አስ-ሱንና

🏷️የዛዱል መዓድ ፈታዋ 🌾
فتاوى زاد المعاد
          ቁ/272

የዕለተ ረቡዕ 1/7/1446 ዓ.ሂ ትምህርት

🔊በኡስታዝ አሕመድ ሸይኽ ኣደም

  ዳውንሎድ ለማድረግ ይህን ይጫኑ

🔗https://rb.gy/hwu4b3

▪️1/ የሆነ ስራ ለመስራት ፈልጌ የአጎቴ ልጅ ብር ሊያበድረኝ ነበር የሚኖረው ሳውዝ አፍሪካ ነው እዛ የሚሰሩ ልጆች ሲጋራና ዊግ ይሸጣሉ አብዛሃኞቹ የአጎቴ ልጅ እነዚህን ይሸጣል አይሸጥም አላውቅም የሱን ብር ተቀብዬ መስራት እችላለው?

▪️ 2/ ከዚህ በፊት አከራይቼ ነበረ ተከራዮቹ የቤት ክራዩን ሳይከፍሉ ከጠፉ 3 አመት ይሆናቸዋልና የቤት ክራዩን ብር እነሱ ጥለውት ከሄዱት እቃ ሽጬ መውሰድ እችላለሁኝ?

▪️3/ እኔ ሰለምቴ ነኝ ቤተሰቦች ክርስቲያን ናቸው እህቴም ሰልማ ነበር ቤተሰብ ጋር በሄደችበት ክርስቲያን ልጅ አገባች እናት መልስ ልትጠራቸው ፈልጋ ብር አነሳት እናቴን በብር ባግዛት በሃራም መተባበር ይሆንብኛል?

▪️4/ እኔ ከባለቤቴ ጋር ተጣልቼ ከአሁን በኋላ ካንተ ጋር መኖር አልፈልግም ብዬ ማልኩኝ ከዛም በኋላ ሰዎች አስታረቁን አብረን መኖር ጀመርን ለማሃላው ምን ማድረግ አለብኝ?

▪️5/ ነሲሓ የሚያስፈልገው ጉዳይ ነው እርሶ ይህን ያክል እያስተማሩ በሴቶች ላይ በዚህ ልክ እየለፉ ጥሩ አኽላቅና ስነ–ምግባር  እንዲኖረን በአላህ ፍቃድ እየሰሩ ቢሆንም እኛ ሴቶች ግን በሰው ህይወት ገብተን የሚመለከተንንም የማይመለከተንንም እያወራን እንገኛለን። ስለ ሰው ባል፣ ሚስት፣ልጆች ባጠቃላይ ስለ፣ ብሔር ስለ ሀብት፣ ስለ ሸይኽ፣ ስለ ደርሳዎች የሚቀረን የለም። የቀራን እስከማንመስል ኢልም ላይ ያለን እስከ ማንመስል በጣም የሚያሳፍር ባህሪ ነው የምናንፀባረቀው ነሲሓ ያስፈልገናል ።

▪️6/ ወንድ የእጅ ጌጥ መልበስ ሀራም ነው?

▪️7/ እናቴ የማታ ደርሶችን ለመከታተል ለደህንነቴ ከመስጋት የተነሳ አትፈቅድም እና እሷን እሺ ብዬ ልታዘዝ ወይስ እንቢ ብዬ ወደ ደርስ ልሂድ?

▪️8/ አንድ ሰው ለሌላ ሰው ልደት እንኳን አደረሰህ ማለት እንዴት ይታያል? ከማለትም አልፎ ቀለል ያለ ስጦታ ሰጥቶ አላህ እድሜህን/ሽን ያርዝመው ማለትስ?

▪️9/ ለወገብ ህመም፣ ውፍረትን ለመቀነስ፣ ለግፊት፣ ለስኳር ፣ለኮልስትሮልእና ለብዙ አይነት በሽታዎች ለመቀነስ ዶክተሮች እስፖርት ያዛሉና ሙዚቃ ሳይኖር ለሴቶች በሴቶች አሰልጣኝ እስፖርት መስራት እንዴት ይታያል? 

