ድሬ ፎረም ከፍተኛ ደረጃ የወጣቶች ንቅናቄ "ለዘላቂ ሰላም ግንባታ እና ለአየር ንብረት እመርታ የወጣቶች ተሳትፎን ማሳደግ" በሚል መሪ ቃል በድሬዳዋ ተካሂዷል።

የድሬዳዋ ከፍታ የወጣቶች ጥምረት ከድሬዳዋ ወጣቶች ምክር ቤት ፣ ከስካውት ካውንስል እና ጋር በመተባበር ያዘጋጀው ይህ መድረክ ወጣቶች ዓለም አቀፍ እሳቤ እንዲኖራቸው ከማስቻል ባለፈ የመፍትሄ አካል በመሆን ተሳትፏቸውን ለማሳደግ እና ተጠቃሚነታቸውን ለመፍጠር የሚያስችል ነው።
ከታህሳስ 25-26/2017 ዓ/ም በድሬዳዋ ቢ ካቲታል ሆቴል በተካሔደው የወጣቶች የሰላም ፎረም የድሬዳዋ ከተማ ከፍተኛ አመራሮች፣ ከ150 በላይ የከተማዋ እንዲሁም ለሐረር ከተማ፣ ከምስራቅ ሐረርጌ እና ከጅግጅዳ ከተማ የተወጣጡ ወጣቶች ተሳታፊ ሆነዋል፡፡ በተያያዘም ድሬ ፎረምን ላዘጋጁ እና ተባባሪ ለነበሩ አካላት (የከፍታ ፕሮጀክትን ጨምሮ) በክቡር ከንቲባ ከድር ጁሃር የእውቅና ሰርተፍኬት ተበርክቷል፡፡