የኢትዮጵያ ንግድ ባንክ ፕሬዚዳንት አቶ አቤ ሳኖ ከታንዛንያ የመጣ የልኡካን ቡድንን በጽ/ቤታቸው ተቀብለው አነጋገሩ።
**************

የታንዛንያው ልኡካን ቡድን በፋይናንሱ ዘርፍ በኢትዮጵያ እየታየ ያለውን የለውጥ እንቅስቃሴ እና የኢትዮጵያ ንግድ ባንክን ተሞክሮ ለመውሰድ፤ ከባንኩ ፕሬዚዳንት አቶ አቤ ሳኖ ጋር ዛሬ ጥር 21 ቀን 2017 ዓ/ም የጋራ ውይይት አድርጓል።

በኢትዮጵያ ንግድ ባንክ ፕሬዚዳንት ጽ/ቤት በተደገው ውይይት፤ የኢትዮጵያ ንግድ ባንክ የስትራቴጂ እና ትራንስፎርሜሽን ምክትል ፕሬዚዳንት ዶ/ር እስክንድር አስፋው ባደረጉት ገለጻ ፦ ከኢትዮጵያ ኢንቨስትመንት ሆልዲንግ (EIH) መቋቋም በኋላ፤ በኢትዮጵያ ንግድ ባንክ ውስጥ የታዩ ለውጦችን ባንኩን ወደ ተሻለ ምእራፍ ያሸጋገሩት መሆናቸውን ለ ታንዛንያው ልዑካን ቡድኑ አስረድተዋል፡፡

የኢትዮጵያ ንግድ ባንክ ፕሬዚዳንት አቶ አቤ ሳኖ በወይይቱ ወቅት ለተነሱት ጥያቄዎች የማጠቃለያ ገለጻና ማብራሪያ ለታንዛንያው ልዑካን ብድኑ ሰጥተዋል፡፡

በውይይቱ ማጠናቀቂያም የታንዛንያው ልኡካን ቡድኑ የኢትዮጵያ ንግድ ባንክ ዋና መ/ቤት ሕንጻን ተዘዋውሮ ጎብኝቷል።