GSFGBC፡ ጎሮ ሰፈራ ሙሉ ወንጌል አማኞች ቤ/ክ

ሰላምና ጸጋ ይብዛላችሁ

ነገ እሁድ የመጨረሻ ቀን የጾምና የጸሎት ማጠቃለያ ነው ሰለሆነም ሁላችንም በጾም ሆነን ነው የምንመጣው

የጌታንም ዕራት ሰለምንወስድ ተዘጋጅተን እንድንመጣ በጌታ ፍቅር እናሳስባለን

ፕሮግራም ልክ 2 ሰዓት ይጀምራል

ሁላችሁም ተገኝታችሁ ከዚህ በረከት ተካፋይ ሁኑ

ከዚህ ፕርግራም መቅረት መጉደል ነው

"የሰላም ጌታ ራሱ በሁሉም ነገር ዘወትር ሰላም ይስጣችሁ።"

(2ተሰ 3፥16 አመት

ሰላም ጌታ አላት—ሠሪና ገዢ። እውነተኛዪቱን ሰላም ፈላጊዋ ብዙ (አብላጫ) አይደለም፤ የምትገኘው ከጌታ ዘንድ ነውና። ጳውሎስ የ2ኛ ተሰሎንቄን መልእክት ሲያጠቃልል ይህቺኑ ሰላም በቡራኬ በመመኘት ነው፤ "የሰላም ጌታ ራሱ በሁሉም ነገር ዘወትር ሰላም ይስጣችሁ" (2ተሰ 3፥16)። እርሱ የሰላም ጌታ ስለሆነ፣ መገኘቱ፣ ህልውናውም ሆነ ፈቃዱ ሰላምን የያዙ፣ ያማከሉም ናቸው። ሰላሙንም የርሱ ለሆኑ ሁሉ ባለማቋረጥ ይሰጣል፤ ያበዛልም።

"ሰላምን እተውላችኋለሁ፤ ሰላሜን እሰጣችኋለሁ፤ እኔ የምሰጣችሁ ዓለም እንደሚሰጣችሁ አይደለም። ልባችሁ አይጨነቅ፤ አይፍራም።"

(ዮሐ 14፥27 አመት)



የክርስቶስ ሰላም የተሰጠ ሰላም፣ የተቸረ ሰላም ነው። የእርሱ ሰላም በአምላካዊ ኅልውናው ላይ የተመሠረተ፣ ከዚያም የሚመነጭ ስለሆነ እርሱ በሙላት ወይም በአካል ካልተገኘ አይመጣም የሚባል አይደለም፤ በአምላካዊ ህልውናው ይመሠረታልና፤ "ሰላምን እተውላችኋለሁ፤ ሰላሜን እሰጣችኋለሁ፤ እኔ የምሰጣችሁ ዓለም እንደሚሰጣችሁ አይደለም። ልባችሁ አይጨነቅ፤ አይፍራም" (ዮሐ 14፥27)። የጌታ ተስፋ በጌታ አቅም የሚፈጸም፣ ባሕርይውን የሚከተል ስለሆነ ያለ ጥርጥር ይፈጸማል። የሰጠውና የሚሰጠው ሰላም በዘመን መካከል ያልቀነሰና ያልተሸራረፈ ሰላም ነው። እርሱን ያመኑና በርሱ የኖሩ ሁልጊዜ የሰላሙ ተካፋይ ናቸው። ሰላሙን ሊጠጉ የሚሞክሩ ብዙ ነገሮች ሊኖሩ ይችላሉ፤ ሰላሙ ግን አይነኬ ነው። ለዚህም ነው ጭንቀትንና ፍርሀትን የሚያስጥለው።

5ኛ ቀን ጾምና ጸሎት

ክፉው ዲዮጥራጢስ
3ኛ ዮሐ 1: 9-10

ጌታ ቤተክርስቲያንን ስንዴውንም እንክርዳዱንም እንደ ያዘች እርሻ እንደ መሰላት ማቴ 13:24-30  የተለያዩ ዓይነት ባህሪይ ያላቸው ሰወች በውስጥዋ አሉ ። በተለይ ስጋዊ በመሆን ጠብን ፣ መለያየትን በቅዱሳን መካከል የሚፈጥሩ ሲሆኑ እንዲህ ዓይነቱ ባህሪይ የቤተክርስቲያንን የመንፈስ ህብረት የሚያጠፋ በመሆኑ እንዲህ ዓይነት ሰወችን ከማህበሩ በማግለል / ዲስፕሊን / መደረግ ወይም መቀጣት ያስፈልጋቸዋል ። በነዚህ ሰወች ፈጣንና በፍቅር የሆነ የማስተካከያ ካልተወሰደ ጠላት ያንን ህብረት ለማፍረስ ይጠቀምባቸዋል ። ያዕቆብ እንዲህ ዓይነቱን እንደ ክፉ ጥበብ የተመሰለ ባህሪይ ሲናገር " ነገር ግን መራራ ቅንዓትና አድመኛነት በልባችሁ ቢኖርባችሁ ፥ አትመኩ በእውነትም ላይ አትዋሹ ። ይህ ጥበብ ከላይ የሚወርድ አይደለም ፤ ነገር ግን የምድር ነው ፥ የሥጋም ነው፥ የአጋንንትም ነው ፤ ቅንዓትና አድመኛነት ባሉበት ስፍራ በዚያ ሁከትና ክፉ ስራ ሁሉ አሉና " ያዕ 3:14-16 ብሎአል ። ነገር ግን ከዚህ በተለየ ችግሩ የባህሪይ ሳይሆን የአስተምህሮ ከሆነና ያ ሰው የተለየ አስተምህሮ የያዘ እውነትን የሚቃወምና የሚያዛባ ከሆነ ግን ያለምንም ትዕግሥት ከማህበሩ መለየት እጅግ ተገቢ ይሆናል ። ይኸው ዮሐንስ " ማንም ወደ እናንተ ቢመጣ ይህንም ትምህርት ባያመጣ በቤታችሁ አትቀበሉት ሰላምም አትበሉት ፤ ሰላም የሚለው ሰው በክፉ ሥራው ይካፈላልና " 2ኛ ዮሐ 1:10,11 እንዳለ በዚህ አቅጣጫ ቸል ሊባል አይገባም ። ሐዋርያው ዮሐንስ በዚህ ክፍል ስለ ክፉው ዲዮጥራጢስ እንዲህ ይላል :-