▪️10/ ለመድረሳ ግንባታና ለመስጂድ ግንባታ እንዲሁም ለመድረሳ ወጪ የዘካን ገንዘብ መስጠት ይቻላል?

▪️11/ የቅርብ ቤተሰብ ችግርተኛ እያለ የዘካን ገንዘብ ለመድረሳ መስጠት እንዴት ይታያል ?

▪️12/ የዛሬ 3 አመት አካባቢ በህመም ምክኒያት የረመዷን መፆም አልቻልኩም ነበርና በስኣቱ ባለማወቅ ለሚስኪን አብልቼ ብቻ ትቼው ነበር ቀዷእ ማውጣት እንዳለብኝ ያወቅኩኝ አሁን ነው ግን አሁንም በጣም እያመመኝ ስለሆነ መፆም አልችልም ምን ማድረግ ነው ያለብኝ?

▪️13/ ከአባት ቀድማ የሞተች ሴት ልጅ ከአባቷ ንብረት ድርሻ/ውርስ አላት?

ከአባትዋ ቡሃላ የሞተችስ የምትወርስ ከሆነ ድርሻዋ ለልጆችዋ ይደርሳል?

ከደረሳቸውስ በህይወት ካሉ እህቶች እኩል ነው?

መንገደኛ (ሙሳፊር) የሆነ ሰው ኢማም ሆኖ ሲያሰግድ ባገሩ ነዋሪ የሆነ (ሙቂም) ሰው ከተከተለው ኢማሙ አሳጥሮ ቢሰግድ ተከታዩ ሞልቶ መስገድ አለበት። ይሄ የዑለማእ ወጥ ስምምነት (ኢጅማዕ) ያለበት ጉዳይ ነው ይላሉ ኢብኑ ቁዳማህ - ራሒመሁላህ። [አልሙግኒ፡ 2/64]

እናንተዬ… ይሄ ሰው ይህን ያክል ያስፈራል እንደ⁉️
================================
✍ እኔ ፖለቲካ አይመቸኝም። ከዲኔ አንፃር ጥቅሙ ካመዘነ ብቻ ሃሳቦች የማነሳባቸው አጋጣሚዎች ነበሩ፤ ይኖራሉም።

ዛሬ ስለ ፖለቲካ ላወራ ሳይሆን፤ በርካታ በሺዎች የሚቆጠር ነፍጥ ያነገበ ታጣቂ በተለያዩ የሃገሪቱ ክፍሎች ጫካ ገብቶ እየተዋጋ ባለባት ሃገር፤ አንድ ግለሰብ በፌስቡክ ገፁ በዚህ ደረጃ የአንድትን ሃገር ታላላቅ ሚዲያዎችና ታላላቅ ባለስልጣናት ከላይ እስከ ታች በዚህ ደረጃ ማስጨነቁ አግራሞትን አጭሮብኛል።

ምን አይነት ሰው ቢሆን ነው በዚህ ደረጃ የሆነ ነገር ባለ ቁጥር የሚያስጨንቃቸው?!

የሚገርመው ሌላ የሚተቹበት ቢያጡ፤ በአንድ ወቅት ስለ እስልምና የተናገራትን ነገር ዶክመንተሪ ላይ አቅርበዋታል። በነርሱ ቤት ሙስሊም ያልሆነው ሰው እንዲጠላው ለማድረግ ነው። ንግግሩ ያኔ የድምፃችን ይሰማ ጊዜ ይመስለኛል፤ እስልምና ሲነካ ኦሮሞም እንደተነካ ማሰብ አለበት የሚል ነገር ተናግሮ ነበር መሰል። በሜንጫ ያላትም ነገር ነበረች መሰል። ሁሉንም አቅርበውታል።

