ሰው
መጣ
ሰው
መጣች
ሁሉ ሞላ
ፍቅር ጎላ
ሰው
መጣ

እንዲያድግም ሆነ
ህይወት ወ ቅዠቱን
ተማረ
መረመረ
በእውቀት መነነ
ከሱ ላላወቀው መከታ እንዲሆን
አደራ ተሰጠው ወሰደ ስያሜን
ሰው

በጠባዩ ተራቆ
በእውቀቱ ልቆ
ካለማወቅ ተላቆ
ከአዕምሮ ፅልመት ተሸሽጎ ርቆ
መንደሩን ባኮራ በአንድ ብላቴና
ሰው ዘር ተማመነ ተመካ በጠና
ህዝብ
እምነቱን ሰጠ
ለውጥ አለመ ቋመጠ
ጉጉቱም ፈጠጠ

የመንደር ልጅ የቤት ኩራት
ተሰናድቶ ሊሆን መብራት
ሊቅለጠለጥ ታጥቆ ሰርቶ
ሊያተረፈርፍ ትጋት ሞልቶ
ያሸለበም እንዲያነቃ
የፈዘዘም እንዲያበቃ
ሰነፍ ሊሆን እንደ ብርቱ
ተስፋ ሆኖ መድሀኒቱ
እንዲጠግን እንዲሰራ
እንዲያኮራን እንድንኮራ
ተቀባ የተማረ
ተሰየመ ላቅ ተብሎ ተመከረ
ሁሉም ከሚያውቀው ጫፍ
ከበስትያ በኩል ቀጭን መስመር ሰራ
በመስመሩም እጅግ ኮራ

እናም አለ
ስያሜ እና ሙገሳቹ
ቀለም እና ቅባታቹ
መከታና መሸሻቹ
እውቀት እና መላቃቹ
ሁሉን
ስጡኝ
አደራም
ይሁነኝ

ያስቸገረ ያደከመ ውስብስብ ስጋታቹ
በእኔ እውቀት በእናንተ ክንድ
ተመልሶ እንዳይመጣ
ጉድጓድ ምሰን እንቀብራለን
እንደንቃለን ላንደነቅ
እንልቃለን ላንሳቀቅ
እንቆማለን ፍፁም ላንወድቅ

ደግሞሞ እንዲህ አለ
እንደክር ህዋስ ነን
ማንም አይሰነጥቅ አይነጣጥለነ
ፍቅርችን ቋሚ ነው ጊዜ አይለውጠነ
ብሎ እንዳበቃ
ህልም ውጥኑን አሳካ
ስኬቱንም ትውልድ ለካ
ሞላ
በስራውም እጅግ ረካ

እናም
ዛሬ
ሰው
ደከመ
ጉብዝናውም
ጠየመ
አበቃ አረፈ
ዛሬን ወ ነገን አስተቃቅፎ አለፈ
እሱ ሄደ
ነጎደ
ሳራው ቆመ ተሰለፈ
ተስፋ ሞላ ተረፈ

የመንደር ልጅ የቤት ኩራት
አጠናቁአል ሆኖ መብራት
ሰው
አረፈ
አለፈ

@Ribka Sisay
March 30,2009
12:30am