ሐረር ላላችኹ ጥቂት ቅጆች ብቻ አሉ።
  በ0921580043 ለዐለም ብላችኹ ታገኛላችኹ።

▰መስተዋድድ - አገባብ - Preposition▰

ይህ መጽሐፍ ከቅዱሳት መጻሕፍት ልዩ ልዩ ጥቅሶችን በመጥቀስ በዐረፍተ ነገር ውስት የግእዝ መስተዋድዳን ቃላት አደራደር፣ አሰካክ፣ አቀማመጥና አነባበርን የሚያስረዳ መጽሐፍ ነው። ስሙም “መስተዋድድ” ተብሎ ተሰይሟል።

መስተዋድድ የሚለው ቃልም “አስተዋደደ” ከሚለው የግእዝ ግስ የተገኘ ባዕድ  ቅጽል ሲሆን ትርጓሜው “የሚያስማማ፣ የሚያዋድድ፣ የሚያዋህድ፣ የሚያቈራኝ፣ የሚያጋጥም፣ የሚያመቻች፥ አስማሚ” ማለት ነው። መስተዋድድ በአማርኛ ሥያሜው “አገባብ” ነው።

አገባብ ከማለት ይልቅም “መስተዋድድ” የሚለውን የራሱ የግእዝ ሥያሜ እንዲይዝ ተደርጓል። መስተዋድድ ለሚለው ቃልም “መስተሰናእው” የሚል ሞክሼ ቃል ያለው ሲሆን ለአንባብያን የተለመደ ቃል የሆነው ይህ “መስተዋድድ” የሚለው ቃል ተመርጧል።

ይህ መጽሐፍ የመጀመሪያውን የቅኔ ደረጃ አጠናቅቀው ቅኔ ለመቀኘት እስከ ፫ ዐመትና ከዚያ በላይ፤ ሙሉ የቅኔን ትምህርት አጠናቅቀው የቅኔ መምህር ለመሆን ከ፯ ዐመታት በላይ ብዙ ይደክሙ የነበሩ ደቀ መዛሙርት በቀላሉ የሚማሩበት ሲሆን ቅኔን የሚያስተምሩ የቅኔ መምህራን ደግሞ በልበ ምሉእነት የሚያስተምሩበት እጅግ በጣም ጠቃሚ መጽሐፍ ነው።

በተጫማሪም የግእዝ ቋንቋ ንግግር ክህሎታቸውን ለማዳበር ለሚተጉና ለሚጥሩ አንባብያን ሁሉ መሠረትና ምሰሶ ነው።

በዚህ መጽሐፍ ውስጥ የተጠቀሱ ጥቅሶች ከልዩ ልዩ ቅዱሳት መጻሕፍት ውስጥ የተወሰዱ በመሆናቸው ይህን መጽሐፍ የሚያነቡ ሁሉ የቅዱሳት መጻሕፍት ዕውቀታቸው እጅግ የላቀ ይሆናል።

የዚህ መጽሐፍ መጻፍ ዋና ዓላማም የግእዝ መስተዋድዳን ቃላት በጕልህ ከማስገንዘብ ባሻገር አንባብያንን ሁሉ ከቅዱሳት መጻሕፍት ጋር ማስተሳሰርና፣ ማዛመድና ማቈራኘት ነው።

አንዳንዱ ዐቢይ መስተዋድድም በልዩ ልዩ ትርጓሜ የሚተረጐም ሲሆን ከቅዱሳት መጻሕፍት ሙሉ መረጃና ማስረጃ ቀርቦለታል፡፡ አልፎ አልፎም ዐይናማዎች የቅኔ መምህራን የተቀኟቸው ቅኔያት እንደ ተጨማሪ ማስረጃና መረጃ ሆነው ቀርበዋል፡፡