ኢሬቻ ላይ ወጥሮ የሚያከብር ሰው ባይሆን፤ በዲኑ የሌለ ጠንካራ፣ ከኢሬቻና መሰል በዓላት የራቀ፣ ጺሙን ያሳደገ፣ ሱሪውን ያሳጠረ… ሰው ቢሆንማ ፎቶውን ብቻ ደጋግመው ቀባብተው ዶክመንተሪውን ማድመቂያ ያደርጉት ነበር። በአጭሩ ሙስሊም ሆኖ ኢትዮጵያ ውስጥ ተፅዕኖ ፈጣሪ ፖለቲከኛና ዋና ቁልፍ መሪ መሆን ከባድ ይመስላል። ለማጠልሸት የሄዱበትን ርቀት ሳየው፤ ምን ያክል እንቅልፍ የሚነሳቸው ሰው መሆኑን ነው የተረዳሁት።

ለማንኛውም አላህ ሃገራችንን ሰላም ያድርግልን። እርሱንም በዲኑ የበለጠ ጠንካራና ጠቃሚ የበለጠ የሚፈራ ያድርገው።  ለካ ብዙዎቹ ከላይ እስከ ታች የሚጠሉት በዲኑ ነው። ስንትና ስንት ያሳለፈ ሰው ሌላ የሚያስተቸው ነገር አጥተው ነው ዘለው ከእምነቱ ጋር በተያያዘ ነገር የሚተቹት?


በነገራችን ላይ ተቃዋሚ መኖሩ መሪውን አካል ያነቃቃል፣ ለህዝብም ጥቅም ጥሩ ነው። ተቃዋሚ ከሌለ፤ መሪ ከርሱ ውጭ አማራጭ ያለ ስለማይመስለው ህዝብ ላይ ሊተኛ ይችላል፣ ሃገርም በሚፈለገው ደረጃ እድገቷ ላይፋጠን ይችላል። ተቃዋሚ የጎደሉ ነገሮችን ሲያነሳ፣ መሪ ከትችት ከመዳን እነዚያን ክፍተቶች ለመሙላት ወዶ ባይሆንም ተገዶ ይጥራል
©

ካለመማር የማይሻል መማርማ አለ
~
አዎ አለመማር ያሳፍራል፣ ያስቆጫል እንጂ አያኮራም። በተለይ በዚህ ዘመን ያለው አለመማር ቀደም ባለው ዘመን ከነበረው አለመማር የከፋ ጉዳት አለው። ቆም ብሎ ያስተዋለ ብዙ ሰበዞችን መምዘዝ ይችላል።
መማር የአስተሳሰብ አድማስን ያሰፋል። የማስተዋል አቅምን ያዳብራል። ሌላው ቀርቶ በሃገራችን ተጨባጭ የዲን ሰዎች እንኳ አካደሚ ትምህርት በመማራቸው ይህንን ካላገኙት የተሻለ ብስለትና አቀራረብ ሲንፀባረቅባቸው፣ ያልተማሩት ደግሞ በዚህ ረገድ የጎላ ክፍተት ሲታይባቸው ያጋጥማል። ሁሉን ማለቴ አይደለም።
ግን መማር ምንድነው? ካምፓስ ደርሶ መመለስ ነው መማር? ዲግሪ መቁጠር ነው መማር? እንግሊዝኛ መቀላቀል ነው መማር? መማር ምንድነው?
በርግጥ መማር ብዙ እርከን አለው። ቀለም መቅመስ፣ ክፍል መቁጠር፣ ዲግሪ መደርደር ብቻውን መማር አይደለም። መማር መልለወጥ ነው። መማር ለህይወት ዋጋ መስጠት ነው። መማር በህሊና መኖር ነው። መማር ለወጡበት ማህበረሰብ ቅን መሆን ነው። መማር ለራስ የማይወዱትን ነገር ሌሎች ላይ አለማድረስ ነው። ይሄ ደግሞ ጥልቅ ንባብ፣ ማሰላሰል፣ አእምሮን ማስፋት፣ የተማሩትን ሆኖ መገኘት ይጠይቃል። በሃገራችን ተጨባጭ አብዛኛው "ምሁር" በዚህ ረገድ ሲታይ ተምሯል ለማለት ይከብዳል።

