የእመ ምዑዝ ፍቅርተ ክርስቶስ አንድነት ገዳም ጥሪ

በሰሜን ወሎ ዞን መቄት ወረዳ 021 ቀበሌ የምትገኘዉ የእመ ምዑዝ ቅድስት ኪዳነምሕረትና ፍቅርተ ክርስቶስ አንድነት ገዳም ጥሪ አቅርባለች።

ገዳሟ በአጼ ሱስኒዮስ ዘመነ መንግስት በኖረችው ሰማእቷ ቅድስት ፍቅርተ ክርስቶስ የተመሠረተች ሲሆን በሰሜን ወሎ ከሚገኙ 25 አንድነት ገዳማት መካከል አንዷ ነች።

እንደ ገዳሙ አበምኔት ንቡረ እድ መ/ር ቆሞስ አባ ወልደትንሳኤ ገብረሥላሴ ሞላ ገለጻ በአሁኑ ወቅት ገዳሟ ከፍተኛ አደጋ ከፊቷ ተጋርጧል።

በርካታ በጸሎት እና በቅድስና የጸኑ ባሕታዉያን አባቶች እንደዚሁም እናቶች የሚገኙባት ይህች ገዳም አሁን ላይ በጎርፍ አደጋ ምክንያት ከፍተኛ አደጋ ውስጥ ናት እናም ትብብራችሁን እንሻለን ሲሉ የገዳሙ አበምኔት ንቡረ እድ መ/ር ቆሞስ አባ ወልደትንሳኤ ገብረሥላሴ ሞላ ተናግረዋል።

አክለውም የገዳሟ ቤተመቅደስ የታነጸው በገደሉ አፋፍ ላይ እንደመሆኑ መጠን በጎርፍ አደጋ እና በመሬት ናዳ ምክንያት ለአደጋ በከፍተኛ ሁኔታ ተጋልጧል ብለዋል።

በገዳሟ አጽመ ቅድስት ፍቅርተ ክርስቶስ እና የሌሎች ቅዱሳት አጽም የሚገኝበት ታላቅ ቦታ መሆኑን ያስረዱት የገዳሟ አበምኔት
በአደጋው ምክንያት እነዚህን በረከቶቻችንን እንዳናጣ አስቸኳይ መፍትሄ መስጠት አስፈላጊ መሆኑን ብንረዳም ለእኛ ግን ከአቅማችን በላይ ስለሆነብን ለሕዝበ ክርስትያኑ ጥሪ ለማድረግ ተገደናል ብለዋል።

ስለሆነም በመላዉ ዓለም የምትኖሩ የመንፈስ ልጆቻችን በሙሉ የአቅማችሁን እንድትረዱንና አጽመ ቅድስት ፍቅርተ ክርስቶስ እና የሌሎች ቅዱሳት አጽም በጎርፍ ከመወሰድ እንድትታደጉልን ሲሉ ጥሪያቸውን አቅርበዋል፡፡

ለዚህም ኅዳር 29/ 2017ዓ.ም ከቀኑ 6፡00 ሰዓት ጀምሮ አዲስ አበባ ሜክሲኮ በማኅደረ ስብሐት ቅ/ልደታ ለማርያምና ደብረ መድኃኔዓለም ቤተክርስቲያን ስብከተ ወንጌል በሚያዘጋጀው ጉባዔና የገቢ ማሰባሰቢያ ላይ ተገኝተው የተቻላችሁን እንዲያደርጉና ገዳሟን ከመጥፋት አባቶች እና እናቶችንም ከጭንቀት ትታደጉ ዘንድ ተጋብዘዋል።

በዕለቱም ብጹአን ሊቃነ ጳጳሳትን ጨምሮ የገዳሙ አባቶች እና እናቶች እንዲሁም ታላላቅ መምህራን እና ጥሪ የተደረገላቸው እንግዶች ይገኛሉ።
በዚህ እለት ሑሉም ምዕመናኖች እንድትገኙ ገዳሟ ጥሪዋን አስተላልፋለችለገዳሟ እርዳታ ማድረግ ለሚፈልጉ በገዳሟ የተከፈቱ የባንክ የሂሳብ ቁጥሮች ገቢ ማድረግ ይቻላል።

የኢትዮጵያ ንግድ ባንክ
〽 1000076665285
አቢሲኒያ ባንክ
〽 8089205