ሩቅ አይደለም !

ምንም ይሰማህ ምን እግዚአብሔር እውን ነው።
ነገሮች በመልካም ክንውን ላይ ባሉ ጊዜ ማለት ምግብ ፣ ጓደኞች፣ ቤተሰብ ፣ ጤና ሲሰጥህ እሱን ማምለኩ ቀላል ነው። ነገር ግን ሁኔታዎች ሁልጊዜ ደስ የሚሉ አይደሉም። እንዲህ ባለው ጊዜ እግዚአብሔርን የምታመልከው እንዴት ነው?1,000,000ኪሎ ሜትር ያህል የራቀህ ሲመስልህስ ምን ታደርጋለህ?

የአምልኮ ጥልቀት መለኪያዎች፣ በህመም ጊዜ  እግዚአብሔርን ማክበር፣ በመከራ ጊዜ ማመስገን፣ በፈተና ወቅት  እሱን መታመን እና የራቀ በሚመስልበት ጊዜ እሱን  መውደድ ናቸው።

ወዳጅነት ብዙ ጊዜ በመለየትና በዝምታ ይፈተናል። ሰው በአካል በመራራቅ ወይም ለመነጋገር ባለመቻል ይለያያል። ከእግዚአብሔር ጋር በሚኖርህ ወዳጅነት አብዛኛውን ጊዜ ወደ እርሱ የቀረብህ መስሎ አይሰማህም። ፊሊፕ ያንሲ የተባለ የስነ-መለኮት ጸሐፊ እንዲህ ብሏል፦ "በማንኛውም ግንኙነት የመቀራረብና የመራራቅ ጊዜ አለ። ከእግዚአብሔር  ጋር በሚደረግ ግንኙነትም  የቱን ያህል ቁርኝት ቢኖር መቀራረቡና መራራቁ ይፈራረቃል" አምልኮ አስቸጋሪ የሚሆነው እንዲህ ባለ ጊዜ ነው።

እግዚአብሔር ከእርሱ ጋር ያለህን ወዳጅነት ለማሳደግ ሲል የተወህና የተረሳህ በሚመስል ጊዜ አማካኝነት ወዳጅነትህን ይፈትነዋል። ጆን ኦፎ ዘ ክሮስ የተባለው ሰው የመንፈሳዊ ድርቀት፣ የጥርጣሬና የመራራቅ ስሜት የሚፈጠርባቸውን እነዚህን ቀናት "ጭለማዎች የነፍስ ሌሊቶች "ብሏቸዋል። ሄነሪ ኖውን የተባለ ሰው  ደግሞ "ያለ መገኘት አገልግሎት" ኤ ደብሊዉ  ቶዘር "የሌሊቱ አገልግሎት "  ሌሎች ደግሞ  "የልብ ክረምት"ብለውታል።

ከእየሱስ ቀጥሎ ዳዊት  ከማንም  ይልቅ  የእግዚአብሔር የቅርብ ወዳጅ  ሳይሆን አይቀርም። "  እግዚአብሔር እንደ ልቡ የሆነ ሰው መርጦአል፤ "
(መጽሐፈ ሳሙኤል ቀዳማዊ 13: 14) ዳዊት ግን  እግዚአብሔር እጎኑ ያልተገኘ ጊዜ  እንዲህ በማለት በተደጋጋሚ ቅሬታውን እንዲህ ገልጿል  " አቤቱ፥ ለምን ርቀህ ቆምህ? በመከራም ጊዜ ለምን ትሰወራለህ?"
(መዝሙረ ዳዊት 10: 1) " አምላኬ፥ አምላኬ፥ ለምን ተውኸኝ? እኔን ከማዳንና ከጩኸቴ ቃል ሩቅ ነህ።" (መዝሙረ ዳዊት 22: 1)

እግዚአብሔር ዳዊትን አልተወውም አንተንም አይተውህም  እንዲህ  በማለት ተስፋ ሰጥቶሃል፦ " በፊትህም የሚሄድ እርሱ እግዚአብሔር ነው ከአንተ ጋር ይሆናል፥ አይጥልህም፥ አይተውህም አትፍራ፥ አትደንግጥ አለው።"
(ኦሪት ዘዳግም 31: 8)፤ " አልለቅህም ከቶም አልተውህም ብሎአልና፤"
(ወደ ዕብራውያን 13: 5) ነገርግን፦ "ሁልጊዜ ህልውናዬ ይሰማሃል"በማለት እግዚአብሔር ቃል አልገባም። እንዲያውም አንዳንድ ጊዜ ፊቱን ከእኛ የሚሰውር መሆኑን ያምናል " የእስራኤል አምላክ መድኃኒት ሆይ፥ በእውነት አንተ ራስህን የምትሰውር አምላክ ነህ።" (ትንቢተ ኢሳይያስ 45: 15) በህይወትህ የሚከናወነውን ሥራ አቋርጦ  በድንገት የሚጠፋ የሚመስልባቸው ጊዜዎች አሉ።

ፍሎይድ ማክለንድ የተባለ ሰው እንዲህ ያለውን ጊዜ ሲገልጠው፦"አንድ ቀን ማለዳ ከእንቅልፍ በምትነቃበት ጊዜ መንፈሳዊ ስሜቶችህ ትተውህ እንዲጠፉ ትረዳለህ። ትጸልያለህ ምንም አይሆንም። ዲያቢሎስን ትገስጻለህ፤ ድርጊትህ የሚያመጣው ለውጥ የለም። ልዩ ልዩ መንፈሳዊ  ነገሮችን ታከናውናለህ...,ትዝ የሚሉህን ኃጥአቶች ሁሉ ትናዘዛለህ፤  የምታውቃቸውን ሰዎች ሁሉ እየዞርከ ይቅርታ ትጠይቃቸዋለህ። ትጾማለህ አሁንም ምንም የሚሆን ነገር አይኖርም። ይህ መንፈሳዊ ጭጋግ  እስከመቼ ነው የሚቆየው? የሚለው ነገር ያሳስብሃል። ለቀናት? ለወራት? ለሳምንት?.... ያልፍ ይሆን?  ጸሎትህ ከጣራ ጋር እየተላተመ  የሚመለስ መስሎ ይሰማሃል። ምንነካኝ? እያልክ በተስፋ መቁረጥ ታለቅሳለህ።"

እውነቱን ለመናገር አንተ ምንም አላጠፋህም! ይህ ሁኔታ  የተለመደና ከእግዚአብሔር ጋር ያለህን ወዳጅነት  መፈተኛና ማሳደጊያ ሂደት ነው።
ማንኛውም  ክርስቲያን ቢያንስ አንዴ አብዛኛውን ጊዜ ግን በተደጋጋሚ  እንዲህ ባለ ሁኔታ ውስጥ ያልፋል።ሁኔታው አስቸጋሪና ግራ ቢያጋባም ለእምነትህ ማደግ ፍፁም አስፈላጊ ነው። ሁላችንም የምንጋፈጠው  የእምነት መፈተኛ ጭምር ነው። የእግዚአብሔር ህልውና የማይሰማህና በህይወትህ  በመስራት ላይ  ያለ መሆኑ ግልጥ ማረጋገጫ  በማይኖርህ ጊዜ  እግዚአብሔርን መውደድህን፣  ማመንህን መታዘዝህን ማምለክህ ቀጥል።

እዎን ርቆን አይደለም❌❌

ለእኔ ሕይወት ክርስቶስ ነው
➥ @CHRIST_TUBE
➥@CHRISTFAMILY