Cuuciin Joobiraa nyaanni maatii isaanitiin adamsamee qophaayee waan isaaniif dhufuuf, yeroo baayyee dafanii balali'uuf yaalii hin taasisan.
Suuta suuta garuu maatiin isaanii nyaata ijoolllee isaanitiif fidan kana akka tanaan duraa osoo hin taane, ol fageessuun qilleensarratti rarraasuun ijoolleen isaanii utaaluun nyaata isaanii kana akka nyaatan godhu. Itti fuffuunis balali'uu akka danda'an godhu.
Ammas balali'uuf yaalii hin taasisan yoo ta'e, afaa tanaan dura mana isaanii keessa afan gogaa, baala fi marga afamee jiru jalaa kaasu. Kanaanis qoreen isaan waan waraantuf osoo hin jaalatin goojjoo sana keessaa bahuuf yaalii godhu, sana booda Joobirri baachuun gara oliitti qabee bararaan achiis akka itti balali'an shaakalchiisa. Tariitii humni isaan hanqatee kufuuf gaafa jedhan Joobirri jala seenuun utubaa, gargaaraa suuta suuta balali'uu isaan barsiisa.
Nama hin raajuu hojiin uumaa keenyaa! Obboleessa koo.... obboleettii koo.... tarii hojjechuuf humnaaf gahumsa, dandeettii osoo qabduu maatii keetiin ykn warra si guddisanin kunuunsa argachuun ykn immoo hojiin qacaramtee namarrattis hirkataa taatee argamta ta'a. Haalonnis siif mijatanii jireenya kee karaa hundumaan sirreeffattee jiraachaa jirta ta'a.
Tarii har'a akka cuucii Joobiraa baallii fi margi sitti tolee galiin kees soorata kee guyyaa guyyaaf siif gaheera ta'a. Haa ta'uutii garuu jireenyi kanarras kan darbeedha. Jireenyi kanaan qofa daangeffame miti. Akka Joobiraatti adamsitee nyaachuu dandeessatii ka'i. Isa fuula dura kee jiru qabuuf harka kee diriirsi.
Waan yeroof sitti toleen of dagattee hin taa'in. Galatoomaa!
Waaqayyo hunduma keessan haa eebbisuu eebbifamaa!
maxxansaa kanan dura kessattii waa'ee jobira wanan maxxansee nati fakkata garu waan nama barsisuu hedduu waan qabu fi