ሙስሊም ያልሆነ ወጣት አንድ ሸይኽ ጋር ይመጣና
•••••••••••••••••••••••••••••••••••••••••••••••••••
"እናንተ ሙስሊሞች ሴቶቻችሁን ለምንድን ነው ሒጃብና ኒቃብ የምታስለብሷቸው ? ፣ ለምንድነው ነፃ እንዳይሆኑ እየሸፋፈናችሁ የምትጨቁኗቸው?"
ብሎ ይጠይቃል።
ሸይኹም የዋዛ አልነበሩምና "ጥያቄህን ከመመለሴ በፊት ሁለት ከረሜላ ገዝተህ ይዘህልኝ ና!" ብለው ከኪሳቸው አንድ ብር አውጥተው ይሰጡታል።
ልጁም በፍጥነት ሁለት በላስቲክ የታሸጉ ጣፋጭ ከረሜላዎችን ይዞ ይመጣል።
ሸይኹ ከረሜላውን ተቀብለው አንዱን ሽፋኑን አንስተው ፣ ሌላኛውን ደግሞ ከነሽፋኑ አቧራ ላይ ጣሉት።
ወደ ልጁም ዘወር አሉና ከሁለቱ መርጠህ ውሰድ ብትባል የትኛውን ትወስድ ነበር?" ሲሉ ይጠይቁታል።
ልጁም "ይህማ ምን ጥርጥር አለው፣ ሽፋን ያለውን ነዋ የምመርጠው " ሲል ቆፍጠን ብሎ ይመልስላቸዋል።
ሸይኹም ፈገግ ብለው:- " አየህ የኛም ሴቶች እንደ ታሸገው ከረሜላ ናቸው። ራሳቸውን ስለሚጠብቁ ንፁህና ተፈላጊም ናቸው። " ሲሉ በጥበብ የተሞላ መልስ ሰጥተው አሰናበቱት።
*
ብዙ ሰዎች የሒጃብን ጥቅም ስለማይገነዘቡ መጨቆን ይመስላቸዋል። እውነታው ግን ውድ ነገር ተሸፍኖ መገኘቱ ነው፣ መአድን በቀላሉ እንደማይገኘው ሁሉ የኛም ሴቶች በጣም ውድ ዋጋ ነው ያላቸው!
አንዳንድ የሙስሊም ጠላቶች ሒጃባችን ላይ ዘመቻ ከፍተውብናል። እኛም የሂጃብነ ክብር ማሳየትና ማስተማር አለብን እርሶም ሼር በማድረግ የበኩሎን ሃላፊነት ይወጡ!