንት ሆኖ ሲያግዘው ለነበረው ውሻ (በሻር አል_አሰድ) መድረስ አልቻለም።

  የሙስሊም ማሊያ ለብሶ ሙስሊሞች ላይ ጭራቅ የሆነው "ሂዝቦላህ" የተባለው የ"ሂዝበላት" ቡድን ከየሁዷ ኢስራኤል ጋ የውሸትም ይሁን የምር ባልታወቀ ጦርነት ተጠምዷል፤
በመሆኑም………
  ለወዳጁ እና ለቢጤው በሻር መድረስ አልቻለም።

  የንፍቅና እና የክህደት ምሳሌ የሆነችዋ ኢራን: ከድብቅ ወዳጇ የአይሁድ ስብስብ ከሆነችዋ ኢስራኤል ሰጣ ገባ ውስጥ ትገኛለች፤
በመሆኑም………
  ለባልደረባዋ በሻር መድረስ አልቻለችም።

  ይህንን ገራሚ እና ምቹ አጋጣሚ ያገኙ ነቄ የሶሪያ ታጋዮች በከሃዲ ነገስታቶች ዕርዳታ ምስኪን ሙስሊሞችን ሀገራቸው ጀሀነም አድርጎባቸው የሰነበተው የሙጅሪሙ በሻር አል_አሰድን አገዛዝ ገርስሰው የኢስላም እና የሰላም ነፋስ እንዲነፍስ አደረጉ።


  የኢማን እና የጥበብ መፍለቂያ፤ የዕውቀት እና የጀግንነት ውሃ ልክ በሆነችዋ የመን የተጀመረው ዘመቻ በዚሁ መንገድ አላህ ድሉ ለሙስሊሞች እንዲያደርገው እየተማፀንን:
  ከሀዲያኖች መሃል ያለው ጦርነት አላህ የበረታ እንዲያደርግባቸው፤ ዕርስ በዕርስ የሚጨራረሱበት አቅም እና ወኔ እንዲሰጣቸው ደግመን እንለምነዋለን!!

🤲اللهم اجعل بأسهم بينهم شديد
🤲اللهم فرق جمعهم
🤲وشتت شملهم
🤲وخالف بين وجوههم وأفكارهم وآرائهم
🤲اللهم اجعل تدبيرهم تدميرا لهم



🖊ሐምዱ ቋንጤ ከፉርቃን ሰማይ ስር!!
https://t.me/hamdquante

✍
    የከሃዲያኖች ዕርስ በዕርስ መባላት
ለሙስሊሞች ትልቅ የሆነ ዕረፍት እና የስኬት ምንጭ ነው!!



በአላህ ፈቃድ በሰፊው ይዳሰሳል👇👇👇

https://t.me/hamdquante

✍
ወይ በተሻለ ተክቶልህ, አልያም ትክክለኛው ጊዜ አልደረሰም ሊሆን ይችላል እንጂ;
አላህን ለምነኸው የሚከለክልህ ነገር የለም!!

📖{وَآتَاكُم مِّن كُلِّ مَا سَأَلْتُمُوهُ…}
{የለመናችሁትን ሁሉ ሰጥቷችኋል…}
   [ኢብራሂም:³⁴]





https://t.me/hamdquante