✞እኔ ግን በምህረትህ ብዛት✞

እኔ ግን በምሕረትህ ብዛት
እኔ ግን በይቅርታህ ብዛት
ወደ ቤትህ እገባለሁ
አመልክሃለው እዘምርልሃለሁ

በሕይወቴ ዘመን አንዲት ነገር ሻትኩኝ
በቤትህ ተጥዬ መኖሬን መረጥኩኝ
ከኃጢአት ድንኳን የአንተን ደጅ ይሻላል
እረፍቴ ጌታዬ እቅፍህ ይሞቃል(፪)
አዝ= = = = =
የክብርህን ሥፍራ ማደርያ ወደድኩት
መቅደስህ ቀደሰኝ ዙፋኔን ጠላሁት
ከዚህች ለምለም ስፍራ ወዴት እወጣለሁ
የተሰበረ ልብ ይዤልህ እመጣለሁ
አዝ= = = = =
በመከራዬ ቀን የተናገርኩትን
ከደጅህ መጥቼ ከንፈሮቼ ያሉትን
ስዕለቴን ልፈፅም ማልጄ እነሣለሁ
የአምልኮ መስዋዕቴን እሰዋልሃለው(፪)
አዝ= = = = =
እንደ ሰብአ ሰገል ይዤ ወርቅ ዕጣኔን
አምሃ አኮቴት መባዬን ከርቤዬን
ልቤን አየሰዋሁ እሰግድልሃለው
ኦሜጋ አልፋ ነህ እቀኝልሀለው

        መዝሙር
  ቀሲስ ምንዳዬ ብርሃኑ

"እኔ ግን በምሕረትህ ብዛት ወደ ቤትህ እገባለሁ፤ አንተን በመፍራት ወደ ቅድስናህ መቅደስ እሰግዳለሁ።"
መዝ፭፥፯
╭══•|❀:✧๑♡๑✧❀|: ══╮
   @yamazemur_getemoche
╰══•ೋ•✧๑♡๑✧•  ══╯