" ከሳምንቱ የተሻለ እናደርጋለን " አርኔ ስሎት

የሊቨርፑሉ ዋና አሰልጣኝ አርኔ ስሎት በዛሬው ጨዋታ ቡድናቸው የተሻለ እንደሚንቀሳቀስ በሰጡት አስተያየት ገልጸዋል።

" ሰዎች በመጀመሪያው ዙር መጥፎ ጨዋታ እንዳደረግን ያስባሉ እኔ ግን አልስማማም ፒኤስጂ ጥሩ ስለተጫወተ ነው " ሲሉ አርኔ ስሎት ተናግረዋል።

አክለውም " ነገርግን ባለፈው ሳምንት ካሳየነው እንቅስቃሴ የተሻለ ነገር ማድረግ እንደምንችል እናውቃለን “ ብለዋል።

" ሊቨርፑልን ማሰልጠን የፈለኩት ክለቡ ባለው ታሪክ ፤ ተጨዋቾቹ ባላቸው ጥራት እና እናንተ ሊቨርፑል ለሁሉም ነገር እንዲፎካከር ስለምትጠብቁ ነው " አርኔ ስሎት

ኔዘርላንዳዊው የፊት መስመር ተጨዋች ኮዲ ጋክፖ ለጨዋታው ዝግጁ መሆኑን አሰልጣኝ አርኔ ስሎት አያይዘውም አረጋግጠዋል።