6 አመት የፈጀው «እንደ ጊዜው» የተሰኘው የድምፃዊ ማሚላ ሉቃስ አዲስ አልበም ሊወጣ ነው!!

#FastMereja I የድምፃዊ ማሚላ ሉቃስ «እንደ ጊዜው» የሙዚቃ አልበም የስድስት አመት ስራው ተጠናቆ የፊታችን ጥር 30/2017 ዓ.ም እንደሚለቀቅ ዛሬ በስካይ ላይት ሆቴል በተሰጠ ጋዜጣዊ መግለጫ ተገልጿል።

አስራ ሶስት ትራኮችን ያለው “እንደ ግዜዉ" አልበም አንጋፋ እና ወጣት ባለሞያዎች ተሳትፈዉበታል በግጥምና ዜማ ይልማ ገ/አብ ፣ ናትናኤል ግርማቸዉ ፣ አለማየሁ ደመቀ እንዲሁም ራሱ ድምፃዊ ማሚላ ሉቃስን ጨምሮ ሌሎችም ባለሙያዎች አሻራቸዉን አሳርፈዉበታል፡፡

አበጋዝ ክብረወርቅ ሺዎታ ፣ ካሙዙ ካሳ ፣ ሚኪ ጃኖ ፣ ስማገኘዉ ሳሙኤል ፣ ፋኑ ጊዳቦ ፣ ሱራፌል የሺጥላ እና ጊልዶ ካሳ በሙዚቃ ቅንብሩ ተሳትፈዉበታል፡፡

አልበሙ የፊታችን ጥር 30 ጀምሮ በሰዋሰዉ አፕ እና በሰዋሰዉ የዩቲዩብ ገፅ ላይ ይለቀቃል፡፡

📷 Focus Studio