1. ራሱን ዋና ማድረግ የሚወድ

  " ለቤተ ክርስቲያኒቱ ጽፌ ነበር ፤ ነገር ግን መሪ መሆን የሚወደው ዲዮጥራጢስ አይቀበለንም " 3ኛ ዮሐ 1:9

  ሃሰተኛና ክፉ ሰወች ሁልጊዜ ራሳቸውን ከማንም በላይ አተልቀው የሚመለከቱ ሲሆኑ ለእውነተኛ ሰወች ስፍራ የላቸውም ። የንጋት ኮከብ የተባለው ሉሲፈር ከሰማይ የተጣለው ራሱን ከፍ ከፍ በማድረጉ ነበር ። ይኸው ባህሪይ በዲያቢሎስ ልጆች ላይ ይታያል ። ዲዮጥራጢስ እንዲሁ እራሱን ዋና ለማድረግ የጌታን ሐዋርያትን እንኳ ሳይቀር አይቀበልም ። ከዚህ በተቃራኒ የሄደው ኢየሱስ ራሱን ዝቅ በማደረግ ከፍ የተደረገ መሆኑን እናያለን ። በእርሱ መንገድ የሚሄዱ ሁሉ ራሳቸውን ማሳየት ስለማይፈልጉ ሁልጊዜ ተጠቂዎች ናቸው ።

2. ወንድሞችን የሚገፋ

  " ስለዚህ እኔ ከመጣሁ እርሱ በክፉ ቃላት ስማችንን ለማጥፋት የሚያደርገውን ሁሉ ይፋ አወጣለሁ ፤ ይህም አልበቃ ብሎት ወንድሞችን አይቀበልም ... " 3ኛ ዮሐ 1:10

  አንድ የክፉዎች ብሂል እንዲህ ይላል "ጸሐይ እያለች ጨረቃ ስለማትደምቅ ጸሐይን ዘወር ማድረግ ጥበብ ነው" በዚህ ጊዜ መልካም መንፈስ ያላቸው ሰዎች ከመድረክ ይገፋሉ ። ስለ እደዚህ ዓይነት ሰዎች ይሁዳ ሲያስጠነቅቅ " ነገር ግን ወዳጆች ሆይ ፤ የጌታችን የኢየሱስ ክርስቶስ ሐዋርያት አስቀድመው የተናገሩትን አስታውሱ ።  እነርሱም ፣ “በመጨረሻው ዘመን ርኩስ ምኞታቸውን የሚከተሉ ዘባቾች ይመጣሉ” ብለዋችኋል ።  እነዚህ ሰዎች በመካከላችሁ መለያየትን የሚፈጥሩ ፣ በደመ ነፍስ የሚነዱ መንፈስ የሌላቸው ናቸው " ይሁዳ 1:17-19 እንዲህ ዓይነት ሰወች አንዱ መለያቸው የመልካም ሰዎችን ስም ማጉደፍና እውነተኛ የጌታ ባሪያዎችን መግፊት ነው ። እነዚህ ሰወች የክርስቶስ ህይወት ስለሌላቸው በፍቅር መመላለስ አይችሉም ። ዮሐንስ እንደዚህ ዓይነት ሰወችን " የማይወድ ግን እግዚአብሔርን አያውቅም ፤ እግዚአብሔር ፍቅር ነውና ... ማንም ፣ “እግዚአብሔርን እወደዋለሁ” እያለ ወንድሙን ቢጠላ ፣ እርሱ ሐሰተኛ ነው ፤ ያየውን ወንድሙን የማይወድ ያላየውን እግዚአብሔርን መውደድ አይችልምና " 1ኛ ዮሐ 4:8, 20

3. አድመኛ

  " ... ሊቀበሏቸው የሚፈልጉትን ይከለክላቸዋል ፤ ከቤተ ክርስቲያንም ያስወጣቸዋል " 3ኛ ዮሐ 1:10

  ጥቂት እርሾ ሊጡን ሁሉ ያቦካል እንደ ተባለ ክፉ ሰወች ሌሎች ፈለጋቸውን እንዲከተሉ ፣ በክፉ ስራቸው እንዲተባበሩአቸው ተጽዕኖ ያሳድራሉ ፣ አድመኞች ናቸው ። አስገራሚው ነገር እንደዚህ ዓይነት ሰዎች የሚገኙት በቤተክርስቲያን ውስጥ ፣ በቅዱሳን መካከል ነው ። 'አድመኝነት' አንዱ የሥጋ ስራ ሲሆን ገላ 5:20 የሃሰተኞች መገለጫ አንዱ ባህሪይ ነው ። እንደነዚ ዓይነት ሰወች ከራሳቸው ውጪ ሌላ አይታያቸውም ። ሁሉም እነሱን እንዲደግፍ ይህ ካልሆነ ከአጠገባቸው ያርቁታል ።



ምንጭ ወዊ ምንተስኖት

4ኛ ቀን ጾምና ጸሎት

ኑ በጋራ የእግዚአብሔርን ፊት እንፈልግ

3ኛ ቀን ጾምና ጸሎት