የትምህርት ስርአታችን በራሱ በሳል ትውልድ የሚመረትበት ከመሆን ይልቅ ለሃገር ፀር፣ ለወገን ጠንቅ የሆኑ መርዛማ ትውልዶችን ወይም ሻል ካለ ካንገት በላይ ሳይሆን ካንገት በታች የሰፉ ሆድ አደር አድር ባይ የሃገር ሸክሞችን ነው እያመረተ ያለው። የትምህርት ስርአታችን አባት አጥቷል። የተቋቋመበትን አላማ ዘንግቷል። በርካሽ ጥቅማጥቅም ፍትህ እየሸጠ ያለው ዳኛ፣ ethicሱን የረገጠው ሃኪም፣ የህዝብ እንባ የማይገርመው civil servant፣ የሃገርን እድገት በራሱ የተንጣለለ ቪላ እና የተንደላቀቀ ህይወት የሚመዝን ሹመኛ፣ ጥላቻ እየቸርቸረ በህዝብ ስም የሚነግድ የደም ነጋዴ የሆነ ፖለቲከኛ፣ ሚዲያን ያክል ትልቅ የለውጥ መሳሪያ ይዞ ሳለ ድባቡን እንዳለ በክፋት፣ በአድር ባይነት፣ በአርቲቡርቲ የሞላው ጋዜጠኛ፣ ... የትምህርት ስርአታችን እንዲህ አይነት ጃርቶችን ነው ያፈራውና እያፈራ ያለው።

የማህበረሰብን ለዘመናት የዘለቀ በሰላም አብሮ የመኖር እሴት የሚንድ፣ ህዝብን ከህዝብ የሚያጋጭ፣ በህዝብ መሃል መርዝ የሚዘራ መርዝ ትውልድ ቢማርም አልተማረም። ይህ ለተማሪዎቹ ዘር እየመነዘረ ውጤት የሚሰጥ "ምሁር" ተምሯል ሊባል አይችልም። ይሄ ሃይማኖት እየለየ ታዳጊ ልጆችን ከትምህርት ገበታ እየገፋ ያለው ገ ልቱ ፍጡር ለስሙ ካምፓስ ተመላልሷል እንጂ አእምሮው የሸረሪት ድር ያደራበት ኦና ቤት ነው። አልተማረም። የገዛ ወገኑ በኑሮ ስንክሳር ጎብጦ፣ በመከራው ላይ መከራ፣ በችግሩ ላይ ችግር የሚደራርብ ህሊና ቢስ ፖለቲከኛ ከተማሩት የሚቆጠር አይደለም። ወጣቱ ወደ ተሳሳተ አቅጣጫ ሲሄድ እየተመለከተ እውነቱን የማይጋፈጥና መንጋ የሚፈራ አድር ባይ ምሁር ከመሀይም አይሻልም። ከወጣበት ማህበረሰብ ይልቅ ለአላፊ ስርአት ጥብቅና እየቆመ በወገኑ መከራ ላይ አይኑን ጨፍኖ ምናባዊ የተድላ ዓለም ያለን ያህል ሰርክ የሚደሰኩር "ሊቅ" ምኑን ተማረው?! ይሄ መደ ንቆር እንጂ መማር አይደለም።

