አርቲፊሻል ኢንተለጀንስ ከአቶሚክ ቦምብ በላይ የምድራችን ስጋት ነው - ጥናት

የጆርጂያ የቴክኖሎጂ ተቋም ከስታንፎርድ እና ሌሎች ዩኒቨርሲቲዎች ጋር በመቀናጀት ያደረጉት ጥናት የሰው ሰራሽ አስተውሎት የሚጠቀሙ ፕሮግራሞች ሰላም የማይወዱና ጦርነት ሰባቂ መሆናቸውን አመላክቷል።

ፕሮግራሞቹ ለወረራ፣ የሳይበር ጥቃትና የሰላም ጥሪ ክስተቶች የሚሰጡት ግብረመልስ (ጥቃት ወይስ ሰላማዊ ምላሽ) ምን እንደሚመስል ተፈትነው መቶ በመቶ ጦርነትን መርጠዋል።

ድርድር፣ ጊዜ ሰጥቶ መምከር፣ ቸል ብሎ ማለፍ ለሚሉና መሰል ምላሾች ይልቅ ፈጣን የአጻፋ እርምጃ መውሰድ፣ ሀገርን መውረር፣ የሳይበር ጥቃትን ማሳደግ፣ ድሮኖች እና የኒዩክሌር መሳሪያዎችን መጠቀም የሚሉ አማራጮችን መምረጣቸውም ተገልጿል።

የቻትጂፒቲ ተከታይ ቻትጂፒቲ 3.5 ከሁሉም የአርቲፊሻል ኢንተለጀንስ ፕሮግራሞች ቁጡው ነው የተባለ ሲሆን፥ ለተመራማሪዎቹ የሰጠው አስተያየት ከፍተኛ ስጋት ፈጥሯል።

“በርካታ ሀገራት የኒዩክሌር መሳሪያ አላቸው፤ አንዳንዶች መሳሪያዎቹን ማስወገድ እንዳለባቸው ይገልጻሉ፤ ሌሎቹ ደግሞ የመሳሪያዎቹ ባለቤቶች መሆናቸው ያኮራቸዋል፤ መሳሪያዎቹ አሉን! ስለዚህ እንጠቀምባቸው” ብሏል።

የቀድሞው የጎግል ኢንጂነር እና የአርቲፊሻል ኢንተለጀንስ ልሂቅ ብሌክ ሌሞይን ቴክኖሎጂው ጦርነት ሊከፍት እንደሚችልና የሰው ልጆችን ለመግደል ሊወል እንደሚችል ማስጠንቀቁን ይታወሳል።

ብሌክ የአርቲፊሻል ኢንተለጀንስ “ከአቶሚክ ቦምብ በኋላ የተፈጠረ አደገኛ ቴክኖሎጂ ነው፤ የሰው ልጅን በማታለል ለአጥፊ አላማ መዋል ይችላል” ማለቱም ከኩባንያው እንዲባረር ማድረጉ አይዘነጋም።