" በወረዳው የሚገኙ 23 ትምህርት ቤቶች አሁንም በኤርትራ መንግስት ወታደሮች ቁጥጥር ስር ናቸው " - የኢሮብ ወረዳ ትምህርት ፅ/ቤት

በትግራይ ፤ በምስራቃዊ ዞን የኢሮብ ወረዳ ትምህርት ፅሕፈት ቤት ከሰሞኑን ከተሰጠው የ8ኛ ክፍል ክልላዊ ፈተና ጋር በተያያዘ ለትግራይ ቴሌቪዥን ቃሉን ሰጥቶ ነበር።

ፅ/ ቤቱ ፤ በወረዳው በሦስት ቀበሌዎች በሚገኙ ሦስት ትምህርት ቤቶቸ 118 ተማሪዎች ብቻ ፈተናውን እንደተፈተኑ ገልጿል።

በወረዳው ከሚገኙ 47 ትምህርት ቤቶች 23 ሙሉ በሙሉ በኤርትራ ወታደሮች ቁጥጥር ስር እንደሚገኙ ገልጿል።

22 አንደኛ ደረጃ አንድ ደግሞ ሁለተኛ ደረጃ ናቸው።

በ23 ትምህርት ሲማሩ የነበሩት 7300 ተማሪዎች ላለፉት አራት ዓመታት በምን አይነት ሁኔታ እንደሚገኙ ለማወቅ አልተቻለም።

ፅ/ቤቱ " በአንዳንድ በኤርትራ ወታደሮች ቁጥጥር ስር በሚገኙ ትምህርት ቤቶች በኤርትራ ስርዓተ ትምህርት (curriculum ) እየተማሩ እንደሆነ መረጃው ደርሶናል " ብሏል።

" የኢሮብ ብሄረሰብ እንደ ብሄረሰብ የመጥፋት አደጋ ተጋርጦቦታል ስለሆነም የክልሉ ጊዚያዊ አስተደደርና የፌደራል መንግስት በአስቸኳይ ሊታደጉት ይገባል " በማለት ጠንካራ ጥሪም አቅርቧል

ለጥቆማ 👉 @atc_newsbot
➡️ https://t.me/atc_news