እና ምን ለማለት ነው? ሰው በሃገራችን ተጨባጭ መማርን ቢወቅስ አትፍረዱበት ለማለት ነው። ሃሳቡ ልክ ባይሆንም ጤነኛ ምሳሌ ሳስቶበታል። ከተማሩት የሚያየው ግራ የሚያጋባ ነው። የመማር ትርጉሙ ምን እንደሆነ እንዲደበዝዝበት ተደርጓል። ተምሯል፣ ተመራምሯል፣ ለሃገር ለወገን ይጠቅማል ብሎ ተስፋ የጣለበት አካል ጭራሽ ተስፋውን የሚነጥቅ ሲሆንበት እንዴት ግራ አይጋባ?!
"እዩልኝ ስሙልኝ ሰው ይፈርዳል በኔ
በግንቦት አግብቻት ወለደች በሰኔ" አለ ግራ የገባው። ግራ የገባው ሰው ብዙ ይላል። እውነት ለመናገር የኢትዮጵያ ምሁር ነገር ላልተማረው ቀርቶ ህሊና ላለው ሁሉ ግራ የሚያጋባ ነው። እና ያልተማረው ምን ያድርግ? ባየው ፈረደ።
ቢሆንም! ቢሆንም! ቢሆንም አለመማር አያኮራም። አለመማር ይሻላል እያልክ በነውርህ እንዳትመፃደቅ። አለመማር ስንኩልነት እንጂ ጌጥ አይደለም።

#ሼር
#Share
IbnuMunewor

ዛሬ ጀርመን ውስጥ አንድ የሳዑዲ ዜጋ የነበረ ሰው ለገና ገበያ በተሰበሰቡ ሰዎች ላይ ሆነ ብሎ መኪና ነድቶባቸው ብዙዎችን ጎድቷል። ታዲያ የተለያዩ የዜና አውታሮች ሰውየው ሳዑዲያዊ መሆኑን ደመቅ አድርገው እየዘገቡ ነው። አላማቸው ቀድሞም በምእራቡ ሸው.ራራ ፕሮፖጋንዳ brainwashed የሆነው ህዝባቸው በቀላሉ ከኢስላም ጋር እንዲያገናኝ አመቻችተው ማጉረሳቸው ነው። ብዙ ሞ.ኞችም በቀደዱላቸው ተከትለው ፈሰዋል።

* በመጀመሪያ የድርጊቱ ፈፃሚ ሙስሊም አይደለም። ከኢስላም ከወጣ ዘመናት ተቆጥረዋል። እምነት የለሽ ነው። እንዲያውም ለኢስላም ጫፍ የደረሰ ጥላቻ ያረገዘ፣ ይህንንም ባደባባይ የሚተፋ ነው።
* ሰውየው ፅንፈኛ የኢስ -ራኤል ደጋፊ ነው። እስራ - ኤል ከናይል እስከ ኤፍራጠስ ወንዝ ያለውን በሃይል እንድትጠቀልል የሚቀሰቅስ ነው።
* ሰውየው ከሳዑዲ እና ከባህረ ሰላጤው ሃገራት ሴቶችን በማስኮብለል ላይ የተሰማራ ወን.በዴ ነው።

በዚህ እና ሌሎችም ወንጀሎች የሚፈለግ ቢሆንም የጀርመን መንግስት ለሳዑዲ አልሰጥም ብሎ ጥገኝነት ሰጥቶ ሲንከባከበው ከቆየ በኋላ አሁን አደጋ ሲያደርስ ጊዜ ሳዑዲያዊ ነው እያሉ ይዘግባሉ። የሚገርመው ደግሞ ከባለፈው አመት ጀምሮ አደጋ ሊያደርስ እንደሚችል በተደጋጋሚ ለጀርመን ፖሊስ መረጃ ደርሶት ችላ ብሎ ማሳለፉ ነው። ኢስላምን ሲሳደብ ዜግነት ሰጥተው ተንከባከቡት። ደፍጥጦ ሲፈጃቸው ጊዜ ሳዑዲያዊነቱን መዘገብ ላይ ተሰማሩ። ንፍ ق ናችሁ ያመጣባችሁ ጣጣ ነው። ዋጡት!

IbnuMunewor